Kajgana
Столе Димитриевски го продолжи договорот со Валенсија Филип Здравески 04.06.2026 / 14:47 Фудбал Валенсија ја искористи опцијата за продолжување на договорот на Столе Димитриевски за уште две сезони, што значи дека македонскот репрезентативец ќе остане во клубот до јуни 2028 година. „Откако се приклучи во 2024 година, Димитриевски одигра вкупно 33 официјални натпревари носејќи го дресот на Валенсија во Ла Лига и Копа дел Реј. Неговото искуство и цврстина меѓу стативите придонесоа за конкурентскиот раст на тимот и подобрените резултати во втората половина од минатата сезона, бележејќи 5 натпревари без примен гол, што резултираше со 5 победи (Хетафе, Леванте, Осасуна, Севиља и Атлетик). Со ова продолжување на договорот, Валенсија го обезбедува континуитетот на 32-годишниот голман, кој, по завршувањето на Ла Лига, одигра два пријателски натпревари против Босна и Херцеговина и Турција со својата репрезентација и ќе се врати на тренинзите со своите соиграчи по одморите“, соопшти клубот од „Местаља“. COMUNICADO OFICIAL | @Dimitrievski1 #Dimitrievski2028 #ADNVCF — Valencia CF (@valenciacf) June 4, 2026 Шпанските медиуми тврдат дека продолжувањето на соработката на Димитриевски ќе му донесе 500 илјади евра. „Знам што претставува Валенсија, ја знам големината на овој клуб, на неговите навивачи и сѐ што го опкружува. Откако дојдов во Шпанија секогаш велев дека сакам да сум дел од голем клуб. За мене Валенсија е меѓу најголемите шпански клубови, среќен сум штом можам да играм тука и да уживам меѓу луѓето и сѐ она што го нуди клубот“, рече Димитриевски по продолжувањето на договорот. A partir de las 13:00 horas en 'L'informatiu de VCF MEDIA Radio' podrás escuchar las primeras declaraciones de @Dimitrievski1 tras ampliar su contrato ? Síguelo en: https://t.co/dY0vHCVAEZ https://t.co/YR8PIUdeYB 92.6 FM (València) #Dimitrievski2028 #ADNVCF pic.twitter.com/pi4ljK6WIY — Valencia CF (@valenciacf) June 4, 2026 Столе Димитриевски Валенсија Автор/Извор Макфакс/Кајгана Прикажи во метро Off
Go to News Site