چینی صدر سات سال بعد شمالی کوریا جائیں گے

چین کے صدر شی جن پنگ اگلے ہفتے شمالی کوریا جائیں گے۔ دونوں ملکوں نے جمعے کو اعلان کیا ہے کہ یہ تقریباً سات سال میں ان کا پہلا دورہ ہو گا۔ چینی صدر کا یہ دورہ چین کی جانب سے اپنے جوہری ہتھیار رکھنے والے پڑوسی ملک کے ساتھ قریبی تعلقات مضبوط کرنے کے سلسلے کی تازہ ترین کڑی ہو گا۔ شمالی کوریا کے رہنما کِم جونگ اُن نے حالیہ برسوں میں روس سے روابط بڑھائے ہیں، خاص طور پر یوکرین کے خلاف جنگ میں مدد کے لیے فوجی اور روایتی ہتھیار بھیج کر۔ کم جونگ اُن بھی گذشتہ ایک سال سے چین کے ساتھ دوبارہ قربت بڑھا رہے ہیں، جو شمالی کوریا کا سب سے بڑا تجارتی شراکت دار اور امداد دینے والا ملک ہے۔ انٹرنیشنل کرائسس گروپ کے تجزیہ کار ولیم یانگ کا کہنا ہے کہ ’جب شمالی کوریا روس کے ساتھ قریبی تعلقات بنا رہا ہے تو چین، شی کے دورے کو پیانگ یانگ پر اپنا اثر و رسوخ دوبارہ مضبوط کرنے اور شمال مشرقی ایشیا میں اپنے سٹریٹیجک مفادات کے تحفظ کے لیے استعمال کرنا چاہتا ہے۔‘ دونوں ملکوں کے سرکاری میڈیا نے مختصر خبروں میں بتایا کہ صدر شی پیر سے منگل تک سرکاری دورہ کریں گے۔ انہوں کا آخری دورہ جون 2019 میں کیا تھا۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) یہ دورہ اس کے چند ہی ہفتوں بعد ہو گا جب شی نے بیجنگ میں امریکی صدر ڈونلڈ ٹرمپ اور روسی صدر ولادیمیر پوتن کی ایک کے بعد ایک میزبانی کی تھی۔ شمالی کوریا کا جوہری ہتھیاروں کا پروگرام طویل عرصے سے امریکا کے لیے بڑی تشویش کا باعث رہا ہے، جو اس کی مخالفت کرتا ہے۔ اقوام متحدہ نے شمالی کوریا کے جوہری اور میزائل پروگرام کی وجہ سے اس پر اقتصادی پابندیاں عائد کر رکھی ہیں۔ اس دورے کا اعلان اس کے ایک دن بعد سامنے آیا جب شمالی کوریا نے جوہری بموں کے اجزا تیار کرنے کی ایک نئی تنصیب دکھائی۔ جنوبی کوریا کی فوج نے اندازہ لگایا ہے کہ یہ نئی جوہری تنصیب یورینیم افزودہ کرنے کا پلانٹ ہے۔ پلانٹ کے دورے کے دوران کم نے ملک کی جوہری قوتوں کو ’غیر معمولی تیزی‘ سے مضبوط کرنے کے منصوبوں کا اعلان کیا۔ ماہرین کا کہنا ہے کہ اس پلانٹ کو ظاہر کرنے کا مطلب یہ ہے کہ کم، شی کے دورے سے پہلے اپنے ملک کی حیثیت ایک جوہری ہتھیار رکھنے والی ریاست کے طور پر مضبوط کرنا چاہتے ہیں۔ شی جن پنگ کم جونگ ان بیجنگ شمالی کوریا انٹرنیشنل کرائسس گروپ کے تجزیہ کار ولیم یانگ کے مطابق  چین صدر شی جن پنگ کے دورے کو شمال مشرقی ایشیا میں اپنے سٹریٹیجک مفادات کے تحفظ کے لیے استعمال کرنا چاہتا ہے۔ انڈپینڈنٹ اردو جمعہ, جون 5, 2026 - 08:30 Main image: شمالی کوریا کی نیوز ایجنسی کی جاری کردہ تصویر میں چین کے صدر شی جن پنگ اور شمالی کوریا کے رہنما کِم جون اُن 21 جون 2019 میں پیانگ یانگ میں چہل قدمی کرتے دیکھا جا سکتا ہے (روئٹرز) type: news related nodes: شی جن پنگ اور جنوبی کورین صدر کے فونز میں ’بیک ڈور‘ پر قہقہے جانشینی؟ کم جونگ ان، بیٹی کی میچنگ جیکٹس قیاس آرائیوں کا سبب چین سمیت کوئی ملک بالادستی مسلط نہیں کر سکتا: امریکی وزیر دفاع شمالی کوریا نے 10 سے زیادہ میزائل داغ دیے: جنوبی کوریا SEO Title: چینی صدر سات سال بعد اگلے ہفتے شمالی کوریا جائیں گے copyright: show related homepage: Hide from Homepage

Go to News Site