سرینا ولیمز کی چار سال غیرحاضری کے بعد برلن میں واپسی کی تیاری

منتظمین نے جمعہ کو اعلان کیا کہ سرینا ولیمز جون میں ہونے والے برلن کے ڈبلیو ٹی اے ایونٹ میں خواتین کے ڈبلز مقابلوں میں حصہ لیں گی، جو تقریباً چار سال کی طویل غیرحاضری کے بعد ان کی واپسی کے سفر کا ایک اہم مرحلہ ہوگا۔ چوالیس سالہ سرینا ولیمز نے ایک بیان میں کہا: ’اس وقت میں اپنے شیڈول میں جس بھی ٹورنامنٹ کا اضافہ کر رہی ہوں، وہ میرے لیے خاص ہے، اور برلن بھی اس سے الگ نہیں۔‘ انہوں نے مزید کہا: ’میں جرمن شائقین کے سامنے کھیلنے اور گھاس کورٹ کے سیزن کے لیے اپنی رفتار اور تیاری کو مزید بہتر بنانے کی منتظر ہوں۔‘ ان کی ڈبلز ساتھی کھلاڑی کا اعلان بعد میں کیا جائے گا۔ پیر کو 23 گرینڈ سلم سنگلز ٹائٹلز جیتنے والی سرینا ولیمز نے تصدیق کی تھی کہ وہ 8 جون سے شروع ہونے والے لندن کے کوئنز کلب ٹورنامنٹ میں شرکت کے ذریعے ٹینس میں واپسی کر رہی ہیں۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) برلن ٹینس اوپن 15 جون کو جرمنی کے دارالحکومت برلن میں شروع ہوگا اور یہ روایتی طور پر ومبلڈن سے قبل تیاری کے اہم ٹورنامنٹس میں شمار ہوتا ہے۔ ومبلڈن کا آغاز 29 جون کو ہوگا۔ ڈبلیو ٹی اے کی عالمی درجہ بندی میں شامل سرفہرست 10 کھلاڑیوں میں سے 9 اس ٹورنامنٹ میں شرکت کریں گی، جو برلن کے مغربی حصے میں منعقد ہوگا۔ ستمبر 2022 میں یو ایس اوپن کے تیسرے راؤنڈ میں شکست سرینا ولیمز کا ڈبلیو ٹی اے ٹور پر آخری میچ تھا۔ ومبلڈن کے آغاز سے قبل اپنی واپسی کو مزید نکھارنے کے لیے سرینا جرمنی کے شہر باد ہومبرگ اور انگلینڈ کے شہر ایسٹبورن میں ہونے والے ٹورنامنٹس میں بھی شرکت کریں گی۔ سرینا ولیمز سنگلز میں سات مرتبہ اور ڈبلز میں چھ مرتبہ ومبلڈن کا ٹائٹل جیت چکی ہیں۔ سرینا ولیمز جرمنی ومبلڈن چوالیس سالہ سرینا ولیمز نے ایک بیان میں کہا: ’اس وقت میں اپنے شیڈول میں جس بھی ٹورنامنٹ کا اضافہ کر رہی ہوں، وہ میرے لیے خاص ہے، اور برلن بھی اس سے الگ نہیں۔‘ اے ایف پی جمعہ, جون 5, 2026 - 15:45 Main image: سرینا ولیمز 28 جون 2022 کو لندن میں ومبلڈن کے دوران ایک میچ میں (اے ایف پی) ٹینس type: news related nodes: سرینا ولیمز: گینگز کے محلے سے ٹینس کی سب سے بڑی کھلاڑی تک سرینا ولیمز کا ومبلڈن میں جیتنا ’انتہائی مشکل‘ ہوگا ومبلڈن کی شکست کے باوجود سرینا ریٹائرمنٹ کو تیار نہیں ’سنکاراز‘ 2026 میں ٹینس پر غلبے کے لیے تیار SEO Title: سرینا ولیمز کی چار سال غیرحاضری کے بعد برلن میں واپسی کی تیاری copyright: show related homepage: Hide from Homepage

Go to News Site