Independent Urdu

سیزفائر کے باوجود بیروت کے جنوبی مضافات پر اسرائیلی بمباری

اسرائیل نے اتوار کو بیروت کے جنوبی مضافات میں بغیر پیشگی اطلاع کے حملہ کیا ہے، یہ کارروائی واشنگٹن کی حمایت سے ہونے والے جنگ بندی معاہدے کے چند دن بعد کی گئی ہے۔ خبر رساں ادارے اے پی کے مطابق یہ حملہ امریکی درخواست کے باوجود کیا گیا، جس میں لبنان کے دارالحکومت کو نشانہ نہ بنانے کی بات کی گئی تھی۔ لبنان کی وزارتِ صحت نے بتایا ہے کہ اس حملے میں دو افراد جان سے گئے اور 20 زخمی ہوئے ہیں۔ یہ حملہ ایک رہائشی عمارت پر کیا گیا۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) ادھر ایران نے خبردار کیا ہے کہ بیروت پر حملہ مشرقِ وسطیٰ میں مکمل جنگ کو دوبارہ بھڑکا سکتا ہے، جبکہ پاکستان امریکہ اور ایران کے درمیان مذاکرات دوبارہ شروع کرانے کی کوشش کر رہا ہے۔ ایران کا مؤقف ہے کہ کسی بھی معاہدے میں لبنان میں جنگ کا خاتمہ بھی شامل ہونا چاہیے۔ ایران کی پارلیمنٹ کے اسپیکر محمد باقر قالیباف نے سخت ردعمل دیتے ہوئے کہا کہ امریکہ کی جانب سے ایران پر بحری ناکہ بندی اور اسرائیل کو مبینہ گرین سگنل دینا خطے میں امریکی اور اسرائیلی اڈوں کو جائز اہداف بنا دیتا ہے۔ وائٹ ہاؤس کی جانب سے فوری طور پر کوئی تبصرہ سامنے نہیں آیا، تاہم ایک امریکی اہلکار نے نام ظاہر نہ کرنے کی شرط پر کہا کہ بیروت پر حملہ غیر متوقع نہیں تھا، البتہ امریکہ کو اس سے پہلے آگاہ کیا گیا تھا یا نہیں، اس پر وہ بات نہیں کر سکتے۔ بیروت اسرائیل ایران امریکہ لبنان کی وزارتِ صحت نے بتایا ہے کہ اس حملے میں دو افراد جان سے گئے اور 20 زخمی ہوئے ہیں۔ یہ حملہ ایک رہائشی عمارت پر کیا گیا۔ اے پی سوموار, جون 8, 2026 - 00:00 Main image: بیروت کے جنوبی مضافات میں اسرائیلی فضائی حملے کے بعد ریسکیو اہلکار ایک رہائشی عمارت میں اپارٹمنٹس کو پہنچنے والے نقصان کا جائزہ لے رہے ہیں۔ یہ حملہ سات جون 2026 کو کیا گیا (فادل ایتانی / اے ایف پی) ایشیا type: news related nodes: اسرائیل کوئی فوج بیروت نہیں بھیجے گا: ٹرمپ اسرائیلی ڈرونز نے بیروت کے لوگوں کا آسمان سے تعلق بدل دیا اسرائیل کا بیروت پر حملہ، حزب اللہ کے ’چیف آف سٹاف قتل‘ حزب اللہ اسرائیل فائر بندی کی نگرانی، امریکی فوجی افسر بیروت میں SEO Title: سیزفائر کے باوجود بیروت کے جنوبی مضافات پر اسرائیلی بمباری copyright: show related homepage: Hide from Homepage