Kurir

Манасиевски: Пофалби и признанија од функционери од ЕУ членки за Македонија, само Филипче и Радев бараат уставни измени

Покрај сите пофалби и признанија на функционери од земји членки на ЕУ кон Македонија, само Филипче и Радев на иста линија бараат уставни измени, истакна денеска портпаролот на ВМРО-ДПМНЕ, Валентин Манасиевски. Посочи дека сите од ЕУ со внимание ги следат реформите на македонската влада и ги поздравуваат велејќи дека сме лидери во регионот, само Филипче и Радев велат единствена реформа се уставните измени. -По долго време коленичење и лековерност од страна на властите предводени од СДС, сега европските претставници гледаат државнички пристап од македонската влада предводена од ВМРО-ДПМНЕ и велат дека заслужуваме предвидлив европски пат. Само Венко Филипче и Румен Радев не сметаат така. Но, мекото ткиво предводено од Филипче и СДС ја отежнува работата. Само тие се на иста линија со Радев и Бугарија, а на бугарските власти тоа им одговара, рече Манасиевски. Тој вели дека наместо да застанат зад македонските интереси, тие спремаат уште поголемо предавство. -Ги прашуваме СДС и Филипче, уште што повеќе сакаат да направат за да и наштетат на Македонија и да бидат запаметени во историјата како најголемите предавници на татковината?, прашува Манасиевски.