Independent Urdu

گلگت بلتستان انتخابات غیر حتمی نتائج، پی پی پی کو برتری حاصل

گلگلت بلتستان میں سات جون کو عام انتخابات کے بعد غیر حتمی نتائج کے مطابق پاکستان پیپلز پارٹی(پی پی پی) کو دیگر سیاسی جماعتوں کے مقابلے میں برتری حاصل ہے اور اب تک وہ نو نشستیں جیت چکی ہیں۔ ریٹرننگ افسران  کی جانب سے جاری مختلف حلقوں کے فارم47 کے مطابق اب تک 24 میں سے 19 حلقوں کے غیر حتمی نتائج کے مطابق پی پی پی نو نشستیں جیت چکی ہیں۔ وزیراعظم شہباز شریف نے پیر کو ایک بیان میں گلگت بلتستان میں شفاف، پرامن اور سیاسی سرگرمیوں سے بھرپور الیکشن کے انعقاد پر گلگت بلتستان کی عوام کو مبارکباد پیش کی ہے۔ انہوں نے بیان میں کہا کہ ’پاکستان پیپلز پارٹی گلگت بلتستان الیکشن میں اکثریتی سیاسی جماعت کے طور پر سامنے آئی ہے جس پر وہ مبارکباد کی مستحق ہے، صدر آصف علی زرداری اور بلاول بھٹو زرداری کو مبارکباد پیش کرتے ہیں۔‘ ان انتخابات میں مسلم لیگ (ن) نے تین نشستوں پر کامیابی، پی ٹی آئی کی حمایت یافتہ دو امیدوار کامیاب ہوئے ہیں جبکہ ایک نشست مجلس حدت المسلمین اور دو نشستیں آزاد امیدواران جیت چکی ہیں۔ ان انتخابات میں 24 نشستوں کے لیے مجموعی طور پر 396 امیدواران میدان میں تھے جن میں سب سے زیادہ 23 نشستوں پر امیدواران کھڑے کیے تھے۔ پیپلز پارٹی کی طرف سے یہ شکایات بھی سامنے آئی ہیں کہ ریٹرننگ افسران کی جانب سے فارم  45(پولنگ سٹیشن کے اندر ووٹوں کی گنتی کا فارم) جاری کرنے میں تاخیر کی گئی۔ جبکہ پی ٹی آئی کی جانب سے بھی یہ الزام لگایا جا رہا ہے کہ ان کے امیدواران جیت چکے تھے لیکن ان کو بعد میں ہرایا گیا جبکہ جمعیت علمائے اسلام نے گلگلت بلتستان میں دھرنا میں شروع کیا ہے اور ان کا بھی یہی الزام ہے کہ ان کا مینڈیٹ چوری کیا گیا ہے۔ اب تک کے نتائج غیر حتمی اور فارم 47 کے مطابق ہے جبکہ الیکشن کمیشن گلگلت بلتستان کی جانب سے سرکاری طور پر حتمی بتائج بعد میں جاری کیے جائیں گی۔ گلگلت بلتستان اسمبلی کی تاریخ سابق صدر پرویز مشرف کے دور میں قانون ساز کونسل کو قانون ساز اسمبلی میں تبدیل کر دیا گیا۔ 2009 میں گلگلت بلتستان ایمپاورمنٹ ایبڈ سیلف ریگولیشن گورننس آرڈر جاری کیا گیا جس میں گلگت بلتستان میں قانون ساز اسمبلی کے لیے راہ ہموار ہوئی۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) اس کے بعد اسی اسمبلی کی درخواست پر 2018 میں بڑی اصلاحات کی گئیں اور گلگلت بلتستان کو دیگر صوبوں کے برابر لانے کے لیے قانون بنایا گیا۔ تاہم اس پر تنقید بھی کی گئی کیوں کہ اس آرڈر میں وزیر اعظم کو بہت زیادہ اختیارات دیے گئے تھے۔ آخری عام انتخابات 2020 میں ہوئے تھے جس میں پی ٹی آئی کے خالد خورشید وزیراعلیٰ منتخب ہوئے تھے۔ تاہم گلگت بلتستان کی عدالت نے 2023 میں خالد خورشید کو جعلی ڈگری کیس میں نااہل قرار دے دیا تھا۔ اس کے بعد پی ٹی آئی کے ناراض ارکان، پاکستان مسلم لیگ ن اور پاکستان پیپلز پارٹی نے اتحادی حکومت قائم کی جس کی مدت 24 نومبر 2025 کو ختم ہو گئی تھی۔ گلگت بلتستان الیکشن پاکستان پیپلز پارٹی شہباز شریف وزیراعظم شہباز شریف نے پاکستان پیپلز پارٹی گلگت بلتستان الیکشن میں کامیابی پر صدر زرداری اور بلاول بھٹو زرداری کو مبارکباد دی ہے۔ اظہار اللہ سوموار, جون 8, 2026 - 15:45 Main image: گلگت بلتستان میں انتخابات کے لیے سات جون، 2026 کو ووٹنگ ہو رہی ہے (انڈپینڈنٹ اردو) پاکستان type: news related nodes: گلگت بلتستان میں الیکشن، 24 نشستوں پر ووٹوں کی گنتی جاری گلگت بلتستان انتخابات پر انڈیا کا بیان مسترد کرتے ہیں: پاکستان گلگت بلتستان الیکشن: انتخابی مہم جاری، عوام کی بڑی امید کیا ہے؟ گلگت بلتستان: تالیداس گاؤں میں ’پراسرار دھماکوں‘ کی آوازیں: معاملہ کیا ہے؟ SEO Title: گلگلت بلتستان انتخابات غیر حتمی نتائج، پی پی پی کو برتری حاصل copyright: show related homepage: Show on Homepage

AppGallery Google Play App Store