Kajgana

Што треба да појадувате за да имате енергија цел ден?

Што треба да појадувате за да имате енергија цел ден? Александра Спасеска 08.06.2026 / 14:02 Фит Дали појадокот е најважниот оброк во денот или е сосема непотребен? Мислењата се поделени, но Инго Фробезе, професор на Германскиот спортски универзитет во Келн, има јасно мислење за тоа како треба да изгледа идеалниот појадок. Тој открил три едноставни рецепти кои му обезбедуваат на телото важни хранливи материи наутро. „Појадокот пред сè треба да нè наполни и да ни даде енергија за денот“, објаснува Фробезе. Тој препорачува консумирање на сите макронутриенти во правилен сооднос, јаглехидрати, масти и протеини. Според chip.de, добра идеја е да го започнете денот со голема чаша вода, дури и пред кафе или чај, за да ги надополните изгубените течности во текот на ноќта. За да го започнете денот, тој особено препорачува овесна каша, интегрален леб, банани, урда, јајца, овошје, јаткасти плодови, авокадо, путер и лосос. Печена овесна каша Иако може да звучи необично, тоа е добро избалансиран оброк. Наместо да се готви во тенџере, овесната каша се пече во рерна. Предноста е високата содржина на влакна и протеини, што придонесува за подолго чувство на ситост. Remote video URL Пржени јајца со домат и леб од цело зрно За оние кои претпочитаат солен појадок, се препорачуваат пржени јајца. Лебот од цело зрно е богат со влакна, минерали и витамини од групата Б, кои придонесуваат за нормално варење. Јајцата се одличен извор на протеини и содржат витамини А, Д, Е и К. Кето омлет со авокадо Кето омлет со авокадо, сечкана шунка и печени ливчиња од бадем содржи здрави омега-3 масни киселини и околу 24 грама протеини по порција. Авокадото е особено богато со фолна киселина, витамин К и калиум. појадок Автор/Извор А.С. Прикажи во метро On