Kajgana
Џака повторно го покажа албанскиот симбол за кој ФИФА го казни Александра Спасеска 08.06.2026 / 18:29 Фудбал Швајцарските фудбалери Гранит Џака и Рикардо Родригес повторно привлекоа внимание со прикажувањето на симболот на двоглавиот орел пред почетокот на Светското првенство. Долгогодишниот капитен на Швајцарија Џака и неговиот соиграч Родригес беа снимени како го формираат симболот на орел поврзан со Албанија со рацете за време на бејзбол натпреварот помеѓу Сан Диего Падрес и Њујорк Метс во САД. Снимката можете да ја погледнете ТУКА . Тоа е гест кој со години предизвикува контроверзии во фудбалскиот свет, а многумина во Србија го доживуваат како провокација. Најпознатиот случај се случи на Светското првенство во 2018 година, кога Џака и Џердан Шаќири ги прославија головите против Србија на ист начин, за што ФИФА ги казни. Овој потег на двајцата репрезентативци би можел да ѝ обезбеди на Швајцарија дополнителна поддршка од албанската дијаспора во САД за време на претстојното Светско првенство. За потсетување, репрезентацијата на Босна и Херцеговина игра против Швајцарија на 18 јуни во Лос Анџелес, во еден од најинтересните натпревари од регионалната групна фаза. Гранит Џака Автор/Извор А.С. Прикажи во метро On
Go to News Site
Нова Македонија 
ZHURNAL 
Makfax Macedonia 
Вечер 
