Kurir

Мбапе: Сонувам да играм против Роналдо и Нејмар на нивното последно Светско првенство

Францускиот фудбалер Килијан Мбапе има голема желба да игра против Португалија и Бразил на претстојното Светско првенство. Мундијалот ќе се одржи од 11 јуни до 19 јули во САД, Канада и Мексико. - Сонувам да играм против Кристијано и Нејмар на Светското првенство. Тоа ќе биде нивното последно Светско првенство, изјави Мбапе за „Сораре“. Франција ќе игра против Сенегал, Ирак и Норвешка во групната фаза. Дваесет и седумгодишниот Мбапе одигра 44 натпревари за Реал Мадрид во сезоната 2025/26, постигнувајќи 42 гола и седум асистенции. Напаѓачот има 97 натпревари и 56 гола за француската репрезентација.