Kurir
ВМРО-ДПМНЕ во соопштение оценува дека Владата предводена од оваа партија покажува оти европскиот пат на Македонија е можен „без национални понижувања“, без, како што наведуваат, продавање на идентитетот, редефинирање на историјата и релативизирање на македонскиот идентитет. Од партијата тврдат дека Македонија е лидер во реформите и во Планот за раст меѓу земјите од Западен Балкан, а ваквиот пристап, според нив, им пречи на СДСМ и на лидерот на партијата, Венко Филипче. „Тоа им пречи на СДС и на Филипче и затоа упорно тврдат дека без отстапки нема напредок“, се наведува во соопштението на ВМРО-ДПМНЕ. Партијата додава дека граѓаните на изборите јасно ја испратиле пораката до СДСМ, обвинувајќи ја опозициската партија дека не ѝ биле важни државата, народот, идентитетот, јазикот и името, туку, како што велат, само власта, парите, моќта и амнестијата. Во соопштението ВМРО-ДПМНЕ го обвинува Филипче дека, во услови кога Бугарија го блокира евроинтегративниот пат на Македонија, се усогласувал со ставовите на бугарски политички претставници. Партијата употребува и остри квалификации кон лидерот на СДСМ, обвинувајќи го дека се додворувал на бугарскиот државен врв со цел да дојде на власт. Според ВМРО-ДПМНЕ, доколку СДСМ и Филипче повторно би биле на власт, би прифатиле национални отстапки и, како што тврдат од партијата, повторно би ја „обезличиле Македонија“.
Go to News Site
Makfax Macedonia 
ZHURNAL 
Вечер 
Tocka 
