Насилни протести во Албанија: Фрлени молотови коктели, запалени автомобили

Насилни протести во Албанија: Фрлени молотови коктели, запалени автомобили Александра Спасеска 23.03.2026 / 13:30 Регион Фото: Anadolu Ajansi Албанската опозиција во неделата одржа нов антивладин протест, обележан со високи тензии, вклучувајќи фрлање молотови коктели врз зградата на владата и интервенција на полицијата со солзавец, пишува Anadolu Ajansi. Протестот го организираше Демократската партија (PD) со поддршка на други опозициски партии, кои бараат оставка од премиерот Еди Рама. Фото: Anadolu Ajansi Демонстрантите фрлаа молотови коктели и огномет врз зградата на албанската влада, на што полициските сили одговорија со солзавец и водни топови. За време на парадата низ улиците на главниот град, молотови коктели беа фрлени и врз зградите на неколку министерства и други институции, а неколку полициски возила беа запалени. Фото: Anadolu Ajansi На протестот, за време на кој не беа одржани говори, присуствуваа лидерот на Демократската партија и поранешен премиер Сали Бериша, како и други пратеници од опозицијата. Настанот беше обезбедуван од стотици дополнителни полицајци, а некои патишта во Тирана беа блокирани. Фото: Anadolu Ajansi Ова беше еден од низата антивладини протести што се одржуваат во Албанија во последните месеци, а опозициските партии најавија дека ќе продолжат. Демократската партија тврди дека им е одземено правото да зборуваат во парламентот и дека протестите се насочени и кон борба против корупцијата кај високите функционери. Опозицијата бара оставка од премиерот Еди Рама и формирање на привремена влада. Remote video URL Фото: Anadolu Ajansi Фото: Anadolu Ajansi Фото: Anadolu Ajansi Фото: Anadolu Ajansi Фото: Anadolu Ajansi Фото: Anadolu Ajansi Фото: Anadolu Ajansi Албанија Автор/Извор А.С. Прикажи во метро On

Go to News Site