Manchester United do një mbrojtës krahut, ka tre emra në listë

Manchester United është i vendosur të përforcojë krahun e majtë të mbrojtjes gjatë afatit kalimtar të verës, një pozicion që nuk ka përmbushur pritshmëritë këtë sezon. Sipas raportimeve nga TEAMtalk, drejtori sportiv i klubit po shqyrton tre alternativa kryesore për këtë rol. Në krye të listës është Myles Lewis-Skelly, 19-vjeçari i Arsenalit, i cili konsiderohet një talent shumë premtues falë cilësive fizike dhe teknike. Me një rol ende të kufizuar në planet e Mikel Arteta, një largim i tij mund të jetë i realizueshëm. Manchester United are tracking three Premier League left-backs as they look to strengthen in that area of the pitch: Myles Lewis-Skelly — Arsenal Antonee Robinson — Fulham Tyrick Mitchell — Crystal Palace They are continuing in their new strategy of signing players… pic.twitter.com/bYT5fzr53L — Transfer News Live (@DeadlineDayLive) March 23, 2026 Një tjetër emër në listë është Antonee Robinson i Fulham. 28-vjeçari është vlerësuar rreth 40 milionë euro dhe po ndiqet gjithashtu nga Liverpool. Lista plotësohet nga Tyrick Mitchell i Crystal Palace, një lojtar i rëndësishëm për klubin londinez që nga viti 2020. Megjithatë, kontrata e tij deri në vitin 2027 dhe opsioni për zgjatje e bëjnë një transferim të mundshëm më të ndërlikuar. Djajtë e Kuq synojnë të veprojnë herët në merkato për të siguruar një përforcim cilësor në këtë repart kyç për sezonin e ardhshëm. /Telegrafi/

Go to News Site