Hrannari skipt út fyrir úrslitakeppnina

Hrannar Guðmundsson er hættur hjá Stjörnunni.Mummi Lú Stjarnan hefur sagt Hrannari Guðmundssyni upp störfum sem þjálfara karlaliðs félagsins fyrr en ætlað var. Tilkynnt hafði verið í febrúar að hann myndi hætta eftir leiktíðina og Tandri Már Konráðsson og Sverrir Eyjólfsson tækju við en þeir stíga inn fyrr en áætlað hafði verið. Stjarnan endaði í 11. sæti úrvalsdeildarinnar og fer því í umspil eða eins konar úrslitakeppni með Gróttu, Herði og Fjölni sem léku í næstefstu deild í vetur, um sæti í efstu deild á næstu leiktíð. Nú er ljóst að Hrannar mun ekki stýra Stjörnunni í þessum leikjum heldur Tandri og Sverrir eftir tilkynningu Stjörnunnar í kvöld.

Go to News Site