Yfir 1000 drónaárásir á einum sólahring í Úkraínu

Sjö voru drepnir og að minnsta kosti fimmtíu eru særðir í umfangsmiklum drónaárásum Rússa í gær og fyrradag. Alls voru um 1.000 drónaárásir gerðar víðs vegar um mið- og vesturhluta Úkraínu yfir sólarhrings tímabil, en árásirnar eru með stærstu loftárásum sem Rússar hafa gert síðan innrásin hófst. Úkraínski fréttamiðillinn Kyiv Independent greinir frá því að 32 hinna særðu hafi orðið fyrir árásum í borginni Lviv. Tveir hinna látnu urðu fyrir árásum í borginni Ivano-Frankivsk og fjórir særðust í þeim árásum. Yfirvöld í Ivano-Frankivsk tilkynntu einnig um skemmdir á fæðingarsjúkrahúsi og fjölbýlishúsum eftir árásirnar. Sprengingar heyrðust einnig í Ternopil, Vinnytsia, Zhytomyr, og Khmelnytskyi. 12 ára stúlka særðist í árásunum á Zhytomyr og var lögð inn á spítala.

Go to News Site