ٹرمپ انتظامیہ نے پاکستان کے ذریعے ایران کو 15 نکاتی امن منصوبہ بھیجا ہے: امریکی میڈیا

ایران کے خلاف امریکہ اور اسرائیل کی مشترکہ جنگ کو آج 26واں دن ہے۔ امریکہ نے اسے ’آپریشن ایپک فیوری‘ جبکہ ایران نے جوابی کارروائی کو ’وعدہ صادق 4‘ کا نام دیا ہے۔ اس جنگ کے تازہ ترین اپ ڈیٹس۔ صبح 7 بج کر 30 منٹ امریکہ نے پاکستان کے ذریعے ایران کو 15 نکاتی امن منصوبہ بھیجا ہے: امریکی میڈیا امریکی میڈیا نے دعویٰ کیا ہے کہ واشنگٹن نے ایران کو پاکستان کے ذریعے 15 نکات پر مشتمل ایک امن منصوبہ بھیجا ہے۔ ٹرمپ نے وائٹ ہاؤس میں صحافیوں سے گفتگو کرتے ہوئے کہا کہ معاہدے تک پہنچنے کے لیے امریکہ ایران میں ’صحیح لوگوں‘ سے بات کر رہا ہے، اور یہ بھی کہا کہ ایرانی اس معاہدے کے لیے ’بے حد بے تاب‘ ہیں۔ انہوں نے کہا کہ ’ہم اس وقت مذاکرات کر رہے ہیں۔‘ تاہم تہران نے براہِ راست مذاکرات کی خبروں کی تردید کی ہے۔ امریکی اخبار نیویارک ٹائمز کے مطابق واشنگٹن نے مشرق وسطیٰ میں جنگ کے خاتمے کے لیے ایران کو 15 نکات پر مشتمل منصوبہ بھیجا ہے۔ نیویارک ٹائمز نے ایک عہدیدار کے حوالے سے رپورٹ کیا ہے کہ یہ 15 نکاتی پلان پاکستان کے ذریعے بھیجا گیا ہے۔ تاہم امریکی اخبار کے مطابق یہ واضح نہیں کہ پاکستان کے ذریعے بھیجے گئے اس منصوبے کو ایرانی حکام میں کس حد تک شیئر کیا گیا ہے اور آیا ایران اسے مذاکرات کی بنیاد کے طور پر قبول کرے گا یا نہیں۔ یہ بھی واضح نہیں کہ آیا اسرائیل، جو امریکہ کے ساتھ مل کر ایران پر بمباری کر رہا ہے، اس تجویز سے متفق ہے یا نہیں۔ پاکستان کی جانب سے تاحال جس بارے میں کوئی ردعمل سامنے نہیں آیا ہے۔ دوسری جانب اسرائیل کے چینل 12 نے بھی تین ذرائع کے حوالے سے بتایا کہ امریکہ اس منصوبے پر بات چیت کے لیے ایک ماہ کی جنگ بندی کا خواہاں ہے۔ معاملے سے باخبر ایک ذرائع نے روئٹرز کو بھی اس بات کی تصدیق کی کہ امریکہ نے ایران کو منصوبہ بھیجا ہے، تاہم اس کی مزید تفصیلات فراہم نہیں کی گئیں۔ صبح 7 بج کر 12 منٹ کویت انٹرنیشنل ایئرپورٹ پر ڈرونز سے حملہ سول ایوی ایشن نے بدھ کی صبح بتایا کہ کویت انٹرنیشنل ایئرپورٹ پر ایک فیول ٹینک کو ڈرونز سے نشانہ بنایا گیا جس سے وہاں آگ بھڑک اٹھی۔ کویت نیوز کے مطابق حملہ میں کوئی جانی نقصان نہیں ہوا البتہ ایئرپورٹ کو نقصان پہنچا ہے۔ ان کے مطابق متعلقہ حکام اور فائرفائٹرز آگ بھجانے میں مصروف ہیں۔ امریکہ ایران اسرائیل پاکستان امریکی میڈیا نے دعویٰ کیا ہے کہ واشنگٹن نے ایران کو پاکستان کے ذریعے 15 نکات پر مشتمل ایک امن منصوبہ بھیجا ہے۔ انڈپینڈنٹ اردو بدھ, مارچ 25, 2026 - 08:00 Main image:

یہ تصویر وائٹ ہاؤس میں 26 ستمبر 2025 کو امریکی صدر ڈونلڈ ٹرمپ کی پاکستانی وزیر اعظم شہباز شریف اور فیلڈ مارشل عاصم منیر سے ملاقات کے بعد جاری کی گئی تھی (فائل فوٹو/ اے ایف پی)

دنیا type: news label: لائیو اپ ڈیٹس related nodes: پاکستان جامع مذاکرات کی سہولت فراہم کرنے کو اعزاز سمجھتا ہے: شہباز شریف ’اعلیٰ ترین ایرانی شخصیت‘: ٹرمپ کس سے رابطے میں ہیں؟ ٹرمپ کی ’چالاک ڈیل‘ بنانے والے جنگ جلد ختم کروا سکتے ہیں ایران نے آخرکار ٹرمپ کی طاقت کی حد بےنقاب کر دی SEO Title: ٹرمپ انتظامیہ نے پاکستان کے ذریعے ایران کو 15 نکاتی امن منصوبہ بھیجا ہے: امریکی میڈیا copyright: show related homepage: Show on Homepage

Go to News Site