Модриќ е единствениот Балканец во големиот избор за најдобар фудбалер на сите времиња

Модриќ е единствениот Балканец во големиот избор за најдобар фудбалер на сите времиња Александра Спасеска 25.03.2026 / 09:16 Фудбал GiveMeSport, еден од водечките спортски портали во светот со 26 милиони следбеници на Facebook, ги избра 40-те најголеми фудбалери на сите времиња. „Ќе има широк спектар на различни мислења за резултатите. Одлучувањето кој е најдобриот фудбалер на сите времиња никогаш не е лесно, особено затоа што навивачите се пристрасни тврдејќи дека легендата на нивниот клуб е најдобар. Вообичаено е многу луѓе да ги сметаат Кристијано Роналдо, Лионел Меси, Диего Марадона и Пеле за најистакнати имиња во рангирањето на најдобрите играчи кои некогаш играле фудбал, но секогаш по различен редослед. Не е изненадување што сите четири имиња се на нашата листа, но кој друг им се придружува во рангирањето на 40-те најголеми фудбалери на сите времиња?“, пишува GMS и ги открива критериумите и факторите што биле земени предвид при рангирањето. Кои се критериумите? „Важност за тимот - Ова може да се класифицира како голови, асистенции или непримен гол. Сепак, колку повеќе постигнале - или одбраниле - толку повисоко се на листата. Не можете да бидете легендарен напаѓач без да постигнете стотици голови. Клупски и меѓународни трофеи - Ако играчот одиграл клучна улога во освојувањето трофеи од својот тим, тој ќе биде рангиран повисоко на оваа листа. Врвот на професионалниот фудбал е освојувањето трофеи - а овие играчи го олицетворуваат тоа. Индивидуални награди - Сепак, некои играчи остануваат со тимови кои не се натпреваруваат за големи трофеи секоја година, па затоа користењето на индивидуални награди за рангирање на првите 25 е исто така важно. Златната топка е една од најпрестижните награди во спортот.“ „Мурињо беше во право“ Лука Модриќ, добитник на Златната топка, е единствениот фудбалер од Балканот во овој избор. Тој е на 24-то место на оваа листа, пред великани како Михаел Лаудруп, Џузепе Меаца, Мануел Нојер, Кака, Роберто Баџо, Жорж Бест, Тиери Анри, Лотар Матеус... GiveMeSport го објаснува рангирањето на Модриќ на следниов начин: „На половина од неговата дебитантска сезона во Реал Мадрид во 2012/13, Лука Модриќ беше избран за најлошото засилување на сезоната во анкета на шпанскиот весник Marca. Тренерот Жозе Мурињо повика на време и трпение: 'Тој е толку добар што Сантјаго Бернабеу ќе се заљуби во неговата класа“. Не за прв пат, Мурињо се покажа дека е во право. Повеќе од една деценија помината во откривање нови начини за додавање до десното крило го доведе Модриќ до мноштво трофеи и признанија од сите. Во текот на последните години на Модриќ во шпанската престолнина, целиот стадион - вклучувајќи ги и гостинските навивачи - неизбежно ја поздравија хрватската икона со овации.“ Список на 40 најдобри фудбалери на сите времиња избрани од GiveMeSport : 40. Кени Далглиш 39. Михаел Лаудруп 38. Луис Суарес 37. Боби Мур 36. Џузепе Меаца 35. Стенли Метјус 34. Гарет Бејл 33. Мануел Нојер 32. Карлус Алберту 31. Кака 30. Ривалдо 29. Роберто Баџо 28. Џорџ Бест 27. Руд Гулит 26. Тјери Анри 25. Лотар Матаус 24. Лука Модриќ 23. Чави 22. Ромарио 21. Андрес Иниеста 20. Роналдињо 19. Лев Јашин 18. Боби Чарлтон 17. Марко ван Бастен 16. Еусебиу 15. Франко Барези 14. Гаринша 13. Паоло Малдини 12. Герд Милер 11. Мишел Платини 10. Ференц Пушкаш 9. Роналдо 8. Зинедин Зидан 7. Франц Бекенбауер 6. Алфредо ди Стефано 5. Јохан Кројф 4. Диего Марадона 3. Пеле 2. Кристијано Роналдо 1. Лионел Меси Лука Модриќ Автор/Извор А.С. Прикажи во метро On

Go to News Site