«Tras a morte da miña tía sentín o desexo de ser nai, foi durísimo gravalo»

A directora de cine Adriana Páramo (Vigo, 1985) proxecta este xoves en A Morada (19.00 horas), en Vigo, a súa longametraxe ‘Grelei raíces no teu lar’. Tras once anos en Londres, a investigadora decide regresar á súa cidade natal en plena pandemia para afrontar a morte da súa amada tía. Vai vivir precisamente á casa dela e é nese novo fogar onde lle nace o desexo de maternidade. Nesta peza audiovisual, a investigadora filma en primeira persoa e cos seus propios medios o día a día deste proceso. «Foi durísimo tanto enfrontarme coas imaxes de arquivo familiar como rexistrar coa cámara como me facía sentir a idea de ser nai», relata a FARO. A obra forma parte do doutoramento de Páramo, que está «a piques de rematar» na Royal Holloway da Universidade de Londres.

Go to News Site