Шпанскиот премиер Санчес остро ги критикува Нетанјаху и Моџтаба

Шпанскиот премиер Санчес остро ги критикува Нетанјаху и Моџтаба Александра Спасеска 25.03.2026 / 14:27 Свет Шпанскиот премиер Педро Санчес го обвини израелскиот премиер Бенјамин Нетанјаху дека се обидува да нанесе исто ниво на штета и уништување на Либан како што израелските сили нанесоа на Појасот Газа. Санчес денес пред пратениците го објасни ставот на неговата влада за војната меѓу САД и Израел против Иран. „Повеќе од четири милиони луѓе се раселени во Иран и Либан (од почетокот на војната). Охрабрен, израелскиот премиер Нетанјаху има за цел да нанесе исто уништување и страдање на Либан како што беше нанесено на Газа. Суров и нелегален одговор од страна на иранскиот режим кон неговите соседни земји, на што ние, се разбира, го осудуваме и отфрламе, бидејќи на еден чин на незаконитост не може да се одговори со друг“, рече Санчес. Тој, исто така, го критикуваше новиот врховен лидер на Иран, Моџтаба Хамнеи. „А во Иран, во Техеран, заменија еден Хамнеи со друг кој е уште полош, бидејќи Моџтаба е диктаторски лидер исто како татко му, па дури и покрволочен. Покрај тоа, за разлика од неговиот татко, тој е за тоа Иран да развие нуклеарно оружје. Накратко, ова е апсолутна катастрофа - апсолутна катастрофа. Ова е она што досега го постигнаа промоторите на оваа војна“, заклучи тој. Remote video URL Педро Санчес Бенјамин Нетанјаху Моџтаба Хамнеи Автор/Извор А.С. Прикажи во метро On

Go to News Site