ایران معاہدے کے لیے بے تاب مگر کہنے سے ڈرتا ہے: ڈونلڈ ٹرمپ

ایران کے خلاف امریکہ اور اسرائیل کی مشترکہ جنگ کو آج 27واں دن ہے۔ امریکہ نے اسے ’آپریشن ایپک فیوری‘ جبکہ ایران نے جوابی کارروائی کو ’وعدہ صادق 4‘ کا نام دیا ہے۔ اس جنگ کے تازہ ترین اپ ڈیٹس۔ صبح 7 بج کر 40 منٹ ثالثوں کے ذریعے پیغامات کا تبادلہ مذاکرات نہیں: ایران ایران کے وزیر خارجہ عباس عراقچی نے بدھ کو کہا ہے کہ وہ جنگ کے خاتمے کے لیے امریکہ کی جانب سے دی گئی تجویز کا جائزہ لے رہے ہیں، تاہم وہ مشرقِ وسطیٰ میں پھیلتے ہوئے تنازع کو ختم کرنے کے لیے براہِ راست مذاکرات کا کوئی ارادہ نہیں رکھتے۔ خبر رساں ادارے روئٹرز کے مطابق عباس عراقچی کے بیان سے یہ ظاہر ہوتا ہے کہ اگر ایران کے مطالبات مان لیے جائیں تو تہران جنگ کے خاتمے کے لیے بات چیت پر آمادہ ہو سکتا ہے، باوجود اس کے کہ ابتدائی ردعمل منفی تھا اور ایرانی حکام نے عوامی طور پر امریکہ کے ساتھ مذاکرات کے امکان کو مسترد کیا تھا۔ عراقچی نے سرکاری ٹی وی پر کہا کہ ’ثالثوں کے ذریعے پیغامات کا تبادلہ، امریکہ کے ساتھ مذاکرات کے مترادف نہیں ہے۔‘ انہوں نے مزید کہا کہ ’انہوں نے اپنے پیغامات میں کچھ تجاویز پیش کی ہیں جو اعلیٰ حکام تک پہنچا دی گئی ہیں، اور اگر ضرورت پڑی تو ان کی جانب سے مؤقف کا اعلان کیا جائے گا۔‘ چھ علاقائی ذرائع کے مطابق ایران نے ثالثوں کو یہ بھی بتایا ہے کہ امریکہ اور اسرائیل کے ساتھ کسی بھی جنگ بندی معاہدے میں لبنان کو شامل کرنا ضروری ہوگا۔ صبح 7 بج کر 26 منٹ ایران معاہدے کے لیے بے تاب مگر کہنے سے ڈرتا ہے: ٹرمپ امریکی صدر ڈونلڈ ٹرمپ نے بدھ کو ایک بار پھر کہا کہ ایران امن مذاکرات میں شامل ہے، اور اشارہ دیا کہ تہران کی جانب سے انکار اس لیے کیا جا رہا ہے کیونکہ ایرانی مذاکرات کاروں کو ’اپنے ہی لوگوں کے ہاتھوں مارے جانے کا خوف‘ ہے۔ خبر رساں ادارے اے ایف پی کے مطابق صدر ٹرمپ نے ریپبلکن ارکانِ کانگریس کے اعزاز میں دیے گئے عشائیے سے خطاب کرتے ہوئے کہا کہ ’وہ (ایران) دراصل مذاکرات کر رہے ہیں اور وہ معاہدہ کرنے کے لیے بے حد بے تاب ہیں۔ لیکن وہ یہ بات کہنے سے ڈرتے ہیں کیونکہ انہیں لگتا ہے کہ انہیں اپنے ہی لوگ مار دیں گے۔ ’انہیں یہ بھی خوف ہے کہ ہم انہیں مار دیں گے۔‘ امریکی صدر کے یہ بیانات اس وقت سامنے آئے جب ایرانی وزیر خارجہ عباس عراقچی نے کہا کہ ’ہم مذاکرات کا ارادہ نہیں رکھتے۔‘ ایران ایشیا امریکہ ایران جنگ صدر ٹرمپ نے کہا ہے کہ ’ایران معاہدے کے لیے بے تاب ہے لیکن انہیں لگتا ہے کہ انہیں اپنے ہی لوگ مار دیں گے۔‘ انڈپینڈنٹ اردو جمعرات, مارچ 26, 2026 - 07:30 Main image:

امریکی صدر ڈونلڈ ٹرمپ 23 مارچ 2026 کو فلوریڈا میں صحافیوں سے گفتگو کرتے ہوئے (روئٹرز)

دنیا type: news related nodes: امریکی تجاویز مسترد، ایران کی جنگ بندی کے لیے پانچ شرائط: ایرانی پریس ٹی وی ’اعلیٰ ترین ایرانی شخصیت‘: ٹرمپ کس سے رابطے میں ہیں؟ ٹرمپ کی ’چالاک ڈیل‘ بنانے والے جنگ جلد ختم کروا سکتے ہیں شہباز شریف نے سعودی ولی عہد کو خطے میں کشیدگی کم کرنے کی کوششوں سے آگاہ کیا: ایوان وزیراعظم SEO Title: ایران معاہدے کے لیے بے تاب مگر کہنے سے ڈرتا ہے: ڈونلڈ ٹرمپ copyright: show related homepage: Show on Homepage

Go to News Site