တဝ်ႈၵႅတ်ႉသ်တႅၵ်ႇ ၾႆးမႆႈႁိူၼ်း ၵၢင်ဝဵင်းတူၼ်ႈတီး

မိူဝ်ႈၼႆႉ ဝၼ်းတီႈ 27/3/2026 ယၢမ်းၵၢင်ၼႂ် 10 မူင်းၶိုင်ႈ တဝ်ႈၵႅတ်ႉသ်တႅၵ်ႇ ႁဵတ်းႁႂ်ႈ ၾႆးမႆႈႁိူၼ်းလင်ၼိုင်ႈ ဢၼ်မီးၼိူဝ်သဵၼ်ႈတၢင်း ၼိၼ်းသီႇ ပွၵ်ႉပျီႇတေႃႇတႃႇ (ပြည်တော်သာ) ဝဵင်းတူၼ်ႈတီး ၸိုင်ႈတႆးပွတ်းၸၢၼ်း ။ ၵူၼ်းႁူႉႁၼ်ၸွမ်းလၢတ်ႈၽူႈတွႆႇႁွၵ်ႈဝႃႈ -“ဢၼ်ၾႆးမႆႈၼႆႉပဵၼ်ႁိူၼ်းပိုတ်ႇႁၢၼ်ႉ မႄးရူတ်ႉ-ရူတ်ႉၶိူင်ႈဢေႃႈ ၊ ၸဝ်ႈႁိူၼ်းၼႆႉ ၾႆးႁုပ်ႇၺႃးတီႈၶႅၼ်လႄႈမၢတ်ႇၸဵပ်းၵႂႃႇ ၊ ၵူၼ်းႁိမ်းႁွမ်းလႄႈ ၸုမ်းၶႄႇၾႆးမႃးၸွႆႈဢေႃႈ ဢၼ်မၢတ်ႇၸဵပ်းႁၢဝ်ႈႁႅင်းတႄႉဢမ်ႇမီး”- ဝႃႈၼႆ ။ မီးလွင်ႈလူႉသုမ်းၵႂႃႇၵႃႈႁိုဝ်ဢၼ်ဝႃႈၼၼ်ႉတႄႉ ယူႇတီႈၸုမ်းႁဝ်းၶႃႈ တိုၵ်ႉသိုပ်ႇတွင်ႈထၢမ် ႁူဝ်ယွႆႈမၼ်းဝႆႉယူႇ ။ မိူၼ်ၼႆၼင်ႇၵဝ်ႇ ၶမ်ႈဝႃး 26/03/2026 ယၢမ်းၵၢင်ၶိုၼ်းမွၵ်ႈ 11 မူင်းၼင်ႇၵဝ်ႇၾႆးမႆႈ ၵၢတ်ႇမိူင်းၶိူဝ်း ဝဵင်းသီႇပေႃႉ။ ၵူၼ်းပိုၼ်ႉတီႈလၢတ်ႈဝႃႈ ၼၼ်ႉတႄႉ ပဵၼ်ယွၼ်ႉသၢႆၾႆးၾႃႉသျွတ်ႉသေ ၾႆးတႄႇမႆႈ၊ ၾႆးမႆႈႁွင်ႈတၢင်းၶၢႆ လူႉသုမ်းၵႂႃႇမွၵ်ႈ 10 ႁၢၼ်ႉ ဝႃႈၼႆ။ ဝၼ်းၼၼ်ႉယၢမ်းၵၢင်ၶမ်ႈ 8 မူင်းပၢႆၵေႃႈ ပဵၼ်လွင်ႈၾႆးမႆႈထႅင်ႈ တီႈဝႆႉၶူဝ်းၶွင် […] The post တဝ်ႈၵႅတ်ႉသ်တႅၵ်ႇ ၾႆးမႆႈႁိူၼ်း ၵၢင်ဝဵင်းတူၼ်ႈတီး appeared first on SHAN News .

Go to News Site