Popular Journal

ရိုးရာအစဉ်အလာများ မပျောက်ပျက်စေရေး ဒြပ်မဲ့ယဉ်ကျေးမှုပွဲတော်များ ဆောင်ရွက်ရန်လိုဟု တနင်္သာရီတိုင်းဝန်ကြီးချုပ် ပြော

Credit to Popular Journal - တိုင်းရင်းသားတို့၏ ရိုးရာအစဉ်အလာများ မပျောက်ပျက်စေရေးနှင့် ယဉ်ကျေးမှုအမွေအနှစ်များ ထိန်းသိမ်းမြှင့်တင်နိုင်ရေးအတွက် ဒြပ်မဲ့ယဉ်ကျေးမှုပွဲတော်များ စဉ်ဆက်မပြတ် ဆောင်ရွက်ပေးရန် လိုအပ်ကြောင်း တနင်္သာရီတိုင်းဒေသကြီးအစိုးရအဖွဲ့ ဝန်ကြီးချုပ် ဦးဇော်နိုင်ဦးက ပြောကြားသည်။ ဝန်ကြီးချုပ်သည် ထားဝယ်ယဉ်ကျေးမှုပြတိုက်အတွင်း ခင်းကျင်းပြသထားသည့် ရှေးဟောင်းပစ္စည်းများ၊ ယဉ်ကျေးမှုအမွေအနှစ်များ၊ အနုပညာလက်ရာများ၊ သမိုင်းဝင်အမှတ်တရပစ္စည်းများ၊ ရိုးရာဝတ်စုံများနှင့် လက်မှုအနုပညာများကို လှည့်လည်ကြည့်ရှုစစ်ဆေးစဉ် ယင်းသို့ ပြောကြားခဲ့ခြင်းဖြစ်သည်။ ထို့ပြင် ပြတိုက်အတွင်း ပြသထားသည့် ပစ္စည်းများကို ပြတိုက်လုပ်ထုံးလုပ်နည်းများနှင့်အညီ အချက်အလက်ဖော်ပြထားသည့် ကြေးပြားများဖြင့် စနစ်တကျ ပြန်လည်ဆောင်ရွက်ထားရန် လိုအပ်ကြောင်း မှာကြားခဲ့သည်။ ဝန်ကြီးချုပ်က သမိုင်းဝင်အမွေအနှစ်ပစ္စည်းများသည် နောင်လာနောင်သားမျိုးဆက်သစ်များအတွက် အဖိုးတန်အမွေအနှစ်များဖြစ်သဖြင့် စနစ်တကျ ထိန်းသိမ်းစောင့်ရှောက်သွားရန် လိုအပ်ကြောင်းလည်း ပြောကြားခဲ့သည်။ The post ရိုးရာအစဉ်အလာများ မပျောက်ပျက်စေရေး ဒြပ်မဲ့ယဉ်ကျေးမှုပွဲတော်များ ဆောင်ရွက်ရန်လိုဟု တနင်္သာရီတိုင်းဝန်ကြီးချုပ် ပြော appeared first on Popular .