Кои ЕУ земји сметаат дека новите членки не треба да имаат целосно право на глас?

Kajgana

Кои ЕУ земји сметаат дека новите членки не треба да имаат целосно право на глас?

Кои ЕУ земји сметаат дека новите членки не треба да имаат целосно право на глас? Александра Спасеска 10.06.2026 / 12:52 Свет Европската Унија треба да разговара за можноста за ограничување на дел од правата на глас на идните членки на блокот и да создаде позаштитни механизми за владеење на правото, напишаа пет земји-членки на ЕУ во заеднички документ што го виде вчера Reuters. Додека Црна Гора се надева дека ќе се приклучи на Унијата во 2028 година, а Албанија, Украина и Молдавија се стремат да ги унапредат своите кандидатури, европските влади дискутираат дали е потребна промена на правилата за новите земји-членки. Некои влади вршат притисок ЕУ да развие посилни заштитни мерки за идните членки, делумно поттикнати од демократското назадување во Унгарија под премиерот Виктор Орбан, пишува Reuters. Заеднички документ на Германија, Франција, Холандија, Белгија и Луксембург предлага вклучување опции во идните договори за пристапување, вклучувајќи нов механизам за следење и заштитна клаузула што би овозможила преземање мерки во случај на сериозни застои во области како што се демократијата и слободата на печатот. „На Украина местото ѝ во ЕУ“ „ЕУ треба да води длабинска дискусија за можноста за привремени, преодни ограничувања на правото на глас за новите земји-членки, особено за прашања каде што е потребна едногласност“, напишаа петте земји, истакнувајќи ја политиката на проширување, надворешната политика и буџетот како области каде што моментално е потребна согласност од сите членки. Кипар, кој моментално претседава со ЕУ, минатата недела соопшти дека започнал подготовки за официјално отворање на преговорите за првата група преговарачки поглавја, кои се однесуваат на владеењето на правото и демократските стандарди, со Украина и Молдавија. „На Украина местото ѝ во ЕУ. Сите шест кластери треба да се отворат без одложување. НАТО мора да остане на масата како најсилна безбедносна гаранција“, изјави естонската премиерка Кристен Михал на социјалната платформа X по средбата со украинскиот претседател Володимир Зеленски вчера во Талин. ЕУ Автор/Извор А.С. Прикажи во метро On

Go to News Site

Google Play

App Store