Independent Urdu

WhatsApp X (Twitter) Facebook Telegram Link

ایشین گیمز 2026 کے لیے پاکستان ٹیم کا اعلان، فرحان کپتان

پاکستان کرکٹ بورڈ نے ایشین گیمز 2026 کے لیے پاکستان مینز کرکٹ ٹیم کا اعلان کر دیا ہے، جس کی قیادت صاحبزادہ فرحان کریں گے، جبکہ عبدالصمد نائب کپتان ہوں گے۔ ایشین گیمز 19 ستمبر سے 4 اکتوبر تک جاپان کے شہر ناگویا اور آئچی میں منعقد ہوں گے، جبکہ مردوں کا ٹی 20 کرکٹ ایونٹ 24 ستمبر سے شروع ہوگا اور تمغوں کے مقابلے 3 اکتوبر کو کھیلے جائیں گے۔ تیس سالہ صاحبزادہ فرحان پاکستان کے لیے 46 ٹی 20 انٹرنیشنل میچز کھیل چکے ہیں، جن میں انہوں نے 1,305 رنز بنائے ہیں۔ ان کی کارکردگی میں دو سنچریاں اور 10 نصف سنچریاں شامل ہیں۔ عبدالصمد، جو اب تک پاکستان کی جانب سے پانچ ٹی 20 انٹرنیشنل میچز کھیل چکے ہیں، نائب کپتان مقرر کیے گئے ہیں۔ 15 رکنی سکواڈ میں عاکف جاوید، علی رضا، معاذ صداقت اور سعد مسعود ایسے چار کھلاڑی ہیں جنہیں ابھی تک پاکستان کی جانب سے ٹی 20 انٹرنیشنل سطح پر نمائندگی کا موقع نہیں ملا۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) منتخب کیے گئے 15 میں سے 14 کھلاڑی نیشنل کرکٹ اکیڈمی کے وائٹ بال کیمپ کا حصہ بھی ہیں، جو 15 جون سے لاہور میں شروع ہوگا۔ پاکستان ایشین گیمز 2026 سکواڈ: صاحبزادہ فرحان (کپتان)، عبدالصمد (نائب کپتان)، ابرار احمد، احمد دانیال، عاکف جاوید، علی رضا، عرفات منہاس، حیدر علی، حسن نواز، معاذ صداقت، محمد سلمان مرزا، سعد مسعود، صائم ایوب، سفیان مقیم اور عثمان خان (وکٹ کیپر)۔ سپورٹ سٹاف: مائیک ہیسن (ہیڈ کوچ)، ایشلے نوفکے (بولنگ کوچ)، شین میک ڈرموٹ (فیلڈنگ کوچ)، محمد طاہر (فزیوتھراپسٹ)، عمران اللہ (ٹرینر) اور عثمان ہاشمی (اینالسٹ و ٹیم آپریشنز کوآرڈینیٹر)۔ پاکستانی ٹیم میں نوجوان اور تجربہ کار کھلاڑیوں کا امتزاج موجود ہے، جبکہ صاحبزادہ فرحان کی قیادت میں ٹیم سے ایشین گیمز میں بہتر کارکردگی کی توقع کی جا رہی ہے۔ timthumb.jpg ایشین گیمز پاکستان انٹرنیشنل کرکٹ جاپان ایشین گیمز 19 ستمبر سے 4 اکتوبر تک جاپان کے شہر ناگویا اور آئچی میں منعقد ہوں گے، جبکہ مردوں کا ٹی 20 کرکٹ ایونٹ 24 ستمبر سے شروع ہوگا اور تمغوں کے مقابلے 3 اکتوبر کو کھیلے جائیں گے۔ انڈپینڈنٹ اردو بدھ, جون 10, 2026 - 09:15 Main image: تیس سالہ صاحبزادہ فرحان پاکستان کے لیے 46 ٹی 20 انٹرنیشنل میچز کھیل چکے ہیں (اے ایف پی) کرکٹ type: news related nodes: ایشین گیمز: تمغے صرف تین مگر سیلفیاں اور سیر سپاٹے؟ چارپائی سے ایشین پیرا گیمز تک: معذور ایتھلیٹ کا خواب سونے کا تمغہ کرکٹ سے محبت سچی لیکن کیریئر ایک دن ختم ہو جائے گا: کوہلی کیا پی ایس ایل 11 سے پاکستان کرکٹ کو کچھ فائدہ ہوا؟ SEO Title: ایشین گیمز 2026 کے لیے پاکستان ٹیم کا اعلان، فرحان کپتان copyright: show related homepage: Hide from Homepage

Google Play App Store