Nokorwat News
ខេត្តកំពង់ស្ពឺ៖ដោយអនុវត្តតាមបទបញ្ជាយ៉ាងម៉ឺងម៉ាត់របស់លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ ព្រមទាំងមានការសម្របសម្រួលនីតិវិធីពីព្រះរាជអាជ្ញា អមសាលាដំបូងខេត្តកំពង់ស្ពឺ នៅវេលាម៉ោង២០:៣០នាទី នាថ្ងៃទី០៦ ខែមិថុនា ឆ្នាំ២០២៦ កម្លាំងជំនាញមូលដ្ឋានកងរាជអាវុធហត្ថស្រុកភ្នំស្រួច ដឹកនាំដោយលោកអនុសេនីយ៍ ឯក ញ្ញាណ មករា នាយសេនាធិការ មូលដ្ឋានកងរាជអាវុធហត្ថស្រុកភ្នំស្រួច បានដឹកនាំកម្លាំងចុះដល់ទីតាំងកន្លែងកើតហេតុ ហើយធ្វើការឃាត់ខ្លួនជនសង្ស័យម្នាក់ ករណីរំលោភលើលំនៅឋាននិងរំលោភលើទំនុកចិត្ត។ ប្រតិបត្តិការនេះធ្វើឡើងបន្ទាប់ពីទទួលបានពាក្យបណ្តឹងផ្ទាល់មាត់ពីជនរងគ្រោះ ដែលជនសង្ស័យបានប្រព្រឹត្តកាលពីវេលាម៉ោង១៩:០០នាទី នាថ្ងៃទី០៦ ខែមិថុនា ឆ្នាំ ២០២៦ ស្ថិតនៅក្នុងភូមិក្រាំល្ហុង ឃុំមហាសាំង ស្រុកភ្នំស្រួច ខេត្តកំពង់ស្ពឺ។ ជនសង្ស័យបានឡើងទៅលើផ្ទះរបស់ឈ្មោះ សាន គន ភេទស្រី អាយុ៥៤ឆ្នាំ មុខរបរអ្នកអនាម័យ មានទីលំនៅភូមិក្រាំងល្ហុង ឃុំមហាសាំង ស្រុកភ្នំស្រួច ខេត្តកំពង់ស្ពឺ ដោយគ្មានការអនុញ្ញាតពីម្ចាស់ផ្ទះ ហើយបានធ្វើ សកម្មភាព អុជធូប អុជទៀន យកអំបោះសដាក់លើហ៊ឹង រួចក្រាបថ្វាយបង្គំ ធ្វើឱ្យម្ចាស់ផ្ទះមានការភ័យខ្លាចហើយបានដេញចេញបាត់ទៅ។ សូមបញ្ជាក់ថាជនសង្ស័យធ្លាប់បានខ្ចីម៉ូតូរបស់រងគ្រោះឈ្មោះ សាន គន យកទៅជិះដោយប្រាប់ថា ជិះទៅខេត្តពោធិសាត់ ប៉ុន្តែមិនបានយកមកប្រគល់ឲ្យគាត់វិញទេ ...
Go to News Site
Kampuchea Thmey Daily 
