Kajgana

WhatsApp X (Twitter) Facebook Telegram Link

Јадење директно од вулкан: Се вари на тивок оган најмалку 6 часа, се нарачува ден однапред

Јадење директно од вулкан: Се вари на тивок оган најмалку 6 часа, се нарачува ден однапред Филип Здравески 10.06.2026 / 14:55 Чек дис аут На прв поглед, островскиот специјалитет познат како козиду даш фурнаш (cozido das furnas) не изгледа ништо различно од селско месо што би го нарачале во кафеана. Тоа е мешавина од различни видови месо и зеленчук сервирано во глинен сад, но начинот на кој се подготвува е многу специфичен. Кога велиме Португалија, обично мислиме на океанот, Порто, Лисабон, Кристијано Роналдо или добрите вина, а помалку на Азорските Острови во средината на Атлантикот. Азорите (на португалски Асореш) се состојат од 9 вулкански острови, оддалечени околу 1.500 километри од копното на Португалија, и се карактеризираат со бујна вегетација, без екстремна топлина или студ. Сепак, влажноста е висока бидејќи дождот може да падне во секое време, затоа не потпирајте се премногу на временската прогноза. Саун Мигел е најголемиот остров на Азорите и е украсен со бројни езера, прекрасни видиковци, термални извори и најстарата плантажа за чај во Европа. Она што особено се издвојува кај Саун Мигел е локалната кујна, или поточно, храната што доаѓа директно од вулкан! На прв поглед, островскиот специјалитет познат како козиду даш фурнаш (cozido das furnas) не се разликува од селското место што би го нарачале во кафеана тука во Македонија. Вклучува различни видови месо со зеленчук во глинен сад, но методот на подготовка на јадењето е многу специфичен. Не е потребна струја или гас, само малку трпение додека месото и зеленчукот се готват благодарение на топлината на водата и вулканската почва. Готвачите прво подготвуваат неколку видови месо и колбаси, како и зеленчук како компири, зелка и моркови. Состојките ги ослободуваат своите сокови за време на готвењето, во кое долго време се варат на пареа. Најважниот, а за многумина и најтешкиот дел од рецептот, е раното будење. Готвачите се будат во 4 часот наутро за да ги спуштат тенџерињата во дупки длабоки околу еден метар, од каде што се издигаат вулкански испарувања. Подготовката на овој специјалитет, кој во Португалија има сличен статус на пека во Хрватска или сач во Србија, е првенствено машка работа. Иако има жени што го прават тоа вешто, најлесно да се спушти тешкиот сад е во парови. Ова најчесто го прават татковците со своите синови, пренесувајќи ги семејните кулинарски тајни што се чуваат со генерации. Козиду се готви помеѓу 6 и 7 часа на температура од околу 100 степени Целзиусови, и тоа е така речиси еден век. Во минатото не се користеле тенџериња со капаци, туку храната се завиткувала во чаршафи и се спуштала во дупки. Куќите на островот кои имаат гејзери со топла вода во своите дворови редовно ги користат за подготовка на грав, јадења со бакалар и други локални специјалитети. Дупките каде се подготвува специјалитетот Како да нарачате казиду даш фурнаш? Ова е нешто во што туристите често прават грешка. Кога ќе пристигнат во Фурнаш или Сете Сидадеш, доста гладни, и ќе дојдат во одредени ресторани, може да помислат дека не се отворени. Ова е затоа што садовите со храна се веќе подготвени претходниот ден. Препорачливо е да резервирате оброк барем еден ден однапред, можеби дури и до три дена однапред во јули и август кога е погусто. Мештаните препорачуваат да пристигнете на ручек околу 14 часот или подоцна. Храната е најдобро да се јаде во првиот час откако ќе се тргне од земјата. Идеално е да закажете термин помеѓу 12:30 и 13:00 часот. Се подразбира дека козиду даш фурнаш треба да го делат две или повеќе лица, па ако патувате сами, нагласете дека е за едно лице. Сепак, целосното искуство значи пристигнување околу 10:30 часот, кога садовите се вадат од вулканската почва, а потоа одење на ручек. На крајот, можете да се засладите со болу леведу, традиционално азорско слатко печиво. Езеро во вулкански кратер Освен јадењето, можете да уживате во нереалната природа во оваа област. Езерото Фурнаш (Лагоа даш Фурнаш) е едно од најпознатите места во Азорскиот Архипелаг и дестинација што мора да се посети на островот Саун Мигел. Ова прекрасно езеро се наоѓа во градот Фурнаш. Сместено во древен вулкански кратер, езерото Фурнаш зафаќа значаен дел од калдерата на вулканот Фурнаш. Вулканот не еруптирал од 1630 година, но може да се видат постојани испарувања, поради што е можно да се подготви козиду на толку уникатен начин. Езерото Фурнаш Калдејраш даш Фурнаш (Котлите на Фурнаш) и Фумаролаш даш Фурнаш (Фумаролите на Фурнаш) се особено значајни по нивната континуирана вулканска активност. Овие активни фумароли и геотермални извори ослободуваат пареа и гасови, со температури што се движат помеѓу 66 и 93 степени Целзиусови, што ги прави извонреден природен феномен. Езерото не е за пливање, па можете само да фотографирате и да уживате во пејзажот. Самата долина Фурнаш е класифицирана како заштитен предел, со површина од околу 3.150 хектари. Езерото е центар на многу поголем геотермален систем, а истата топлина што го предизвикува вриењето во калдерите на јужниот брег ги напојува и термалните базени во градините Тера Ностра и Поса да Дона Бејжа, на само пет минути возење. Езерото Фурнаш Еруптивната активност од 1630 година, која ја формирала сегашната структура на езерскиот слив, ја преобликувала целата долина, а рабовите на стариот кратер сè уште можат да се видат денес ако застанете на видиковецот Пику ду Феру и погледнете надолу. Повеќето од дрвјата околу езерото се секундарна ловорова шума, оригиналната вегетација била исечена во текот на 19 век, а обновата покажува колку е силен овој екосистем. Португалија јадење вулкан Автор/Извор Ф.З. Прикажи во метро On

Google Play App Store