Британците жалат за Брегзит, само дел од постарата популација е против ЕУ

Kajgana

Британците жалат за Брегзит, само дел од постарата популација е против ЕУ

Британците жалат за Брегзит, само дел од постарата популација е против ЕУ Филип Здравески 08.06.2026 / 11:20 Свет Доколку референдумот за Брегзит беше организиран денес, мнозинството Британци не би гласале за излегување на Обединетото Кралство од Европската Унија, според резултатите од анкетата објавена денес. На референдумот одржан во 2016 година, граѓаните на Обединетото Кралство на Велика Британија и Северна Ирска гласаа за Брегзит. Резултатите од анкетата спроведена од Ipsos на примерок од 1.137 возрасни Британци покажаа дека 52% од Британците сметаат дека Обединетото Кралство треба повторно да се приклучи на ЕУ, објавува Bloomberg. На прашањето како би гласале на хипотетички повторен референдум, само 33% од испитаниците одговориле дека Обединетото Кралство треба да остане надвор од ЕУ, а речиси секој десетти испитаник бил неодлучен. Директорот за политички прашања во Ipsos, Киран Педли, рече дека бројките покажуваат јасна промена во расположението на британската јавност и додаде дека дебатата за односот на Обединетото Кралство со Европа во никој случај не е завршена во умовите на Британците. Помладите гласачи во огромно мнозинство го поддржуваат откажувањето на Брегзит, додека половина од оние над 55 години се против враќањето во блокот на ЕУ. Десет години по референдумот за излез на Обединетото Кралство од Европската Унија, имиграцијата е сè уште една од најконтроверзните теми во британската политика и главен извор на поделба меѓу гласачите. Специјална анкета на Ipsos спроведена во април годинава покажа дека Британците ги гледаат Обединетото Кралство и Европа како субјекти кои имаат заеднички интереси во области како што се одбраната, трговијата и климатските промени и очекуваат двете страни тесно да соработуваат. Сепак, мислењата се многу поделени кога станува збор за имиграцијата и речиси 40% од Британците сметаат дека Обединетото Кралство и ЕУ имаат спротивставени интереси кога станува збор за нелегалната имиграција, додека приближно една четвртина од нив сметаат дека нивните интереси се усогласени. „Требаше да бидеме свесни дека идниот референдум би можел да се одвива поинаку во пракса. Кога на јавноста ѝ се презентираат разни компромиси поврзани со односите со ЕУ, сликата станува многу посложена“, истакна Педли. Брегзит Обединето Кралство ЕУ Автор/Извор Макфакс Прикажи во метро Off

Go to News Site

Google Play

App Store