سعودی عرب کی نئی ایئرلائن ’ریاض ایئر‘ کا آغاز

Independent Urdu

سعودی عرب کی نئی ایئرلائن ’ریاض ایئر‘ کا آغاز

سعودی عرب نے بدھ کو اپنی دوسری قومی ایئرلائن ’ریاض ایئر‘ کا باضابطہ آغاز کر دیا۔ لندن کے لیے بوئنگ 787 ڈریم لائنر نے ریاض سے رات 2:30 بجے اڑان بھری۔ یہ ایئرلائن سعودی عرب کے ’ویژن 2030‘ منصوبے کا اہم حصہ ہے، جس کا مقصد معیشت میں تیل پر انحصار کم کرنا ہے۔ ریاض ایئر سعودی عرب کی دوسری سرکاری ایئرلائن ہے جس کا مقصد ریاض کو ایک عالمی فضائی مرکز بنانا ہے۔ ایئرلائن کے سی ای او ٹونی ڈگلس نے کہا کہ اس ایئرلائن کا مقصد ’فضائی سفر میں دوبارہ خوبصورتی، نفاست اور وقار واپس لانا ہے۔‘ یہ اقدام ایسے وقت میں سامنے آیا ہے جب مشرق وسطیٰ میں جنگی صورت حال اور علاقائی کشیدگی برقرار ہے اور فضائی صنعت کو مختلف چیلنجز کا سامنا ہے۔ ریاض ایئر کا آغاز اصل میں 2025 میں ہونا تھا لیکن بوئنگ کی ترسیل میں تاخیر اور مینوفیکچرنگ مسائل کے باعث یہ منصوبہ مؤخر ہوا۔ اس کے ساتھ ساتھ مشرق وسطیٰ میں ایران اور خلیجی ممالک کے درمیان کشیدگی اور حملوں نے بھی خطے میں غیر یقینی صورت حال پیدا کی ہے، جہاں ایئرپورٹس سمیت مختلف تنصیبات کو ڈرون اور میزائل حملوں کا سامنا کرنا پڑا۔ مزید پڑھ اس سیکشن میں متعلقہ حوالہ پوائنٹس شامل ہیں (Related Nodes field) اس کے باوجود ایئرلائن انتظامیہ کا کہنا ہے کہ یہ منصوبہ چار سال کی تیاری کا نتیجہ ہے اور ریاض اپنی جغرافیائی حیثیت کی وجہ سے نسبتاً کم متاثر ہوا ہے۔ ریاض ایئر سعودی عرب کے پبلک انویسٹمنٹ فنڈ کے تحت لانچ کیا گیا جس کا مقصد ملک کو عالمی سرمایہ کاری اور سیاحت کا مرکز بنانا ہے۔ ایئرلائن نے بوئنگ سے 132 ڈریم لائنر طیاروں کا آرڈر دیا ہے جبکہ ایئربس سے بھی 25 طیاروں کی خریداری کا معاہدہ کیا گیا ہے۔ منصوبے کے تحت 2030 تک اس ایئرلائن کا 100 سے زائد بین الاقوامی شہروں سے رابطہ قائم کرنے کا ہدف ہے جبکہ سعودی عرب مجموعی طور پر سالانہ 33 کروڑ مسافروں کو ہینڈل کرنے کا ارادہ رکھتا ہے۔ حکام کے مطابق یہ منصوبہ براہ راست اور بالواسطہ طور پر 2 لاکھ ملازمتیں پیدا کرے گا۔ اگرچہ سعودی عرب خطے میں تیزی سے اپنے فضائی منصوبے بڑھا رہا ہے لیکن اسے دبئی کی ایمریٹس، قطر ایئرویز اور اتحاد جیسے بڑے حریفوں کا سامنا ہے۔ تاہم سعودی عرب کو اپنی بڑی مقامی مارکیٹ (تقریباً ساڑھے تین آبادی) کی وجہ سے برتری حاصل ہے۔ سعودی عرب ریاض ایئر لائن ریاض ایئر سعودی عرب کی دوسری سرکاری ایئرلائن ہے جس کا مقصد ریاض کو ایک عالمی فضائی مرکز بنانا ہے۔ اے ایف پی بدھ, جون 10, 2026 - 18:15 Main image: سعودی ایئرلائن ’ریاض ایئر‘ کا بوئنگ ڈریم لائنر طیارہ سات جون 2026 کو ریاض کے کنگ خالد انٹرنیشنل ایئرپورٹ کے ٹرامک پر دیکھا گیا (اے ایف پی) ایشیا jw id: 4A1Pb3ew type: video related nodes: ریاض ایئر خواتین کی شمولیت سے صنفی تنوع میں پیش پیش سعودی عرب کا نئی فضائی کمپنی ’ریاض ایئر‘ کے قیام کا اعلان سعودی عرب کی ایئر لائن ’فلائی اے ڈیل‘ کی پہلی پرواز کراچی پہنچ گئی سعودی ایئر لائن کا پاکستان کے لیے فروری سے پروازوں کا آغاز SEO Title: سعودی عرب کی نئی ایئرلائن ’ریاض ایئر‘ کا آغاز copyright: show related homepage: Hide from Homepage

Go to News Site

Google Play

App Store