Mediamax

Նշանակվել է Հայաստանում ԵՄ նոր առաքելության ղեկավարը

Երեւան: Մեդիամաքս: Եվրոպական Խորհուրդը Կոսմին Ջորջ Դինեսկուն նշանակել է Հայաստանում Եվրոպական միության գործընկերության առաքելության (EUPM Armenia) ղեկավար։ EUPM Armenia առաքելությունը հիմնվել է 2026 թվականի ապրիլի 26-ին հայկական կողմի խնդրանքով՝ երկրի կայունության եւ ճգնաժամային կառավարման ոլորտում կարողությունների ամրապնդման նպատակով։ Առաքելությունը կաջակցի Հայաստանին համակցված սպառնալիքներին դիմակայելու հարցում՝ կիբեռհարձակումներ, արտաքին տեղեկատվական մանիպուլյացիաներ եւ միջամտություն, ապօրինի ֆինանսական հոսքեր։ Դեսպան Կոսմին Դինեսկուն ռումինացի դիվանագետ է միջազգային հարաբերությունների ոլորտում 25-ամյա փորձով։ Վերջին երեք տարիների ընթացքում նա ղեկավարել է Մոլդովայում ԵՄ գործընկերության առաքելությունը (EUPM Moldova), որի նպատակներից են աջակցությանը ազգային ճգնաժամային կառավարման կառույցներին եւ հիբրիդային սպառնալիքներին հակազդմանը։ EUPM Armenia-ն Հայաստանում ԵՄ երկրորդ քաղաքացիական առաքելությունն է։ Այն ինքնուրույն է եւ կապ չունի 2023 թվականին հիմնված ԵՄ քաղաքացիական առաքելության հետ (EUMA)։

Go to News Site

Google Play

App Store