Sigurjón Sighvatsson heiðraður á kvikmyndahátíðinni í Locarno

Fréttastofa RÚV

Sigurjón Sighvatsson heiðraður á kvikmyndahátíðinni í Locarno

Sigurjón Sighvatsson hlýtur heiðursverðlaun á kvikmyndahátíðinni í Locarno í Sviss sem haldin er dagana 5.-15. ágúst. Verðlaunin verða afhent 6. ágúst á öðrum degi hátíðarinnar. Tvær kvikmyndir sem hann framleiddi verða sýndar á hátíðinni strax í kjölfarið, Wild at Heart eftir David Lynch og Zidane, A 21st Century Portrait eftir Philippe Parreno og Douglas Gordon. Sigurjón Sighvatsson á glæstan feril að baki og meðal sjónvarpsþátta sem hann hefur framleitt má nefna Twin Peaks í leikstjórn David Lynch og unglingaþættina Beverly Hills 90210 sem voru afar vinsælir á tíunda áratugnum. Frægast er eflaust samstarf hans við Lynch en hann hefur gegnum tíðina unnið með leikstjórum á borð við Nicolas Winding Refn, Kathryn Bigelow og Taylor Sheridan.

Go to News Site

Google Play

App Store