Policia e Kosovës ka bërë të ditur detaje të reja lidhur me ngjarjen tragjike në fshatin Golluboc të Malishevës, ku më 6 nëntor u vranë dy vëllezërit Morina. Sipas njoftimit zyrtar, menjëherë pas raportimit të rastit, njësitë policore dhe hetimore kanë dalë në vendngjarje, ku gjatë ekzaminimeve janë gjetur dhe sekuestruar dy armë zjarri, që dyshohet se janë përdorur në kryerjen e vrasjes. Këto prova materiale konsiderohen kyçe për zbardhjen e plotë të rrethanave të ngjarjes, përcjell Telegrafi. Hetimet janë zhvilluar në koordinim të ngushtë me Prokurorin e Shtetit, duke përfshirë analiza balistike dhe veprime të tjera procedurale për identifikimin e autorit. Si rezultat i këtyre veprimeve, mëngjesin e 7 nëntorit 2025, rreth orës 06:25, në fshatin Pllaqicë të Malishevës, policia ka arrestuar të dyshuarin Astrit Isufi (1983), banor i Sankocit të Drenasit. I dyshuari është gjetur me plagë që dyshohet të jenë shkaktuar nga arma e zjarrit, dhe pas ndihmës së parë është dërguar për trajtim të mëtejmë në QKUK, nën masa sigurie. Policia e Kosovës ka konfirmuar se hetimet po vazhdojnë intensivisht, në bashkëpunim të plotë me Prokurorin e Shtetit, me qëllim ndriçimin e plotë të motivit dhe dinamikës së vrasjes së dyfishtë. / Telegrafi /

• Telegrafi
• 4 saat, 4 dakika

Vdiq një fëmijë në Spitalin e Pejës, Policia e cilëson rastin si “trajtim i pandërgjegjshëm mjekësor”

• Koha Net
• 4 saat, 12 dakika

Prokuroria Themelore Publike e Velesit lëshoi një Urdhër për të zhvilluar një procedurë hetimore kundër një personi për të cilin ka dyshime se ka qenë bashkëpunëtor në një vepër penale "Vrasje" sipas nenit 123, paragrafi 1 i Kodit Penal. Më 5 nëntor, në vendin e quajtur Porojnica, pranë rrugës së dheut nga Çashka në fshatin Busilci, i dyshuari, së bashku me një person tjetër që ende nuk është identifikuar, i morën jetën Gjelo Gjoshevin, banor i Velesit. Së pari, i dyshuari e joshi dhe e çoi të dëmtuarin në vendin e ngjarjes me makinën e tij. Pastaj, së bashku me personin tjetër, e qëlluan me armë zjarri, duke i shkaktuar një plagë me armë zjarri në kafkë, nga e cila viktima vdiq. I dyshuari më parë kishte kryer një krim grabitjeje, dhe sipas disa provave që janë siguruar tashmë, pas vrasjes në Çashkë ai u përpoq të mbulonte gjurmët dhe në këtë mënyrë të ndikonte në procedurë. Për këto arsye, prokurori publik është i qartë në lidhje me rrezikun e arratisjes, mundësinë e ndikimit te dëshmitarët dhe rrezikun e përsëritjes së krimit, prandaj ai paraqiti një propozim për caktimin e masës së paraburgimit. Pas urdhrave të prokurorit publik, Ministria e Brendshme po punon intensivisht për të identifikuar bashkëpunëtorin tjetër, si dhe motivet e sakta të vrasjes./Telegrafi/

• Telegrafi
• 4 saat, 14 dakika

Sipas "Marca", pavarësisht spekulimeve të shumta për largim, Antonio Rudiger dëshiron të qëndrojë te Real Madrid edhe pas verës së ardhshme, kur i skadon kontrata. Raporti thekson se bisedimet për rinovim kishin nisur që para disa muajsh, por u ndërprenë pasi mbrojtësi gjerman pësoi një dëmtim muskulor në shtator. Megjithatë, Madrid pritet t’i rihapë negociatat sapo ai të rikthehet plotësisht nga lëndimi dhe vetë lojtari është i gatshëm ta pranojë ofertën. Megjithëse Rudiger dëshiron të vazhdojë aventurën e tij në “Santiago Bernabeu”, e ardhmja e 32-vjeçarit do të varet nga forma dhe gjendja e tij fizike gjatë pjesës së mbetur të sezonit. Antonio Rudiger Për më tepër, preferenca e trajnerit Xabi Alonso për lojtarë më të rinj mund të ndikojë negativisht në mundësinë e tij për të mbetur pjesë e skuadrës. Në të njëjtën kohë, edhe kontrata e David Alaba skadon vitin e ardhshëm dhe duket se ai nuk është në planet e klubit për të ardhmen. Për këtë arsye, Real Madrid është duke kërkuar përforcime në mbrojtje, me disa emra të njohur që janë në listë si Dayot Upamecano, Ibrahima Konate dhe Marc Guehi./ Telegrafi

• Telegrafi
• 4 saat, 16 dakika

Hajka na studentkinju s hidžabom zbog zagrljaja sa saborcem iz Ćuprije: „Ćute na zulum, a njoj traže greh“ @n1srbija

• KoSSev
• 4 saat, 17 dakika

Kush po e shtyn përpara rebelimin populist? Nuk janë pensionistët e acaruar apo adoleshentët e ndjeshëm - është brezi im. Burimi: The Guardian Përkthimi: Telegrafi.com Kur kishim dyshime, flisnim për motin. Ose, nëse jo për këtë, atëherë për atë se përse trenat përsëri vonohen, apo sa e bukur ishte foshnja e dikujt: ai lloji i rutinës monotone që shkëmben me të huajt në rrugë. Por, diçka po ndryshon në mënyrën se si flasim në publik. Disa ditë më parë isha në [supermarketin] Aldi , duke bërë bisedën e zakonshme në arkë. Kur arkëtarja tha se ishte e lodhur nga puna me turne shtesë për të fituar ca para për Krishtlindje, burri pas meje ndërhyri duke thënë se do të jetë edhe më keq pasi “ajo do të na marrë të gjitha paratë” (nëse Rachel Reeves ishte në hamendje, deklaratat e saj për buxhetin po ndikojnë). Deri këtu rutinë, po të mos kishte vazhduar të shtonte se ajo dhe pjesa tjetër e qeverisë duhej të hiqeshin qafe dhe se ka mjaft ish-ushtarakë përreth që dinë se çfarë duhet bërë - përpara se të vazhdonte në mënyrë më grafike, derisa radha ra në heshtje dhe njerëzit nisën të lëviznin. Por, gjëja më e çuditshme ishte se ai i tha të gjitha këto me mjaft qetësi, sikur vrasja politike të ishte temë e pranueshme bisede me të huajt, si futbolli apo sa gjatë kanë zgjatur punimet në rrugë. Vetëm më vonë më ra në mend: ishte lloji i bisedës nga Facebook -u që ka marrë jetë. Ai e thoshte me zë të lartë, edhe në publik, llojin e gjërave që njerëzit i thonë shpesh në internet, pa e kuptuar se në botën reale ato janë ende tronditëse - të paktën për tani. Mendova për të kur ministri i Shëndetësisë, Wes Streeting, shprehu shqetësim këtë javë se po bëhej “e pranueshme, në aspektin social, të jesh racist” sërish, me punonjës të NHS-it [Shërbimi Shëndetësor Kombëtar] nga pakicat etnike që luftojnë me një valë demoralizuese gjërash të cilat njerëzit, me sa duket, tani ndihen të guximshëm t’ua thonë atyre. Ajo që përshkroi Streetingu - jo vetëm racizëm i paepur, por një ndjesi e përgjithshme se frenimet po zhduken - shtrihet shumë përtej dhomave të pritjes në spitale. Mund ta ndjesh në stacione autobusi, ku pyetjet e sjellshme se përse 44-shi nuk ndalon më këtu përfundojnë papritur në tangjente të egra për gjurmë kimike ose për qeverinë që të përgjon; ose në biseda rastësore në derën e shkollës, ku prindërit që përndryshe duken krejtësisht normalë dalin të kenë disa ide shumë të çuditshme për vaksinat. Një mike e quan këtë “sauna politike”, pas bisedave të mbushura me teori konspirative që ajo dëgjon në saunën e qendrës lokale të rekreacionit. Por, sido që ta quani, është sikur njerëzit po shprehin me zë të lartë monologët e tyre të brendshëm - gjërat që deri vonë do të kishin pasur turp t’i thoshin në publik, apo ndoshta edhe t’ia pranonin vetes se i mendojnë - me zë të lartë. Sepse, në fund të fundit, ata i thonë këto gjëra në internet dhe askush nuk befasohet. Pse jo në një dhomë pritjeje në spital? Është ekuivalenti i bisedës së djemve të rinj që përpiqen të provojnë në jetën reale gjërat që kanë parë në pornografinë e internetit dhe çuditen kur përfundojnë keq - përveçse këtë herë fajtorët nuk janë adoleshentë e hutuar, por prindërit e tyre, të shkëputur nga shembja marramendëse dhe e shpejtë e normave sociale në internet dhe kthimi i sharjeve që nuk i kanë dëgjuar me zë të lartë që nga fëmijëria. Radikalizimi i moshës së mesme tingëllon pothuajse si një kontradiktë, një reagim ndaj gjithë stereotipave rreth rehatisë në rutinë. Për më tepër, në mendjen tonë, nëse jo diku tjetër, brezi X [të lindur mes viteve 1965-1960] ka qenë gjithmonë paqeruajtësi i butë i luftërave kulturore: as aq i vjetër për të qenë reaksionar dhe as aq i ri për të qenë me zgjimin [woke], por duke zënë një zonë të artë të moderuar diku në mes. Por, diçka duket se na ka ndodhur ndërsa hymë në vitet e krizës së mesme. Tani brezi X është mjaftueshëm i vjetër për t’u shqetësuar se bota po ndryshon dhe po na lë pas: se nëse pushohemi nga puna mund të mos na punësojnë më, se martesat tona mund të mos mbijetojnë largimin e fëmijëve, se pikëpamjet tona janë të vjetruara dhe dikush po vjen për të na kurthuar, se njerëzit po tallen me ne pas shpinës tonë. Megjithëse shumica kalojnë pa ndonjë shpërthim politik, kjo kohë e jetës ka padyshim viktimat e saj që kërkojnë një dalje për zemërimin dhe zhgënjimin e mbajtur në shishe se pse jeta nuk doli ashtu siç ishte planifikuar. Janë brezi X, jo pensionistët e acaruar apo djemtë adoleshentë të joshur nga influencuesit e djathtë, ata që po fuqizojnë tani rebelimin populist. Vetëm 19 përqind e britanikëve rreth të pesëdhjetave votuan Reform UK-në në zgjedhjet e fundit të përgjithshme, por një e treta e atyre midis moshës 50 dhe 64 do ta votonin tani, sipas YouGov -it, që është një kthesë jashtëzakonisht e shpejtë për brezin e “Britanisë atraktive” [Cool Britannia] që solli Tony Blairin në Kryeministri - dhe ky fakt është thelbësor për kalimin e partisë nga periferia në kryeqendër. Në ShBA, brezi X është quajtur “brezi më pro-Trump”, sepse kanë më shumë gjasa se çdo tjetër të identifikohen si republikanë. Megjithatë, me përjashtime të rralla, si projekti Smidge - një studim ndërkombëtar trevjeçar në zhvillim mbi mënyrën se si përhapen teoritë konspirative dhe dezinformimi midis moshave 45-65-vjeçare dhe si mund të funksionojë deradikalizimi për këtë grupmoshë - ne tregojmë çuditërisht pak kureshtje mbi mënyrën se si mendjet e moshës së mesme janë formuar nga jetesa gjatë këtij eksperimenti të madh të lirive të pakontrolluara të fjalës. Brezi im pëlqen të mendojë se jemi mbi ndikimin që shohim në internet: se jemi më të zotët me teknologjinë se prindërit tanë, më pak të prekur nga TikTok -u se fëmijët tanë, dhe mjaft të pjekur për ta ndarë atë nga jeta reale. Por, dëshmitë sugjerojnë se nuk jemi aq të aftë për ta ndarë sa mendojmë. Ndoshta befasia e vetme, duke marrë parasysh sa i hollë ka qenë gjithmonë muri i katërt që ndan diskursin në linjë [online] dhe jashtë linje [offline], është se kjo ka marrë shumë kohë për t’u thyer. /Telegrafi/

• Telegrafi
• 4 saat, 23 dakika

Pavarësisht fitores bindëse 4-1 të Manchester City ndaj Borussia Dortmund në fazën e grupeve të Ligës së Kampionëve, Pep Guardiola duket se nuk është plotësisht i kënaqur me gjendjen aktuale të skuadrës së tij. Trajneri katalanas, i njohur për kërkesat e larta dhe dëshirën për përsosmëri, po mendon tashmë për përforcime të reja në repartin ofensiv, me synimin për ta bërë sulmin e Cityt edhe më të frikshëm. Sipas të përditshmes sportive Goal , Manchester City është shumë i interesuar për shërbimet e Vinicius Junior, yllit brazilian të Real Madridit. Edhe pse sulmuesi ka kontratë me “Los Blancos” deri në vitin 2027, situata e tij në “Santiago Bernabeu” nuk është plotësisht e qëndrueshme, diçka që mund të shfrytëzohet nga kampionët e Anglisë për të tentuar një transferim të bujshëm. Vinicius, një prej lojtarëve më të rëndësishëm të Realit në pesë vitet e fundit, ka qenë protagonist kyç në dy triumfet e fundit të madrilenëve në Ligën e Kampionëve, në vitet 2022 dhe 2024, duke shënuar gola vendimtarë në finalet ndaj Liverpoolit dhe Manchester Cityt. Megjithatë, raportet e fundit sugjerojnë se marrëdhënia e tij me klubin ka pësuar luhatje pas disa polemikave të brendshme. Së fundmi, braziliani ka qenë në qendër të kritikave pas reagimit të zemëruar ndaj zëvendësimit nga Xabi Alonso gjatë “El Clasicos” kundër Barcelonës. Edhe pse lojtari kërkoi falje publikisht dhe u fal nga trajneri dhe shokët e skuadrës, kjo ngjarje ka ndezur diskutime mbi të ardhmen e tij në kryeqytetin spanjoll. Guardiola, i cili këtë verë shpenzoi mbi 165 milionë euro për përforcime si Tijjani Reijnders, Rayan Ait-Nouri, Rayan Cherki dhe Gianluigi Donnarumma, duket i vendosur të mos ndalet këtu. Sipas burimeve të afërta me klubin anglez, City mund të bëjë një ofertë joshëse për Vinicius në verën e ardhshme, në një lëvizje që do të trondiste botën e futbollit dhe do të sillte një tjetër duel të ashpër mes gjigantëve të Evropës. /Telegrafi/

• Telegrafi
• 4 saat, 26 dakika

I dashuri i Rihannës, ASAP Rocky, përballet me një padi prej rreth 950 mijë eurosh pas një përmbytjeje që shkaktoi dëme në apartamentin e fqinjit të tij në New York. Pronari i apartamentit poshtë njësisë së reperit pretendon se një rrjedhje uji në dhjetor 2024 e bëri banesën e tij plotësisht të pabanueshme. Sipas padisë, përmbytja ndodhi kur punëtorët e ADE Pro Painting hapën dritaret për të ajrosur apartamentin gjatë punimeve, duke shkaktuar ngrirje dhe shpërthim të tubave të ujit, shkruan DailyMail. Dëmi përfshin pajisje, orendi dhe sende personale, me vlerë të paktën 610 mijë euro, ndërsa pronari ka shpenzuar edhe 173 mijë euro për akomodim alternativ. Padia fajëson për incidentin ASAP Rocky-n, kontraktorin ADE Pro Painting dhe bordin e ndërtesës, duke kërkuar kompensim minimal prej 780 mijë euro nga reperi dhe 173 mijë euro nga bordi. Ky incident vjen pas një periudhe të trazuar për reperin, i cili u lirua në shkurt nga akuza për armëmbajtje pa leje dhe është rikthyer në jetën familjare pas lindjes së vajzës Rocki Irish Mayers me Rihannën. /Telegrafi/

• Telegrafi
• 4 saat, 26 dakika

Kryetari i Partisë Demokratike, Sali Berisha, ka reaguar jashtë Parlamentit pas votimit të projektligjit për barazinë gjinore, i cili mori 77 vota pro. Berisha u shpreh se kjo u vendos pa debat, ndërsa u shpreh se Parlamenti është kthyer në formal sepse sipas tij nuk po respektohet asnjë nga rregullat bazë të tij. “E vendosën … Continued The post Miratimi i projektligjit për Barazinë Gjinore, Berisha: Iu hap rruga instalimit të ideologjisë më të rrezikshme të kohës! appeared first on Shqip.com - Lajmet e fundit nga Shqipëria, Kosova dhe Bota .

• Shqip
• 4 saat, 27 dakika

Analitičar Gezim Kasapoli izjavio je da je žalosno i uvredljivo za studente to što je premijer u tehničkom mandatu Aljbin Kurti obavestio studente o dodeli po 100 evra pomoći, budući da je, kako kaže, Kurti 20 godina zastupao stavove protiv zloupotrebe javnog novca.

• Kosovo Online
• 4 saat, 28 dakika

Kompania Turistike Shpejtimi ka lansuar një ofertë të veçantë për fundin e nëntorit, duke kombinuar festën e 28 Nëntorit me një udhëtim kulturor dhe komercial në dy kryeqytetet evropiane Budapest dhe Vjenë. Pakoja përfshin tre ditë udhëtim dhe dy netë akomodim në Budapest, me nisje më 27 nëntor dhe kthim më 30 nëntor 2025, ndërsa […] The post Ndalen fluturimet në aeroportin e dytë më të madh në Suedi për shkak të dronëve appeared first on Raporto Korrupsionin! KALLXO.com .

• Kallxo
• 4 saat, 32 dakika

Mënyra se si rritemi shpesh formëson personalitetin, stilin e komunikimit dhe qëndrimin tonë ndaj autoritetit. Fëmijët e rritur në mjedise të rrepta zakonisht mësojnë rëndësinë e rregullave dhe disiplinës, por në të njëjtën kohë ata mund të zhvillojnë modele të caktuara emocionale që vazhdojnë në moshë madhore. Edhe pse një edukim i tillë shpesh buron nga qëllime të mira, pasojat mund të shihen në mënyrën se si një person shprehet, vendos kufij dhe përjeton afërsinë. Sipas këshilltarëve të marrëdhënieve familjare, ka karakteristika që shoqërohen më shpesh me rritjen në një mjedis të rreptë familjar. Kufizim i tepërt emocional Njerëzit që janë rritur në një mjedis të rreptë shpesh kanë nevojë të jenë vazhdimisht "nën kontroll". Ata kanë vështirësi në shfaqjen e emocioneve sepse u është mësuar që në fëmijëri se ndjenjat konsiderohen dobësi. Në moshë madhore, kjo mund të duket e qetë dhe e qëndrueshme, por shpesh fsheh një frikë të thellë nga bërja e gabimeve ose mosmiratimi. Frika nga dështimi Këshilltarët e shëndetit mendor theksojnë se fëmijët që shpesh ndëshkohen ose kritikohen për gabimet e tyre, më vonë zhvillojnë frikën nga dështimi. Individë të tillë shpesh vendosin standarde të larta për veten e tyre dhe e kanë të vështirë të pranojnë dështimet e tyre. Kjo frikë mund t'i pengojë ata të marrin rreziqe ose të futen në situata të reja, sepse nuk duan të përjetojnë përsëri ndjenjën e turpit ose zhgënjimit. Vështirësi në shprehjen e emocioneve Njerëzit e rritur në familje të rrepta shpesh mësojnë të shtypin emocionet e tyre për të shmangur ndëshkimin ose konfliktin. Si të rritur, ata mund të kenë vështirësi në shprehjen e ndjenjave të tyre sinqerisht sepse kanë frikë nga reagimet negative nga të tjerët. Kjo mund të çojë në izolim emocional dhe vështirësi në marrëdhënie të ngushta. Vetëbesim i ulët Sipas ekspertëve të prindërimit, rregullat tepër të rrepta dhe një nevojë e vazhdueshme për përsosmëri shpesh dëmtojnë vetëbesimin e një fëmije. Kur një fëmijë ndien sikur nuk është kurrë mjaftueshëm i mirë, kjo ndjenjë vazhdon edhe në moshë madhore. Të rriturit që kanë pasur një përvojë të tillë shpesh dyshojnë në vendimet e tyre dhe kanë vështirësi të pranojnë lavdërimet, sepse vëlerësimi i jashtëm është bërë masa e tyre e vlerës. Çështje besimi Fëmijët e rritur në mënyrë të rreptë shpesh mësojnë se gabimet janë të pafalshme. Kjo mund ta bëjë të vështirë për ta që t'u besojnë të tjerëve si të rritur, pasi presin gjykim ose zhgënjim. Në vend që të relaksohen në marrëdhënie, ata shpesh mbajnë distancë emocionale dhe vëzhgojnë me kujdes sjelljen e të tjerëve. Nevojë e shtuar për miratim Psikologë dhe terapistë të ndryshëm shpjegojnë se njerëzit që janë rritur nën disiplinë të rreptë shpesh kërkojnë vlerësim dhe miratim nga figura autoriteti, miq ose partnerë. Ata janë mësuar me idenë se dashuria dhe lavdërimi duhet të "fitohen" dhe, edhe si të rritur, e kanë të vështirë të besojnë se janë të dashur pa kushte. Kjo nevojë për njohje mund të jetë shteruese dhe të krijojë një ndjenjë tensioni të vazhdueshëm.

• Telegrafi
• 4 saat, 37 dakika

Pas 12 orësh debate e përplasje mes palëve, socialistët miratuan projektligjin për barazinë gjinore. Me 77 votat e deputetëve të majtë dhe 36 kundër nga opozita, u miratua ligji që ngjalli debate të forta në seancën plenare. Projektligji “Për barazinë gjinore”, një nismë e qeverisë, synon harmonizimin e legjislacionit shqiptar me standardet e Bashkimit Evropian … Continued The post Kalon në Kuvend projektligji për barazinë gjinore, 77 vota pro dhe 36 kundër appeared first on Shqip.com - Lajmet e fundit nga Shqipëria, Kosova dhe Bota .

• Shqip
• 4 saat, 37 dakika

Protezat fleksibile Valplast përfaqësojnë një revolucion në stomatologjinë moderne, duke ofruar zgjidhje estetike, të rehatshme për pacientët pa dhëmbë Ass.Dr.Sci. Visar Disha Specialist i Protetikes Stomatologjike Specialist i Ortodoncisë dhe Ortopedisë së Nofullave Specialist i Kirurgjisë Orale dhe Implantologjisë Tel. +38344559287 Të krijuara nga materiale biokompatibile dhe rezistente, ato garantojnë një përshtatje natyrale dhe një buzëqeshje plot vetëbesim. Me Valplast, pacienti fiton jo vetëm funksionalitet, por edhe një cilësi jete shumë më të lartë. Zëvendësimi i dhëmbëve që mungojnë – një vendim i rëndësishëm Humbja e dhëmbëve është një sfidë serioze për shumë pacientë, duke ndikuar jo vetëm në shëndetin oral, por edhe në vetëbesimin dhe cilësinë e jetës. Zëvendësimi i tyre është një vendim i rëndësishëm, i cili duhet marrë në konsultim me specialistin e protetikës stomatologjike, për të gjetur zgjidhjen më të përshtatshme klinike dhe estetike. Falë zhvillimit të stomatologjisë moderne, sot pacientët kanë mundësi të zgjedhin një alternativë të rehatshme dhe estetike – protezat fleksibile Valplast . Çfarë janë protezat fleksibile Valplast? Protezat Valplast prodhohen nga një material termoplastik biokompatibil, i lehtë dhe jashtëzakonisht rezistent. Ky material inovativ i jep protezës fleksibilitet të lartë, përshtatje natyrale në gojë dhe një estetikë të pakrahasueshme me protezat tradicionale. Ndryshe nga protezat konvencionale, Valplast nuk ka kapëse metalike të dukshme dhe është dizajnuar për të qenë pothuajse i padukshëm, duke ofruar një pamje shumë më natyrale. Avantazhet e protezave fleksibile Valplast • Estetikë e lartë Një nga arsyet kryesore pse pacientët zgjedhin Valplast është pamja estetike. Protezat janë më të holla, me ngjyrë transparente që harmonizohet me mishrat e dhëmbëve, duke krijuar një buzëqeshje krejt natyrale. Askush nuk do të vërejë se keni proteza në gojë. • Rehati maksimale Materiali i butë dhe fleksibil I bënë protezat Valplast shumë më të lehtë për t’u mbajtur. Pacientët raportojnë ndiesi më natyrale dhe më pak shqetësime gjatë të folurit apo përtypjes. • Qëndrueshmëri dhe jetëgjatësi Valplast është rezistent ndaj kimikateve që gjenden në ushqim dhe pije, duke ofruar një jetëgjatësi më të gjatë përdorimi. Protezat janë të forta, por edhe fleksibile, gjë që i bënë më të besueshme për përdorim afatgjatë. • Bio-kompatibilitet Të prodhuara nga materiale pa monomer, protezat Valplast janë të sigurta edhe për pacientët alergjikë ose me ndjeshmëri të veçantë. Ky është një faktor shumë i rëndësishëm për shëndetin oral dhe mirëqenien e përgjithshme. • Përtypje dhe të folur më komod Falë përshtatjes së tyre natyrale, Valplast ju lejon të ushqeheni dhe të flisni pa vështirësi. Kjo rrit ndjeshëm cilësinë e jetës së përditshme, duke ju kthyer vetëbesimin dhe buzëqeshjen që meritoni. • Zgjidhje ideale për pacientë me probleme shëndetësore shoqëruese Në rastet kur pacientët vuajnë nga sëmundje të mishrave të dhëmbëve, diabeti ose probleme kardiovaskulare, protezat fleksibile Valplast përfaqësojnë një zgjedhje më të përshtatshme dhe më të sigurt krahasuar me alternativat e tjera. Mesazhi im Protezat fleksibile Valplast janë zgjedhja ideale për çdo pacient pa dhëmbë që kërkon rehati, estetikë dhe natyralitet. Ato nuk janë vetëm një zgjidhje funksionale, por një investim në buzëqeshjen, vetëbesimin dhe shëndetin tuaj. Mos lejoni mungesën e dhëmbëve të ndikojë në jetën tuaj të përditshme. Konsultohuni me specialistin tuaj të protetikës stomatologjike dhe zgjidhni Valplast protezën e së ardhm e s për një buzëqeshje të sigurt. /Telegrafi/

• Telegrafi
• 4 saat, 38 dakika

Një operacion i madh u krye si pjesë e hetimit për bastet të nisur nga Zyra e Prokurorit Publik të Stambollit. U lëshuan urdhër-arreste për 21 individë, përfshirë 17 gjyqtarë, një president klubi të Superligës dhe një ish-pronar ekipi, me akuzat për "ndikim në rezultatin e një ndeshjeje" dhe "përhapje informacioni mashtrues". Një zhvillim tronditës ka ndodhur në futbollin turk. Zyra e Prokurorit Publik të Stambollit ka nisur një operacion në shkallë të gjerë si pjesë e një hetimi për baste që ka bërë jehonë në të gjithë botën e sportit. Si pjesë e hetimit, janë lëshuar urdhër-arreste për gjithsej 21 individë, përfshirë 17 gjyqtarë, një president klubi të Süper Lig, një ish-pronar klubi dhe një ish-president të shoqatës. Në një deklaratë të bërë nga zyra e prokurorit, u tha se procesi filloi pasi deklarata e bërë nga Presidenti i Federatës Turke të Futbollit (TFF), Ibrahim Haciosmanoglu, më 27 tetor 2025, ku thuhej se "371 gjyqtarë kanë llogari bastesh dhe 152 prej tyre po vënë baste në mënyrë aktive", u pranua si një informacion. Skandali në Turqi: Pezullohen plot 149 gjyqtarë, përfshirë 22 nga liga e parë Si pjesë e hetimit në vazhdim, 17 gjyqtarë u akuzuan për "shpërdorim detyre" dhe "ndikim në rezultatin e një ndeshjeje" sipas nenit 6222 të Kodit Penal Turk. Për më tepër, u iniciuan procedura ligjore kundër presidentit (Murat Özkaya), të klubit Eyupspor që garon në Superligën e Turqisë dhe ish-pronarit të Kasimpasa, Mehmet Fatih Saraç për të njëjtin krim. Megjithatë, u raportua se një person (UE) i cili u zbulua se kishte bërë postime manipuluese në mediat sociale dhe kishte përhapur informacione mashtruese u ndoq penalisht për krimin e "përhapjes publikisht të informacionit mashtrues". Operacione në 12 qytete në të njëjtën kohë Masat e kontrollit, sekuestrimit dhe ndalimit u zbatuan në 12 qytete, përfshirë Stambollin, kundër një totali prej 21 individësh. Zyra e prokurorit theksoi në deklaratën e saj se fushëveprimi i hetimit është i gjerë dhe se të gjithë individët dhe institucionet brenda ekosistemit të futbollit do të shqyrtohen me kujdes. Në deklaratën e saj, Zyra e Kryeprokurorit Publik deklaroi se hetimi administrativ i kryer nga Federata Turke e Futbollit (TFF) dhe procesi gjyqësor vazhdojnë në mënyrë të pavarur nga njëri-tjetri. "Ndërsa proceset disiplinore të zbatuara nga TFF-ja do të përdoren, vlerësimet gjyqësore do të bëhen plotësisht në mënyrë të pavarur. Është gjithashtu e mundur të ndërmerren veprime ligjore kundër individëve kundër të cilëve TFF-ja nuk ka ndërmarrë asnjë veprim", thuhet në njoftim. Në fund të deklaratës, u theksua se informacionet e pakonfirmuara që qarkullojnë në mediat sociale nuk duhet t'u besohet. "Me anë të kësaj i njoftohet publikut se nuk duhet të mbështetemi në asnjë informacion burimi i të cilit nuk mund të përcaktohet, veçanërisht në mediat sociale, dhe se hetimi do të vazhdojë me vendosmëri duke mbledhur të gjitha provat", mbyllet njoftimi. /Telegrafi/

• Telegrafi
• 4 saat, 38 dakika

Senati amerikan e hodhi poshtë ngushtë një propozim, me rezultat 49 pro dhe 51 kundër, i cili do të kishte kërkuar miratimin e Kongresit për çdo veprim ushtarak që SHBA-të do të ndërmerrnin kundër Venezuelës. Ky propozim kishte për qëllim të kufizonte mundësinë e administratës së presidentit të përdorte forcën ushtarake pa një miratim të mëparshëm nga legjislativi amerikan. Sidoqoftë, edhe pse propozimi nuk kaloi, ai pasqyron tensionet dhe debatet që po zhvillohen në lidhje me politikën e jashtme dhe përdorimin e forcës ushtarake nga SHBA, veçanërisht në rajonin e Amerikës Latine. NEW: The Senate narrowly rejected a proposal (49–51) that would have required Congress to approve any U.S. military action against Venezuela. pic.twitter.com/Gw5jPi34ym — Clash Report (@clashreport) November 7, 2025 Përkrahësit e propozimit argumentuan se ishte e nevojshme që çdo ndërhyrje ushtarake të kishte miratimin e Kongresit, për të siguruar një kontroll më të madh dhe transparencë në politikën e jashtme amerikane. Ndryshe, ushtria amerikane realizuan një sulm të ri ndaj një anijeje në Karaibe, ku tre persona u vranë, konfirmoi ministri i Luftës, Pete Hegseth. Ky është sulmi i fundit në një seri goditjesh vdekjeprurëse në kuadër të fushatës të administratës së presidentit Donald Trump kundër trafikimit të drogës. /Telegrafi/

• Telegrafi
• 4 saat, 39 dakika