Kryeministri i Shqipërisë, Edi Rama ka ndarë pamje nga kantieri i punës në hyrje të Shkodrës. Përmes një postimi në rrjetet sociale, Rama e cilëson ndërhyrjen dinjitoze, dhe që po e transformon zonën. “Mirëmëngjes dhe me kantierin e punës në hyrje të Shkodrës, një ndërhyrje dinjitoze që po transformon zonën me rrugë, shtigje për biçikleta, trotuare, ndriçim e shumë gjelbërim, ju uroj një ditë të mbarë”, shkruan Rama në Facebook. /Telegrafi/

• Telegrafi
• 3 gün, 4 saat, 52 dakika

Instituti Hidrometeorologjik i Kosovës njofton se sot më 04.11.2025, mbi vendin tonë do të mbajë mot kryesisht i vranët dhe intervale kohore me diellore. Vranësirat vende-vende mund të sjellin edhe riga shiu. Temperaturat minimale do të lëvizin nga 4°C deri në 7°C, ndërsa ato maksimale nga 10°C deri në 13°C. Era do të fryjë nga […] The post KRU “Prishtina”: Reduktime të ujit në Drenas për shkak të turbullirës në kanalin e Ibër-Lepencit appeared first on Raporto Korrupsionin! KALLXO.com .

• Kallxo
• 3 gün, 4 saat, 54 dakika

Policia e Kosovës ka bërë të ditur për një vrasje në tentativë në Podujevë. Rasti ka ndodhur të hënën, në ora 14:35. “Është pranuar një informatë për përleshje mes disa personave. Në vendin e ngjarjes është hasur viktima mashkull kosovar i lënduar, i cili dyshohet se është lënduar me një mjet i mprehtë-thikë, dhe i njëjti është dërguar në QKUK për tretman të mjekësor”, thuhet në raport. Lidhur me rastin janë arrestuar tre të dyshuar meshkuj kosovarë, ku gjatë kontrollit tek të dyshuarit janë gjetur dhe sekuestruar dy mjete të mprehta –thika. Me vendim të prokurorit dy nga të dyshuarit janë dërguar në mbajtje, ndërsa i treti është liruar në procedurë të rregullt. /Telegrafi/

• Telegrafi
• 3 gün, 4 saat, 56 dakika

Pas marrjes së drejtimit të Juventusit të Torinos, Luciano Spalletti është i vendosur të ketë fjalën kryesore në ndërtimin e skuadrës së tij. Trajneri italian e ka vënë tashmë në shënjestër mbrojtësin e Bayern Munichut, Kim Min-jae, si përforcimin ideal për repartin defensiv të “Zonjës së Vjetër”. Juventusi është i vetëdijshëm se duhet të punojë pa pushim për të rikthyer lavdinë, si në kampionatin italian, ashtu edhe në arenën evropiane. Pas një periudhe me rezultate të paqëndrueshme, klubi torinez ka vendosur t’i besojë eksperiencës dhe autoritetit të Spallettit, një trajner që njihet për disiplinë dhe vendosmëri në ndërtimin e projekteve fituese. Duket se trajneri dëshiron të ribashkohet me një lojtar që e njeh mire, Kim Min-jae, mbrojtësi i cili nën drejtimin e tij te Napoli ishte ndër pikat kyçe të skuadrës që fitoi titullin e Serie A. Kim Min-jae, në radarët e Juventusit Sipas raportimeve të Rai Sport , Spalletti pritet t’i kërkojë klubit të bëjë një përpjekje serioze për të marrë shërbimet e mbrojtësit, i cili është i lidhur me Bayernin deri në vitin 2028. 28-vjeçari do të ishte një përforcim i nivelit të lartë për Juventusin, duke sjellë siguri dhe përvojë në mbrojtje. Megjithatë, gara për të nuk do të jetë e lehtë, pasi edhe Interi dhe Milani e kanë përfshirë Kim Min-jae në listën e tyre të dëshirave. Aktualisht, Bayerni mban kontrollin e plotë mbi të ardhmen e lojtarit, i cili mbetet një nga mbrojtësit më të vlerësuar në Evropë, dhe një objektiv që ngjall shumë interes. /Telegrafi/

• Telegrafi
• 3 gün, 4 saat, 58 dakika

Piloti i Ferrarit, Charles Leclerc, ka njoftuar fejesën me të dashurën e tij prej shumë kohësh, modelen dhe influencuesen 23-vjeçare Alexandra Saint Mleux. Çifti e ndau lajmin në Instagram të dielën, së bashku me një seri fotosh romantike dhe mbishkrimin: "Z. & Znj. Leclerc". Leclerc dhe Alexandra janë bashkë që nga fillimi i vitit 2023, kur u panë për herë të parë së bashku gjatë Javës së Modës në Paris. View this post on Instagram A post shared by Charles Leclerc (@charles_leclerc) Ata e konfirmuan lidhjen e tyre disa muaj më vonë, duke u shfaqur së bashku në Wimbledon dhe duket se piloti i Ferrarit tani ka vendosur të bëjë hapin tjetër. Sipas argjendares Laura Taylor, e cila specializohet në prodhimin e bizhuterive të fejesës, unaza e Alexandras vlen të paktën 485 mijë euro. "Unaza e Alexandras përmban një diamant të bukur me prerje ovale, të vendosur në një brez platini. Diamanti duket të jetë midis pesë dhe gjashtë karatëve, me qartësi dhe shkëlqim të jashtëzakonshëm. Nëse diamanti është natyral dhe i cilësisë më të lartë, vlerësoj se vlera e tij është mbi 400 mijë euro", tha Taylor për Daily Mail. Leclerc, i cili është 28 vjeç dhe ka një pasuri të vlerësuar në rreth 115 milionë euro, ka dy lidhje të famshme pas tij me modelen italiane Giada Gianna, me të cilën ishte deri në vitin 2019 dhe me arkitekten Charlotte Sine, me të cilën u nda në fund të vitit 2022. /Telegrafi/

• Telegrafi
• 3 gün, 5 saat, 5 dakika

Forumi i Paqes në Pejë ka nderin të mirëpres rotarianen e devotshme dhe lideren e njohur të Paqes, Alison Sutherland, nga Wales, Mbretëria e Bashkuar. Roli i saj udhëheqës në Rotary përfshinë shërbimin shumëvjeçar në Klubin, Distriktin dhe rolin e Drejtoreshës në Rotary Action Group for Peace si dhe kontributin e saj në themelimin e Peacebuilders Rotary Club në vende të ndryshme të botës. Si kryetare e DEI (Diversity, Equity and Inclusion), Alison është angazhuar për të krijuar një kulturë më mikpritëse duke ofruar mundësi të barabarta, ku të gjithë anëtarët ndihen të vlerësuar dhe kanë mundësi të marrin rolin udhëheqës. Alison është anëtare e Komitetit të Qendrave të Paqes në Rotary International. Për rolin e saj shumëvjeçar për ndërtimin e Paqes, Alison është emëruar Koordinatore Teknike në Fondacionin Rotary për Ndërtimin e Paqes dhe Parandalimin e Konfliktit. Ajo është po ashtu e pjesë e Welsh Peace Academy and the Cardiff Council-led Cohesion Group for Wales. Forumi i Paqes në Pejë falënderon Alison për pranimin e ftesës për të ndarë përvojën e saj shumëvjeçare me pjesëmarrësit e Forumit. Ky është një kontribut i jashtëzakonshëm për paqen globale, dhe një nderim i veçantë për Pejën dhe Kosovën. Për të përcjellë punimet e forumit dhe diskutimin me Alison Sutherland, me 5 nëntor, 2025, ju mund të regjistroheni në: https://pejapeaceforum.org /. /Telegrafi/

• Telegrafi
• 3 gün, 5 saat, 6 dakika

Barcelona ka marrë një propozim të ri për të zhvilluar një ndeshje miqësore në Marok muajin e ardhshëm, pasi ndeshja kampionale kundër Villarrealit, që ishte planifikuar të luhej në SHBA, është anuluar. Gjigantët katalanas kishin planifikuar të bëheshin pjesë e projektit të parë të La Ligës për të zhvilluar një ndeshje zyrtare jashtë Spanjës, por për arsye organizative dhe ligjore ndeshja nuk do të zhvillohet në tokën amerikane. Pas kësaj, drejtuesit e Barcelonës po shqyrtojnë mundësinë që gjatë pushimit të Krishtlindjeve të zhvillojnë një miqësore jashtë vendit për të gjeneruar të ardhura shtesë dhe për të lehtësuar disi krizën e tyre financiare. Sipas planeve aktuale, Barcelona do të luajë ndeshjen e fundit të vitit kundër Villarrealit në Spanjë, përpara se lojtarët të nisin pushimin dyjavor. Barcelona i kërkon La Ligas shtyerjen e ndeshjes me Villarrealin për arsye qesharake telegrafi.com Klubi është në kontakt me La Ligën, Federatën Spanjolle të Futbollit dhe Shoqatën e Futbollistëve (AFE) për të sqaruar çështjen e disponueshmërisë së lojtarëve gjatë festave. Maroku shihet si një alternativë e favorshme për shkak të afërsisë gjeografike dhe organizimit më të lehtë krahasuar me një udhëtim të gjatë drejt Amerikës së Jugut, ku ishte marrë një propozim edhe nga Peruja. Një udhëtim i tillë do të komplikonte përgatitjet e skuadrës dhe pushimet e detyrueshme të lojtarëve të përcaktuara nga AFE. Aktualisht, bordi drejtues i Barcelonës po e vlerëson seriozisht ofertën nga Maroku, me synimin që kjo ndeshje të sjellë përfitime financiare dhe të ndihmojë klubin të forcojë praninë e tij në tregun afrikan. /Telegrafi/

• Telegrafi
• 3 gün, 5 saat, 7 dakika

Pesë milionë nga më shumë se gjashtë milionë hebrenj të vrarë në Holokaust tani janë identifikuar, dhe me ndihmën e mëtejshme të inteligjencës artificiale (AI), edhe më shumë emra mund të gjenden, thanë studiuesit izraelitë të hënën. Yad Vashem, Qendra Botërore e Përkujtimit të Holokaustit në Jerusalem, tha se ky moment historik shënon shtatë dekada pune dhe është në zemër të misionit të saj për të rikuperuar identitetin e atyre që u vranë nga nazistët gjatë Luftës së Dytë Botërore, transmeton Telegrafi. Rreth një milion viktima hebreje janë ende të panjohura "dhe shumë prej tyre ka të ngjarë të mbeten të tilla përgjithmonë", tha Yad Vashem. Por me mjete të tilla si AI dhe të mësuarit automatik, beson se mund të rikuperojë edhe 250,000 emra të tjerë duke analizuar qindra milionë dokumente që kanë qenë shumë të gjera për t'u hulumtuar manualisht. Me numrin e të mbijetuarve të Holokaustit që po zvogëlohet dhe botën që së shpejti do të mbetet pa dëshmitarë të dorës së parë, kryetari i Yad Vashem, Dani Dayan, tha se arritja e momentit historik prej pesë milionësh ishte një kujtesë për një detyrim të papërfunduar. "Pas çdo emri fshihet një jetë që kishte rëndësi - një fëmijë që nuk u rrit kurrë, një prind që nuk u kthye kurrë në shtëpi, një zë që u hesht përgjithmonë", tha Dayan. "Është detyra jonë morale të sigurohemi që çdo viktimë të mbahet mend në mënyrë që askush të mos mbetet pas në errësirën e anonimitetit", shtoi ai. Në maj të vitit 2024, Yad Vashem kishte thënë se kishte zhvilluar programin e vet të mundësuar nga inteligjenca artificiale për të kontrolluar grumbuj të dhënash në përpjekje për të identifikuar qindra mijëra hebrenj të vrarë në Holokaust, emrat e të cilëve mungojnë në memorialet zyrtare. Në atë kohë, ajo kishte gjurmuar informacione mbi 4.9 milionë individë duke lexuar deklarata dhe dokumente, duke kontrolluar pamjet filmike, varrezat dhe të dhëna të tjera. Emrat e viktimave të Holokaustit, si dhe dosjet personale që tregojnë për jetën e shumë prej tyre, janë mbledhur në një bazë të dhënash online të Yad Vashem në gjashtë gjuhë. Kjo bazë të dhënash, vuri në dukje ajo, ka ndihmuar familje të panumërta të ribashkohen me të afërmit e humbur dhe familjet për të përkujtuar të dashurit, veçanërisht pasi shumica e viktimave mbetën pa varre. "Nazistët synonin jo vetëm t'i vrisnin, por edhe të fshinin ekzistencën e tyre. Dhe duke identifikuar pesë milionë emra, ne po rivendosim identitetin e tyre njerëzor dhe po sigurohemi që kujtesa e tyre të mbetet e paharrueshme", tha Alexander Avram, drejtor i sallës së emrave të Yad Vashem, i cili drejton bazën qendrore të të dhënave të emrave të viktimave. /Telegrafi/

• Telegrafi
• 3 gün, 5 saat, 12 dakika

Sot (e martë) janë në program për t’u zhvilluar gjithsej nëntë ndeshje në kuadër të xhiros së katërt të fazës së ligës në Ligën e Kampionëve. Ethet e Ligës së Kampionëve rikthehen përsëri dhe nëntë ndeshje gjatë ditës së sotme, ndër to edhe shumë ndeshje interesante. Ndeshja kryesore e mbrëmjes padyshim se është ajo në mes të dy gjigantëve evropian, Liverpoolit dhe Real Madridit, e cila pritet të zhvillohet në “Anfield” me fillim nga ora 21:00. Në të njëjtin orar do të luhet edhe një tjetër super përballje, ajo në mes të Paris Saint-Germain dhe Bayern Munich, e planifikuar të luhet në “Parc des Princes”. A big week in the #UCL pic.twitter.com/cs69t0sLMu — UEFA Champions League (@ChampionsLeague) November 3, 2025 Ndeshja tjera interesante në këtë orar janë edhe ato mes Juventus dhe Sporting Lisbona, Atletico Madrid-Royale Union SG, Tottenham-Copenhagen, Bodo/Glimt-Monaco dhe Olympiacos-PSV Eindhoven. Dy ndeshjet e vetme që do të luhet nga ora 18:45 janë ato në mes të Napolit me Eintracht Frankfurt dhe Slavia Praga me Arsenalin. /Telegrafi/

• Telegrafi
• 3 gün, 5 saat, 20 dakika

• Telegrafi
• 3 gün, 5 saat, 27 dakika

Të paktën shtatë alpinistë, përfshirë pesë të huaj dhe dy nepalezë, kanë vdekur pasi u goditën nga një ortek në një majë të Himalajeve në Nepalin verilindor, tha agjencia e ekspeditës Seven Summit Treks. Sipas mediave të huaja, përcjell Telegrafi, incidenti ndodhi në orën 09:00 sipas orës lokale të hënën pranë kampit bazë të malit Yalung Ri në distriktin Dolakha. Ekipet e shpëtimit gjetën dy trupa dhe ende po kërkojnë pesë të tjerët, që besohet se janë “varrosur” nga bora. Pesë të tjerë janë kthyer në kampin bazë me lëndime jo kritike. Të gjithë këta alpinistë ishin pjesë e një grupi që u nis më shumë se një orë para se të binte orteku, tha shefi i policisë së distriktit për BBC. Trupat e pesë alpinistëve të tjerë të vdekur "mund të jenë 10-15 metra nën borë", tha Mingma Sherpa, kryetar i Seven Summit Treks. "Do të duhet kohë për t'i gjetur ata". Në mesin e të vdekurve përfshihen dy italianë, një kanadez, një gjerman, një francez dhe dy nepalezë që shërbyen si udhërrëfyes. / Telegrafi /

• Telegrafi
• 3 gün, 5 saat, 27 dakika

Politiko: U paketu proširenja EU oštre reči za Srbiju, pohvale Crnoj Gori i Albaniji @AgencijaBeta

• KoSSev
• 3 gün, 5 saat, 27 dakika

Moti sot në mbarë vendin do të jetë me vranësira të ndryshueshme dhe me reshje lokale të shiut, posaçërisht paradite. Do të fryjë dhe erë mesatare, ndërsa përgjatë Vardarit e përforcuar nga drejtimi verior. Temperatura minimale do të jetë në interval prej 6 deri në 11, ndërsa ajo maksimale do të arrij prej 6 deri në 11, ndërsa ajo maksimale do të arrij prej 11 deri në 16 gradë. Në Shkup, moti do të jetë me vranësira, paradite me reshje të dobëta të shiut. Do të fryjë dhe erë mesatare nga drejtimi verior. Temperatura minimale do të ulet në 10, ndërsa ajo maksimale do të arrij në 14 gradë Celsiusë.

• Telegrafi
• 3 gün, 5 saat, 30 dakika

Ylli amerikan televiziv dhe sipërmarrësja Kim Kardashian, 45-vjeçare, zbuloi se përdori ChatGPT ndërsa studionte për provimin e jurisprudencës dhe pretendon se Inteligjenca Artificiale më shumë e pengoi se sa e ndihmoi. Kim foli për përvojën e saj me inteligjencën artificiale në një intervistë për serinë "Lie Detector Test" të revistës Vanity Fair, ku aktorja tjetër Teyana Taylor e pyeti për aspekte të ndryshme të jetës së saj, nga këshillat e dashurisë deri te marrëdhënia e saj me teknologjinë. Kur u pyet nëse e përdor ChatGPT për këshilla jetësore, këshilla dashurie, apo ndoshta e sheh atë si një 'mik', Kardashian fillimisht u përgjigj negativisht. Kim Kardashian Megjithatë, ajo pranoi se e përdor atë për këshilla ligjore gjatë përgatitjes për provime. "Sa herë që më duhet një përgjigje për një pyetje ligjore, bëj një fotografi të detyrës dhe e ngarkoj në ChatGPT. Por ai shpesh më çon te përgjigja e gabuar, kështu që vazhdoj të dështoj në teste për shkak të kësaj. Pastaj mërzitem dhe filloj t'i bërtas", tha Kim. Taylor bëri shaka, duke pyetur nëse kjo do të thoshte se ajo dhe ChatGPT ishin në të vërtetë miq dhe rivalë në të njëjtën kohë. "Po, pikërisht", konfirmoi Kim. "Dhe pastaj ai u përgjigj: "Kjo thjesht të mëson t’u besosh instinkteve të tua - e dije përgjigjen gjatë gjithë kohës". Sipas Vanity Fair, një operator i poligrafit konfirmoi se Kardashian nuk po gënjente kur foli për përdorimin e ChatGPT. /Telegrafi/

• Telegrafi
• 3 gün, 5 saat, 31 dakika

Komuna e Hanit të Elezit ka nisur për herë të parë vaksinimin e gjedheve kundër sëmundjeve klostridiale, një nismë e financuar plotësisht nga vetë Komuna. Qëllimi i këtij programi është mbrojtja e shëndetit të bagëtive dhe rritja e produktivitetit në sektorin bujqësor, përcjell Telegrafi. Sipas njoftimit zyrtar, në këtë fazë pritet të vaksinohen gjithsej 833 gjedhe në të gjitha fshatrat e komunës. Procesi po realizohet nga ekipe profesionale të veterinerëve dhe ofrohet falas për të gjithë fermerët. Komuna ka bërë thirrje për bashkëpunim nga të gjithë pronarët e bagëtive, në mënyrë që vaksinimi të zhvillohet me sukses dhe të kontribuojë në një bujqësi më të qëndrueshme dhe më të shëndetshme në territorin e Hanit të Elezit. / Telegrafi /

• Telegrafi
• 3 gün, 5 saat, 32 dakika

FBI-ja ka pushuar nga puna katër agjentë që punonin në ish-ekipin Jack Smith që hetonte presidentin Donald Trump, megjithëse disa nga këto shkarkime u anuluan më vonë, thanë për Reuters pesë persona të njohur me çështjen. Ky veprim është i fundit në një sërë veprimesh ndaj personelit që synojnë punonjësit që punonin në hetime që hetonin Trumpin ose aleatët e tij, transmeton Telegrafi. Një nga agjentët e pushuar nga puna, Jeremy Desor, është shënjestruar ditët e fundit në mediat sociale pasi Kryetari i Komitetit Gjyqësor të Senatit, Charles Grassley, një republikan, publikoi publikisht më shumë se 1,000 faqe me thirrje në gjyq nga hetimi i Smithit, me emrin e koduar "Arctic Frost", në përpjekjet për të mbajtur Trumpin në pushtet pasi ai humbi zgjedhjet e vitit 2020 ndaj rivalit të tij demokrat, Joe Biden. Thirrjet në gjyq nuk fshinë asnjë nga emrat e punonjësve të FBI-së ose Departamentit të Drejtësisë që ishin të përfshirë. Një tjetër agjent i pushuar nga puna, Jamie Garman, u vendos fillimisht në pushim administrativ disa javë më parë, menjëherë pasi Grassley publikoi të dhëna të tjera që tregonin se Smith kishte kërkuar "të dhëna të kufizuara të pagesës" nga telefonat celularë të tetë senatorëve republikanë dhe një anëtari të Dhomës së Përfaqësuesve në ditët para dhe pas sulmit të 6 janarit 2021 në Kapitolin e SHBA-së. Dy agjentë të tjerë që punonin në ekipin e Smith, të cilëve iu tha se do të pushoheshin nga puna të hënën - Blaire Toleman dhe David Geist - u informuan më vonë se pushimet nga puna po anuloheshin, sipas katër burimeve. Toleman tani është i vendosur jashtë zyrës së byrosë në Çikago dhe më parë drejtoi një skuadër kundër korrupsionit publik, që u mbyll nga byroja në fillim të këtij viti. Geist më parë shërbeu si një agjent special ndihmës përgjegjës në zyrën në Uashington gjatë kohës së hetimit të Smith dhe tani është caktuar në një njësi të FBI-së, që ofron ndihmë të shpejtë në incidente kritike, të tilla si shpëtimi i pengjeve. Disa agjentë të tjerë u pushuan gjithashtu nga puna të hënën, vetëm për t'i anuluar më vonë këto shkarkime, shtuan dy nga burimet. /Telegrafi/

• Telegrafi
• 3 gün, 5 saat, 33 dakika