Trajneri portugez, Jose Mourinho e ka dhënë veten plotësisht në jetën e përditshme te Benfica që pas zyrtarizimit të tij para disa javësh. Që kur u rikthye në klub në shtator, ‘Special One’ i ka kaluar ditët e tij 'nga lindja e diellit deri në perëndim të diellit' në Kampusin e Benfica-s, ku janë fushat stërvitore dhe akademia e klubit. Larg nga mbajtja e distancës, Mourinho ka jetuar si një nga banorët e kampusit, krah për krah me trajnerët e akademisë dhe lojtarët e rinj. Ai po vëzhgon seancat stërvitore dhe madje po ha në të njëjtën sallë ngrënieje me fëmijët e akademisë - një gjest që nuk ka kaluar pa u vënë re. Mais uma noite no Benfica Campus. pic.twitter.com/QImHFsE0CT — SL Benfica (@SLBenfica) November 3, 2025 Ata brenda klubit thonë se ai po i mban nën vëzhgim talentët e rinj më të ndritur të Benficas, duke treguar interes, mbështetje dhe udhëzime të vërteta ndërsa ata zhvillohen. Nga ky gjest, Mourinho mund të cilësohet si një “I veçantë” - jo vetëm për emrin, por edhe për shembullin që po jep. /Telegrafi/

• Telegrafi
• 3 gün, 1 saat, 9 dakika

Robotët mund të jenë gati të zëvendësojnë njerëzit në fabrika dhe depo, por shefat e kuzhinës nuk kanë pse të shqetësohen për humbjen e vendeve të punës së tyre së shpejti. Në një video virale, e cila ka grumbulluar mbi 6.3 milion shikime, një robot humanoid përpiqet të përgatisë një gjellë për pronarin e tij - me rezultate katastrofike. Videoja tregon youtuberin Cody Detwiller, i cili njihet me emrin WhistlinDiesel, duke e lënë drekën e tij në duart e paqëndrueshme të një roboti Unitree G1, transmeton Telegrafi. Roboti prej 80,000 dollarësh humb menjëherë kontrollin e tiganit, e hedh ushqimin në dysheme dhe rrëshqet në rrëmujë. Pasi lëviz me zhurmë si një patinator akulli i dehur, roboti përfundimisht bie në dysheme. Unitree pretendon se roboti i tij mund të "simulojë duart e njeriut për të arritur funksionimin e saktë të objekteve". Megjithatë, testi qesharak i Detwiller sugjeron se roboti mund të mos jetë mjaftueshëm i shkathët për t'i besuar në kuzhinë. Në mediat sociale, fansat e teknologjisë kanë mbushur komentet me reagimet e tyre, ku njëri prej tyre e quan atë 'kulmin e komedisë'. Në video, Detwiller përdor telekomandën e robotit për ta dërguar atë të përplaset me mure, dyer, dritare dhe përfundimisht e godet me kamionin e tij. Megjithatë, roboti gjithashtu i nënshtrohet disa testeve të tjera praktike. Por testi shpejt shndërrohet në kaos ndërsa si Detwiller ashtu edhe roboti rrëshqasin mbi një grumbull ushqimi të derdhur. /Telegrafi/ - YouTube www.youtube.com

• Telegrafi
• 3 gün, 1 saat, 10 dakika

Kryeministri Edi Rama ka komentuar vendimin e Gjykatës Kushtetuese lidhur me çështjen e kryebashkiakut të Tiranës, Erion Veliaj.  Në një reagim në X, Rama u shpreh se vendimi provon se “nuk i paska kapur të tëra pushtetet”.  Reagimi i Edi Ramës:  Disa rrjedhime logjike nga vendimi i Gjykatës Kushtetuese: 1. Ja që edhe njëherë u … Continued The post Kushtetuesja i dha të drejtë Veliajt/ Rama: Të rikthehet në zyrë. Mbajtja në paraburgim është në dëm të Tiranës appeared first on Shqip.com - Lajmet e fundit nga Shqipëria, Kosova dhe Bota .

• Shqip
• 3 gün, 1 saat, 13 dakika

Herman Bernstein (1876–1935) ishte ambasador i Shteteve të Bashkuara në Shqipëri, nga shkurti i vitit 1930 deri në shtator të vitit 1933 - një periudhë e shënuar nga përpjekjet e Shqipërisë nën mbretin Zog për të ruajtur pavarësinë mes Italisë dhe Jugosllavisë. Bernstein lindi në Nojshtat-Shirvint - sot Kudirkos Naumiestis, në Lituani - në një familje hebreje, dhe emigroi në Shtetet e Bashkuara në vitin 1893. Atje punoi si gazetar, shkrimtar dhe përkthyes (i letërsisë ruse), duke kontribuar në The New York Evening Post , The Nation dhe The Independent . Ishte redaktor i The Jewish Tribune dhe Jewish Daily Bulletin dhe udhëtoi në Evropë si korrespondent i The New York Times ku dokumentoi gjendjen e hebrenjve në Evropën Lindore dhe mbuloi Revolucionin Rus për New York Herald . Bernstein u takua me Herbert Hooverin në Konferencën e Paqes në Paris më 1919 dhe e mbështeti atë në kandidaturën për president në vitin 1928. Në këmbim, Hooveri e emëroi ambasador në Shqipëri. Bernstein vdiq në Shefild të Masaçusetsit. Arkivat e tij, përfshirë disa shkrime mbi Shqipërinë, ruhen në Institutin YIVO për Kërkime Hebraike në Nju-Jork. Herman Bernstein kishte marrëdhënie të mira me mbretin Zog. Në artikullin e mëposhtëm, të botuar në New York Times , ai hodhi dritë mbi pozitën e vështirë të Shqipërisë në përpjekjet për të balancuar marrëdhëniet mes Italisë, Jugosllavisë dhe Greqisë. Nga: Herman Bernstein [1] Përgatiti: Robert Elsie Përkthimi: Agron Shala / Telegrafi.com Çështjet e saj në krizë, Shqipëria i ndjek me kujdes në lëvizjet e ndryshme të blloqeve që udhëhiqen nga Franca dhe Italia. Shqipëria konsiderohet si një nga zonat më serioze të rrezikut në Evropë. Një luftë e re mund të fillojë atje nëse interesat politike dhe ushtarake të kombeve të tjera, për Shqipërinë, vazhdojnë të bien ndesh me njëri-tjetrin. Për shkak të pozitës së saj gjeografike, ky vend i vogël mban çelësin e Adriatikut dhe ka qenë mollë sherri mes kombeve të ndryshme për shekuj me radhë. Nga pikëpamja strategjike, vija bregdetare e saj do të kishte vlerë të paçmuar për Italinë - në rast lufte. Italia prej disa vitesh ka hedhur shuma të mëdha në Shqipëri, për të ndihmuar në organizimin e ushtrisë, për të ndërtuar rrugë, ura dhe fortifikime. Në Ballkan besohet se përpjekja e Italisë për të militarizuar Shqipërinë është pjesë e programit të ambicies imperialiste - që i atribuohet Mussolinit - për të depërtuar në Ballkan, për të rimarrë rrugën e famshme romake Via Egnatia që kalon nëpër Shqipëri dhe Jugosllavi drejt Selanikut dhe Stambollit. Çdo lëvizje e Italisë në Shqipëri vëzhgohet me dyshim dhe shqetësim nga Franca, nga Antanta e Vogël dhe veçanërisht nga Jugosllavia. Gjatë disa viteve të fundit, ndihma financiare dhe udhëzimi ushtarak i ofruar nga Italia ndaj Shqipërisë, kanë shërbyer për të shtuar ndjenjën e nervozizmit në Ballkan dhe kanë bërë që Jugosllavia të ndërmarrë përgatitje të ethshme ushtarake për të luftuar depërtimin e frikshëm italian në Ballkan. Një ushtar i fuqive Shqipëria e vogël është bërë kështu një ushtar [figurë shahu] në lojën e dy blloqeve në konflikt në diplomacinë evropiane - njëri i udhëhequr nga Italia dhe tjetri nga Franca. Ajo ka përfituar deri-diku nga ky konflikt interesash dhe ka arritur të forcojë unitetin kombëtar, fillimisht me ndihmën e Jugosllavisë dhe më pas me ndihmën e Italisë. Cilado qofshin motivet e fshehta të këtyre kombeve, Shqipëria ka ruajtur me zgjuarsi dhe guxim pavarësinë e saj - edhe pse është detyruar të bëjë shumë sakrifica, lëshime dhe kompromise në këmbim të ndihmës materiale që ka marrë që nga përfundimi i luftës [së Parë Botërore]. Nëse rrugët dhe urat e ndërtuara me ndihmën e parave italiane ishin apo jo të destinuara për planet ushtarake të Italisë, ato tashmë i shërbejnë qëllimeve të dobishme ekonomike të Shqipërisë, duke vendosur komunikime normale mes pjesëve të ndryshme të këtij vendi të vogël malor. E pushtuar gjatë Luftës Botërore Gjatë luftës [së Parë Botërore], Shqipëria ishte skenë e shumë pushtimeve. Ushtritë greke, serbe, franceze, austro-hungareze dhe italiane luftuan njëra-tjetrën në Shqipëri, dhe kjo tokë e vogël u nda në disa zona të ndikimit të huaj, ndërsa populli iu nënshtrua privimeve dhe mjerimit të papërshkrueshëm. Ahmet Zogu, mbreti i tanishëm, u internua në Vjenë gjatë gjithë periudhës së luftës. Pavarësia e Shqipërisë - e shpallur në vitin 1912 - u ndërpre. Në Konferencën e Paqes në Paris, kërkesat e saj fillimisht u injoruan plotësisht. Delegacioni paqësor shqiptar, i kryesuar nga Mehmed Bej Konica, vëllai i ministrit aktual shqiptar [ambasador] në Shtetet e Bashkuara, vendosi shpresat te presidenti Wilson dhe iu drejtua delegacionit amerikan që Shtetet e Bashkuara, si fuqi e paanshme, të merrnin mandatin për Shqipërinë. Jugosllavia, Greqia dhe Italia ishin të etshme për të siguruar “sferat e tyre të ndikimit”. Në vitin 1919 u arrit një marrëveshje midis [kryeministrave] Clemenceau, Lloyd George dhe Nitti, në mungesë të përfaqësuesit amerikan, që i jepte Italisë mandatin mbi Shqipërinë nën Lidhjen e Kombeve, dhe ndante një pjesë të Shqipërisë së Veriut për Jugosllavinë. Shqiptarët protestuan kundër kësaj zgjidhjeje të imponuar që do t’i privonte nga pavarësia dhe do të copëtonte vendin e tyre. Protesta e Wilsonit Presidenti Wilson kundërshtoi fuqimisht marrëveshjen me arsyetimin se ajo ishte arritur në mungesë të përfaqësuesit amerikan dhe se synonte “t’i ndante shqiptarët, përkundër protestave të tyre të fuqishme, midis tri fuqive të ndryshme të huaja”. Pavarësia e Shqipërisë u shpëtua kur Qeveria amerikane deklaroi se “çështjet shqiptare nuk duhet të përfshihen në diskutimet e përbashkëta të propozuara midis Italisë dhe Jugosllavisë, dhe presidenti duhej të ripohonte se ai nuk mund të aprovojë, në asnjë mënyrë, ndonjë plan që ia caktonte Jugosllavisë rajonet veriore të Shqipërisë - si kompensime territoriale për ato që i ishin mohuar diku tjetër ...”! Dhe, “mbetej që Italia dhe Jugosllavia të zgjidhnin mosmarrëveshjet e tyre, nëse munden, përmes negociatave të ndara, me kushtin që nuk duhej të arrinin marrëveshje në kurriz të Shqipërisë”. Shqipëria u pranua si anëtare me të drejta të plota e Lidhjes së Kombeve në dhjetor të vitit 1920, pas një fjalimi dramatik në mbrojtje të pavarësisë shqiptare nga Lord Robert Cecil - përballë protestave të disa shteteve ballkanike. Një vit më vonë, ambasadorët e Britanisë së Madhe, Francës, Italisë dhe Japonisë, “duke pranuar se shkelja e këtyre kufijve ose e pavarësisë së Shqipërisë mund të përbënte rrezik për sigurinë strategjike të Italisë”, përfunduan një marrëveshje sipas së cilës “nëse Shqipëria në ndonjë moment do ta kishte të pamundur të ruante integritetin e saj territorial, ajo do të ishte e lirë t’i drejtohej Këshillit të Lidhjes së Kombeve për ndihmë të huaj”; se “qeveritë e Perandorisë Britanike, Francës, Italisë dhe Japonisë do të vendosin që, në rastin e përmendur më sipër, do t’i udhëzonin përfaqësuesit e tyre në Këshillin e Lidhjes së Kombeve që të rekomandonin që rivendosja e kufijve territorialë të Shqipërisë t’i besohej Italisë”. Megjithëse tashmë anëtare e Lidhjes së Kombeve, Shqipëria nuk u konsultua fare në lidhje me këtë marrëveshje. Ajo protestoi kundër saj, duke deklaruar se nuk do ta njihte vlefshmërinë e saj. Deri më sot, Italia e konsideron Marrëveshjen e Ambasadorëve si një instrument detyrues ndërkombëtar që njeh interesat e saj të veçanta në Shqipëri, por pakti shihet me dyshim dhe frikë nga fqinjët e afërt të Shqipërisë në Ballkan; marrëveshja ka shërbyer kështu si burim përplasjeje, që prej asaj kohe, dhe e ka bërë Shqipërinë zonë të ndjeshme siç është edhe sot. Në vitin 1920, italianët ende mbanin të pushtuar Vlorën, në Shqipërinë e Jugut. Udhëheqësit shqiptarë, të vendosur për ta çliruar vendin nga sundimi i huaj, detyruan ushtrinë italiane të tërhiqej. Më pas nisën të organizonin shtetin dhe të vendosnin rendin në vend. Ahmet Zogu ishte një nga udhëheqësit më të shquar të rinj, dhe qeveria ku ai ishte ministër i Brendshëm - dhe më pas kryeministër - u identifikua me emrin e tij. Në vitin 1924, regjimi i Zogut u përmbys nga një revolucion i udhëhequr nga peshkopi shqiptar, Fan Noli. Ahmet Zogu, së bashku me disa nga bashkëpunëtorët e tij, u largua me shpejtësi në Beograd - për strehim dhe ndihmë. Qeveria revolucionare e Fan Nolit zgjati nga qershori deri në dhjetor të vitit 1924, kur Zogu - i cili ishte dënuar me vdekje prej saj - u kthye fitimtar në Tiranë në krye të një ushtrie të vogël që kishte organizuar në Jugosllavi. Brenda një muaji pas kthimit në Shqipëri, Zogu u zgjodh për shtatë vjet president i Republikës Shqiptare. Qeveria e tij filloi të riorganizonte dhe modernizonte vendin. Por, shpërthimet e pakënaqësisë ndodhnin herë pas here. Jugosllavët, duke qenë se e kishin ndihmuar Zogun për të rimarrë pushtetin, prisnin prej tij që të kishte një orientim të fuqishëm pro-jugosllav, ose më saktë - anti-italian. Duke kuptuar rrezikun e madh që një politikë e tillë paraqiste për vendin e tij, presidenti Zog u përpoq të ndiqte një rrugë të mesme - të ishte pro-shqiptar. Pakti i Tiranës Papritmas, në vitin 1926, ndodhi një kryengritje e rëndë në Shqipërinë e Veriut. Ahmet Zogu ishte i bindur se ajo ishte nxitur nga Jugosllavia. Si Italia ashtu edhe Jugosllavia i kishin propozuar atij një pakt miqësie dhe sigurie. Kjo kryengritje e detyroi të merrte një vendim të shpejtë në favor të Italisë dhe, më 27 nëntor 1926, ai nënshkroi një pakt pesëvjeçar miqësie dhe sigurie midis Shqipërisë dhe Italisë. Ky dokument, i njohur si Pakti i Tiranës, deklaronte se Italia dhe Shqipëria, “në funksion të forcimit të marrëdhënieve të ndërsjella të miqësisë dhe sigurisë ... njohin se çdo trazim i drejtuar kundër status quo -së politike, juridike dhe territoriale të Shqipërisë, është në kundërshtim me interesat e tyre reciproke”. Nënshkrimi i Paktit të Tiranës i futi në alarm dhe ankth fqinjët e Shqipërisë. Një vit më vonë, menjëherë pas nënshkrimit të Traktatit Franko-Jugosllav, u lidh një traktat aleance midis Italisë dhe Shqipërisë për një periudhë prej njëzet vjetësh. Shqipërisë iu dha një hua prej 50 milionë franga ar nga Italia, përmes një grupi financiar italian të njohur si SVEA. Banka Kombëtare e Shqipërisë u themelua nën mbikëqyrjen e këtij grupi. Nisi një program i madh i veprave publike dhe ato u financuan nga kjo hua. Organizatorët ekonomikë, inxhinierët dhe sipërmarrësit italianë erdhën në Shqipëri. Po ashtu, mbërritën organizatorët dhe instruktorët ushtarakë italianë. U ndërtuan rrugë, ura dhe ndërtesa publike. Çdo lëvizje në Ballkan vëzhgohet si nën një mikroskop. Jugosllavët i panë me dyshim përpjekjet e italianëve në Shqipëri. Ata i konsideronin traktatet italo-shqiptare, huan dhe ardhjen e organizatorëve dhe instruktorëve italianë si pjesë të një skeme politike dhe ushtarake për të siguruar një bazë të fortë në Adriatik, me synimin për të depërtuar në Ballkan. Beogradi e konsideronte një program të tillë si sfidë të drejtpërdrejtë ndaj Jugosllavisë. Situata ishte e rrezikshme. Më 1 shtator 1928, presidenti Zog u shpall Mbret i Shqiptarëve nga një Asamble Kushtetuese, dhe Republika u bë Mbretëri. Gjenerali italian, Alberto Pariani, ndihmoi në organizimin dhe trajnimin e Ushtrisë Shqiptare. Xhandarmëria u organizua dhe drejtohej nga gjenerali britanik, Sir Jocelyn Percy. Gjykatat e drejtësisë u riorganizuan. U hapën shkolla të reja. U vendos një ritëm më i shpejtë në këtë vend të vogël, ku në të kaluarën “gjërat mund të arriheshin vetëm nëse kishe mjaft duhan dhe durim”. Kur përfundoi periudha pesëvjeçare e Paktit të Miqësisë dhe Sigurisë, mbreti Zog refuzoi ta rinovonte, pavarësisht presionit të raportuar nga Mussolini. Mbreti Zog deklaroi se traktati nuk ishte më i nevojshëm, pasi ai nuk kishte nevojë për ndonjë fuqi të jashtme që ta mbronte. Ai gjithashtu theksoi se traktati i tij i aleancës me Italinë, i cili do të mbetej në fuqi për disa vite, mbulonte të gjitha pikat që kishin të bënin me bashkëpunimin miqësor mes dy vendeve. Situata kritike financiare Ndërkohë, gjendja ekonomike dhe financiare e Shqipërisë kishte arritur një fazë kritike. Italia ofroi të ndihmonte sërish Shqipërinë duke i dhënë dhjetë hua vjetore me nga 10 milionë franga ar secila. Fqinjët e Shqipërisë u alarmuan, duke besuar se propozimi i Italisë nuk ishte gjë tjetër veçse një subvencion i ri për qëllime ushtarake. Huat vjetore do të shpenzoheshin nën mbikëqyrjen e një komisioni të përzier shqiptaro-italian. Shqipëria pranoi dhe dy huat e para vjetore u dhanë, megjithëse jo të plota. Huaja e tretë vjetore, këtë vit u mbajt pezull me arsyetimin se Shqipëria nuk po përmbushte kushtet e marrëveshjes për “bashkëpunim miqësor”. Kur Italia i sugjeroi mbretit Zog, rreth një vit më parë, se një bashkim doganor midis Italisë dhe Shqipërisë do të ishte i pranueshëm për Italinë dhe do të ishte shumë i dobishëm për Shqipërinë, mbreti Zog e hodhi poshtë këtë sugjerim, duke kuptuar se një marrëveshje e tillë jo vetëm që do të irritonte fqinjët ballkanikë, por edhe mund të shkaktonte trazira në të gjithë Evropën. Më pas, Italia u irritua nga një ndryshim i befasishëm në Kushtetutën Shqiptare që çoi në mbylljen e disa shkollave të huaja dhe fetare. Qeveria shqiptare shpjegoi se kjo masë ishte e nevojshme, për momentin, për të konsoliduar unitetin kombëtar përmes sistemit të shkollës publike dhe për të parandaluar propagandën e huaj kundër kombit. Italianët refuzuan të pranonin drejtorët e tillë administrativë në shkollat e tyre. Ata i mbyllën shkollat dhe i dërguan mësuesit e tyre sërish në Itali. Zgjuarsia e ligjit të ri shqiptar për sistemin shkollor u vu në pikëpyetje, duke pasur parasysh mungesën aktuale të mësuesve të kualifikuar shqiptarë. Asnjë ndihmë më nga Italia Qeveria italiane, duke qenë plotësisht në dijeni të gjendjes së dëshpëruar financiare të Shqipërisë, adoptoi një politikë të pritjes së kujdesshme, duke refuzuar çdo ndihmë të mëtejshme financiare. Importet e Italisë nga Shqipëria vazhduan të bien. Italianët mohuan se dëshironin ndonjë koncesion të ri në Shqipëri, se donin kontroll mbi ushtrinë, xhandarmërinë apo degë të tjera të qeverisë. Ata thanë se gjithçka që kërkonin ishte miqësia, bashkëpunimi miqësor dhe ndikimi kulturor. Mbreti Zog refuzoi të rihapte shkollat, por bëri një gjest të vullnetit të mirë duke urdhëruar që gjuha italiane të bëhej e detyrueshme në shkollat e mesme shqiptare. Kjo nuk i kënaqi plotësisht italianët dhe ata vazhduan të vononin huan e premtuar vjetore. Më pas, mbreti Zog urdhëroi një ulje drastike në buxhetin e vitit 1934. Ai i uli shpenzimet për ushtrinë pothuajse përgjysmë. Ai gjithashtu ia dhuroi shtetit një të katërtën e rrogës së tij dhe të shpenzimeve të familjes mbretërore për këtë vit. E gjithë kjo ndihmoi në rritjen e popullaritetit të mbretit Zog në mesin e shqiptarëve, por Roma ishte ende e zemëruar. Problemi aktual Shqipëria, duke e ditur mirë se shpresa e saj e vetme për rimëkëmbje qëndron në zhvillimin paqësor, po përpiqet të dalë nga ndërlikimet politike që rrezikojnë marrëdhëniet miqësore me fqinjët ballkanikë. Italia, Jugosllavia dhe Greqia kanë deklaruar vazhdimisht se janë kundër shkeljes së pavarësisë së Shqipërisë. Ndërkohë, vazhdon beteja diplomatike e zgjuarsisë midis kryeministrit Mussolini dhe mbretit Zog. Deri tani, mbreti Zog duket se ka dalë fitimtar, për shkak se forca e Shqipërisë qëndron në dobësinë e saj. Së fundmi, ajo ka lidhur një traktat të favorshëm tregtar me Greqinë, dhe tani po negocion një traktat të ri tregtar me Jugosllavinë. Këto janë shenja të qarta të një bashkëpunimi më të ngushtë mes Shqipërisë dhe fqinjëve të saj ballkanikë. Nëse Shqipëria arrin të vendosë marrëdhënie miqësore me fqinjët e saj ballkanikë, pa nxitur armiqësinë e Mussolinit, ky vend i vogël buzë Adriatikut, i quajtur “Toka e harruar e Evropës”, do të jetë në gjendje të zhvillojë në mënyrë paqësore dhe të suksesshme potencialin e saj bujqësor dhe ekonomik. /Telegrafi/ _________________ [1] Botuar në: The New York Times , New York, 28 janar 1934.

• Telegrafi
• 3 gün, 1 saat, 18 dakika

Xhelal Shala dhe Kosovar Halimi  janë të akuzuar nga Prokuroria për nxitje të urrejtjes, përçarjes dhe mosdurimit për shkak se kishin shpërndarë fletushka në ditën e festës së “Shën Gjergjit” në Gjakovë. Fletushkat e shpërndara sipas Prokurorisë kishin përmbajtje që konsumonin elementet e veprës penale. Kështu, për dy të akuzuarit më 04.11.2025 ishte përcaktuar që […] The post Mund të ketë shembje gurësh, Policia e rajonit të Ferizajt apelon për kujdes të shtuar appeared first on Raporto Korrupsionin! KALLXO.com .

• Kallxo
• 3 gün, 1 saat, 18 dakika

Një ditë më parë Gjykata Kushtetuese e Shqipërisë ka vendosur se nuk do të ketë zgjedhje në Tiranë, duke rrëzuar kështu dekretin e Presidentit Bajram Begaj. Me këtë, Kushtetuesja ka vendosur se Veliaj do të vijojë të mbetet kryebashkiak i Tiranës, pavarësisht se prej disa muajsh ai ndodhet në qeli E lidhur me këtë ka reaguar sot kryeministri i Shqipërisë, Edi Rama. Ai në një postim në X ka shkruar se pasi Kushtetuesja vendosi të rrëzojë vendimin e Këshillit të Ministrave për shkarkimin e kryetarit të Bashkisë së Tiranës, Erion Veliaj, duhet të vendosë edhe lirimin e tij kur të shqyrtojë këtë çështje. Lexoni t ë plotë postimin e tij në X: Disa rrjedhime logjike nga vendimi i Kushtetuese: 1. Ja që edhe njëherë u provua se nuk i paskam kapur unë të tëra pushtetet dhe kjo është një gjë sa e qartë, aq edhe e mirë apo jo 2. Nëse Tirana nuk do të ketë zgjedhje deri në 2027-ën dhe Kushtetuesja mendon se kryebashkiaku i burgosur i Tiranës nuk mund të largohet përveçse me zgjedhje, atëherë disproporcioni i mbajtjes së tij në qeli nuk është më thjesht në dëm të lirive e të drejtave kushtetuese të personit, po edhe në dëm të së drejtës kushtetuese të popullit të kryeqytetit për t’u shërbyer nga i zgjedhuri i vet apo jo 3. Çdo njeri normal që nuk sheh tek qëndrimi i Kushtetueses një qëndrim të verbër kundër qeverisë në dëm të madh të Tiranës, po një qëndrim të vendosur parimor, nuk ka se si të mos presë që me të njëjtën parimësi, kur të gjykojë paraburgimin e tij, Kushtetuesja ta kthejë Erion Veliajn në detyrë, për të vijuar procesin gjyqësor në gjendje të lirë apo jo Pika 1 dhe 2 janë të sigurta, pika 3 mbetet për t’u parë, ndërkohë le të urojmë që kushdo ka në dorë ta ndihmojë zgjidhjen e këtij ngërçi absurd, të kujtohet se kryeqyteti nuk mund të trajtohet si jetim, për vite me radhë. /Telegrafi/ Disa rrjedhime logjike nga vendimi i Gjykatës Kushtetuese: 1. Ja që edhe njëherë u provua se nuk i paskam kapur unë të tëra pushtetet dhe kjo është një gjë sa e qartë, aq edhe e mirë apo jo?♂️ 2. Nëse Tirana nuk do të ketë zgjedhje deri në 2027-ën dhe Kushtetuesja mendon se… — Edi Rama (@ediramaal) November 4, 2025

• Telegrafi
• 3 gün, 1 saat, 18 dakika

Ermal Krasniqi ka arritur të shënoj golin e parë me fanellën e Legia Varashavës në Superligën e Polonisë. Sulmuesi kosovar ka qenë vendimtar duke e shpëtuar skuadrën e tij nga humbja në udhëtim te Widzew Lodz. Krasniqi u inkuadrua nga banka rezervë dhe arriti të shënoj një gol të bukur për të barazuar shifrat në 1-1. E falë paraqitjes së tij shumë të mirë, ylli dardan ka zënë vend në formacionin e javës në Superligë e Polonisë nga SofaScore. Sigurisht që forma e shkëlqyer e Krasniqit është një lajm i mirë edhe për selektorin e Kosovës, Franco Foda para ndeshjeve të muajit nëntor që Dardanët i zhvillojnë ndaj Sllovenisë dhe Zvicrës. /Telegrafi/

• Telegrafi
• 3 gün, 1 saat, 20 dakika

Nožem napao dvojicu muškaraca u Suvoj Reci

• KoSSev
• 3 gün, 1 saat, 34 dakika

Inteligjenca e Mbrojtjes e Ukrainës ka raportuar se operacioni i saj special në qytetin Pokrovsk në rajonin e Donetskut është duke vazhduar, me forca shtesë nga njësitë speciale që parandalojnë përpjekjet e rusëve për të zgjeruar avantazhin e tyre të zjarrit mbi rrugët logjistike në zonën e përgjegjësisë. "Njësia speciale Tymur e Inteligjencës së Mbrojtjes të Ukrainës po vazhdon operacionin e saj në një nga rrethet në Pokrovsk në rajonin e Donetskut, që është strategjikisht e rëndësishme për logjistikën në vijën e parë. Luftime të ashpra kundër pushtuesve rusë janë duke vazhduar", u tha nga ukrainasit, transmeton Telegrafi. Pas një operacioni të suksesshëm ajror, forca shtesë nga njësia speciale iu bashkuan operativëve të DIU-së që kishin siguruar pozicione të caktuara duke thyer një korridor tokësor. "Operacionet luftarake janë duke vazhduar, me qëllim parandalimin e armikut nga zgjerimi i avantazhit të tij të zjarrit mbi rrugët logjistike brenda zonës së përgjegjësisë së DIU-së", thuhet në deklaratë. Njësi të tjera speciale nga Inteligjenca e Mbrojtjes e Ukrainës po kryejnë gjithashtu misione luftarake në këtë sektor. Për sigurinë e personelit të përfshirë, detajet e operacioneve nuk po zbulohen në këtë fazë. "Puna e koordinuar së bashku me të gjithë komponentët e forcave të sigurisë dhe mbrojtjes të Ukrainës është duke vazhduar", shtoi DIU. /Telegrafi/ - YouTube www.youtube.com

• Telegrafi
• 3 gün, 1 saat, 34 dakika

Në selinë qendrore të Lëvizjes Vetëvendosje, nga ora 12:00 pritet të mblidhet Sekretariati i partisë në lidhje me mandatarin e dytë, një ditë para se të skadojë afati 10-ditor për të dytin. Anëtarët e kësaj partie nuk kanë pranuar të japin detaje para mbledhjes se kush është mandatari i propozuar. Albulena Haxhiu, tha shkurtimisht se […] The post FiveStar Fitness feston 12 vite energji dhe përkushtim – me super ofertën e përvjetorit! appeared first on Raporto Korrupsionin! KALLXO.com .

• Kallxo
• 3 gün, 1 saat, 34 dakika

Chelsea po zhvillon një fillim sezonit shumë premtues, falë dominimit të Moises Caicedo në mesfushë. Lojtari po imponon një superioritet të frikshëm ndaj kundërshtarëve dhe po tërheq interesin e klubeve më të mëdha në botë, gjë që ka shtyrë drejtuesit e klubit të veprojnë për ta mbajtur në Stamford Bridge. Në këtë sezon, nën drejtimin e Enzo Marescas për herë të dytë, tifozët kërkojnë më shumë sesa një vend të katërt në Ligën Premier, dhe për të synuar objektiva më ambicioze, prania e Caicedo në mesfushë është thelbësore. Ai është shtylla kryesore e skuadrës dhe një nga lojtarët më të rëndësishëm, përveç Cole Palmer, i cili është i dëmtuar prej javësh. Caicedo tregon se sa më shumë përgjegjësi të ketë, aq më shumë mund të kontribuojë, duke mos u kufizuar vetëm në mbrojtje apo sulm. Vlerë e madhe dhe perspektiva e ardhshme Çmimi i transferimit të tij, mbi 120 milionë euro, kishte sinjalizuar potencialin e jashtëzakonshëm të lojtarit, por është sezoni 2025/2026 që e ka konfirmuar plotësisht. Në Ligën Premier, analistët e rendisin si një nga mesfushorët më të mirë së bashku me Ryan Gravenberch, ndërsa interesim për të nga klube të tjera nuk mungon. Chelsea synon të sigurojë të ardhmen e tij Sipas Fabrizio Romano, drejtuesit e Chelsea kanë vendosur të bëjnë çdo sakrificë për të rinovuar kontratën e Caicedo dhe po përgatiten t’i ofrojnë një kontratë afatgjatë, që do të detyrojë çdo klub të interesuar të paguajë një shumë shumë më të madhe se 120 milionë euro për të marrë lojtarin. Rëndësia e Kupës së Botës Me Botërorin në SHBA në horizont, vlera e tregut të Caicedo mund të rritet ndjeshëm pas këtij turneu, duke bërë që rinovimi i kontratës përpara qershorit të jetë një vendim strategjik. 24-vjeçari Moises Caicedo zhvilloi 45 ndeshje me Chelsean sezonin e kaluar, duke luajtur mbi 3,800 minuta në të gjitha kompeticionet, me dy gola dhe tre asistime në total. /Telegrafi/

• Telegrafi
• 3 gün, 1 saat, 35 dakika

Pas një pauze shtatëvjeçare, këngëtarja Lily Allen, është rikthyer në skenën muzikore me një album të ri, "West End Girl", i cili thuhet se flet për ndarjen nga aktori David Harbour. Ajo e festoi rikthimin të premten në mbrëmje në një event të organizuar për të dhe miqtë nga Perfect Magazine në restorantin Decimo në Standard Hotel në Londër, raporton The Standard. "Isha e mbushur me emocione. Nuk mendoja se mund të shkruaja më muzikë", tha Allen me lot në sy gjatë festës, duke zbuluar se sa shumë do të thotë ky album për të. View this post on Instagram A post shared by Lily Allen (@lilyallen) Në darkë, të ftuarit u pritën në tavolinë me diçka të pazakontë. Brenda kutive ishte një dhuratë blu dhe e bardhë në formën e një lodre për të rritur. Dhurata ishte një referencë për një varg nga kënga e saj "Pussy Palace", në të cilën ajo këndon për gjetjen e objektit në fjalë në çantën e burrit të saj. Foto: Instagram Lily dhe David u takuan në vitin 2019 dhe u bënë një nga çiftet më të njohura. Ata konfirmuan zyrtarisht lidhjen e tyre po atë vit dhe u martuan në Las Vegas në vitin 2020. - YouTube www.youtube.com Martesa e tyre thuhet se përfundoi në dhjetor të vitit të kaluar pasi Allen akuzoi Harbour për tradhti. /Telegrafi/

• Telegrafi
• 3 gün, 1 saat, 35 dakika

Një ditë më parë Policia e Kosovës (PK) kishte njoftuar se të shtunën ka marrë informacione se një qytetar i komunitetit serb është plagosur dhe më pas rrëmbyer brenda territorit të Republikës së Kosovës nga pjesëtarë të xhandarmërisë serbe, i cili rast po hetohet në bashkëpunim me institucionet përkatëse të sigurisë, ndërsa deri më tani nuk është publikuar një raport zyrtar për rrethanat e plota të ngjarjes. Në lidhje me këtë eksperti i sigurisë dhe ish-kryeinspektor i Shërbimit të Inteligjencës së Kosovës, Burim Ramadani, e ka cilësuar këtë ndërhyrje si shenjë të qartë të provokimeve të vazhdueshme të Serbisë ndaj Kosovës. Foto: Arkiv “Inkurzioni i Xhandarmërisë së Serbisë brenda territorit të Kosovës është tregues i qartë se Serbia edhe më tutje dhe vazhdimisht provokon destabilitet. Sidomos në kohët kur protestat e studentëve në Novi Sad e në Beograd lëkundin pushtetin autoritar të Vuçiqit, lëvizja destabilizuese e Serbisë drejtohet kah Kosova", ka thënë ai. Sipas tij, shteti i Kosovës duhet të jetë proaktiv në fushën e sigurisë dhe të diplomacisë. Komunikimi intensiv me NATO/KFOR ka qenë dhe është domosdoshmëri praktike dhe përmbajtjesore. “Kosova dhe NATO duhet të përmirësojnë raportet e ndërveprimit në kohë reale 24/7. Për këtë është e domosdoshme arritja e aranzhmaneve të reja operacionale. Por, për të arritur këtë objektiv, qasja politike e Kosovës duhet të ndrrojë, duke bërë Kosovën aktive e jo reaktive”, vlerësoi Ramadani. Ndërkohë, njohësi i çështjeve të sigurisë, Avni Islami, në një deklaratë për Telegrafin, e ka cilësuar këtë akt si një cenim të drejtpërdrejtë të sovranitetit dhe integritetit territorial të Kosovës. “Një qytetar i Republikës së Kosovës është rrëmbyer në brendësi të territorit të Kosovës, ashtu siç quhet në pikën zero. Kjo bie ndesh me Marrëveshjen e Kumanovës dhe me Rezolutën 1244 të Këshillit të Sigurimit, ku forcë garantuese e sigurisë tokësore dhe ajrore është KFOR-i”, ka deklaruar Islami. Dyshohet se një serb është plagosur dhe rrëmbyer brenda territorit të Kosovës nga xhandarmëria serbe Ai ka theksuar se KFOR-i, si derivat i Aleancës Veriatlantike, është përgjegjës për sigurinë dhe integritetin territorial të Kosovës, sidomos në zonat kufitare. “Për çdo tendencë apo sulm që ndodh brenda territorit të Republikës së Kosovës, KFOR-i është përgjegjës për të reaguar”, shtoi ai. Islami ka kërkuar që Policia Kufitare të forcojë kapacitetet operacionale dhe teknologjike për të parandaluar incidente të tilla, përmes rritjes së mbikëqyrjes dhe bashkëpunimit ndërinstitucional. “Në këtë rast dhe në raste të tilla duhet të mbisundojë arsyeja. Policia Kufitare duhet ta rrisë vigjilencën dhe të kërkojë ndihmë nga institucionet e Qeverisë së Republikës së Kosovës për të përmirësuar kontrollin e kufirit, qoftë përmes dronëve apo pajisjeve të tjera teknologjike”, ka thënë Islami. Ai shtoi se kufiri Kosovë–Serbi, me gjatësi mbi 300 kilometra, është një vijë e gjatë dhe me terren të vështirë, prandaj është e pamundur të kontrollohet 100 për qind në çdo moment. Duke iu referuar deklaratave të avokatit të personit të rrëmbyer, Islami tha se individë të kamufluar, pa shenja identifikuese dhe të armatosur, kanë hyrë me tri automjete në territorin e Kosovës, kanë plagosur qytetarin dhe më pas e kanë rrëmbyer duke e dërguar në Serbi. Ky është serbi që u plagos nga xhandarmeria serbe, avokati Niniq fajëson Vuçiqin: A menduat se kjo do të fshihej? “Kjo është një shkelje e drejtpërdrejtë e sovranitetit dhe integritetit territorial të Republikës së Kosovës”, theksoi ai. Sipas tij, pushteti aktual në Beograd, nën udhëheqjen e Aleksandar Vuçiqit, nuk bën dallime etnike ndaj atyre që i konsideron kundërshtarë të politikave serbe. “Serbia nuk zgjedh metoda. Për regjimin e Vuçiqit, nuk ka rëndësi nëse dikush është shqiptar, serb, boshnjak apo ashkali – të gjithë ata që bashkëpunojnë me institucionet e Republikës së Kosovës konsiderohen armiq”, tha Islami. Islami akuzoi Listën Serbe se po vepron në koordinim me regjimin e Vuçiqit për të destabilizuar situatën në veri të Kosovës. “Përgjegjëse për këtë akt është Lista Serbe, e cila në bashkëpunim dhe bashkërendim me regjimin e Vuçiqit, po organizon veprime të tilla brenda territorit të Kosovës”, ka përfunduar Islami. KFOR-i deklarohet pas rrëmbimit të shtetasit të Kosovës në kufi nga xhandarmëria serbe Ndërkaq, në lidhje me këtë ka reaguar edhe KFOR-i duke bërë të ditur se është në dijeni për rastin, ndërsa ka theksuar se situata e sigurisë përgjatë vijës kufitare administrative mbetet e qetë. /Telegrafi/

• Telegrafi
• 3 gün, 1 saat, 41 dakika

Pas suksesit të madh në Shqipëri, kasti i jashtëzakonshëm i serialit “ADN” vjen për t’u takuar me publikun në CINEPLEXX! Cineplexx Prishtina – më 5 nëntor 2025, në ora 19:30 View this post on Instagram A post shared by Cineplexx Kosovo (@cineplexx_kosovo) Cineplexx Prizren – më 6 nëntor 2025, në ora 19:00 View this post on Instagram A post shared by cineplexx_prizren (@cineplexx_prizren) Përgatituni për një mbrëmje plot emocione, ku do të mund të takoni aktorët tuaj të preferuar, të bëni foto me ta dhe të përjetoni nga afër atmosferën e një prej projekteve më të përfolura të vitit. Rreth filmit “ADN” është një dramë e fuqishme me aksion intensiv dhe ndjenja të thella, që tregonhistorinë e një nëne që përpiqet të shpëtojë nga dhuna. Në tentativë për t’u arratisur, ajo humb njërën nga vajzat binjake – dhe kështu nis rrëfimi i dy botëve të kundërta.Vitet kalojnë, Hana dhe Dana rriten në realitete të ndryshme – njëra në paqe, tjetra në krim – por lidhja e tyre mbetet e gjallë, e fshehur në gjak.Në përballjen dramatike që i bashkon pas shumë vitesh, ndodhin zbulime që do tëndryshojnë gjithçka. Siguro biletën tënde tani: Përmes aplikacionit CineplexxKs Fizikisht në kinema ose online në cineplexx-ks.eu. Mos e humb këtë natë të veçantë — një përvojë ku drama, emocioni dhe yjet e“ADN” takohen me publikun!

• Telegrafi
• 3 gün, 1 saat, 43 dakika

Agjencia më e lartë e krimeve financiare në Indi tha se kishte sekuestruar prona me vlerë mbi 846 milionë dollarë (rreth 788 milionë euro), nga firmat e lidhura me manjatin e rrethuar Anil Ambani, si pjesë e një hetimi për mashtrim bankar. Anil, vëllai më i vogël i personit më të pasur të Azisë, Mukesh Ambani, ka interesa biznesi që variojnë nga pushteti te mbrojtja, por “ka parë fatin e tij të reduktohet” gjatë dy dekadave të fundit, shkruajnë mediat e huaja, përcjell Telegrafi. Në muajt e fundit, industrialisti ka tërhequr vëmendjen e zbatimit të ligjit me hetues që hetojnë krime të dyshuara që variojnë nga devijimi i kredive bankare te pastrimi i parave. Të hënën në mbrëmje, Drejtoria e Zbatimit (ED) tha se kishte ngrirë asete me vlerë më shumë se 75 miliardë rupi (rreth 825 milionë euro), duke përfshirë ambiente zyrash, njësi banimi dhe mbi 132 hektarë (53 hektarë) tokë si pjesë e hetimit të saj. Agjencia theksoi se kishte "zbuluar devijim mashtrues të parave publike nga kompani të ndryshme të grupit Reliance Anil Ambani" dhe se ishte "e angazhuar për të rimbursuar" të ardhurat e këtyre krimeve "pretendentëve të tyre të ligjshëm". Drejtori i Përgjithshëm tha gjithashtu se kishte filluar hetimin bazuar në një çështje penale të ngritur nga Byroja Qendrore e Hetimit (CBI) në gusht. Reliance Infrastructure, një firmë e kontrolluar nga Anil Ambani, tha në një deklaratë të hënën se vendimi i Drejtorit të Përgjithshëm për të sekuestruar asetet e kompanisë nuk do të kishte "asnjë ndikim" në operacionet e biznesit. Çështja e CBI rrjedh nga një ankesë për mashtrim të marrë nga Banka Shtetërore e Indisë, huadhënësi më i madh i vendit, e cila pretendoi se u godit me një humbje prej 29.29 miliardë rupish (rreth 322 milionë euro), pasi Reliance Communications "përvetësoi" fondet e bankës. Një zëdhënës i Reliance tha në atë kohë se manjati "mohon fuqimisht të gjitha akuzat dhe akuzat" dhe "do të mbrohet siç duhet". Anil ishte për herë të fundit në qendër të vëmendjes publike shtatë vjet më parë pasi udhëheqësi i opozitës së Indisë Rahul Gandhi e akuzoi atë dhe kryeministrin Narendra Modi për marrëveshje të dyshimta në lidhje me blerjen e avionëve Rafale nga Franca - akuza që të dy i mohuan. Gjykata Supreme e Indisë në dhjetor 2018 hodhi poshtë thirrjet për një hetim mbi marrëveshjen e avionëve. / Telegrafi /

• Telegrafi
• 3 gün, 1 saat, 44 dakika

Tri nova slučaja porodičnog nasilja na Kosovu – dva u Prištini, jedan u Orahovcu

• KoSSev
• 3 gün, 1 saat, 45 dakika