14:25 – Koci: Kërkojmë një hetim të drejtë Fatmir Koci, bashkëorganizator i protesës në Hagë, kundër gjykimi të krerëve të Ushtrisë Çlirimtare të Kosovës ka folur para protestuesve. Koci ka thënë se janë mbledhur për të thënë “mjaft më me padrejtësi”! “Po ju pyes para gjithë Europës, para gjithë botës? A ishim ne agresori? A […] The post Gjobitet Kryetari i Leposaviqit për prishje të rendit dhe qetësisë publike appeared first on Raporto Korrupsionin! KALLXO.com .

• Kallxo
• 4 gün, 11 saat, 47 dakika

16:00 – OVL-UÇK: Mesazhi ishte i qartë, jo në emrin tim Organizata e Veteranëve të Luftës së UÇK-së ka falënderuar pjesëmarrësit dhe mediat për pjesëmarrjen në protestën në Hagë. “Falënderim i veçantë për mërgimtarët, luftëtarët, qytetarët dhe mediat që morën pjesë në protestën e sotme të organizuar nga kategoritë e dala nga lufta e UÇK-së” […] The post Shefi i ushtrisë serbe hedh poshtë kritikat për paradën ushtarake në Beograd appeared first on Raporto Korrupsionin! KALLXO.com .

• Kallxo
• 4 gün, 11 saat, 47 dakika

Modernizimi ushtarak në Ballkanin Perëndimor nuk është thjesht çështje pajisjesh. Ai reflekton garën mes fuqive të mëdha për ndikim. Serbia manovron me armë nga Perëndimi, Kina, Rusia, ndërsa fqinjët e saj mbeten kryesisht të pajisur me teknologji perëndimore. Ish-ministri i Mbrojtjes i Shqipërisë, Fatmir Mediu, thotë se ky kombinim e ka shndërruar Ballkanin prej kohësh në një miniaturë të rivalitetit global. Dhe, pasojat e këtij pozicionimi shtrihen përtej fushës së mbrojtjes. “... sepse siguria sot nuk është vetëm çështje mbrojtjeje. Siguria është çështje infrastrukture, teknologjie, politike, ekonomike dhe ushtarake. Marrë parasysh këto, raportet që i ka krijuar Serbia [me Rusinë dhe Kinën] janë çështje e një shqetësimi jo të vogël”, thotë Mediu për programin Expose të Radios Evropa e Lirë.Harmonizimi i modernizimit ushtarak me synimet e deklaruara euroatlantike mbetet çështje e diskutueshme edhe për Nikolla Lluniqin, konsulent në Beograd për çështje gjeopolitike dhe të sigurisë. “Do të ishte e pritshme që - nëse të gjitha vendet synojnë të anëtarësohen një ditë në NATO dhe sigurisht në Bashkimin Evropian - struktura evropiane e sigurisë të ishte plotësisht e përputhshme. Kjo nënkupton që blerjet ushtarake të koordinohen. Por kjo, normalisht, nuk ndodh në rajonin tonë, për shkak të historisë sonë të papërfunduar dhe narrativëve shpesh nacionalistë dhe agresivë”, thotë Lluniq.Nga gjashtë vendet e Ballkanit Perëndimor, Shqipëria, Mali i Zi dhe Maqedonia e Veriut janë anëtare të NATO-s; Kosova dhe Bosnje e Hercegovina aspirojnë të anëtarësohen, ndërsa Serbia - edhe pse ushtarakisht neutrale - është pjesë e programit të NATO-s “Partneriteti për paqe”. Vendet anëtare të NATO-s, në parim, kanë armatim të dizajnuar ose të përshtatur që të jetë i ndërveprueshëm. Kjo do të thotë se pajisjet duhet të flasin “gjuhën” e njëjtë teknologjike. Në Ministrinë e Mbrojtjes së Kosovës konfirmojnë për Exposenë se “të gjitha armët e blera nga Kosova në katër vjetët e fundit janë sipas standardeve të NATO-s. Kryesisht janë armë të blera nga Shtetet e Bashkuara të Amerikës, Turqia, Gjermania etj”. Zëdhënësja Liridona Gashi nuk zbulon se sa është shpenzuar këtë vit për armatim, por thekson se kjo qeveri ka investuar “shumëfish më shumë” se të kaluarat. Këtë muaj, Forca e Sigurisë së Kosovës, e cila është në proces të shndërrimit në ushtri me kapacitete të plota, ka pranuar dronë të blerë nga Shtetet e Bashkuara - modeli RQ-20 Puma LE. FSK-ja vazhdimisht trajnohet në baza amerikane dhe evropiane dhe merr pjesë edhe në ushrime shumëkombëshe, si “Defender Europe”. Në fund të vitit të kaluar, Kosova ka bërë edhe një marrëveshje me Turqinë për ndërtimin e fabrikës së parë të municionit. Gashi, nga Ministria e Mbrojtjes, thotë se pritjet janë që ajo të funksionalizohet “brenda dy vjetësh”. Ndërsa, për bashkëpunimin ushtarak të shpallur në mars mes Kosovës, Shqipërisë dhe Kroacisë, thotë se aktualisht “është duke u përpiluar plani i përbashkët i aktiviteteve”.Në vijë me NATO-n janë edhe Forcat e Armatosura të Bosnje e Hercegovinës. Sipas planit të shpallur vjetor, ato do të marrin pjesë në 17 ushtrime këtë vit, përmes bashkëpunimit me NATO-n, nismave rajonale dhe marrëveshjeve dypalëshe në fushën e mbrojtjes. Nga të dhënat doganore në këtë vend duket se Bosnje e Hercegovina eksporton armë kryesisht në shtetet perëndimore dhe ato të Lindjes së Mesme, ndërsa importon kryesisht nga vendet fqinje dhe më gjerë. Ajo që dallon në rajon është Serbia. Pjesëmarrja në programin “Partneriteti për paqe” i mundëson bashkëpunim të kufizuar me NATO-n, por ndërveprimet me Kinën dhe Rusinë e vendosin jashtë modelit të fqinjëve të saj.Deri para pushtimit rus të Ukrainës, Serbia mbështetej kryesisht tek armët ruse, ndërsa pas ndryshimeve gjeopolitike, ajo iu drejtua Kinës, nga ku bleu, mes tjerash, dronë luftarakë e sisteme raketore. Korrikun që shkoi, njësitë speciale të ushtrisë serbe zhvilluan edhe stërvitjen e tyre të parë të përbashkët me ushtarë nga Kina, në provincën Hebei, pavarësisht paralajmërimeve të BE-së, ku Serbia synon të anëtarësohet. Javën e kaluar, presidenti i Serbisë, Aleksandar Vuçiq, ishte në një samit në Kinë dhe paralajmëroi blerje të reja armësh nga shteti komunist. “Sot, Kina është investitori më i madh në Serbi, si vend i vetëm - me 7.2 miliardë euro. Këtë vit, Republika Popullore e Kinës dhe Serbia do të kenë rreth 8.5 miliardë euro shkëmbime tregtare”, tha Vuçiq.Sipas Institutit Ndërkombëtar të Kërkimeve për Paqen në Stokholm (SIPRI), Serbia ka bërë shpenzimet më të mëdha ushtarake në rajonin e Ballkanit Perëndimor gjatë pesë vjetëve të fundit, duke blerë armatim si nga Perëndimi, ashtu edhe nga Lindja. Vetëm në vitin 2024, ajo ndau 2.2 miliardë dollarë për ushtrinë - rreth pesë herë më shumë se Shqipëria, që është anëtare e NATO-s. Kosova ndau rreth 162 milionë, krahasuar me 90 milionë të ndarë në vitin 2020. Për Mediun, çekuilibri i tillë në investimet ushtarake ngre "flamurin e kuq". “Serbia - po t’i shohësh politikat e saj në Bosnje e Herecegovinë e në mënyrë të veçantë në Kosovë - nuk ka hequr dorë kurrë nga pretendimet për të mbrojtur, siç thotë ajo, popullsinë serbe. Është i njëjti narrativ që ka përdorur edhe Rusia [për pushtimin e Ukrainës]. Pra, ajo s’ka për të hequr dorë nga dominimi në rajonin e Ballkanit”, thotë Mediu. Si arsyetim për armatosjen e Serbisë, Vuçiq shpesh përmend “kërcënimet nga fqinjësia”, pa specifikuar se prej kujt. “Ne nuk do të prekim askënd, vetëm do të mbrojmë territorin dhe integritetin tonë”, deklaroi javën e kaluar në Pekin. Për Lluniqin, kjo retorikë është për përdorim të brendshëm. Por, përpjekjet e tij për të balancuar mes të gjithëve, përfshirë Kinën dhe Rusinë, në një moment të caktuar mund t’i kthehen bumerang. “Nëse kriza aktuale gjeopolitike eskalon, atëherë edhe vetë Serbia do të ishte në një situatë shumë të ndjeshme, ku askush nuk do ta pranonte statusin e saj neutral. Në një situatë të tillë, të gjithë do ta perceptonin Serbinë si një partnere të pabesueshme”, vlerëson Lluniq. Radio Evropa e Lirë ka kërkuar koment edhe nga NATO-ja, edhe nga BE-ja për orientimin e Serbisë gjithnjë e nga Kina, por nuk ka marrë përgjigje prej asnjërit institucion.Ish-zyrtari i NATO-s, Jamie Shea, thotë se Kina kërkon pikëmbështetje në Evropë dhe Serbia, me nevojat e saj ekonomike dhe me lëkundjet e vazhdueshme mes Lindjes e Perëndimit, është partnere tërheqëse. Shea nuk e përjashton mundësinë që Vuçiq, për shkak të trazirave të brendshme dhe tensioneve rajonale, të ndjekë një qasje më konfrontuese edhe ndaj fqinjëve. Ai thotë se NATO-ja duhet t’i monitorojë nga afër zhvillimet e sigurisë, sidomos përgjatë kufijve dhe në zonat e prira për trazira, dhe të jetë e gatshme të reagojë shpejt nëse tensionet përshkallëzohen. “Mendoj se është e rëndësishme tani që NATO-ja të ketë një të dërguar të posaçëm në rajon, i cili do të punonte bashkë me përfaqësuesit e BE-së dhe të SHBA-së”, thotë Shea për Exposenë. Për Kosovën, Serbia mbetet kërcënimi kryesor për sigurinë dhe stabilitetin. Dy vjet më parë, grupe të armatosura serbësh sulmuan Policinë e Kosovës në Banjskë, duke vrarë një polic. Beogradi mohoi përfshirjen, por autoritetet e Kosovës thanë se kanë prova që e lidhin atë drejtpërdrejt me sulmin. Sipas profesor Fidair Berishës, nga Akademia e Kosovës për Siguri Publike, Serbia nuk heq dot dorë nga pretendimet territoriale ndaj Kosovës. “Neve na duhet një bashkëpunim i fortë ndërkombëtar sidomos me pesë vendet e QUINT-it. Garancia më e fortë është anëtarësimi i Kosovës në NATO dhe një bashkëpunim i sinqertë dhe më i thelllë me Shtetet e Bashkuara të Amerikës”, thotë ai.Rruga e Kosovës drejt NATO-s është ende e gjatë, meqë katër vende të aleancës nuk e njohin shtetësinë e saj. Dhe për më tepër, siç vlerësojnë komentuesit, Ballkani Perëndimor ka zbritur në listën e prioriteteve të Perëndimit - i tejkaluar nga lufta në Ukrainë dhe konfliktet në Lindjen e Mesme. Mediu sugjeron krijimin e kapaciteteve të përbashkëta ushtarake. “E vetmja mënyrë për t’i bërë ballë këtij lloj agresioni politik të Serbisë në bashkëpunim me Kinën dhe Rusinë, është t’i ndërtojmë tri elemente të rëndësishme: një deterrancë ushtarake të vendeve të NATO-s në rajonin e Ballkanit, një deterrancë politike për një analizë të përbashkët të çështjeve të sigurisë dhe një deterrancë ekonomike. Këto janë të lidhura me njëra-tjetrën”, thotë ish-ministri shqiptar i Mbrojtjes. Duke iu referuar përvojës së vendeve baltike, ai e vlerëson nismën e Shqipërisë, Kosovës dhe Kroacisë për bashkëpunim në mbrojtje, me shpresën që ajo të ngrihet në një nivel më të avancuar. Serbia, nga ana e saj, e ka kundërshtuar ashpër atë, duke paralajmëruar se nuk do të pranojë veprime të njëanshme që, sipas saj, cenojnë integritetin territorial. Shea, i njohur si zëri i NATO-s gjatë luftës në Kosovë më 1999, e mbyll me një mesazh thelbësor: askush nuk duhet lejuar të zihet në befasi. Sipas tij, filozofia e Napoleonit të Madh e përmbledh thjesht këtë parim: “Mund të të falet nëse humb një betejë, por jo nëse të kapin të papërgatitur”./ Radio Evropa e Lirë /

• Telegrafi
• 4 gün, 11 saat, 49 dakika

Edicioni i 42-të i EuroBasket ka mbyllur kapitullin e vet dhe sot në mbrëmje, në Riga, do të zhvillohet finalja e madhe mes Turqisë dhe Gjermanisë. Dy kombëtaret kanë bindur gjatë gjithë turneut dhe me plot të drejtë do të përballen për trofeun. Të dyja skuadrat kanë regjistruar tetë fitore në tetë ndeshje dhe kanë sjellë basketboll emocionues, me një ekuilibër mes mbrojtjes së fortë dhe një sulmi të jashtëzakonshëm. Gjermania është skuadra më produktive e turneut me mesatarisht 101.4 pikë për ndeshje, ndërsa Turqia mban vendin e tretë me 91.1 pikë. Nga ana tjetër, turqit kryesojnë për gjuajtjet nga distanca, me një saktësi prej 44.7%, ndërsa gjermanët renditen menjëherë pas tyre me 39%. Dueli i finaleve pritet të vendoset nga lojtarët kryesorë. Turqia mbështetet te Alperen Sengun (20.8 pikë, 11 kërcime, 7 asistime) dhe Cedi Osman (15.1 pikë), ndërsa Gjermania te Dennis Schröder (20.9 pikë, 6.6 asistime) dhe Franz Wagner (21.1 pikë, 5.6 kërcime). Përplasja mes këtyre dysheve pritet të jetë vendimtare. IT ALL COMES DOWN TO THIS. Who will become EuroBasket champs, or ? https://t.co/O8gpIsQSSp https://t.co/rPjHjpKKW2 #EuroBasket | #MakeYourMark pic.twitter.com/SkbIBSMJ2o — FIBA EuroBasket (@EuroBasket) September 14, 2025 Përveç tyre, “faktori X” mund të vijë nga emra si Erxhan Osmani apo Shane Larkin për Turqinë, ose Andreas Obst dhe Isaac Bonga për Gjermaninë. Megjithatë, një surprizë nga stoli nuk përjashtohet – finalet shpeshherë nxjerrin heronj të papritur. Turqit kanë një avantazh të madh te pankina, pasi drejtohen nga strategu i madh Ergin Ataman, ndërkohë që Gjermania ka kaluar një sfidë të vështirë: mungesën e trajnerit Alex Mumbra për shkak të sëmundjes. Megjithatë, ekipi është udhëhequr me sukses nga asistenti Alan Ibrahimagic, i cili i ka çuar drejt një medaljeje të sigurt. Finalja do të zhvillohet sonte në Xiaomi Arena, Riga, me fillim nga ora 20:00. Turqia synon titullin e saj të parë në histori, ndërsa Gjermania kërkon të rikthehet në fron për herë të dytë, pas suksesit të vitit 1993. Gjermanët kanë qenë edhe finalistë në vitin 2005, ndërsa Turqia kishte luajtur një finale të vetme më parë, në vitin 2001, ku u mposht nga Ish-Jugosllavia. Përpara finales, në orën 16:00, do të zhvillohet edhe ndeshja për vendin e tretë, mes Greqisë dhe Finlandës. / Telegrafi/

• Telegrafi
• 4 gün, 12 saat, 8 dakika

Moti sot në mëngjes, do të jetë me vranësira të ndryshueshme me periudha me diell. Do të fryjë erë e lehtë deri mesatare kryesisht nga jugu. Në pasdite dhe gjatë natës, do të jetë jostabil me shira të rrëmbyeshëm lokalë dhe bubullima. Procese më intensive me shira më të bollshëm (mbi 20 l/m²) dhe erëra të forta priten gjatë natës, veçanërisht në pjesët lindore të vendit. Temperatura minimale do të jetë në intervalin prej 11 deri në 18 gradë, ndërsa maksimale do të arrijë 24 deri në 30 gradë. Në Shkup, në mëngjes do të ketë vranësira mesatare, pasdite dhe veçanërisht gjatë natës do të jetë jostabil me shira të rrëmbyeshëm dhe bubullima. Në pjesë të luginës, proceset do të jenë në formën e stuhive afatshkurtra. Temperatura minimale do të bjerë në 16, ndërsa maksimale do të arrijë 30 gradë.

• Telegrafi
• 4 gün, 12 saat, 27 dakika

Këngëtari i njohur nga Kosova, Gjiko, ka rrëfyer ekskluzivisht në S’e Luan Topi periudhën më të vështirë të jetës së tij, kur u akuzua nga një e re për abuzim seksual. Ai tha se kjo përvojë e rëndë u përjetua nga e gjithë familja, por në fund gjykata e shpalli të pafajshëm. “Ka qenë një vajzë pothuajse 18-vjeçare, ka qenë duke bashkëjetuar me dikë, ajo e ka thënë këtë në një deklaratë në polici, por nuk ka pasur asnjë lidhje me mua”, u shpreh Gjiko. Foto: Screenshot/YouTube Më tutje ai shtoi: “Kjo vajzë ka qenë ka qenë fanse shumë e zjarrtë me mua dhe ka dashur patjetër që të ketë një kontakt me mua”. “Për fat kam pasur mesazhe që më shkruante dhe i thosha ‘të lutem më lër të qetë nuk jam i interesuar të kem asgjë me ty’, dhe kur i ka parë gjykata këto fakte, më pas ajo ka vendosur të tregojë, dhe të gjithë kush ka qenë në proces me mua janë shpallur të pafajshëm”, tha artisti. Gjiko u shpreh se pas këtij vendimi, ai ndjehet i lehtësuar dhe i vendosur ta lërë pas këtë kapitull, duke theksuar se drejtësia tregoi të vërtetën. /Telegrafi/ - YouTube www.youtube.com

• Telegrafi
• 4 gün, 12 saat, 30 dakika

Policia e Kosovës ka njoftuar se të shtunën, më 13.09.2025 në rrugën “Woodroë Wilson” në Prishtinë janë raportuar gjuajte me armë zjarri. Për rastin, sipas forcave të rendit janë intervistuar tre persona ndërsa është njoftuar edhe prokurori i shtetit. “Raportohet se pas të shtënave me armë zjarri, në vendin e ngjarjes kanë dal njësitet përkatëse […] The post BE-ja kritikon Kosovën për mbylljen e zyrave të fondeve serbe për sigurime shëndetësore dhe pensionale appeared first on Raporto Korrupsionin! KALLXO.com .

• Kallxo
• 4 gün, 12 saat, 38 dakika

Një dron ukrainas është rrëzuar në një nga komplekset më të mëdha të rafinimit të naftës në Rusi, duke shkaktuar zjarr dhe dëme. Kompleksi, i cili i përket kompanisë ruse të naftës Bashneft, ndodhet në periferi të qytetit qendror rus të Ufas, rreth 1,400 km nga vija e frontit në Ukrainë. Videot e postuara në rrjete sociale duket se tregojnë një dron që lëviz drejt objektit përpara se të shpërthejë në flakë, duke dërguar një re tymi në qiell. Russian Telegram channels report a large fire at the Novo-Ufimskiy oil refinery in Russian Ufa, after a drone attack. pic.twitter.com/jKTqW5ouQO — Anton Gerashchenko (@Gerashchenko_en) September 13, 2025 Një burim në agjencinë e inteligjencës ushtarake GUR të Ukrainës mori përgjegjësinë për sulmin. Ndryshe, që kur Moska nisi ofensivën e saj ushtarake në shkallë të plotë në Ukrainë në shkurt të vitit 2022, Kievi është përgjigjur me sulme ndaj rafinerive ruse në një përpjekje për të frenuar aftësinë e Kremlinit për të financuar konfliktin. Një valë sulmesh ukrainase ndaj rafinerive ruse gjatë verës goditi kapacitetin e përpunimit në disa vende kyçe dhe rriti çmimet në pompën e karburantit. /Telegrafi/

• Telegrafi
• 4 gün, 12 saat, 39 dakika

Inter Miami ka pësuar humbje të rëndë në udhëtim te Charlotte me rezultat të thellë 3-0. Ka qenë një ndeshje që nuk ka shkuar siç duhet për shtatë herë fituesin e Topit të Artë, Lionel Messi. Në fakt mysafirët kanë mundur të kalojnë të parët në epërsi në minutën e 32-të, kur Lionel Messi fitoi një penallti. Megjithatë gjeniu argjentinas si rrallë herë dështoi të shënonte nga pika e bardhë, ku kësaj radhe tentoi me panenka dhe goditja e tij u prit nga portieri vendas. - YouTube www.youtube.com Te skuadra vendase shkëlqu sulmuesi izraelit Idan Toklomati i cili realizoi tre gola në fitoren e madhe të Charlotte 3-0 ndaj Inter Miami. / Telegrafi/

• Telegrafi
• 4 gün, 12 saat, 42 dakika

Policia e Kosovës ka bërë të ditur se më 13.09.2025, rreth orës 17:20, në fshatin Manastirc të Ferizajt, një qytetar ka humbur jetën pasi mbi të ka rënë një lis gjatë kohës sa po priste dru në afërsi të oborrit. Fillimisht ai është dërguar në qendrën emergjente, e më pas në QKUK, ku mjeku kujdestar ka konfirmuar vdekjen. Prokurori i rastit është njoftuar, ndërsa trupi i pajetë i është liruar familjarëve për ceremoninë mortore.

• Telegrafi
• 4 gün, 12 saat, 44 dakika

Harry Styles dhe Zoë Kravitz po shijojnë gjithnjë e më shumë shoqërinë e njëri-tjetrit, ndërsa romanca e tyre duket se po bëhet më serioze. Dyshja u pa të premten duke shëtitur në rrugët e Romës, ku u treguan shumë komodë dhe të dashuruar, me këngëtarin 31-vjeçar që nuk ngurroi t’i vendoste dorën Zoës në të pasme gjatë një ndalese në butikë të qytetit historik. Për daljen në publik, Harry kishte zgjedhur një stil të thjeshtë, por elegant, me xhinse të ngushta blu, një bluzë të bardhë me print grafik dhe një këmishë xhins të hedhur mbi supe, të kompletuara me atlete dhe syze dielli të zeza, shkruan DailyMail. Nga ana tjetër, aktorja 36-vjeçare dukej tejet elegante me një fustan të shkurtë të zi me detaje dantelle, të kombinuar me balerina të kuqe dhe një çantë prej kashte, duke reflektuar një pamje plot finesë. Vetëm një ditë më parë, çifti u fotografua në aeroportin JFK në New York, pasi kishin kaluar kohë me miqtë dhe familjen e njëri-tjetrit. Harry madje ka takuar edhe babain e Zoës, muzikantin legjendar Lenny Kravitz, gjatë një dreke në një bistro italiane. Burime pranë çiftit thonë se humori mes tyre është i shkëlqyer dhe se po shijojnë kohën së bashku, pa vendosur ende “etiketa” mbi marrëdhënien e tyre. Megjithatë, sipas miqve të afërt, lidhja e tyre duket të jetë më shumë sesa një aventurë kalimtare. Kalimtarët i kanë përshkruar si shumë të afërt e të sinkronizuar, ndërsa burime pranë tyre theksojnë se ky është një nga momentet më të lumtura për Harryn. Pavarësisht hezitimit për ta quajtur zyrtarisht një lidhje serioze, të dy duket se po ndërtojnë diçka më të thellë teksa kalojnë gjithnjë e më shumë kohë bashkë. /Telegrafi/

• Telegrafi
• 4 gün, 12 saat, 46 dakika

Futbolli kosovar është rikthyer pas pushimit dy javor për shkak të ndeshjeve të Kombëtareve dhe sot zhvillohen të gjitha ndeshjet e xhiros së katërt në Albi Mall Superligë. Katër duele do të zhvillohen gjatë ditës me fillim nga ora 15:00, derisa ai kryesori i xhiros në në mbrëmje me fillim 20:15. Gjilani para adhuruesve të vet pret Malishevën dhe kërkon fitoren e radhës, derisa mysafirët kërkojnë këndelljen pas një starti të dobët. Ballkani është nikoqir i Drenicës dhe dy skuadrat kërkojnë të marrin pikë, derisa interesant pritet të jetë edhe sfida mes Dukagjinit dhe Ferizajt që zhvillohet në Klinë. Prishtina e Re pret Llapin në Lipjan, ku dy skuadrat kanë nevojë për fitore. Padyshim që sfida më e rëndësishme e xhiros zhvillohet në kryeqytet, ku Prishtina pret Dritën në derbin e madh kosovar. Dy skuadrat kërkojnë fitore, derisa stadiumi 'Fadil Vokrri' pritet të jetë i stërmbushur me adhuruesit e dy skuadrave. /Telegrafi/

• Telegrafi
• 4 gün, 12 saat, 55 dakika

Gjatë dekadës së fundit, fushat klasike të studimeve të larta kanë humbur terren në mënyrë drastike. Shkencat humane, artet, degët e arsimit, shkencat sociale kanë parë një përgjysmim të numrit të studentëve ndërmjet 2016-2024. Në të kundërt, inxhinieria, mjekësia dhe degët tyre kanë shënuar rritje dyshifrore të numrit të studentëve në 8 vitet e fundit. Këtë vit, oferta akademike zgjerohet me hyrjen në treg të Institutit të Teknologjisë Rochester (RIT) me programe në informatikë dhe inxhinieri. Sfidat e arsimit të lartë Revolucioni teknologjik po orienton me shpejtësi studimet e larta drejt degëve të inxhinierisë, teknologjisë, informatikës, etj., kudo në botë, teksa edhe Shqipëria është në këtë trend. Numri i studentëve pësoi tkurrje me 11.8% ndërmjet 2016 dhe 2024, si pasojë e rënies së popullsisë së re në moshë, por në degët e inxhinierisë, numri i tyre u rrit me 15%, referojnë të dhënat zyrtare. Në ndjekje të këtyre tendencave po rritet edhe oferta akademike për degët që kanë lidhje me teknologjinë. Instituti i “Harry Fultz” nga ky vit akademik ofron studime të larta duke sjellë në Shqipëri filialin e Institutit të Teknologjisë Rochester (RIT). I themeluar që në vitin 1829 në Shtetet e Bashkuara të Amerikës, RIT është i specializuar në teknologji dhe inxhinieri. Bazuar në trashëgiminë e Institutit “Harry Fultz”, RIT Tirana po synon të sjellë një ofertë konkurruese për degët e inxhinierisë dhe informatikës në tregun e studimeve të larta të vendit tonë. Dr. James A. Myers, Drejtues për Edukimin Ndërkombëtar dhe Programet Globale në RIT, tha se “ ajo që ka rëndësi është të gjesh një vend që nuk të jep thjesht një diplomë, por të jep drejtim, mundësi dhe mbështetje për të ndërtuar një të ardhme që të emocionon. Kjo është pikërisht ajo që përpiqemi të bëjmë në RIT Tirana”. Për shkak të fleksibilitetit të lartë dhe përshtatjes më të shpejtë me nevojat e tregut të punës, universitetet jopublike janë duke u bërë më tërheqëse për maturantët. Përgjatë 2016-2024, numri i studentëve në arsimin e lartë publik ka rënë me rreth 26%, ndërsa në ato private është rritur me 45.7%. Arsimi i lartë në vendin tonë si në sektorin privat apo publik është nën presionin e zhvillimeve demografike. Rënia e shpejtë e grupmoshave të reja të popullsisë po boshatis auditorët në shumë degë, teksa disa universitete në qarqe rrezikojnë mbylljen. “Mendoj se të gjitha universitetet, publike dhe private, duhet të përshtaten në kushtet e reduktimit edhe më të fortë të studentëve të rinj që priten në të ardhmen. Universitetet publike mendoj se duhet të konsolidohen dhe të specializohen në programe të caktuara mbi bazën e një avantazhi të dukshëm mbi konkurrentët, ndërsa universitetet private gjithashtu mund të kalojnë drejt bashkimeve ose formave juridike të veçanta” , tha Selami Xhepa, President i Universitetit Europian të Tiranës. Studentët po bëhen pragmatistë, rriten degët e shëndetësisë dhe inxhinierisë, bien klasiket Gjatë gjashtë viteve të fundit, fushat klasike të studimeve të larta kanë humbur terren në mënyrë drastike. Shkencat Humane dhe Artet kanë parë një përgjysmim të numrit të studentëve me 52% ndërmjet 2018-2024, ndërsa Shkencat Sociale, Gazetaria dhe Informacioni kanë rënë me pothuajse 40% në të njëjtën periudhë. Një tjetër rënie e mprehtë është shënuar në Shkencat Natyrore dhe Matematikë, ku numri i studentëve është përgjysmuar (−49.9%). Edhe Shkencat e Arsimit kanë humbur një të katërtën e studentëve, duke reflektuar mungesën e atraktivitetit të profesionit të mësuesit, pavarësisht nevojave të tregut për një brez të ri në këtë profesion. Në këtë panoramë, fusha e bujqësisë dhe veterinarisë ka humbur gjithashtu gjysmën e studentëve, rreth 45% në gjashtë vite, duke vënë në pikëpyetje të ardhmen e sektorëve që kërkojnë zhvillim të qëndrueshëm rural. Fusha e biznesit dhe administrimit të ligjit mbetet ndër më të frekuentuarat, me mbi 30 mijë studentë në vitin 2024, por ajo ka regjistruar një tkurrje prej gati 9% gjatë 2018-2024. Në kontrast me këtë rënie të përgjithshme, dy fusha kanë përjetuar rritje të fortë. Shëndeti dhe Mirëqenia ka parë një shtim me mbi 22% të studentëve, duke arritur në 25 mijë të regjistruar në vitin 2024. Ky trend pasqyron rritjen e kërkesës për profesionistë në shëndetësi, veçanërisht pas pandemisë dhe me një popullsi që po plaket me ritme të shpejta. Inxhinieria dhe degët e saj kanë shënuar rritje prej 15% të numrit të studentëve në 6 vitet e fundit, në rrjedhë krejt të kundërt me fushat e studimit në shkencat humane. Në vitin 2018, studentët në degët e inxhinierisë zunë 14.4% të totalit të studentëve, ndërsa në vitin 2024, ata zunë 18% të totalit. Kjo tendencë do të shtyhet më tej duke parë numrin e lartë të aplikimeve në fazën e parë të regjistrimeve në këto degë për vitin akademik 2025-2026. Studentët e teknologjisë dhe informacionit zënë ende një peshë të ulët me vetëm 8.1% të totalit të studentëve më 2024 nga 7.2% që zunë në vitin 2018. Degët që kanë lidhje me shëndetësinë kishin 20.7% të totalit të studentëve në vitin 2024, me rritje të këtij treguesi me 5.8 pikë për qind në krahasim me vitin 2018. Degët e studimit me peshën më të lartë në numrin e studentëve janë degët e ekonomikut dhe juridikut, me 25% të totalit të studentëve, pak a shumë me të njëjtën peshë si në vitin 2018. Zhvendosja e preferencave të studentëve po pasqyron presionin që ushtron tregu i punës mbi zgjedhjet. Teksa degët tradicionale vazhdojnë të humbin studentë, universitetet dhe qeveria do të përballen me një mungesë serioze të profesionistëve në fusha kyçe për zhvillimin afatgjatë, si arsimi, bujqësia dhe shkencat natyrore. Ndërkohë, rritja e shëndetësisë dhe inxhinierisë është një sinjal pozitiv për përshtatjen e të rinjve ndaj sektorëve që ofrojnë siguri punësimi dhe paga më konkurruese. Rritet preferenca për studime në privat Përpos faktit që numri i përgjithshëm i studentëve është në rënie, tregu i studimeve po tkurr me shpejtësi numrin e tyre në universitetet publike, ndërsa në universitetet private po rritet. Në vitin 2016, universitetet publike mbanin peshën kryesore të arsimit të lartë në vend, me mbi 116 mijë studentë, ose rreth 83% të totalit. Tetë vite më vonë, në 2024, kjo peshë ka rënë dukshëm, regjistrimet kanë zbritur në 86.900 studentë, duke humbur gati 30 mijë të rinj ose 26%. Rënia ka qenë e shtrirë pothuajse në të gjitha institucionet publike të arsimit të lartë me disa përjashtime. Universiteti i Tiranës ka humbur mbi 22% të studentëve, Universiteti Bujqësor ka humbur mbi 44%, ndërsa universitetet e rretheve si Shkodra, Korça dhe Elbasani kanë rënie nga 40% deri në 55%. Në shumicën e rasteve, rënia reflekton interesin e ulët për programe tradicionale, teksa ka një rritje të emigrimit të të rinjve dhe një paragjykim në rritje mbi lidhjen e diplomës me tregun e punës. Në të njëjtën kohë, universitetet private kanë njohur një rritje të dukshme. Nga 24.500 studentë në vitin 2016, numri është rritur në mbi 35 mijë, një shtim prej 45%. Në vitin 2016, studentët në universitetet private zunë 17% të totalit të studentëve, ndërsa në vitin 2024, 29% të totalit, me gjasë për të kaluar në mbi 30% në këtë vit të ri akademik. Universiteti Europian i Tiranës kryeson për numrin më të madh të studentëve në sektorin privat, me mbi 4500 në vitin 2024, ose 12.5% të totalit të studentëve në arsimin e lartë jopublik. Në disa institucione, zgjerimi ka qenë i fortë. Universiteti Mesdhetar ka trefishuar regjistrimet, CIT ka pesëfishuar pranimin e studentëve, ndërsa Epoka dhe Polis kanë shënuar rritje mbi 60% dhe 150% ndërmjet 2016-2024. Pse po zgjedhin privatin Aktorët e tregut të arsimit të lartë privat pohojnë se arsyet se pse po tërheqin më shumë studentë janë investimet në infrastrukturën moderne dhe programe të reja studimore, shpesh të lidhura me tregun global të punës, teknologji, shkenca kompjuterike, dizajn, menaxhim biznesi apo shkenca sociale të aplikuara. Universitetet private kanë krijuar më shumë marrëveshje ndërkombëtare, duke ofruar shkëmbime, diploma të dyfishta dhe programe në gjuhën angleze, të cilat i bëjnë më tërheqëse për një brez që synon të integrohet në tregun global të punës. “Në kuptimin sasior, gjatë këtij viti ne kemi shtuar listën e programeve që ofrohen në gjuhën angleze në 10 të tilla, në përputhje me objektivin tonë kryesor që është sjellja e studentëve ndërkombëtarë në auditorët tanë. Ndryshimet strukturore që ndodhin në kërkesat e tregut të punës gjithashtu reflektohen në rialokimet e burimeve tona drejt programeve më të kërkuara nga tregu ”, tha Selami Xhepa nga Universiteti Europian i Tiranës. Një diplomë nga një universitet privat, e akredituar dhe e njohur në partneritete ndërkombëtare, shihet si një hap më i sigurt drejt tregut të punës në BE ose më gjerë nga të rinjtë shqiptarë që kanë një prirje të fortë ndaj emigracionit. Në shumë vende të Ballkanit, arsimi privat po fiton terren përballë universiteteve publike, sidomos në Kosovë dhe në Maqedoninë e Veriut. Këto zhvendosje do të përkeqësojnë aftësitë në disa profesione me ndikime të drejtpërdrejta në ekonominë shqiptare. Universitetet publike, të cilat historikisht kanë prodhuar shumicën e kuadrove në sektorët klasikë si mësuesi, shëndetësi, administratë po përballen me rënie të regjistrimeve. Nga ana tjetër, universitetet private po nxjerrin gjithnjë e më shumë të rinj të orientuar drejt sektorëve të rinj të ekonomisë si IT, menaxhim, komunikim, dizajn. Kjo mund të krijojë një hendek mes ofertës së të diplomuarve dhe nevojave reale të tregut shqiptar, por në të njëjtën kohë mund të përputhet më mirë me kërkesat e tregut europian, ku shumë nga këta studentë synojnë të emigrojnë. Nëse trendi aktual vijon, brenda pak vitesh, universitetet private mund të bëhen faktor dominues në arsimin e lartë shqiptar. Nëse universitetet publike nuk rishikojnë urgjentisht programet, të modernizojnë kurrikulat dhe të forcojnë lidhjen me tregun e punës rrezikojnë jo vetëm të humbasin studentë, por edhe funksionin historik në formimin e profesionistëve në të gjitha fushat. Vjen në Shqipëri Instituti i Teknologjisë Rochester, dy degët që nisin këtë vit Këtë vit, oferta akademike nga sektori privat u përforcua më shumë nga hapja e RIT Tirana, në bashkëpunim me institutin “Harry Fultz” dhe Institutin e Teknologjisë Rochester, i cili synon një model të ri edukimi, i fokusuar te teknologjia dhe inovacioni. RIT Tirana ofron për herë të parë në këtë vit akademik shërbimet e arsimit të lartë si pjesë e rrjetit global të Rochester Institute of Technology (RIT), një prej universiteteve më prestigjioze në SHBA në fushën e teknologjisë dhe inxhinierisë. Studentët do të kenë mundësinë të studiojnë një ose dy semestra në kampuset e tjerë të RIT, duke përfituar nga një eksperiencë globale, me kosto më të ulët. Një tjetër aspekt inovativ i këtij institucioni është programi i punësimit profesional (CO-OP), i cili u mundëson studentëve të vendosin në praktikë njohuritë e fituara gjatë studimeve, nëpërmjet bashkëpunimeve me kompani dhe organizata ndërkombëtare. Dr. James A. Myers, Drejtues për Edukimin Ndërkombëtar dhe Programet Globale në RIT, tha se “një student në RIT fiton një diplomë amerikane, të njohur globalisht, pa pasur nevojë të largohesh nga Shqipëria. Do të thotë që arsimi yt përputhet me standardet amerikane, por pa u larguar nga vendi yt. Së dyti, ne nuk besojmë në të mësuarin vetëm gjatë sezonit të provimeve. Programet tona janë praktike, të bazuara në projekte dhe të orientuara drejt zgjidhjes së problemeve reale”. Me regjistrimet, që priten të nisin për vitin akademik 2025-2026, ky institucion premton të bëhet një pikë referimi për të gjithë ata që duan një karrierë të sigurt në fushën e teknologjisë dhe inovacionit. Në këtë kontekst, Fondacioni Shqiptaro-Amerikan për Zhvillim (AADF) ka ndërmarrë një hap të rëndësishëm në mbështetjen e studentëve shqiptarë nëpërmjet një programi të ri bursash. Ky program synon të ofrojë mundësi për studentët e talentuar, por me mundësi të kufizuara financiare, për të ndjekur studime në institucione të arsimit të lartë me standarde ndërkombëtare, si në Shqipëri ashtu edhe në Shtetet e Bashkuara të Amerikës. “Do të thosha: Mos kërko thjesht një universitet! Kërko një pikënisje për ndryshimin global. Nëse do një vend që të sfidon, të mbështet, të lidh me botën dhe të ndihmon të ndërtosh një karrierë që të emocionon… ky është vendi i duhur. RIT Tirana është vendi ku metodologjia e arsimit amerikan zhvillohet me sukses në Shqipëri, duke formuar profesionistë me përgatitje globale”, tha z. Myers ./Marrë nga Monitor

• Telegrafi
• 4 gün, 12 saat, 58 dakika

Të dielën, më 14.09.2025 do të mbaj mot me diell dhe vranësira. Temperaturat me të larta do të shkojnë deri në 29 gradë celsius. Institutit Hidrometeorologjik të Kosovës njoftoi se gjatë ditës mund të ketë edhe reshje shiu. “Të dielën moti do të jetë me diell dhe pjesërisht i vranët. Vranësirat vende-vende parashihen të sjellin […] The post 25 të lënduar pas shpërthimit të një gazi në Madrid appeared first on Raporto Korrupsionin! KALLXO.com .

• Kallxo
• 4 gün, 13 saat, 5 dakika

Sipas statistikave të Ministrisë së Arsimit për vitin shkollor 2024/25, nga klasa e parë deri në të dymbëdhjetën, 629 nxënës janë shpërngulur bashkë me familjet e tyre jashtë vendit. Në krye të listës qëndron Gjakova me 89 nxënës më pak, e ndjekur nga Malisheva me 84, Gjilani me 74 dhe Prizreni me 66. Në kryeqytet, Prishtina, numri është dukshëm më i ulët vetëm 9 nxënës më pak. Në shkollën fillore “Emin Duraku” të Prishtinës, drejtori Visar Osmani thotë se rastet janë të kufizuara, por gjithsesi të ndjeshme. "Situata relativisht nuk është e keqe, përjashtim të disa rasteve kur disa nxënës kanë kërkuar fletkalime për emigrim jashtë vendit por ato janë raste të caktuara dhe nuk mund të them që janë numër të madh. Megjithatë, kemi pasur lëvizje edhe të stafit në të kaluarën ku 3 mësimdhënës kanë emigru jashtë vendit. Sa i përketë te nxënësit janë disa raste që kanë kërkuar fletë-kalime të cilët janë shpërngul jashtë vendit të jetë jetojnë për arsyeje familjare. Nuk është numri i madh, por nuk janë nxënës që kanë lëvizë brenda Prishtinës relativisht nxënës që i ndërrojnë vendbanimet por janë raste që kanë emigru jashtë vendit. Në të kundërtën ne kemi ardhje të reja të nxënësve për shkak të performacës dhe është rrit numri i nxënësve, por ato raste janë që janë shpërngul me familje, janë disa dhe nuk mund të them saktësisht, por janë disa që këtë vit shkollor që kanë kërku prindërit me u largu. është një lloj shqetësimi në vete por megjithatë është zgjedhje e tyre dhe uroj që ky numër mos të rritet”, tha ai. Për ekspertët e arsimit, ky fenomen lidhet ngushtë me gjendjen sociale dhe ekonomike në Kosovë. “Një numër i madh i familjeve kanë emigruar jashtë Kosovës ose janë në pritje për emigrim dhe kjo natyrisht është një plagë që do ta përcjell edhe në vitet e ardhshme dhe vjen si pasojë e një paqëndrueshmërie në aspektin ekonomik, social dhe pse jo të sigurisë në masë të caktuar. Të gjitha këto me një fjalë janë përgjegjësi e Qeverisë e cila do të duhej të bënte shumë më tepër që t'i evitonte këto sfida dhe t'i ofronte qytetarëve një mjedis të sigurt, një ekonomi të zhvilluar dhe jë mundësi për të mbijetuar", tha Argjend Osmani, njohës i çështjeve arsimore. Disa komuna pothuajse nuk janë prekur. Në Klinë është raportuar vetëm një nxënës i larguar, ndërsa në Junik, Obiliq dhe Novobërdë nuk është regjistruar asnjë rast./RTK

• Telegrafi
• 4 gün, 13 saat, 6 dakika

Luana Vjollca ka tërhequr sërish vëmendjen me një paraqitje tërësisht sensuale dhe plot stil. Moderatorja u shfaq me një fustan mini me print leopardi, i cili i vinte në pah linjat dhe i jepte një energji të fuqishme e femërore. Ajo e kombinoi veshjen me sandale elegante me taka të zeza dhe një çantë të vogël shpatullash, duke e mbajtur pamjen të thjeshtë, por tërheqëse. Foto: Luana Vjollca/Instagram Për grimin, Luana kishte zgjedhur buzëkuqin e kuq të ndezur që i jepte më shumë intensitet dhe klas paraqitjes, ndërsa flokët i kishte kapur lart, me disa fije të lëshuara që e bënin dukjen më të butë e natyral. Në fotografitë e publikuara, ajo alternon pozat elegante dhe të sigurta me buzëqeshje të lira dhe lozonjare, duke sjellë një atmosferë të gjallë dhe të ngrohtë. Pamja e saj është një kombinim perfekt mes sensualitetit, elegancës dhe vetëbesimit, duke e bërë sërish një nga figurat më të komentuara të mbrëmjes. /Telegrafi/ Foto: Luana Vjollca/Instagram Foto: Luana Vjollca/Instagram telegrafi.com Foto: Luana Vjollca/Instagram Foto: Luana Vjollca/Instagram Foto: Luana Vjollca/Instagram

• Telegrafi
• 4 gün, 13 saat, 16 dakika