Gjuha është një nga arritjet më të ndërlikuara dhe më mbresëlënëse të zhvillimit njerëzor. Ajo ndërtohet përmes ndërveprimit të pjekurisë biologjike, zhvillimit kognitiv dhe ndikimit të mjedisit Zyla Musliu, Logopede në Psikiatri për fëmijë dhe adoleshentë Tel. 045 663 774 Zhvillimi gjuhësor përfshin një proces të ndjeshëm, që nis në periudhën para lindjes dhe vazhdon gjatë gjithë fëmijërisë, duke kaluar nëpër disa faza thelbësore. Të dhënat nga National Institute on Deafness and Other Communication Disorders (NIDCD) tregojnë se tre vitet e para të jetës janë periudha më intensive për përvetësimin e të folu­rit dhe gjuhës. Fazat e zhvillimit të gjuhës dhe të të folurit Periudha para-gjuhësore (0–12 muaj): vendosja e themeleve Edhe pse fëmija ende nuk përdor fjalë, kjo fazë është thelbësore për ndërtimin e bazës së mëvonshme të gjuhës. Zhvillimi fillon me vokalizime refleksive , si të qarat, kollitjet apo lemzat, që janë reagime fiziologjike ndaj nevojave bazike. Edhe në këtë periudhë të hershme, foshnja tregon ndjeshmëri ndaj zërit të njeriut, veçanërisht ndaj zërit të nënës, duke krijuar themelet për përvetësimin e mëvonshëm të gjuhës. Për shembull, në moshë 0-3 muajsh bebëzat reagojnë ndaj zërit dhe fillojnë të bëjnë vokalizime të thjeshta. Nga muaji i dytë deri në të katërtin, shfaqet gugatja – prodhimi i tingujve zanorë si “a”, “oo”, “ee”, që shpesh ndodhin gjatë ndërveprimit shoqëror me prindërit. Kjo është faza e parë e vetëdijshme e komunikimit, ku fëmija reagon dhe pret përgjigje. Në muajt pasues, rreth moshës 4–6 muajsh, fëmija hyn në fazën e belbëzimit kanonik , duke përsëritur rrokje të thjeshta si “ba”, “da”, “ma”. Kjo tregon kontroll më të mirë mbi aparatin e të folurit dhe përgatit terrenin për të folurën e vërtetë. Studiime logopedike tregojnë se prodhimi i tingujve dhe organizimi fonetiko-fonologjik tek foshnjat është një proces kompleks motorik dhe perceptiv. Nga 6 deri në 12 muaj, belbëzimi bëhet më i pasur dhe i ndryshueshëm. Shfaqet “zhargoni” , një mënyrë komunikimi që imiton ritmin dhe intonacionin e të rriturve. Në fund të kësaj periudhe, fëmija fillon të kuptojë fjalë të thjeshta dhe urdhra bazikë, duke vendosur themelet e kuptimit gjuhësor. Fjalët e para (10–18 muaj): shfaqja e kuptimit Në këtë fazë, fëmija fillon të artikulojë fjalët e para me kuptim, zakonisht të lidhura me mjedisin e tij të afërt (“mama”, “baba”, “topi”). Këto fjalë shpesh funksionojnë si holofraza , që mbartin kuptime të plota, p.sh. fjala “ujë” mund të nënkuptojë “dua ujë” ose “ku është uji?”. Në këtë periudhë ndodh edhe zgjerimi dhe kufizimi semantik , ku fëmija mund të përdorë një fjalë për shumë objekte (“qen” për të gjitha kafshët me katër këmbë) ose ta kufizojë vetëm për një (vetëm qeni i shtëpisë). Këto janë faza normale të ndërtimit të kuptimit gjuhësor. Sipas literaturës, fëmijët zakonisht arrijnë rreth 50 fjalë të njohura në moshën 18-24 muajsh dhe fillojnë të formojnë fraza të dy-fjalëve. Faza e dy fjalëve (18–24 muaj): fillimet e gramatikës Në këtë periudhë, fëmija fillon të kombinojë dy fjalë në fraza të thjeshta. Këto quhen shprehje telegrafike , sepse përmbajnë vetëm fjalët përmbajtjesore (emra dhe folje), duke lënë jashtë fjalët funksionale. Megjithatë, rendi i fjalëve dhe mënyra e kombinimit tregojnë fillimin e ndërtimit sintaksor dhe kuptimin e marrëdhënieve gjuhësore. Faza e shumë fjalëve (24+ muaj): zgjerimi i horizonteve gjuhësore Pas moshës dyvjeçare, zhvillimi gjuhësor përshpejtohet. Fëmijët përjetojnë një “ shpërthim të fjalorit ”, duke mësuar shumë fjalë të reja çdo javë. Aftësia për të ndërtuar fjali më të gjata dhe më të ndërlikuara përmirësohet paralelisht me zhvillimin kognitiv dhe shoqëror. Ata fillojnë të zotërojnë rregullat bazë të gramatikës , si rendi i fjalëve, përdorimi i shumësit apo i kohëve. Gabimet gramatikore që shfaqen në këtë fazë janë normale dhe tregojnë procesin aktiv të mësimit. Në të njëjtën kohë zhvillohen aftësitë narrative. Fëmija fillon të tregojë ngjarje, të përshkruajë përvoja dhe të ndërtojë rrëfime të thjeshta, duke përforcuar aftësitë logjike dhe kujtesën. Zhvillimi i mëvonshëm gjuhësor (3+ vjet): përsosje dhe zgjerim Pas moshës trevjeçare, gjuha bëhet gjithnjë e më e pasur dhe e strukturuar. Fëmijët përmirësojnë gramatikën, rrisin fjalorin dhe përshtatin mënyrën e të folurit sipas situatave. Ata zhvillojnë aftësitë pragmatike , duke mësuar të përshtatin tonin, mënyrën e komunikimit dhe radhën në biseda. Fëmijët mësojnë të kuptojnë humorin, mirësjelljen dhe nënkuptimet shoqërore. Zhvillohet gjithashtu ndërgjegjësimi metagjuhësor - aftësia për të reflektuar mbi gjuhën, për të kuptuar rimat, lojërat me fjalë dhe rregullat gramatikore, çka shërben si bazë për zhvillimin e leximit dhe shkrimit . Sipas një burimi të specializuar, fëmijët në këtë fazë fillojnë të përdorin strukturat narrative dhe të kuptojnë marrëdhënie shkak-pasojë në rrëfimet e tyre. Teoritë mbi përvetësimin e gjuhës Teoria nativiste (Chomsky) – njeriu lind me një mekanizëm të lindur për përvetësimin e gjuhës (LAD), që i mundëson të mësojë gjuhën në mënyrë natyrale dhe universale. Teoria bihevioriste (Skinner) – gjuha mësohet përmes imitimit dhe përforcimit; fëmija shpërblehet për përdorimin e saktë të fjalëve. Teoria e ndërveprimit shoqëror (Vygotsky, Bruner) – thekson rëndësinë e ndërveprimeve me të rriturit si faktor kryesor në zhvillimin gjuhësor. Teoria kognitive (Piaget) – lidh zhvillimin e gjuhës me zhvillimin e të menduarit; sa më të përparuara aftësitë mendore, aq më i pasur shprehet fëmija në gjuhë. Këto teori mbështesin qasjet logopedike që përdoren në praktikë për të planifikuar intervenime të bazuara dhe individuale. Faktorët që ndikojnë në zhvillimin e gjuhës Gjenetika: përbërësi biologjik ndikon në aftësinë për të mësuar gjuhën. Mjedisi: ekspozimi ndaj një mjedisi të pasur gjuhësor, leximi dhe komunikimi i përditshëm janë thelbësorë. Sipas NIDCD-së, fëmijët zhvillojnë më mirë gjuhën në një ambient me stimuj të shpeshtë dhe përditshëm. Faktorët socioekonomikë: mund të ndikojnë përmes qasjes në libra, materiale edukative dhe cilësinë e ndërveprimit. Neurologjia: dëmtimet në zonat e Brokës apo Wernicke-s shkaktojnë vështirësi në prodhimin ose kuptimin e të folurit. Dëgjimi: humbja e dëgjimit ndikon drejtpërdrejt në zhvillimin e të folurit; ndërhyrja e hershme është vendimtare. Aftësitë kognitive dhe sociale: kujtesa, vëmendja dhe zhvillimi emocional ndikojnë në ritmin e përvetësimit gjuhësor. Çrregullimet e gjuhës Çrregullimi specifik i gjuhës (SLI): vështirësi në gramatikë, fjalor dhe fonologji, pavarësisht inteligjencës normale. Çrregullimi i spektrit autik (ASD): ndikon në komunikim dhe ndërveprim social, me vështirësi pragmatike dhe shprehëse. Apraksia e të folurit (CAS): çrregullim motorik që prek planifikimin e lëvizjeve të nevojshme për të folur. Çrregullimet fonologjike: vështirësi në shqiptimin e saktë të tingujve dhe modeleve zanore. Për shembull, sipas dokumenteve të specializuara në logopedi, vonesa në belbëzim kanonik ose mungesa e tij mund të jetë parashikues i vonesave në zhvillim gjuhësor. Vlerësimi dhe ndërhyrja logopedike Zhvillimi i të folurit dhe gjuhës është një proces i ndërlikuar dhe i mahnitshëm, që nis me të qarat e para dhe përfundon me aftësinë për të komunikuar në mënyrë të sofistikuar. Njohja e fazave, faktorëve dhe çrregullimeve gjuhësore është thelbësore për ndërhyrje të hershme dhe efikase. Roli i logopedisë mbetet qendror: vlerësimi, parandalimi dhe trajtimi i vonesave gjuhësore sigurojnë zhvillim të shëndetshëm komunikues dhe social për çdo fëmijë Vlerësimi logopedik përfshin përdorimin e testeve të standardizuara, analizën e mostrave të gjuhës, pyetësorët për prindërit dhe vëzhgimin e ndërveprimeve të fëmijës. Qëllimi është identifikimi i vonesave, çrregullimeve dhe përcaktimi i planit terapeutik të personalizuar. Burimet klinike sugjerojnë se është e rëndësishme të bëhet vlerësimi brenda periudhës kritike (mosha 0-3 vjet) për efekt maksimal. Ndërhyrjet logopedike përfshijnë: Terapinë e drejtpërdrejtë të të folurit dhe të gjuhës; Ushtrime për përmirësimin e kuptimit dhe përdorimit gjuhësor; Edukimin e prindërve për strategjitë mbështetëse në shtëpi; Përdorimin e mjeteve alternative (AAC) për komunikim – veçanërisht në raste me vështirësi të rënda ose motorike. Këshillat e logopedëve nënvizojnë se “sa më herët, aq më mirë” në rastin e ndërhyrjeve gjuhësore. Dygjuhësia dhe ndërhyrja e hershme Dygjuhësia nuk shkakton vonesa gjuhësore . Fëmijët që mësojnë dy gjuhë kanë shpesh fjalor më të vogël në secilën, por aftësi të përgjithshme të barabarta me njëgjuhëshit. Për më tepër, dygjuhësia ndikon pozitivisht në fleksibilitetin kognitiv dhe ndërgjegjësimin metagjuhësor. Burimet tregojnë që fëmijët dygjuhësh përfitojnë nga praktikat logopedike që senzibilizojnë për dy sisteme gjuhësore dhe protektorë të zhvillimit gjuhësor. Ndërhyrja e hershme është thelbësore për fëmijët me vonesa ose çrregullime gjuhësore, pasi truri është më i pranueshëm ndaj terapisë në vitet e para. Ajo ndihmon në arritjen e potencialit të plotë komunikues, në zhvillimin emocional dhe në përgatitjen për sukses në shkollë. /Telegrafi/

• Telegrafi
• 3 gün, 19 saat, 10 dakika

Kombëtarja e Kosovës në hendboll për herë të parë do të paraqitet në fazën e dytë kualifikuese për Kampionat Botëror. Ndeshjet e fazës së dytë kualifikuese luhen më 18/19 dhe 21/22 mars të vitit të ardhshëm. Në fazën e dytë kualifikuese do të garojnë 16 Kombëtare. Tetë Kombëtaret fituese kalojnë në raundin e tretë dhe të fundit të kualifikimeve për Botërorin 2027. Kombëtarja jonë do të jetë në vazon e dytë për short. Në vazon e dytë janë edhe Sllovakia, Lituania, Belgjika, Finlanda, Izraeli, Turqia e Letonia. Pra me këto Kombëtare nuk mund të përballet Kosova. Në vazon e parë do të jenë Greqia dhe Bosnjë-Hercegovina si dhe gjashtë Kombëtaret që përfundojnë në vend të fundit në grupet e Euro 2026. Kombëtarja jonë do të përballet me një ekip të vazos së parë. Shorti do të tërhiqet pasi të përfundoi faza e parë grupore në Euro 2026. Evropiani i vitit të ardhshëm mbahet prej 15 janarit deri më 1 shkurt në Danimarkë, Norvegji e Suedi. Kosova u kualifikua në raundin e dytë duke fituar të dy ndeshjet me Britaninë e Madhe. Kualifikimi u sigurua të dielën mbrëma. /Telegrafi/

• Telegrafi
• 3 gün, 19 saat, 10 dakika

Donald Trump e ka minimizuar mundësinë e një lufte të SHBA-së me Venezuelën, por sugjeroi që ditët e Nicolás Maduro si president i vendit ishin të numëruara. I pyetur nëse SHBA-të do të shkonin në luftë kundër Venezuelës, presidenti amerikan tha në emisionin 60 Minutes të CBS: "Dyshoj. Nuk mendoj kështu. Por ata na kanë trajtuar shumë keq", transmeton Telegrafi. Për dy muaj, ushtria amerikane ka ndërtuar një forcë me anije luftarake, avionë luftarakë, bombardues, marins, dronë dhe aeroplanë spiunë në Detin e Karaibeve. Kjo është vendosja më e madhe atje për dekada. SHBA-të vazhdojnë të nisin sulme ndaj anijeve të dyshuara për kontrabandë droge në Karaibe. Administrata Trump thotë se sulmet janë të nevojshme për të ndaluar rrjedhën e drogës në SHBA. Trump hodhi poshtë sugjerimet se veprimi i SHBA-së nuk kishte për qëllim ndalimin e narkotikëve, por synonte rrëzimin e Maduro-s, një kundërshtar i gjatë i Trump, duke thënë se kishte të bënte me "shumë gjëra". Të paktën 64 persona janë vrarë nga sulmet amerikane në Karaibe dhe Paqësorin lindor që nga fillimi i shtatorit, raporton CBS News. Duke folur nga rezidenca e tij në Mar-a-Lago në Florida, Trump tha: "Çdo anije që shihni që është fundosur vret 25,000 njerëz nga droga dhe shkatërron familje në të gjithë vendin tonë". I pyetur nëse SHBA-të po planifikonin ndonjë sulm në tokë, Trump refuzoi ta përjashtonte këtë mundësi, duke thënë: "Nuk do të isha i prirur të thosha se do ta bëja këtë... Nuk do t'ju tregoj se çfarë do të bëj me Venezuelën, nëse do ta bëja apo jo". Aeroplanët bombardues me rreze të gjatë veprimi, B-52, kanë kryer "demonstrime sulmesh bombarduese" në brigjet e Venezuelës. Trump ka autorizuar vendosjen e CIA-s në Venezuelë dhe aeroplanmbajtësja më e madhe në botë po dërgohet në rajon. Maduro më parë e ka akuzuar Uashingtonin për "fabrikim të një lufte të re", ndërsa presidenti kolumbian Gustavo Petro ka thënë se sulmet ndaj anijeve po përdoren nga SHBA-të për të "dominuar" Amerikën Latine. Trump tha se qeveria "nuk do të lejojë" njerëz "nga e gjithë bota" të hyjnë. "Ata vijnë nga Kongo, vijnë nga e gjithë bota, po vijnë, jo vetëm nga Amerika e Jugut. Por Venezuela në veçanti - ka qenë e keqe. Ata kanë banda", tha ai, duke veçuar Tren de Aragua. Ai e quajti atë "bandën më të egër kudo në botë". Trump u pyet gjithashtu për testimet bërthamore, pasi u bëri thirrje udhëheqësve ushtarakë amerikanë të rifillojnë testimin e armëve bërthamore, në mënyrë që të mbajnë ritmin me vendet e tjera si Rusia dhe Kina. I pyetur nga Norah O'Donnell i CBS nëse ai planifikonte që SHBA-të të shpërthenin një armë bërthamore për herë të parë në më shumë se 30 vjet, Trump tha: "Po them se ne do të testojmë armë bërthamore siç bëjnë vendet e tjera, po". Megjithatë, Sekretari i Energjisë, Chris Wright u përpoq të qetësonte shqetësimet globale duke i thënë Fox News se SHBA-të nuk po planifikonin të kryenin shpërthime bërthamore. Gjatë intervistës së tij në CBS, Trump foli gjithashtu për mbylljen e qeverisë amerikane, e cila ka vazhduar për më shumë se një muaj dhe ka lënë miliona amerikanë përballë humbjes së shërbimeve thelbësore. Presidenti fajësoi demokratët, duke i quajtur ata "të çmendur" që kanë "humbur rrugën" - por tha se besonte se ata përfundimisht do të kapitullonin dhe do të votonin për t'i dhënë fund mbylljes. "Dhe nëse nuk votojnë, ky është problemi i tyre", tha ai. /Telegrafi/

• Telegrafi
• 3 gün, 19 saat, 14 dakika

Presidentja Vjosa Osmani ka vizituar të hënën, më 03.11.2025, Forcën e Sigurisë së Kosovës (FSK). Ajo është pritur nga komandanti i FSK-së, gjenerallejtënanti Bashkim Jashari. Për presidenten, pjesëtarët e Njësisë së Operacioneve Speciale të FSK-së nuk mbajnë vetëm uniformën e shtetit, por edhe amanetin e lirisë së Kosovës. “E stërvitur dhe e përgatitur sipas doktrinës […] The post Kadaj-Bujupi i reagon deputetes Bajrami për gjuhën e përdorur ndaj presidentes Osmani appeared first on Raporto Korrupsionin! KALLXO.com .

• Kallxo
• 3 gün, 19 saat, 14 dakika

Presidentja Vjosa Osmani ka vizituar të hënën, më 03.11.2025, Forcën e Sigurisë së Kosovës (FSK). Ajo është pritur nga komandanti i FSK-së, gjenerallejtënanti Bashkim Jashari. Për presidenten, pjesëtarët e Njësisë së Operacioneve Speciale të FSK-së nuk mbajnë vetëm uniformën e shtetit, por edhe amanetin e lirisë së Kosovës. “E stërvitur dhe e përgatitur sipas doktrinës […] The post Kadaj-Bujupi i reagon deputetes Bajrami për gjuhën e përdorur ndaj presidentes Osmani appeared first on Raporto Korrupsionin! KALLXO.com .

• Kallxo
• 3 gün, 19 saat, 14 dakika

Një punëtor fabrike në Khanty-Mansiysk të Rusisë po paditet nga kompania e tij për refuzimin e kthimit të mbi 87,000 dollarëve që i ishin transferuar gabimisht për shkak të një problemi në softuer. Kur mori një njoftim nga aplikacioni i tij bankar në fillim të këtij viti, Vladimir Rychagov nuk mund t'u besonte syve. Përveç 581 dollarëve që ai e dinte se i detyroheshin si pagesë pushimi, ai kishte marrë edhe një mega-bonus prej 87,000 dollarë. Kishte pasur zëra midis kolegëve të tij se fabrika e tyre po përgatiste një pagë të konsiderueshme të 13-të për ta pas një viti të begatë, por ai nuk e priste kurrë diçka të tillë. Megjithatë, gëzimi i tij për t'u bërë milioner ishte jetëshkurtër pasi shpejt filloi të merrte telefonata nga departamenti i kontabilitetit për ta njoftuar se i ishin transferuar gabimisht dhe se duhej t'i kthente. Pasi bëri disa kërkime në internet, Vladimir vendosi se nuk ishte dakord. “Më vonë, mësova se ishte një gabim teknik dhe vendosa që kisha të drejtë t’i mbaja paratë”, tha ai. Sipas dokumenteve gjyqësore të paraqitura nga punëdhënësi i burrit, paratë ishin menduar për të paguar pagat e 34 punonjësve në një degë krejtësisht tjetër. Megjithatë, për shkak të një problemi në softuer, ato iu transferuan gabimisht Rychagov. Rygachov pohon se kërkesat e kompanisë së tij për të kthyer paratë shpejt u shndërruan në kërcënime, kështu që ai e përdori pasurinë e tij për të blerë një veturë të re dhe për t'u zhvendosur në një qytet tjetër me familjen e tij. Ndërsa ishin rrugës për në shtëpinë e tyre të re, fabrika ngriti një padi kundër Rygachov dhe llogaritë e tij bankare u ngrinë. Punëdhënësi nuk hoqi dorë thjesht nga paratë, por filloi një betejë e gjatë gjyqësore. Gjykata e shkallës së parë dhe ajo e apelit morën anën e punëdhënësit. Prandaj, Rygachov ishte i detyruar t'i kthente paratë. Rygachov e apeloi vendimin në Gjykatën e Lartë, ku ai u pranua për shqyrtim. Ai ende e konsideron veten të drejtë për paratë që i janë dërguar me transfertë dhe nuk ka plane t'i kthejë ato. /Telegrafi/

• Telegrafi
• 3 gün, 19 saat, 15 dakika

Toyota dhe Lexus konfirmojnë motorin e ri V8 për modelet e tyre sportive Toyota nuk është gati të heqë dorë nga benzina. Marka që e bëri teknologjinë hibride të famshme, po kthehet sërish tek fuqia klasike e motorëve me pistona, duke konfirmuar zhvillimin e një motori të ri V8 që do të fuqizojë supermakinën e ardhshme Toyota GR GT3. Një version i ngjashëm i këtij motori do të përdoret edhe në modelin sportiv të Lexus, duke lidhur dy prej projekteve më ambicioze të kompanisë japoneze. Sipas Takashi Uehara, president i divizionit të motorëve në Toyota, V8 është zgjedhur për performancë maksimale. Motori pritet të jetë një 4.0-litër twin-turbo me fuqi mbi 800 kuaj-fuqi, ndërsa versioni 2.0-litër turbo që do të përdoret në GR Celica do të arrijë deri në 400 kuaj-fuqi. Edhe pse Toyota ka eksperiencë me elektrifikimin, Uehara ka theksuar se preferon motorët klasikë me transmetim manual për makinat sportive. Megjithatë, GR GT3 do të ketë një transmision automatik dhe ndihmë hibride vetëkarikuese. Ndërkohë, Lexus Sport Concept, që pritet të zëvendësojë modelin LC, do të përdorë një version më “të butë” të të njëjtit V8. Toyota do ta prezantojë zyrtarisht GR GT3 supercar më 5 dhjetor, duke zbuluar edhe të gjitha detajet për motorin e ri V8 që pritet të rikthejë zhurmën dhe emocionin e vërtetë të motorëve sportivë. /Telegrafi/

• Telegrafi
• 3 gün, 19 saat, 18 dakika

Osmani ndjek demonstrimin e një skenari të improvizuar të Njësisë së Operacioneve Speciale të FSK-së

• Koha Net
• 3 gün, 19 saat, 24 dakika

Will Still, anglezi 33-vjeçar i lindur në Belgjikë, nisi karrierën e tij si trajner në moshën 25-vjeçare dhe deri në 29 vjeç drejtonte një klub në Ligue 1, Reims, ku u bë një emër i njohur në futbollin francez. Pas dy sezonesh të suksesshme me Reims, Still mori drejtimin e Lens, duke udhëhequr ekipin në Ligën e Kampionëve, por u largua pas një sezoni. Këtë verë ai mori një sfidë të re te Southampton, i sapoardhur në Championship pas rënies nga Liga Premier. Megjithatë, eksperienca e tij nuk shkoi sipas planit. Pas vetëm pesë muajsh dhe 13 ndeshjesh, Southampton e shkarkoi, duke e lënë klubin në zonën e rënies, megjithëse ai kishte nënshkruar një kontratë trevjeçare. Në ato 13 ndeshje, Still regjistroi vetëm dy fitore. Still nisi mirë duke mposhtur Wrexham në raundin e parë, por më pas arriti vetëm një fitore tjetër, duke kaluar në një seri humbjesh. Humbja 2-0 ndaj Preston-it ishte vendimtare për drejtuesit e klubit, që vendosën ta shkarkojnë. Në vend të tij, drejtimin e skuadrës do ta marrë Tonda Eckert, ish-trajnerja e ekipit të ri, ndërsa asistentët e tij, pjesë e një projekti afatgjatë që doli të jetë i shkurtër, po largohen gjithashtu. Will Still njihet si mishërimi i “trajnerit të laptopëve”, një menaxher që ka pranuar se eksperienca e tij në lojën Football Manager ka ndikuar në stilin dhe filozofinë e tij. Ai është konsideruar një model për trajnerët e rinj, por dy mandatet e fundit të tij kanë shkuar keq, duke lënë të hapur pyetjen se cili do të jetë hapi i tij i ardhshëm në karrierë. /Telegrafi/

• Telegrafi
• 3 gün, 19 saat, 25 dakika

Anëtari i Kryesisë së Lidhjes Demokratike të Kosovës (LDK), Muhamet Hamiti, ka kritikuar ashpër disa përkrahës të Lëvizjes Vetëvendosje, të cilët, sipas tij, përdorin imazhin e presidentit historik Ibrahim Rugova në profilet e tyre, ndërkohë që mbështesin politikisht Albin Kurtin. Në një reagim në Facebook, Hamiti tha se kjo sjellje është paradoksale, pasi Vetëvendosje, në të kaluarën, e kishte quajtur Rugovën “kolaboracionist”. “Mbajnë fotografi të Presidentit Ibrahim Rugova në profilet e tyre, janë rreshtuar me Albin Kurtin dhe VV-në e tij, e qortojnë LDK-në dhe japin leksione rugovizmi. Është paradoksale kjo”, shkroi Hamiti. Ai kujtoi se Kurti dhe partia e tij nuk e kishin festuar as shpalljen e pavarësisë së Kosovës më 17 shkurt 2008. “VV-ja e Albin Kurtit e ka quajtur kolaboracionist Presidentin Rugova, liderin historik të LDK-së dhe Atin Themeltar të shtetit tonë. Kurti dhe VV-ja nuk e kanë festuar as shpalljen e pavarësisë së Kosovës më 17 shkurt 2008”, theksoi Hamiti. Sipas tij, është e papranueshme që persona që i përkasin Lëvizjes Vetëvendosje, e madje disa prej tyre edhe mbajnë pozita të larta, të përdorin figurën e Rugovës për përfitime politike.

• Telegrafi
• 3 gün, 19 saat, 25 dakika

Komisioni Qendror i Zgjedhjeve (KQZ) ka shpallur rezultatet përfundimtare për Kuvendin Komunal të Pejës, ku Lidhja Demokratike e Kosovës (LDK) ka dalë e para me 14 ulëse nga gjithsej 35 në Asamblenë e Komunës. Sipas të dhënave përfundimtare, LDK ka marrë 16,043 vota, që përbëjnë 39.96% të totalit, duke u renditur e para. Në vendin e dytë është Aleanca për Ardhmërinë e Kosovës ( AAK ) me 8 mandate dhe 8,342 vota (20.78%), ndërsa shumë pranë saj renditet Lëvizja Vetëvendosje (LVV) me 7 mandate dhe 8,291 vota (20.65%). Partia Demokratike e Kosovës ( PDK ) ka siguruar 4 ulëse në Kuvend me 4,404 vota (10.97%), ndërsa Partia Boshnjake e Kosovës dhe Partia Liberale Egjiptiane do të kenë nga një përfaqësues secila. Kryetari aktual i Komunës, Gazmend Muhaxheri, ka marrë më së shumti vota, duke udhëhequr listën e 14 asambleistëve të LDK-së. Ndër kandidatët e tjerë të zgjedhur janë Rexhep Kurtbogaj, Agron Nikçi, Petrit Loci, Naser Gega, Tahir Shala, Arben Morina, Xhenet Syka Kelmendi, Faik Zekaj, Arianit Krasniqi, Leonora Shala, Vlora Pavataj-Berisha, Albulena Mujaj-Bajraktaraj dhe Dritë Maloku. Nga AAK në Kuvend janë zgjedhur Arbër Grabovci, Naim Bytyqi, Shaban Ramaj, Zize Hakaj Veselaj, Vjendita Kelmendi Gërgoci, Labinot Panxha, Hidajete Krasniqi dhe Ilir Gashi. Nga Vetëvendosje mandatet i kanë fituar Berat Ganiqi, Besnik Zeqiraj, Valbona Taraku, Bujar Agusholli, Ardit Berisha, Mubera Belegu dhe Rrezarta Dresha-Berisha. PDK do të përfaqësohet nga Arta Nallbani, Edonjeta Berisha, Albi Shala dhe Nasret Hajrizi, ndërsa Mirzet Dzogovic nga Partia Boshnjake e Kosovës dhe Mirsad Berisha nga Partia Liberale Egjiptiane do të jenë përfaqësuesit e komuniteteve./Telegrafi/

• Telegrafi
• 3 gün, 19 saat, 28 dakika

Kryetari i Nismës Socialdemokrate, Fatmir Limaj, ka deklaruar se dy partitë më të mëdha opozitare në vend kanë mundësinë të bashkohen për të ndërtuar një alternativë të re qeverisëse. Ai tha se Nisma është e gatshme të japë kontributin e saj nëse ekziston një projekt serioz politik. “Qytetari nuk mjaftohet me thanë ‘po vij me një alternativë ndryshe’. Ai don me pa veprime ndryshe. A po e bashkon këtë zë opozitar që duan një qeveri ndryshe? Çka po bën ti me veprime konkrete me afru këtë bosht ose këtë ekip?”, u shpreh Limaj në emisionin “Frontal”. Sipas tij, përgjegjësinë për krijimin e një blloku të ri opozitar e mbajnë kryesisht dy partitë e mëdha. “Dy partitë e mëdha e kanë këtë mundësi. Atyre po ju flas, atyre që duan një qeveri ndryshe. Për me vazhdu njëjtë e kanë LVV-në. Nisma është e gatshme me dhanë kontributin e vet për bashkimin e kësaj vote për një alternativë ndryshe, ama unë duhet me i pa a ka hap serioz e konkret drejt krijimit të një alternative ndryshe,” tha Limaj. Ai shtoi se Nisma do të mbështesë çdo projekt serioz që synon ndryshim real dhe që qytetarët mund ta shohin si mundësi të besueshme. “Aty ku është Nisma është kryeministri i ardhshëm i Kosovës”, përfundoi Limaj.

• Telegrafi
• 3 gün, 19 saat, 36 dakika

Komisioni Shtetëror për Parandalimin e Korrupsionit njoftoi sot se ka vepruar mbi disa paraqitje të lidhura me procesin zgjedhor, prej të cilave një pjesë janë përcjellë në institucionet kompetente, ndërsa një pjesë janë mbyllur për shkak të mungesës së shkeljeve. Në një rast, një drejtoreshë shkolle ka shpërndarë një poster politik në një grup elektronik, dhe lënda është përcjellë në Prokurorinë Publike. Komisioni ka shqyrtuar edhe raste të tjera të lidhura me punësime dhe deklarata të kandidatëve, por nuk ka konstatuar shkelje të rregullave zgjedhore. Në seancë janë miratuar gjithashtu vlerësimi i rreziqeve nga korrupsioni dhe metodologjia për strategjinë e re kombëtare 2026–2030.

• Telegrafi
• 3 gün, 19 saat, 38 dakika

Michelle Obama zbuloi në një intervistë të kohëve të fundit se ajo dhe bashkëshorti i saj, Barack Obama, ende gjejnë kohë për njëri-tjetrin. Në një intervistë për People, ajo thekson se gjëja më e rëndësishme në martesë është mënyra se si e kalon kohën. "Jemi të martuar prej 32, 33 vitesh, gjithmonë harroj. Kush po numëron më. Kur të dy jemi të lumtur për një dalje në mbrëmje, jemi mirë. Nuk vishemi shumë bukur. Thjesht hamë një darkë të këndshme, ndezim qirinj, dëgjojmë muzikë dhe flasim", tha ajo. Foto: EPA-EFE Michelle thekson se tani ata dalin për darkë në Washington dhe se është shumë ndryshe nga më parë kur ishin në Shtëpinë e Bardhë. "Në ato evente, çdo herë ishte si dasma jonë. Ndihesha si mbretëresha e mbrëmjes së maturës", theksoi tutje. Michelle shpjegon se ajo gjithmonë vishej bukur për burrin e saj. "Kishte një ritual të pathënë, ai nuk e dinte kurrë se çfarë kisha veshur derisa dola para tij. Është romanca, ato momente të vogla në këtë botë të çmendur". "Pas kësaj, ne zbrisnim shkallët dhe ishte sikur, 'Thjesht qëndro në këtë moment. Ishim vetëm ne dhe ishte e bukur'", pohon ajo. /Telegrafi/

• Telegrafi
• 3 gün, 19 saat, 39 dakika

Forca e Sigurisë së Kosovës ka publikuar pamje të reja nga Njësia e saj e Operacioneve Speciale, e cila cilësohet si një ndër njësitë më të përgatitura dhe të stërvitura sipas standardeve të ushtrisë së Shteteve të Bashkuara të Amerikës. Në njoftimin e FSK-së thuhet se kjo njësi është e gatshme për ta mbrojtur atdheun në çdo moment dhe në çdo pëllëmbë të vendit. “E stërvitur dhe e përgatitur sipas doktrinës së ushtrisë së Shteteve të Bashkuara, për ta mbrojtur atdheun në çdo moment dhe në çdo pëllëmbë të vendit, kjo është Njësia e Operacioneve Speciale e FSK-së: krenaria, nderi dhe zemra e pathyeshme e Kosovës. Ata nuk mbajnë vetëm uniformën e shtetit, por edhe amanetin e lirisë sonë”, thuhet në përshkrimin e FSK-së. Njësia e Operacioneve Speciale është ndër formacionet elitare të FSK-së dhe ka rol kyç në misionet e ndjeshme të sigurisë dhe mbrojtjes së vendi.

• Telegrafi
• 3 gün, 19 saat, 44 dakika

Arne Slot ka treguar se Liverpooli mori një goditje të dyfishtë nga lëndimet, duke i përjashtuar Jeremie Frimpong dhe Alisson Becker deri pas pauzës ndërkombëtare të nëntorit, teksa Të Kuqtë përgatiten për një seri ndeshjesh të vështira. Trajneri holandez konfirmoi se të dy lojtarët do të mungojnë në ndeshjen e Ligës Premier të së dielës dhe në takimin e Ligës së Kampionëve ndaj Real Madridit gjatë javës, ndërsa pjesëmarrja e mundshme e Alexander Isak kundër Manchester City mbetet e pasigurt. Mungesa e Alissonit vazhdon të testojë thellësinë e skuadrës së Liverpoolit në portë përballë një kalendari të ngjeshur. “Jeremie dhe Alisson nuk do të jenë të gatshëm për të dielën, për Alex, le të presim dhe të shohim. Ndoshta mund të jetë pjesë e skuadrës, por ende nuk stërvitet me ekipin”, deklaroi Slot. Problemet e Frimpong shtojnë shqetësimet në mbrojtje, duke detyruar Slot të mbështetet te zëvendësuesit teksa Liverpooli synon të ruajë ritmin në garat vendase dhe ato evropiane. /Telegrafi/

• Telegrafi
• 3 gün, 19 saat, 46 dakika