Një zbulim i rrallë shkencor ka habitur studiuesit pranë kufirit Shqipëri–Greqi, ku është gjetur një rrjetë merimangash me sipërfaqe prej 106 metrash katrorë, në një shpellë të njohur për përmbajtjen e lartë të squfurit. Në këtë “qytet” të pazakontë nën tokë jetojnë së bashku mbi 111 mijë merimanga, që i përkasin dy llojeve: barn funnel weavers dhe sheetweb spiders. Ato kanë krijuar një ekosistem të qëndrueshëm në errësirën dhe atmosferën e pasur me squfur, duke u ushqyer me insekte të vogla që mbijetojnë falë energjisë kimike të mjedisit. Ky fenomen unik ka sfiduar perceptimet tradicionale të shkencës mbi sjelljen e merimangave, të cilat zakonisht njihen për jetesë të vetmuar dhe territoriale. Studiuesit thonë se bashkëjetesa e tyre në një rrjetë kaq të madhe është “një mrekulli evolutive” që mund të ndihmojë në kuptimin e adaptimit të gjallesave në kushte ekstreme. Zbulimi është bërë në Shpellën e Squfurit, një formacion natyror që ndodhet përgjatë kufirit mes Shqipërisë dhe Greqisë, dhe pritet të bëhet objekt i kërkimeve ndërkombëtare në muajt në vijim. /Euronews.al/

• Telegrafi
• 5 saat, 14 dakika

Javë më parë në fshatin Rakinicë të Podujevës, ushtarë të armatosur të xhandarmërisë serbe kanë kaluar kufirin duke hyrë në territorin e Kosovës. Lajmi është bërë publik të enjten, gjersa lidhur me këtë kanë reaguar liderë të shtetit e njohës të sigurisë në vend. Njohësi i kësaj fushe, Drizan Shala në një postim në Facebook ka thënë se hyrja e ushtrisë dhe policisë së Serbisë paraqet një akt me pasoja të drejtpërdrejta për sigurinë kombëtare dhe stabilitetin rajonal. Sipas tij, edhe pse në sipërfaqe Beogradi e justifikon veprimin si “luftë kundër prerjeve ilegale të pyjeve” apo “ndalim të krimit”, ky model veprimi është i njohur në doktrinën e operacioneve hibride – përdorimi i një problemi real (si krimi ekonomik, prerjet ilegale apo kontrabanda) si mbulesë për lëvizje të organizuara shtetërore, me qëllim të testimit të kufijve të veprimit dhe legjitimimit të veprimeve ushtarake ose policore në territore të ndjeshme. Lexoni t ë plotë postimin e Shalës: Shkelja e vijës administrative nga forcat e rregullta serbe dhe implikimet në sigurinë kombëtare Shkelja e vijës administrative të Kosovës nga forca të rregullta të Ushtrisë së Serbisë dhe Policisë paraqet një akt me pasoja të drejtpërdrejta për sigurinë kombëtare dhe stabilitetin rajonal. Edhe pse në sipërfaqe Beogradi e justifikon veprimin si “luftë kundër prerjeve ilegale të pyjeve” apo “ndalim të krimit”, në thelb kemi të bëjmë me një test të qëllimshëm të reagimit institucional dhe ndërkombëtar të Kosovës — një formë tipike e veprimeve të kontrolluara operacionale, që shërbejnë për të matur tre elementë kyç: qëndrimin e institucioneve tona, kohën e reagimit, dhe nivelin e pranueshmërisë së narrativës serbe në opinionin ndërkombëtar. Ky model veprimi është i njohur në doktrinën e operacioneve hibride – përdorimi i një problemi real (si krimi ekonomik, prerjet ilegale apo kontrabanda) si mbulesë për lëvizje të organizuara shtetërore, me qëllim të testimit të kufijve të veprimit dhe legjitimimit të veprimeve ushtarake ose policore në territore të ndjeshme. Në thelb, Serbia po përdor një incident të brendshëm si platformë për të provokuar një reagim dhe për të ndërtuar justifikimin e një “operacioni special” – model që e kemi parë edhe në fazat e para të agresionit rus ndaj Ukrainës. Një incident i tillë nuk mund të shihet si veprim i izoluar. Ai është pjesë e një strategjie të zgjeruar testuese që kombinon narrativën e sigurisë së brendshme me veprimet e kontrolluara në zonën kufitare, për të matur elasticitetin e Kosovës dhe nivelin e reagimit të partnerëve ndërkombëtarë. Për këtë arsye, reagimi i institucioneve kosovare duhet të jetë i matur, i bazuar në fakte, por vendimtar në mesazhin politik dhe diplomatik– duke mos lejuar që konceptet e “luftës kundër krimit” të shndërrohen në mekanizma për normalizimin e shkeljeve të integritetit territorial. Në këtë kontekst, testimi i vijës administrative është një test ndaj sovranitetit, dhe mënyra se si Kosova e menaxhon komunikimin, reagimin dhe dokumentimin e incidentit do të përcaktojë edhe kufijtë e tolerancës për veprimet e ardhshme të Serbisë. /Telegrafi/

• Telegrafi
• 5 saat, 17 dakika

Robert Lewandowski ka bërë të ditur se nuk do të marrë asnjë vendim për të ardhmen e tij derisa të dëgjojë planet që Barcelona ka për të, sulmuesi 37-vjeçar ka konfirmuar këtë të martën, në prag të ndeshjes së Ligës së Kampionëve ndaj Club Brugge. Kapiteni i Polonisë është përballur me probleme fizike në fillim të sezonit 2025/26, duke humbur disa ndeshje të rëndësishme, përfshirë edhe ‘El Clasico’ në ‘Santiago Bernabeu’. Deri më tani, Lewandowski ka zhvilluar vetëm 10 paraqitje, me gjithsej 447 minuta në fushë, duke realizuar katër gola në vitin e fundit të kontratës së tij, e cila skadon më 30 qershor 2026. “Nuk kam asnjë nxitim. Më e rëndësishmja do të jetë se si do të ndihem në fund të sezonit. Do të duhet të vendos për jetën time, por për momentin jam i përqendruar te shënimi i golave dhe fitimi i trofeve me skuadrën”, ka thënë Lewandowski për gazetarët. Sipas gazetarit polak Tomasz Wlodarczyk, Lewandowski do të presë ofertën e Barcelonës përpara se të shqyrtojë ndonjë alternativë tjetër. Sulmuesi do të jetë i lirë të negociojë me klube të tjera nga 1 janari 2026, por ai dëshiron fillimisht të dëgjojë çfarë planesh ka klubi katalanas. Barcelona nuk lejon që lojtarët të hyjnë në vitin e fundit të kontratës pa rinovim, por situata e Lewandowskit shihet si përjashtim. Të dyja palët po tregohen të kujdesshme, duke pritur për të vlerësuar formën dhe kontributin e tij gjatë sezonit përpara se të marrin një vendim për të ardhmen. /Telegrafi/

• Telegrafi
• 5 saat, 21 dakika

Karikatura e ditës - Kuvendi

• Koha Net
• 5 saat, 23 dakika

Në kuadër të fushatës sensibilizuese “Parandalimi i trafikimit me njerëz”, është mbajtur një ligjëratë informuese me stafin shkollor të shkollave fillore dhe të mesme të Komunës së Pejës. Aktiviteti u organizua nga Policia e Kosovës, përkatësisht Drejtoria për Hetimin e Trafikimit me Njerëz, në bashkëpunim me Zyrtaren për Barazi Gjinore të Komunës së Pejës, Samka Drançolli. Ligjërata u zhvillua në sallën e Kuvendit Komunal të Pejës, ku morën pjesë përfaqësues të Policisë së Kosovës dhe ligjëruesit Lindita Pajaziti, Blerim Seferi dhe Nusret Pepaj, psikiatër dhe anëtar i Mekanizmit Komunal Kundër Dhunës në Familje, përcjell Telegrafi. Qëllimi i kësaj ligjërate ishte rritja e vetëdijes për parandalimin e trafikimit me njerëz, si dhe theksimi i rëndësisë së bashkëpunimit ndërinstitucional për mbrojtjen e fëmijëve dhe të rinjve nga format e shfrytëzimit. Organizatorët falënderuan të gjithë pjesëmarrësit për kontributin dhe mbështetjen e vazhdueshme në nisma që synojnë mirëqenien dhe sigurinë e qytetarëve të Pejës. / Telegrafi /

• Telegrafi
• 5 saat, 27 dakika

UNS i NUNS osudili napade na novinare koji su izveštavali sa skupa SNS-a u sredu

• KoSSev
• 5 saat, 27 dakika

Kate Hudson tregoi barkun e tonifikuar teksa kryesoi një grup plot yje në eventin “WIF Max Mara Face of the Future 2025” në Los Angeles, të mërkurën. Me të mbërritur në Chateau Marmont, aktorja 46-vjeçare u shoqërua nga Ashley Benson, 35 vjeç, e cila tërhoqi vëmendjen me një fustan shumë të guximshëm me një çarje të lartë në këmbë. Kate kishte veshur një bluzë të zezë me jakë të lartë, të kombinuar me një fund të gjatë në të njëjtën ngjyrë dhe një rrip interesant të mbështjellë rreth belit të zhveshur. Ajo e kompletoi pamjen elegante me sandale me rripa shumë të hollë dhe flokët e drejtë. Ashley kishte veshur fustanin e saj me çarje të gjatë, të kombinuar me taka klasike stiletto, ndërsa pozonte për fotografët jashtë. Ylli i “Pretty Little Liars” ishte i shoqëruar nga bashkëshorti i saj, Brandon Davis, i cili dukej elegant me një xhaketë prej suede dhe pantallona të zeza. Gjatë eventit, Maude Apatow u shpall fituese e çmimit “Max Mara Face of the Future”, në vlerësim të punës së saj si aktore, shkrimtare dhe regjisore. Maude është vajza e aktores Leslie Mann dhe regjisorit Judd Apatow – dhe së fundmi ka përqafuar hapur konceptin e nepotizmit me projektin e saj të ri, ku ka përfshirë disa yje që kanë përfituar nga lidhjet e tyre familjare në industri.

• Telegrafi
• 5 saat, 27 dakika

Në Bundestag është ngritur një stuhi e madhe për shkak të, siç pretendojnë qeverisësit, pyetjeve “të synuara dhe sistematike” të ekstremistëve të djathtë mbi detajet dhe dobësitë e ushtrisë gjermane, Bundeswehr. Për akuzat e rënda për spiunazh do të diskutojë parlamenti gjerman, shkruan derspiegel . Gjithçka e nisi ministri i Brendshëm i Turingisë, Georg Maier (SPD), i cili dy javë më parë paralajmëroi për aktivitetet e dyshimta. “Prej një kohe po vëzhgojmë me shqetësim në rritje se si AfD shfrytëzon të drejtën parlamentare për të bërë pyetje për të hetuar në mënyrë të synuar infrastrukturën tonë kritike”, tha Maier, duke shprehur dyshimin se nga kjo përfitojnë kryesisht Rusia dhe presidenti Vladimir Putin. Ai shtoi se lind përshtypja se “AfD me pyetjet e tij po përpunon listën e detyrave të Kremlinit”. Nga AfD-ja, akuzat u mohuan me zemërim, dhe kreu i grupit parlamentar në Turingi, Bjorn Hocke, akuzoi Maierin se “po ngrihet në kohërat e Luftës së Ftohtë” dhe shpik histori spiunazhi. Po,r tani edhe partitë e koalicionit në parlamentin federal kërkojnë shpjegim nga AfD-ja. Kreu i grupit parlamentar të Unione (CDU/CSU), Jens Spahn, të hënën i tha kreut të AfD-së, Alice Weidel, se “dyshimi që një deputet vepron në parlament në emër të forcave armiqësore është më i rëndi i mundshëm”. Ai paralajmëroi se nëse Weidel nuk jep shpjegim, ajo “minimalisht do të jetë pjesëmarrëse në një tradhti të mundshme”. Nga ana tjetër, sekretari parlamentar i grupit AfD, Bernd Baumann, i hodhi poshtë akuzat si “dyshime absurde”. AfD në parlamentin e Turingisë ka bërë pyetje mbi detaje të transportit ushtarak, mbrojtjen nga dronët dhe infrastrukturën kritike, por një model i ngjashëm është vënë re edhe në nivel federal. Kryetari i Komitetit të Mbrojtjes në Bundestag, Thomas Rowekamp (CDU), tha për SPIEGEL se “është shumë e qartë që grupi parlamentar i AfD-së bën një sërë pyetjesh të lidhura në mënyrë sistematike dhe shumë të detajuara për kapacitetet dhe dobësitë e Bundeswehr”. Ai mendon se shtrirja dhe detajet e këtyre pyetjeve “nuk mund të shpjegohen thjesht me interesin e ligjshëm për mbikëqyrje parlamentare të qeverisë”. Sipas tij, dyshimi i arsyeshëm është “se këtu synohet dhe mblidhte në mënyrë sistematike informacion ushtarak i ndjeshëm nga Ministria Federale e Mbrojtjes dhe Bundeswehr, që do të kishte vlerë të madhe për fuqitë e huaja, jo vetëm për Rusinë, e cila prej vitesh forcon vazhdimisht aktivitetet e saj spiunazhi dhe sulmet hibride ndaj Gjermanisë”. Sipas informacionit të SPIEGEL-it, shqetësim kanë shprehur edhe zyrtarët e lartë ushtarakë dhe udhëheqësia e Ministrisë së Mbrojtjes. Në zyrën e ministrit Boris Pistorius (SPD) thuhet se arrijnë në përfundime të ngjashme me ato të Turingisë – se pyetjet janë të koordinuara për të zbuluar dobësitë në ushtri. “Pas kësaj qëndron një sistem,” thotë një burim nga ministria, duke shtuar se lind përshtypja se “po përpunohen në mënyrë të synuar grupet e pyetjeve të Moskës” që lidhen me kapacitetet ushtarake dhe afatet e blerjes së pajisjeve. AfD në Bundestag ka shfaqur interes për mbrojtjen nga dronët, infrastrukturën kritike dhe aftësinë e qeverisë për ta mbrojtur atë. Shembull është pyetja nr. 21/2409, ku deputetët e AfD-së përmes 27 pyetjeve duan të mësojnë gjithçka mbi dobësitë e sigurisë kibernetike në fushëveprimin e Ministrisë së Brendshme. Pyetjet janë shumë konkrete: “Sa qendra të dhënash ka aktualisht BMI?” ose “Cilat nga këto qendra të dhënash kanë furnizim rezervë funksional që mund të mbulojë situata krizash afatgjata (disa orë ose ditë)?”. Pyetje të ngjashme partia i ka dërguar edhe ministrive të digjitalizimit, transportit, financave dhe, natyrisht, mbrojtjes. Përgjigjet e detajuara të këtyre pyetjeve, thuhet, do të ishin më të dobishme për Vladimir Putinin, të cilit hakerët e tij prej vitesh përpiqen të vjedhin sekretet politike dhe ekonomike të Gjermanisë. Drejtuesi i grupit parlamentar të AfD-së, Baumann, i hodhi poshtë akuzat. Ai pretendon se pyetjet mund të “zbulojnë gabimet e qeverisë”, veçanërisht për “gjendjen e tërë infrastrukturës dhe Bundeswehr”, që sipas tij janë “shkatërruar nga kursimet e CDU-së dhe SPD-së”. Ai shton se pyetjet dhe përgjigjet janë publike, dhe qeveria nuk është e detyruar të përgjigjet për ato që janë sekrete. “Në këtë kuptim, dyshimi i zotit Röwekamp për spiunim për shërbime të huaja është absolutisht qesharak,” tha Baumann. Edhe pse nuk ka ende prova të forta që AfD vepron në urdhër të Rusisë, rasti që SPIEGEL zbuloi në dhjetor 2023 tregon se të paktën një herë pas një pyetjeje parlamentare qëndronte një shërbim i huaj inteligjence. Një agjent i Ministrisë së Sigurisë Shtetërore kineze (MSS) u mburr se në 2021 përmes AfD-së kishte nisur një pyetje mbi Hong Kongun për të “shtyrë qeverinë gjermane”. Deputeti i AfD-së, Stefan Keuter, që kishte paraqitur pyetjen, e mohoi bashkëpunimin me shërbimin kinez. Sipas burimeve të sigurisë, në këtë operacion rolin aktiv thuhet se e kishte Manuel Ochsenreiter, ish-bashkëpunëtor i deputetit të AfD-së Markus Frohnmaier, i cili për këtë nga Kina kishte marrë disa mijëra euro. Për Ochsenreiter nuk mund të pyetet më – ai vdiq në 2021 në Moskë. / Telegrafi/

• Telegrafi
• 5 saat, 32 dakika

Thierry Henry ka deklaruar se Barcelona nuk është mjaftueshëm e fortë në mbrojtje për të fituar Ligën e Kampionëve këtë sezon, duke theksuar se me këtë nivel organizimi nuk mund të eliminojë skuadra si Arsenal apo Bayern Munich. Pas barazimit 3-3 ndaj Club Brugge të mërkurën mbrëma, ku katalanasit u detyruan të riktheheshin tre herë në ndeshje, Barcelona ndodhet aktualisht në vendin e 11-të të tabelës së Ligës së Kampionëve, jashtë zonës që siguron kualifikimin automatik në fazën e 1/16-ve, me edhe katër ndeshje të mbetura. Trajneri Hansi Flick, pas ndeshjes në Belgjikë, insistoi se skuadra e tij nuk do të ndryshojë mënyrën e mbrojtjes. “Sezonin e kaluar, nuk do ta kishim pësuar atë gol të parë. Nuk kemi më të njëjtin besim kur luajmë me kurthin e ofsajdit. Nuk do ta ndryshojmë mënyrën tonë të mbrojtjes,” tha Flick. Mirëpo, Henry në analizën e tij për CBS Sports u shpreh se Barcelona nuk ka asnjë shans kundër skuadrave të nivelit më të lartë nëse vazhdon me këtë pasiguri prapa. “Koordinimi në mbrojtje është shumë i keq. Këtë e pamë në ndeshjen kundër Club Brugge, kundër Paris Saint-Germain, vitin e kaluar kundër Benficas, pastaj në ‘El Clasico’, pastaj kundër Interit”. "Siç e dini, kam luajtur për Arsenal, për Juventus, kam fituar shumë me Barcelonën, dhe më dhemb ta them këtë sepse nuk dua të flas kështu për ish-klubin tim”. “Por duhet thënë siç është – nuk mund të mbrohesh në këtë mënyrë dhe të shpresosh të fitosh duke shënuar tri ose katër gola çdo herë. Në futbollin modern, kjo nuk funksionon më”./ Telegrafi

• Telegrafi
• 5 saat, 32 dakika

KP upozorava na internet prevaru: Šire se lažni mejlovi sa potpisom Kosovske policije, FBI i Interpola

• KoSSev
• 5 saat, 35 dakika

Moti sot në Maqedoninë e Veriut do të jetë i ndryshueshëm dhe me reshje të shiut. Në vend do të fryjë një erë e lehtë nga drejtimi jugor. Temperaturat minimale do të lëvizin nga 5 deri 11, ndërsa temperaturat maksimale do të lëvizin nga 13 deri 17 gradë celsius. Deri të hënën moti pritet të jetë i ndryshueshëm dhe me reshje lokale të shiut./Telegrafi/

• Telegrafi
• 5 saat, 35 dakika

Ushtria amerikane realizuan një sulm të ri ndaj një anijeje në Karaibe, ku tre persona u vranë, konfirmoi ministri i Luftës, Pete Hegseth. Ky është sulmi i fundit në një seri goditjesh vdekjeprurëse në kuadër të fushatës të administratës së presidentit Donald Trump kundër trafikimit të drogës. "Sot, me urdhër të presidentit Trump, Ministria e Mbrojtjes realizoi një goditje fatale ndaj një anijeje që drejtohej nga një organizatë që autoritetet amerikane e konsiderojnë si terroriste", shkroi Hegseth në një postim në rrjetin social X dhe shtoi se "anija po trafikonte narkotikë në Karaibe dhe u godit në ujërat ndërkombëtare". Hegseth shtoi se forcat amerikane nuk pësuan humbje në sulm. Ky incident është pjesë e një fushate më të gjerë për të cilën Uashingtoni thotë se ka për qëllim ndalimin e fluksit të drogës në Shtetet e Bashkuara. As we’ve said before, vessel strikes on narco-terrorists will continue until their the poisoning of the American people stops. Today, at the direction of President Trump, the Department of War carried out a lethal kinetic strike on a vessel operated by a Designated Terrorist… pic.twitter.com/gQF9LpSjqD — Secretary of War Pete Hegseth (@SecWar) November 7, 2025 Gjatë 17 sulmeve të deritanishme, ushtria amerikane ka vrarë gjithsej 70 persona dhe ka shkatërruar 18 anije. Janë regjistruar vetëm tre të mbijetuar – dy prej tyre u mbajtën përkohësisht nga marina amerikane para se të ktheheshin në vendet e tyre të origjinës, ndërsa i treti konsiderohet i vdekur pas një kërkimi të realizuar nga marina e Meksikës. Administrata Donald Trump e ka njoftuar Kongresin amerikan se janë në "konflikt të armatosur" me kartelat e drogës që nga data 2 shtator dhe ata që janë vrarë janë cilësuar si "luftëtarë armiqësorë". Me këtë, administrata pretendon se ka autoritet për të realizuar sulme fatale pa mbikëqyrje gjyqësore, duke u mbështetur në një urdhër sekret të Ministrisë së Drejtësisë. Megjithatë, disa anëtarë të Kongresit dhe organizata për të drejtat e njeriut kundërshtojnë këtë bazë ligjore. Ata thonë se trafikanët e dyshuar të drogës duhet të ndiqen penalisht, siç ka qenë praktika para se Donald Trump të merrte detyrën e presidentit. Një kontroversë shtesë krijon edhe fakti që administrata deri tani nuk ka bërë publike. /Telegrafi/

• Telegrafi
• 5 saat, 53 dakika

Po, atletet mund të lahen në makinë, por vetëm nëse ndiqni disa rregulla të thjeshta që mbrojnë si këpucët, ashtu edhe makinën Stina e shirave dhe baltës po afrohet, edhe pse ditët e fundit mund të mos duket ashtu. Sidoqoftë, nuk është keq të dini si ta mbani të pastër dhe në gjendje të mirë këpucën që përdorni në këtë periudhë. Dhe ndërsa dëshironi t’u ktheni pamjen fillestare, ndoshta pyesni veten si t’i lani. A do ta përballojë rrobalarësja ciklin e larjes dhe a do të mbijetojnë vetë atletet? Lajmi i mirë është se larja e atleteve është e mundur, por vetëm nëse ndiqen disa rregulla të thjeshta që mbrojnë si këpucët, ashtu edhe makinën. Materiali është vendimtar Para se t’i fusni atletet në tambur, kontrolloni nga çfarë materiali janë bërë: Atletet prej pëlhure, rrjete dhe gome mund të lahen në makinë pa problem. Atletet prej lëkure, antilope, lëkure të lustruar ose leshi është më mirë të pastrohen me dorë për të shmangur dëmtimet. Ky është rregulli bazë që përcakton nëse atletet tuaja mund ta përballojnë larjen automatike apo jo. Sipas “Good Housekeeping Institute” dhe “Harvard Health Home Tips”, larja në makinë është e përshtatshme vetëm për materialet sintetike ose pëlhurë, ndërsa modelet prej lëkure duhet trajtuar me solucion pastrimi për lëkurë të butë, transmeton Telegrafi. Përgatitja para larjes Përgatitja është kyçe për një pastrim efektiv dhe të sigurt: Hiqni lidhëset dhe shtrojat e brendshme. Lidhëset vendosini në një qese rrjete që të mos ngatërrohen, ndërsa shtrojat lani me dorë. Hiqni baltën dhe papastërtitë e trasha. Një shtresë e trashë balte mund të bllokojë filtrin dhe të dëmtojë makinën. Fshini mirë atletet ose shpëlajini nën ujë të vakët përpara larjes. Mbroni atletet dhe makinën. Vendosini në një qese rrjete ose në jastëk të vjetër për të shmangur përplasjet me tamburin dhe gërvishtjet. Ekspertët e “Whirlpool” rekomandojnë të shtohen edhe disa peshqirë për të balancuar peshën dhe për të zbutur goditjet gjatë rrotullimit. Programi dhe detergjenti i duhur Zgjedhja e programit dhe e temperaturës ndikon drejtpërdrejt në ruajtjen e formës dhe ngjyrës së atleteve: Përdorni program të butë dhe ujë të ftohtë (maksimum 30°C). Zgjidhni detergjent të lëngshëm dhe të butë, pa zbardhues ose aromë të fortë. Shmangni centrifugën me rrotullime të larta, sepse mund të deformojë formën e këpucëve dhe të prishë ekuilibrin e makinës. Sipas “Consumer Reports”, temperaturat mbi 40°C dhe rrotullimet e larta janë arsyet kryesore pse atletet humbasin formën ose ngjyrën pas larjes. Tharja pa rrezik Për t’i ruajtur formën dhe jetëgjatësinë: Mos i vendosni kurrë në tharëse. Nxehtësia mund të shkrijë ngjitësin dhe të deformojë atletet. Thajini në ajër të hapur. Mbushini me letra të vjetra gazete ose copa të pastra që t’i ndihmojnë të mbajnë formën derisa të thahen plotësisht. Vendosini në vend të thatë dhe larg diellit direkt. Tharja natyrale ruan elasticitetin e materialit dhe ndalon grumbullimin e erërave të pakëndshme brenda atleteve. Rezultati Nëse ndiqni këto hapa, atletet tuaja pas larjes do të duken si të reja, ndërsa rrobalarësja do të mbetet e paprekur dhe pa dëmtime. Përgatitja e kujdesshme, programi i butë dhe tharja natyrale janë çelësi i qëndrueshmërisë së këpucëve, edhe gjatë ditëve me shi dhe baltë Sipas një raporti të “National Cleaning Institute”, kujdesi i rregullt dhe larja korrekte mund t’u zgjasin jetën atleteve mesatarisht deri në 30% më shumë. /Telegrafi/

• Telegrafi
• 6 saat, 11 dakika

Shqipëria të premten do të ndikohet nga kushte atmosferike të paqëndrueshme. Shërbimi Meteorologjik Ushtarak bën të ditur se moti parashikohet të jetë me alternime kthjellimesh dhe vranësira të cilat hera-herës priten të jenë deri të dendura. SHMU njofton tutje se do të ketë reshje shiu me intensitet të ulët që në orët e para të 24-orëshi në veri dhe qendër të vendit, ndërkaq gjatë ditës reshje shiu me intensitet të ulët të karakterit lokal në pjesën më të madhe të vendit. Era do të fryjë me drejtim nga kuadrati i jugut me shpejtësi mesatare 7m/s, e cila hera-herës pritet të fitoi shpejtësi deri në 10m/sek. Deti - Valëzimi në detet Adriatik dhe Jon i forcës 2-3 ballë. /Telegrafi/

• Telegrafi
• 6 saat, 20 dakika

Motorola sapo ka prezantuar modelin e ri Edge 70, një smartfon jashtëzakonisht i hollë, i cili mund të bëhet një rival serioz për modelin iPhone Air. Edhe pse Edge 70 është paksa më i trashë – 5,9 mm në krahasim me 5,6 mm – kamera e tij qëndron më diskret. Kur bëhet fjalë për kamerat, Edge 70 sjell tre sensorë prej 50 MP secili. Kamera kryesore mund të incizojë video në 4K, si dhe ka kamera të përparme, ultra-të gjerë me lente makro dhe një sensor të posaçëm për dritën. Trupi i telefonit është bërë nga “alumin i cilësisë ajrore” — lajmi i mirë për ata përdorues që pajisjet u bien lehtë nga duart. Mbrojtja shtesë për sigurim është xhami Corning Gorilla Glass 7i dhe certifikimi IP69 për rezistencë ndaj ujit. Edge 70 gjithashtu ofron qasje në chatbot-in e Motorola­s, moto AI2, i cili mund të krijojë imazhe, të përgjigjet në pyetje dhe, sipas kompanisë, të kuptojë përmbajtjen në ekran dhe të sugjerojë përdoruesit hapat e ardhshëm. Si do të funksionojë në praktikë — mbetet për t’u parë. Me gjithë trupin jashtëzakonisht të hollë, telefoni fsheh një bateri të madhe prej 4 800 mAh, e cila lejon deri në 50 orë përdorim të pandërprerë — më shumë se dy ditë shfletim intensiv pa karikues. Për krahasim, iPhone Air zgjat midis 22 dhe 27 orë. Telefoni përdor çipin Snapdragon 7 Gen 4 Mobile, dhe Motorola premton mbështetje aktive softuerike dhe përditësime sigurie deri në vitin 2031. Duke pasur parasysh dizajnin dhe karakteristikat, çmimi është mjaft i arsyeshëm – Edge 70 fillon nga rreth 780 euro e më lart. Është tashmë në shitje, por lajmi i keq është — për momentin është i disponueshëm vetëm në Mbretërinë e Bashkuar, dhe nuk ka ende informacione për ardhjen e tij në tregje të tjera. /Telegrafi/

• Telegrafi
• 6 saat, 21 dakika

Rënia e estrogjenit ngadalëson metabolizmin dhe ndryshon mënyrën se si trupi shpërndan yndyrën, prandaj dhjami gjithnjë e më shpesh “ngjitet” te barku. Megjithatë, ekspertët theksojnë se ekziston mënyrë për ta mbajtur nën kontroll këtë proces natyror Shumë gra vërejnë se me kalimin e viteve, kur menstruacionet bëhen të parregullta dhe menopauza afrohet, trupi ndryshon në mënyra që nuk janë gjithmonë të këndshme. Edhe nëse pesha trupore nuk rritet dukshëm, duket sikur depozitat e yndyrës zhvendosen – zakonisht drejt barkut. Sipas dr. Toni Golen, gjinekologe dhe redaktore kryesore e revistës Harvard Women’s Health Watch, këto ndryshime ndodhin kryesisht për shkak të rënies së nivelit të estrogjenit , që ndikon drejtpërdrejt në mënyrën si trupi ruan dhe shpërndan energjinë. “Kur estrogjeni bie, trupi i gruas fillon të ruajë më shumë yndyrë në pjesën e barkut, në vend të ijëve dhe kofshëve si më parë. Përveç kësaj, me moshën zvogëlohet në mënyrë natyrale masa muskulore, prandaj bie edhe shpenzimi i kalorive në gjendje pushimi. Ky metabolizëm më i ngadalshëm bën që energjia e tepërt të shndërrohet më lehtë në shtresë dhjami rreth belit”, shpjegon dr. Golen. Kërkimet e publikuara në Journal of Clinical Endocrinology & Metabolism (2021) tregojnë se gratë pas menopauzës kanë tendencë të grumbullojnë yndyrë viscerale, lloji i yndyrës që grumbullohet rreth organeve të brendshme dhe lidhet me rrezik më të lartë për diabet të tipit 2, hipertension dhe sëmundje të zemrës , transmeton Telegrafi. Çfarë mund të bëni? Menopauza, natyrisht, nuk mund të ndalet, por mund të zbuten efektet e saj mbi strukturën trupore. Çelësi, siç thekson doktoresha, qëndron te ruajtja e masës muskulore dhe përshpejtimi i metabolizmit. 1. Rritni marrjen e proteinave “Rritni marrjen e proteinave në çdo vakt, sepse ato ndihmojnë në ndërtimin dhe ruajtjen e masës muskulore”, këshillon dr. Golen. Burime të shëndetshme proteinash janë kosi, tofu, peshku, frutat e thata, vezët dhe mishi i pulës , ndërsa për gratë që ndjekin një regjim bimore, thjerrëzat dhe kinoa janë alternativa të mira. Sipas Mayo Clinic, konsumimi i 1-1.2 gram proteinë për kilogram peshë trupore ndihmon në ruajtjen e masës muskulore gjatë menopauzës. 2. Lëvizja me qëllim - kombinoni forcën dhe kardion Përveç ushqimit, aktiviteti fizik i rregullt është thelbësor. Ushtrimet me peshë (si galiç, pompat dhe pozicioni plank ) forcojnë muskujt dhe nxisin djegien e kalorive edhe gjatë pushimit. Një studim i Cleveland Clinic (2022) thekson se kombinimi i ushtrimeve të forcës me aktivitet aerobik (si ecja e shpejtë, noti apo biçikleta ) ndihmon në uljen e yndyrës abdominale dhe përmirësimin e ndjeshmërisë ndaj insulinës. 3. Mos nënvlerësoni gjumin dhe stresin Hormonet e stresit, si kortizoli , kur janë të larta për periudha të gjata, nxisin depozitimin e yndyrës në bark. Ekspertët e National Institutes of Health (NIH) theksojnë se gratë në menopauzë që flenë më pak se 6 orë në natë kanë më shumë rrezik për shtim në peshë abdominale. Rutinat e relaksimit, si yoga, meditimi dhe frymëmarrja e thellë, mund të ndihmojnë në ruajtjen e ekuilibrit hormonal dhe të peshës. Në përfundim Me ushqim të përshtatshëm, aktivitet fizik të qëndrueshëm dhe kujdes ndaj stresit, barku i menopauzës mund të mbetet vetëm një fazë e përkohshme, jo një pasojë e përhershme e saj. Sipas Harvard Health Publishing dhe Mayo Clinic, ndryshimet hormonale janë të pashmangshme , por mënyra si reagon trupi mund të ndikohet ndjeshëm nga stili i jetesës. Ushqimi i ekuilibruar, gjumi i mirë dhe lëvizja e përditshme janë aleatët më të mirë për një trup të shëndetshëm edhe pas menopauzës. /Telegrafi/

• Telegrafi
• 6 saat, 26 dakika