Një rast vjedhjeje ka ndodhur në rrugën “Anri Diana” në Mitrovicë të Veriut më 06.11.2025. Gruaja ka raportuar në spitalin rajonal se derisa kishte hyrë për kontrollë e kishte lënë çantën nën përkujdesje të burrit të saj dhe nga çanta i janë vjedhur portofoli me para të gatshme. Ky rast, i cili ka ndodhur rreth […] The post Vdes një fëmijë në Pejë, prindi raporton rastin në Polici për trajtim të pandërgjegjshëm mjekësor appeared first on Raporto Korrupsionin! KALLXO.com .

• Kallxo
• 3 saat, 4 dakika

I dyshuari A.I për vrasjen e dyfishtë të vëllezërve në fshatin Golluboc të Malishevës, ndodhet aktualisht në gjendje stabile. Lajmin për Telegrafin e ka konfirmuar drejtori i Emergjencës, Naser Syla, i cili ka treguar se i dyshuari është sjellë për trajtim nga policia dhe po i nënshtrohet të gjitha ekzaminimeve mjekësore të nevojshme. Në vendin e krimit u gjetën dy armë, policia jep detajet e fundit nga vrasja e dyfishtë në Golluboc “Gjendja e të plagosurit është stabile. Ai është sjellë për trajtim nga policia, do të kryhen të gjitha ekzaminimet e nevojshme, dhe më pas do të transferohet në Klinikën Abdominale", ka deklaruar Syla. Hetimet për vrasjen e dyfishtë vazhdojnë, ndërsa i dyshuari mbetet nën mbikëqyrje mjekësore dhe në koordinim të plotë me organet e drejtësisë. / Telegrafi /

• Telegrafi
• 3 saat, 10 dakika

Paraqitja e shkëlqyeshme e sulmuesit Xherdan Shaqiri ia ka fituar atij një vend në 11-shen më të mirë të formacionit të javës për Ligën e Evropës. Shaqa shkëlqeu në fitoren 3-1 të Baselit ndaj FCSB, ku kontribuoi me dy gola e një asistim. Pas kësaj paraqitje maestrale, ylli nga Kosova u vlerësua me notën 9.6, si dhe zuri vend në formacionin më të mirë të javës. Formacioni më i mirë i javës nga SofaScore : Ederson; Malic, Skriniar, Graovac, Terzic; Bianco; Salzar, Shaqiri, Konstentelias, Gogorza; Duran. View this post on Instagram A post shared by Telegrafi Sport (@telegrafisport) Kësisoj, Shaqa pavarësisht moshës po vazhdon të ketë rolin kyç në sukseset e Baselit si në Zvicër, ashtu edhe në Evropë./ Telegrafi /

• Telegrafi
• 3 saat, 10 dakika

Kryeministri Edi Rama komentoi në podkastin e tij ‘Flasim’ vendimin e Gjykatës Kushtetuese për të rrëzuar dekretin e presidentit dhe vendimin e qeverisë për shkarkimin e kryetarit të bashkisë Tiranë, Erion Veliaj. Rama përsëriti qëndrimin e tij se, Kushtetuesja pas këtij vendimi duhet të lirojë kryebashkiakun dhe ta lejojë të gjykohet në gjendje të lirë në mënyrë që të vijojë punën, ndërsa hodhi poshtë të gjithë zërat lidhur me arsyet që e çuan qeverinë dhe PS drejt vendimit për shkarkimin e Veliajt. “Dua të theksoj se çfarëdo është thënë, nuk ka thënë të vërtetën lidhur me arsyen e shkarkimin të kryetarit nga qeveria si rrjedhojë e vendimit të marrë nga PS në këshillin bashkiak. E vërteta është shumë e thjeshtë; Tirana duhet drejtuar, nuk mund të jetë një trup pa kokë. Kush ka në dorë të ndihmojë në zgjidhjen e këtij ngërçi absurd, duhet të kujtojë që kryeqyteti nuk mund të trajtohet si jetim. Ky është një skandal, që qytetarët e paguajnë një kosto të padrejtë”, tha Rama. /euronews.al/

• Telegrafi
• 3 saat, 15 dakika

LSDM sot ka reaguar lidhur me pastrimin e mbeturinave mbrëmë në Shkup. Nga atje akuzojnë se Shkupi po mbytej në mbeturina për muaj të tërë vetëm që Orce të bënte truke PR. "Për muaj të tërë, Shkupi po mbytej në mbeturina, banorët e Shkupit jetonin në ndyrësi çdo ditë nga e cila dilnin brejtës, dhe qeveria e OBRM-PDUKM-së nuk bëri asgjë. Në vend që të organizonte një pastrim të qytetit, OBRM-PDUKM qëllimisht bllokoi mbledhjen e mbeturinave dhe nuk bëri asgjë, as përmes ZELS-it dhe as përmes Bordit të Drejtorëve të Higjienës Komunale, i la banorët e Shkupit të mbyten në mbeturina. Mbrëmë, banorët e Shkupit panë pse mbeturinat mbetën, pse nuk u bë asgjë për muaj të tërë, vetëm që Orce Gjorgjievski të bënte truke PR, spektakle cirku me dronë dhe kamera. Ky është një qëndrim i turpshëm dhe nënvlerësim i qytetarëve të vet. Ndërsa bota dhe rajoni po përparojnë me inteligjencë artificiale, ndërsa fqinjët tanë po dërgojnë satelitë në orbitë, OBRM-PDUKM dhe Orce Gjorgjievski na kanë sjellë në atë pikë, në bllokada të qëllimshme për të bërë PR", thuhet në reagimin e LSDM-së./Telegrafi/

• Telegrafi
• 3 saat, 15 dakika

Një e mitur ka raportuar se ishte ngacmuar seksualisht nga një person i moshës madhore. Sipas raportit 24 orësh të Policisë së Kosovës bëhet e ditur se ngjarja ka ndodhur të enjten rreth orës 17:00, në Prishtinë. Tutje bëhet e ditur se lidhur me rastin si i dyshuar është intervistuar një person. “ Viktima femër e mitur, ka raportuar se ishte ngacmuar seksualisht nga i dyshuari i moshës madhore. Lidhur me rastin si i dyshuar është intervistuar një person, i cili pas intervistimit në konsultim me prokurorin është liruar në procedurë të rregullt”, thuhet në raport. /Telegrafi/

• Telegrafi
• 3 saat, 16 dakika

Uthulla e bardhë është një produkt shumëpërdorimësh që mund të shërbejë për shumë gjëra – nga ndihma në zierjen e vezëve, deri te heqja e njollave nga rrobat. Prej brezash, uthulla është cilësuar si një nga produktet natyrale më të mira për pastrim, falë përmbajtjes acidike që ndihmon në heqjen e papastërtive dhe neutralizimin e aromave të këqija. Në rrjete sociale, shumë faqe për truket e pastrimit e paraqesin uthullën e bardhë si zgjidhjen e mrekullueshme për çdo njollë apo erë në shtëpi. Por sipas një eksperteje të pastrimit, kjo nuk është plotësisht e vërtetë. Në fakt, ekzistojnë tre vende në shtëpi ku nuk duhet kurrë të përdorni uthullën e bardhë. Ekspertja e higjienës personale dhe shtëpiake, Madame Sweat, ndau një video në Instagram ku shpjegoi se nëse keni disa elemente të caktuara në shtëpi, nuk duhet t’i pastroni me uthull. Ajo tha: “Jam eksperte e higjienës personale, por dua t’ju ndihmoj edhe me higjienën e shtëpisë. Ja tre vende që nuk duhet t’i pastroni me uthull”. Gurët natyralë Nëse keni banakë, tavolina apo mobilje prej guri natyral, mos i pastroni me uthull – as të holluar. Madame Sweat këshillon: “Mos përdorni kurrë, as uthull të holluar, mbi gurin natyral. Është shumë acidike”. Në vend të saj, ajo sugjeron të përdorni pak detergjent enësh të holluar me ujë dhe një leckë të butë për të pastruar njollat apo derdhjet. Dyshemetë prej druri Dyshemetë prej druri janë shumë të bukura, por uthulla mund t’i dëmtojë. Ekspertja paralajmëron se uthulla mund të “heqë shtresën mbrojtëse” dhe ta shtrembërojë drurin. Pjesët prej gome Së fundi, Madame Sweat këshillon të mos përdorni uthull të bardhë në pjesët prej gome – siç janë vulat e lavatriçes apo të pjatalarëses, edhe pse ajo shpesh përmendet si zgjidhje kundër mykut. Ajo shpjegon: “Uthulla mund ta konsumojë dhe dëmtojë gradualisht gomën. Nëse doni të hiqni aromat e këqija, përdorni sodë buke”. Uthulla e bardhë përmendet shpesh edhe për neutralizimin e aromave në peshqirë, rroba sportive apo veshje të tjera. Në këto raste, mund ta përdorni në lavatriçe, por derdhni uthullën në ndarjen e detergjentit, në mënyrë që të mos prekë gomën rreth derës.

• Telegrafi
• 3 saat, 22 dakika

Kryeministri Edi Rama ka komentuar sot sërish vendimin e Gjykatës Kushtetuese, që ktheu Erion Veliaj në detyrë. Në Podkasin e tij “Flasim”, kreu i qeverise e konsideroi situatën e krijuar si një ngërç absurd, ndërsa iu drejtua Gjykatës Kushtetuese, duke thënë që të lërë të lirë Veliajn. “Ka disa rrjedhime logjike nga ky vendim. Unë nuk i … Continued The post “Skandal, kryeqyteti nuk mund të trajtohet si jetim”/ Rama flet për vendimin e Kushtetueses ndaj Veliajt: Nëse Tirana nuk do të ketë zgjedhje deri në 2027… appeared first on Shqip.com - Lajmet e fundit nga Shqipëria, Kosova dhe Bota .

• Shqip
• 3 saat, 23 dakika

Kryetari i Komunës së Malishevës, Ekrem Kastrati, ka shprehur ngushëllime për familjen Morina nga fshati Golluboc, pas ngjarjes tragjike ku dy djemtë e kësaj familjeje humbën jetën në një vrasje të dyfishtë. Në telegramin e ngushëllimit, kryetari Kastrati ka theksuar se kjo ngjarje e rëndë ka tronditur gjithë komunën dhe se institucionet lokale që ai drejton qëndrojnë pranë familjes në këtë moment të vështirë. “Jemi pranë jush me dhimbje dhe solidaritet në këtë moment të vështirë. Urojmë që ta gjeni forcën për të përballuar këtë humbje të pazëvendësueshme”, thuhet ndër të tjera në telegramin e kryetarit Kastrati, raporton Telegrafi. Ai gjithashtu ka bërë thirrje për zbardhjen e plotë të rastit, duke kërkuar që organet e rendit dhe drejtësisë të veprojnë me efikasitet dhe që autorët të përballen me ligjin. Ngjarja tragjike ka ndodhur të enjten në fshatin Golluboc të Malishevës, ku dy vëllezër kanë mbetur të vrarë. Policia ka arrestuar tashmë të dyshuarin për këtë vrasje. / Telegrafi /

• Telegrafi
• 3 saat, 25 dakika

Një rast i dhunimit seksual është kthyer në vëmendjen e autoriteteve në Kosovë, pas raportimit të një gruaje që ka dhënë deklaratë lidhur me një ngjarje të ndodhur dhjetë vite më parë, në vitin 2015, në qytetin e Vushtrrisë. Sipas raportit 24 orësh të Policisë së Kosovës, gruaja ka dëshmuar gjatë një interviste në Prokurori, duke deklaruar se një burrë kishte abuzuar seksualisht një person tjetër në atë kohë. “Vushtrri, 2015. Me 06.11.2025 dëshmitarja femër kosovare, gjatë intervistës në prokurori lidhur me një rast penal, ka deklaruar dhe dyshon se në vitin 2015 viktima mashkull kosovar është abuzuar seksualisht nga i dyshuari mashkull kosovar. Është njoftuar prokurori, rasti është duke u hetuar”, thuhet në raport. /Telegrafi/

• Telegrafi
• 3 saat, 25 dakika

Kongresi i Perusë ka votuar që ta shpallë presidenten meksikane, Claudia Sheinbaum, si person non grata – ose të padëshiruar në vend, ka raportuar të premten (07.11.2025) BBC. Vendimi u mor ditë pasi Peruja ndërpreu marrëdhëniet diplomatike me Meksikën, pasi qeveria meksikane ia aprovoi kërkesën për azil një ish-kryeministre peruane që përballet me akuza për […] The post Zvicra me ndalje të imigrimit planifikon ta kufizojë popullsinë në 10 milionë banorë appeared first on Raporto Korrupsionin! KALLXO.com .

• Kallxo
• 3 saat, 26 dakika

Një fëmijë i moshës një vjeç e gjysmë ka vdekur në Spitalin e Përgjithshëm në Pejë. Prindi kishte raportuar në Policinë e Kosovës se fëmijën e kishte dërguar në spital më 05.11.2025 për shkak se ishte në gjendje të rëndë shëndetësorë dhe pas tretmanit ai ishte liruar në shtëpi. Rasti në Polici është raportuar si […] The post Zvicra me ndalje të imigrimit planifikon ta kufizojë popullsinë në 10 milionë banorë appeared first on Raporto Korrupsionin! KALLXO.com .

• Kallxo
• 3 saat, 29 dakika

Një fëmijë i moshës një vjeç e gjysmë ka vdekur në Pejë më 06.11.2025. Prindi i tij e ka raportuar rastin në Policinë e Kosovës për trajtim të pandërgjegjshëm mjekësor. Sipas prindit, ai e kishte dërguar fëmijën në Spitalin Rajonal të Pejës më 05.11.2025 për shkak se ishte në gjendje të rëndë shëndetësore dhe pas […] The post Gjenerali gjerman: Rusia kurdo mund të lansojë sulm të kufizuar ndaj territorit të NATO-s appeared first on Raporto Korrupsionin! KALLXO.com .

• Kallxo
• 3 saat, 34 dakika

Trajneri i Kombëtares së Shqipërisë, Sylvinho ka publikuar listën e lojtarëve të grumbulluar për dy ndeshjet e fundit kualifikuese të Kupës së Botës 2026 ndaj Andorrës dhe Anglisë. Tekniku kuqezi ka përzgjedhur 25 futbollistë, ku ndër ta janë edhe tri rikthime si Ardian Ismajli, Adrion Pajaziti dhe Indrit Tuci. Në listë nuk mungojnë as emrat e senatorëve si Elseid Hysaj, Berat Gjimshiti, Kristjan Asllani, Nedim Bajrami dhe Armando Broja. Grumbullimi i kombëtares nis të hënën, më 10 nëntor, në Barcelonë, ku kuqezinjtë do të përgatiten për ndeshjen ndaj Andorrës, e cila do të luhet më 13 nëntor në stadiumin “Estadi FAF Encamp”, në orën 20:45. Sfida e fundit e kuqezinjve në këto kualifikuese do të zhvillohet më 16 nëntor, në stadiumin “Air Albania”, ndaj Anglisë, në orën 18:00. Lista e plotë Portierë : Thomas Strakosha, Mario Dajsinani, Simon Simoni Mbrojtës : Elseid Hysaj, Ivan Balliu, Mario Mitaj, Naser Aliji, Ardian Ismajli, Berat Gjimshiti, Arlind Ajeti, Klisman Cake Mesfushorë : Ylber Ramadani, Juljan Shehu, Kristjan Asllani, Medon Berisha, Qazim Laçi, Adrion Pajaziti, Nedim Bajrami, Arbër Hoxha, Jasir Asani Sulmues : Armando Broja, Myrto Uzuni, Rey Manaj, Mirlind Daku, Indrit Tuci / Telegrafi /

• Telegrafi
• 3 saat, 35 dakika

Përfaqësues të lëvizjes së rezistencës ruse, të njohur si Legija Sloboda Rusije (Legjioni i Lirisë së Rusisë), kanë realizuar një seri sabotimesh të suksesshme ndaj infrastrukturës ushtarake dhe logjistike të Federatës Ruse. Sipas raportimeve të Drejtorisë Kryesore të Zbulimit të Ministrisë së Mbrojtjes së Ukrainës (GUR), anëtarët e kësaj lëvizjeje kanë arritur të djegin dhjetëra lokomotiva dhe të dëmtojnë rëndë sisteme hekurudhore që shërbejnë për transportin e teknikës dhe furnizimeve ushtarake ruse drejt frontit në Ukrainë. Kjo lëvizje, e përbërë nga qytetarë rusë që kundërshtojnë regjimin e presidentit, Vladimir Putinit, vepron në mënyrë të fshehtë që nga fillimi i pushtimit rus të Ukrainës në shkurt të vitit 2022. Sipas inteligjencës ukrainase, Legjioni i Lirisë së Rusisë është sot një nga grupet më aktive dhe më efikase të rezistencës së brendshme në territorin rus, duke organizuar aksione të koordinuara kundër objektivave strategjikë të ushtrisë ruse. - YouTube www.youtube.com Sulmet e fundit janë përqendruar veçanërisht tek lokomotivat dhe infrastruktura hekurudhore, të cilat Rusia i përdor për transportimin e armëve, municioneve, pajisjeve ushtarake dhe furnizimeve logjistike. Me paralizimin e këtyre linjave, synohet të ndërpritet zinxhiri i furnizimit të ushtrisë ruse në vijën e frontit dhe të ngadalësohet ritmi i operacioneve ushtarake kundër Ukrainës. Në komunikatën zyrtare, GUR thekson se aksionet janë kryer duke përdorur kokteje molotovi, me qëllim që të shkatërrohen sistemet e kontrollit dhe të furnizimit me energji elektrike të lokomotivave. Këto mjete të thjeshta por efektive janë përdorur për të goditur nyjet më të rëndësishme të transportit, pa shkaktuar viktima civile, por duke dëmtuar ndjeshëm aftësinë e ushtrisë ruse për të transportuar pajisje dhe trupa. “Koktejet molotovi të pjesëmarrësve të rezistencës nënujore dogjën sistemet e kontrollit dhe energjisë të dhjetëra motorëve që ishin në përdorim për transportin e ngarkesave ushtarake. Këto goditje kanë ngadalësuar ndjeshëm lëvizjen e resurseve të armikut dhe kanë ndikuar në stabilitetin e furnizimit të njësive ushtarake ruse në vijën e frontit,” thuhet në njoftimin e inteligjencës ukrainase. Në përfundim, autoritetet ukrainase vlerësojnë se këto aksione të organizuara brenda Rusisë përbëjnë një element të rëndësishëm të luftës hibride dhe një dëshmi se rezistenca ndaj regjimit aktual rus po forcohet nga brenda, duke e bërë gjithnjë e më të vështirë ruajtjen e stabilitetit logjistik të forcave pushtuese. /Telegrafi/

• Telegrafi
• 3 saat, 36 dakika

Zvicra po shqyrton një plan për kufizimin e popullsisë së saj në dhjetë milionë, me një pako politikash anti-imigrante që automatikisht do ta bënin të veten nëse shifrat ngrihen shumë, ka shkruar gazeta londineze, “The Times”. Partia kryesore djathtiste zvicerane, Partia nacionaliste Popullore Zvicerane (SVP), qe dy vjet ka bërë përpjekje për të ta organizuar […] The post Policë me armë të gjata në QKUK, i dyshuari për vrasjen e dyfishtë në Malishevë në gjendje stabile appeared first on Raporto Korrupsionin! KALLXO.com .

• Kallxo
• 3 saat, 37 dakika