Ish-deputeti i Listës Guxo, Burim Meta ka reaguar pas deklaratës së nënkryetares së Lidhjes Demokratike të Kosovës (LDK), Hykmete Bajrami, e cila ka thënë se "Presidentja e vendit, Vjosa Osmani nuk ka më vend në këtë subjekt politik". Meta përmes një postimi në rrjetin social në Facebook ka thënë se si duket Hykmete Bajramin e paska marrë malli për rezultatin e vitit 2021. Bajrami: Vjosa Osmani nuk ka vend në LDK, ajo është përgjegjëse për rënien e partisë në 2021 Tutje ai ka thënë se deklaratat e Bajramit ku thotë se ‘nuk ka problem me Listën Serbe”, janë jo vetëm të papërgjegjshme e anti-shtetërore, por edhe larg frymës që dikur e bënte LDK-në shtëpi të të gjithë atyre që besonin në demokraci, dinjitet dhe shtetndërtim. “Si nuk i vjen turp me sulmu Presidenten Osmani e me e mbrojtë Listën Serbe? Por nga të tillët s’duhet të befasohemi më”, ka shkruar Meta në Facebook. /Telegrafi/

• Telegrafi
• 3 gün, 21 saat, 35 dakika

Gjykata Ndërkombëtare Penale ka thënë të hënën (03.11.2025) se po mbledh dëshmi pas dyshimeve për vrasje masive dhe dhunime pasi forcat Forcat e Ndërhyrjes së Shpejtë morën kontrollin e Al-Fashirit – bastionit të fundit të ushtrisë në rajonin sudanez të Darfurit, ka raportuar Reuters. Gjykata Ndërkombëtare Penale ka hetuar gjenocidin e dyshuar, krimet e luftës […] The post Sondazhi i CNN: Trump me mbështetjen më të ulët popullore në mandatin e dytë appeared first on Raporto Korrupsionin! KALLXO.com .

• Kallxo
• 3 gün, 21 saat, 38 dakika

Policia e Kosovës ka njoftuar se më 1 nëntor 2025 është raportuar një rast i rrëmbimit dhe plagosjes së një personi në zonën e Leposaviqit. Viktima, identifikuar si M. V., shtetas i Republikës së Kosovës dhe me nacionalitet serb, dyshohet të jetë sulmuar dhe rrëmbyer brenda territorit të Kosovës nga një grup i xhandarmërisë serbe. Sipas raportit zyrtar, incidenti dyshohet të ketë ndodhur në një zonë të quajtur “pika zero” – brenda hapësirës kufitare mes Kosovës dhe Serbisë, pranë Leposaviqit, përcjell Telegrafi. Policia e Kosovës ka njoftuar menjëherë KFOR-in, si autoritet përgjegjës për zonën kufitare, dhe ka nisur hetimet e saj në bashkëpunim me institucionet relevante dhe organet e drejtësisë. Drejtoria për Hetimin e Krimeve të Rënda ka intervistuar dëshmitarë, të cilët kanë konfirmuar se disa persona të maskuar kishin hyrë në territorin e Kosovës, e kishin plagosur dhe rrëmbyer viktimën, dhe më pas e kishin transportuar drejt Serbisë, duke e çuar me autoambulancë drejt qytetit të Nishit. Në konsultim me prokuroren kompetente të Prokurorisë Themelore në Mitrovicë, Departamenti për Krime të Rënda, është inicuar rasti dhe po vazhdojnë hetimet për zbardhjen e plotë të ngjarjes. Policia e Kosovës thekson se mbetet e përkushtuar në realizimin e detyrave ligjore dhe në bashkëpunim të ngushtë me të gjitha institucionet e sigurisë për mbrojtjen e qytetarëve dhe rendit ligjor. / Telegrafi /

• Telegrafi
• 3 gün, 21 saat, 41 dakika

Maldivet ua kanë ndaluar të rinjve të lindur më 1 janar 2007 ose më pas të pinë duhan, duke u bërë i vetmi vend në botë që zbaton një “ndalim brez pas brezi” të duhanit në të gjithë vendin. Ministria e shëndetësisë e arkipelagut njoftoi të shtunën se do të ishte e paligjshme që brezat e rinj të përdorin, blejnë ose shesin duhan brenda vendit. Ndalimi "pasqyron angazhimin e fortë të qeverisë për të mbrojtur të rinjtë nga dëmet e duhanit", tha ministria. Ndalimi i ri "zbatohet për të gjitha format e duhanit dhe shitësit me pakicë janë të detyruar të verifikojnë moshën para shitjes", tha ministria e shëndetësisë, duke shtuar se ai përputhet me detyrimet e Maldiveve sipas Konventës Kornizë të Organizatës Botërore të Shëndetësisë për Kontrollin e Duhanit. Sipas organit shëndetësor të OKB-së, kjo konventë "ofron një përgjigje globale ndaj një problemi global - domethënë, epidemisë së duhanit". /Telegrafi/

• Telegrafi
• 3 gün, 21 saat, 42 dakika

Shegat kanë pak kalori dhe yndyrë, por janë të pasura me fibra, vitamina dhe minerale. Përfitimet e tyre përfshijnë veprimet antioksiduese, përmirësimin e shëndetit të zemrës dhe traktit urinar, rritjen e qëndrueshmërisë gjatë ushtrimeve dhe më shumë. Shegat janë fruta të rrumbullakëta me ngjyrë të kuqe. Ato kanë tul të bardhë brenda, i cili përmban fara krokante e të lëngshme që quhen arila. Ato njihen kryesisht për lëngun me ngjyrë të ndezur, por ky frut i veçantë ofron shumë më tepër sesa kaq. Të pasura me antioksidantë Antioksidantët mbrojnë qelizat nga dëmet që shkaktojnë radikalet e lira, të cilat lidhen me sëmundje kronike si kanceri apo diabeti. Shegat përmbajnë shumë antioksidantë si punikalaginet dhe antocianinat, që ndihmojnë trupin të qëndrojë i shëndetshëm. Luftojnë inflamacionin Shegat mund të ndihmojnë në uljen e inflamacionit që lidhet me sëmundje si sëmundjet e zemrës, diabeti dhe kanceri. Kjo falë përbërjeve që kanë veti antioksiduese dhe anti-inflamatore. Mund të ndihmojnë kundër kancerit Disa studime tregojnë se ekstrakti i shegës mund të ngadalësojë rritjen e qelizave të kancerit, veçanërisht në mëlçi dhe prostatë. Të mira për zemrën Pirja e lëngut të shegës mund të ndihmojë në uljen e dhimbjeve të gjoksit dhe në përmirësimin e qarkullimit të gjakut, gjë që mbron zemrën. Të dobishme për veshkat Ekstrakti i shegës mund të ndihmojë në parandalimin e gurëve në veshka, duke ulur përbërësit që i shkaktojnë ata, si kalciumi dhe oksalati. Luftojnë mikrobet Përbërjet në shegë mund të ndihmojnë në luftimin e baktereve, sidomos atyre që shkaktojnë erë të keqe në gojë dhe karies. Ndihmojnë në ushtrime fizike Shegat mund të rrisin qëndrueshmërinë dhe performancën gjatë aktivitetit fizik dhe të ndihmojnë trupin të rikuperohet më shpejt pas ushtrimeve. Të mira për trurin Antioksidantët në shegë ndihmojnë në mbrojtjen e trurit nga sëmundje si Alzheimeri dhe Parkinsoni, duke reduktuar dëmtimet qelizore dhe inflamacionin. Përmirësojnë tretjen Shegat ndihmojnë në ruajtjen e baktereve të mira në zorrë dhe përmbajnë fibra, të cilat janë të rëndësishme për tretjen dhe shëndetin e stomakut.

• Telegrafi
• 3 gün, 21 saat, 43 dakika

Njëri nga mesfushorët më të mirë të të gjitha kohërave, Luka Modric, ka zbuluar pesë futbollistët e tij t ë preferuar, që ai i konsideron si më të mirët në histori. Në një intervistë për mediumin spanjoll AS, kroati befasoi opinionin publik me përzgjedhjet e tij, duke lënë jashtë dyshen ikonike Lionel Messi dhe Cristiano Ronaldo, të cilët prej vitesh kanë dominuar futbollin botëror. Modric, i cili aktualisht është kapiten i Kroacisë dhe lojtar i Milanit, filloi listën e tij me legjendën argjentinase Diego Armando Maradona, duke e cilësuar atë si simbol të pasionit dhe artit në futboll. “Është gjithashtu Francesco Totti, braziliani Ronaldo, Zvonimir Boban i cili ishte idhulli im dhe sigurisht Zinedine Zidane", u shpreh Modric për gazetën AS . Lista e tij reflekton më shumë emocionin dhe ndikimin personal që kanë pasur këta futbollistë te ai gjatë viteve, sesa thjesht statistikat apo trofetë e fituar. Modric u largua nga Real Madridi këtë verë pas 12 sezoneve të lavdishme, gjatë të cilave fitoi gjithçka që mund të fitohej në futbollin evropian, përfshirë pesë tituj të Ligës së Kampionëve dhe Topin e Artë në vitin 2018. Ai më pas u transferua te Milani, ku po tregon ende nivel të lartë performance. Në Itali, 38-vjeçari është votuar si lojtari më i mirë i muajit shtator në Serie A, duke dëshmuar se klasa dhe ndikimi i tij në fushë mbeten të paprekura, pavarësisht moshës. /Telegrafi/

• Telegrafi
• 3 gün, 21 saat, 47 dakika

Presidenti i Finlandës, Alexander Stubb, tha se ka nisur “një epokë e re e armëve bërthamore”, pasi javën e kaluar Shtetet e Bashkuara njoftuan se planifikojnë të kryejnë testime të reja të armëve bërthamore. Stubb tha se “logjika e frenimit” dhe “stabiliteti strategjik midis superfuqive” po i nënshtrohet një transformimi. “Ne kemi hyrë në një […] The post Kallas: Koha për të përfunduar mbikëqyrjen ndërkombëtare në Bosnje, por pas forcimit të kapaciteteve vendore appeared first on Raporto Korrupsionin! KALLXO.com .

• Kallxo
• 3 gün, 21 saat, 47 dakika

Dizajnerja e njohur kosovare Fitore Syla vazhdon të tërheqë vëmendjen e botës së dizajnit me krijimet e saj që ndërthurin traditën shqiptare me estetikën bashkëkohore. Krijimin i saj unik “Pema Leka”, një llambë e punuar nga kungujt tradicionalë shqiptarë “Leka”, prezantuar në evente të ndryshme kulturore brenda dhe jashtë vendit, po merr vëmendje të madhe. […] The post KQZ certifikon rezultatet e Zgjedhjeve Lokale 2025 appeared first on Raporto Korrupsionin! KALLXO.com .

• Kallxo
• 3 gün, 21 saat, 47 dakika

Valon Canhasi është i ftuari i radhës në emisionin PodGo në Telegrafi Maqedoni, me të cilin kemi diskutuar për të rejat në Inteligjencën Artificiale dhe jetën e tij si student në Tetovë. Ai tha se Tetovën e kujton me mall dhe se ka shumë miq të mirë që nga koha e studimeve, ndërsa i kujtoi edhe momentet kur ka bërë tifo për Shkëndijën. - YouTube Prodhim i Telegrafi Maqedoni Bejeni #Subscribe kanalin tonë në YouTube për më shumë video. Detajet: ... "Tetovën e kam pjesë të madhe të jetës, pasi kemi qenë gjenerata e dytë në 2004 që kemi studiuar në Tetovë. Atëherë Tetova nuk ka qenë siç është sot. Dallimi është i madh prej atëherë e sot. Ka vende që i mbaj në mend edhe sot, UEJL më ka bërë me shumë shokë, por mua më ka bërë edhe me bashkëshorte, pasi ajo ka qenë në fakultet atje. Gjithashtu kemi bërë tifo për Shkëndijën. Kemi qenë një grup i madh i shokëve që e kemi mbështetur Shkëndijën", tha Canhasi. Sa i përket AI, ai tha se gjërat po ndodhin shumë shpejt dhe se ajo do të sjell reduktim të stafit për shumë kompani. "Shpejt po ndodhin gjërat, prej vitin e kaluar bëjmë trajnime dhe unë them se çdo javë duhet t'i bëjmë update prezantimet, pasi në çdo kohë ka gjëra të reja. Gjëja e parë që pritet me ardhur tek ne është reduktimi i stafit, për shkak të transformimit digjital. Synimi i digjitalizimit është të minimizojnë harxhimet dhe proceset dhe kjo sjell reduktim të stafit", tha Canhasi. Ndërsa sa i përket Diellës, ministrisë së AI-së të cilin e promovoi kryeministri i Shqipërisë Edi Rama, Canhasi tha se pret që zbatimi i digjitalizimit të ketë sukses. "Çdo digjitalizim e rrit transparencën, pas lë shenja. Shtetet e ballkanit hezitojnë të zbatojnë digjitalizimin, pasi nxjerr në pah të metat e tyre. Sa i përket Diellës, besoj që Edi Rama e ka pjesë të tij atë që sheh më larg. Pra, start-upet edhe kështu zhvillohen, në fillim nuk është e qartë e ardhmja. Por mendoj që Diella do të ketë sukses. Në të ardhmen shumica e gjërave do ta kenë komponentën e inteligjencës artificiale. AI është ekonomia e re, jeta jonë e re dhe pjesë përbërëse e jetës tonë", tha Canhasi. Ai na tregoi edhe për podcastin e tij "3go", ndërsa tha se është përvojë e mirë dhe mendon që ta zhvillojë edhe më tej./Telegrafi/

• Telegrafi
• 3 gün, 21 saat, 48 dakika

Trajneri i Paris Saint-Germain, Luis Enrique, ka folur para sfidës së madhe të Ligës së Kampionëve kundër Bayern Munich, duke dhënë detaje për gjendjen e skuadrës, rolin e kapitenit dhe rëndësinë e ndeshjes. I pyetur për gjendjen e Ousmane Dembele, trajneri spanjoll u shpreh se lojtari është në formë të mirë, por skuadra nuk do të marrë asnjë rrezik të panevojshëm. “Nuk marrim rreziqe me asnjë lojtar. Por Ousmane është në gjendje të mirë. Ka kryer të gjitha seancat stërvitore gjatë dy javëve të fundit dhe ka luajtur. Ai po përmirëson formën fizike. Do të luajë, natyrisht. Është gati për konkurrencë. Nesër do të vendosim për minutazhin e tij”. Sa i përket çështjes së kapitenit, Luis Enrique theksoi rëndësinë e Marquinhos në grup. “Kapitenin e zgjedhin vetë lojtarët. Por mendoj se Marquinhos e ka treguar vlerën e tij, e pamë të gjithë se si u festua pas fitores në Ligën e Kampionëve. Nuk ka dyshim për nivelin e tij, është një person i mrekullueshëm dhe një lider i vërtetë. Jam shumë i lumtur që e kam në skuadër dhe shpresoj të qëndrojë gjatë”. Në lidhje me rëndësinë e përballjes ndaj Bayernit, trajneri i PSG-së ka thënë: “Nuk është koha për të vlerësuar ekipin tonë. Duhet të kemi besim. Fitorja nesër është e rëndësishme, si për tre pikët ashtu edhe për pozicionin në grup, që është më i vështiri i kompeticionit. Duam të jemi konkurrues në çdo ndeshje dhe ta shijojmë këtë moment me tifozët tanë”. Luis Enrique paralajmëroi se asnjëra skuadër nuk do të ndryshojë stilin e lojës. “Bayern nuk do ta ndryshojë mënyrën e tyre të lojës. As ne. Ndoshta do të bëjmë edhe më shumë, pasi luajmë në shtëpi. Mendoj se mund të përballojmë presionin e tyre dhe t’u krijojmë probleme. Edhe ata janë të fortë. Do të jetë një ndeshje e ekuilibruar, ku detajet do të bëjnë diferencën. Kush i kontrollon më mirë, do të fitojë. Shpresoj që tifozët të kalojnë një mbrëmje fantastike”. Në përfundim, trajneri i PSG-së nënvizoi rëndësinë e mbledhjes së pikëve që në fillim të fazës së grupeve. “Të gjitha ndeshjet janë të rëndësishme. Kemi një kalendar shumë intensiv dhe të vështirë. Duhet të fitojmë pikët sa më shpejt të jetë e mundur. Këtë e bëmë në tre ndeshjet e para dhe duam ta përsërisim edhe nesër”, përfundoi Enrique. /Telegrafi/

• Telegrafi
• 3 gün, 21 saat, 52 dakika

KRU “Gjakova” njofton qytetarët e Rahovecit se, për shkak të punimeve të planifikuara në gypin Ø400 mm në rrugën “UÇK”, furnizimi me ujë për Zonën e Parë të qytetit do të ndërpritet përkohësisht nga ora 07:30 e mëngjesit, dhe do të vazhdojë deri në përfundimin e punimeve. Kompania thekson se ky ndërprerje është e domosdoshme për realizimin e punimeve të mirëmbajtjes dhe përmirësimit të infrastrukturës së ujësjellësit, që do të kontribuojë në rritjen e cilësisë së furnizimit me ujë të pijshëm për të gjithë konsumatorët e zonës. KRU “Gjakova” kërkon mirëkuptimin e qytetarëve për shqetësimin e shkaktuar nga ndërprerja e përkohshme dhe siguron se stafi i kompanisë po punon me përkushtim maksimal që punimet të përfundojnë sa më shpejt dhe furnizimi të rifillojë normalisht. / Telegrafi /

• Telegrafi
• 3 gün, 21 saat, 54 dakika

Pas një tremujori të suksesshëm ku Apple regjistroi 102.5 miliardë dollarë të ardhura, CEO Tim Cook foli me CNBC në lidhje me performancën e kompanisë dhe qëllimet e saj të ardhshme. Cook zbuloi se pavarësisht kërkesës së fortë, Apple po përballej me kufizime në furnizim për disa modele të iPhone 17 dhe serisë 16 të vitit të kaluar. Megjithatë, rezultatet e favorshme të të ardhurave të Apple pritet të vazhdojnë edhe në periudhën e festave, me rritjen e parashikuar të të ardhurave për tremujorin e dhjetorit me 10%-12%. Cook konfirmoi gjithashtu se Cupertino planifikon të publikojë versionin e saj të shumëpritur dhe të vonuar të Siri-t të saj të rishikuar me IA vitin e ardhshëm. Apple duhej të sillte Siri-n e saj të përditësuar në fillim të këtij viti, por lansimi u vonua përsëri. Thashethemet më të fundit sugjerojnë se do të lansohet në mars të vitit 2026. Apple po planifikon gjithashtu të bashkëpunojë me më shumë ofrues të IA-së për paketën Apple Intelligence pas marrëveshjes së saj OpenAI nga viti 2024. Cook nuk hyri në detaje rreth kompanive specifike, por ai konfirmoi qëllimin e Apple për të lidhur partneritete të reja me IA-në. Tarifat kanë qenë një temë e nxehtë në teknologji për pjesën më të madhe të këtij viti, dhe Cook konfirmoi se Apple pati 1.1 miliardë dollarë kosto shtesë gjatë tremujorit të shtatorit. Apple pret 1.4 miliardë dollarë kosto tarifash për tremujorin e dhjetorit. /Telegrafi/

• Telegrafi
• 3 gün, 22 saat

Ish-avokatja e lartë në ushtrinë izraelite është arrestuar, ndërsa një përballje politike thellohet për shkak të rrjedhjes së një videoje që dyshohet se tregon abuzim të rëndë të një të ndaluari palestinez nga ushtarët izraelitë. Gjeneralmajor Yifat Tomer-Yerushalmi dha dorëheqjen si Avokate e Përgjithshme Ushtarake e Forcave të Mbrojtjes së Izraelit (IDF) javën e kaluar, duke thënë se merrte përgjegjësinë e plotë për rrjedhjen e informacionit. Të dielën, historia mori një kthesë më të errët kur ajo u raportua si e zhdukur, me policinë që nisi një kërkim orë të tëra për të në një plazh në veri të Tel Avivit. Ajo u gjet më pas gjallë dhe mirë, tha policia, por më pas u mor në paraburgim. Bëhet e ditur se pasojat nga videoja e publikuar po intensifikohen çdo ditë. Të transmetuara në gusht 2024 në një kanal lajmesh izraelit, pamjet tregojnë ushtarë rezervë në bazën ushtarake Sde Teiman në Izraelin jugor duke marrë mënjanë një të ndaluar, pastaj duke e rrethuar atë me mburoja kundër trazirave për të bllokuar dukshmërinë, ndërsa ai dyshohet se është rrahur dhe goditur me një objekt të mprehtë. - YouTube www.youtube.com I paraburgosuri më pas u trajtua për lëndime të rënda. Pesë rezervistë u akuzuan më pas për abuzim të rëndë dhe shkaktim të lëndimeve të rënda trupore ndaj të ndaluarit. Ata i kanë mohuar akuzat dhe nuk janë emëruar. Të dielën, katër nga rezervistët mbanin balaklava të zeza për të fshehur fytyrat, ndërsa u shfaqën në Tomer-Yerushalmi u la në pushim ndërsa zhvillohej hetimi. Por tani Ministri i Israel Katz, tha se nuk do të lejohej të kthehej në postin e saj. Menjëherë pas kësaj, ajo dha dha dorëheqjen. Në letrën e saj të dorëheqjes, ajo tha se merrte përgjegjësi të plotë për çdo material që u publikua në media. /Telegrafi/

• Telegrafi
• 3 gün, 22 saat, 1 dakika

Sot u mbajt aksioni i parë i këtij sesioni me pjesëtarët e Njësisë Speciale të Policisë së Kosovës, në Kampin “Bellvedere” në Mitrovicë, duke vazhduar traditën e organizimit të dy aksioneve në vit në kuadër të Policisë së Kosovës. Kështu bëhet e ditur përmes një postimi në rrjetin social në Facebook të faqes “Transfuzioni i Gjakut- Kosovë”. Sipas postimit bëhet e ditur se ky aktivitet u realizua në kuadër të bashkëpunimit të shkëlqyer mes Qendrës Kombëtare të Kosovës për Transfuzion të Gjakut dhe Policisë së Kosovës, me qëllim të promovimit të dhurimit vullnetar të gjakut dhe ndihmës për pacientët që kanë nevojë. “Falënderojmë pjesëtarët e Njësisë Speciale për humanizmin, përkushtimin dhe gatishmërinë e tyre të vazhdueshme për të shpëtuar jetë”, thuhet në postim. /Telegrafi/

• Telegrafi
• 3 gün, 22 saat, 2 dakika

Toyota ka prezantuar në Panairin e Mobilitetit 2025 në Japoni një koncept të pazakontë – një makinë të vogël vetëdrejtuese për fëmijë, të quajtur Kids Mobi. Automjeti elektrik është projektuar për fëmijë deri në 130 cm të gjatësi. Me drita LED që shfaqin emocione dhe sensorë në formë veshësh, Kids Mobi ngjan më shumë me një personazh vizatimor sesa me një makinë. Brendësia përfshin një sedilje të vetme dhe një asistent AI të quajtur “UX Friend”, që bashkëbisedon me fëmijën gjatë udhëtimit. Toyota thotë se qëllimi është t’u japë fëmijëve ndjesinë e lirisë dhe pavarësisë, njësoj si të rriturit me makinat e tyre. Edhe pse ideja e një fëmije që udhëton vetëm në një automjet autonom mund të duket e çuditshme, kompania beson se në të ardhmen kjo mund të jetë më e sigurt se një autobus shkolle. Projekti është pjesë e programit AI x Robotics Data Center, ndaj zhvillimi i tij do të vazhdojë edhe pas panairit. Për momentin, Kids Mobi mbetet një koncept që vizitorët mund ta shohin nga afër dhe të marrin si kujtim një varëse origjinale nga Toyota. /Telegrafi/

• Telegrafi
• 3 gün, 22 saat, 5 dakika

Noor Alfallah (31-vjeçare), një producente filmash dhe ish-e dashura e Al Pacinos, u 'kap' me komedianin Bill Maher, i cili është 38 vjet më i madh se ajo. Të dy ishin në një festë për Halloween të organizuar nga Vasa J Morgana dhe Michael Braun në Chateau Marmont në Los Angeles. Ata dolën nga festa së bashku dhe paparacët i fotografuan në makinë. Foto: Backgrid Ajo mbante veshur një korse dhe një fund të shkurtër për Halloween, ndërsa ai mbante veshur një tunikë të kuqe të zbukuruar me detaje dhe pantallona të arta. Thashethemet se ata ishin në një lidhje filluan të përhapeshin vitin e kaluar, kur u fotografuan duke dalë nga Chateau Marmont. Foto: Backgrid Megjithatë, ajo i mohoi këto akuza në atë kohë. "Billi është thjesht shoku im. Ai është i mrekullueshëm. Por ne jemi thjesht miq", tha ajo për TMZ. Foto: Backgrid Ajo filloi të dilte me Al Pacino në vitin 2022 dhe u ndanë në vitin 2024. Ata kanë një djalë. Ajo theksoi se ata mbetën në marrëdhënie të mira pas ndarjes. Foto: Backgrid Më parë ka qenë e lidhur me Mick Jagger, Nicolas Berggruen, Eli Roth dhe Clint Eastwood. /Telegrafi/

• Telegrafi
• 3 gün, 22 saat, 6 dakika