„Það er mitt mat að ákæruvaldið hafi farið fullkomlega offari“
Verjandi Sindra Snæs Birgissonar, sem sýknaður var í héraðsdómi og Landsrétti, fyrir tilraun til hryðjuverka, segir ákæruvaldið hafa farið fullkomlega offari í málinu. Lögregla og ákæruvaldið hafi brotið gegn því sem geti kallast sanngjörn málsmeðferð. Verjandi Ísidórs Nathanssonar segir ekkert nýtt hafa komið fram í máli ákæruvaldsins sem eigi að hnekkja dómi Landsréttar. Málið var tekið fyrir í Hæstarétti í dag. Gagnrýndi ónákvæmni í ákæru Fram kom í máli verjenda beggja manna að þeir fari fram á að ákærunum um tilraun til hryðjuverka og hlutdeilt í þeirri tilraun sé vísað frá dómi. Til vara fara þeir fram á að sýknudómur Landsréttar verði staðfestur. Sveinn Andri hóf mál sitt rétt fyrir klukkan 11 í morgun. Hann byrjaði á því að benda á að birt hafi yfir dómsalnum eftir að verjandi kom í pontu. Ekki var búið að kveikja öll ljósin í loftinu þegar Sigríður Friðjónsdóttir ríkissaksóknari hóf mál sitt og dómari benti honum góðfúslega á að það hefði ekkert að gera með hann gera. Sveinn Andri fékk lengstan tíma til að flytja mál sitt, 120 mínútur eða tvo klukkutíma. Hann áréttaði sýknukröfur í upphafi máls síns og krafðist þess að ákæru yrði vísað frá héraðsdómi. Eins og hjá Sigríði kom lítið nýtt fram í máli Sveins Andra. Hann hnýtti í ákæruna og ákæruliði. Hann sagði brotalamir á síðari ákærunni, sem gefin var út 7. júní 2023. Héraðssaksóknari gaf þá út nýja ákæru þar sem embættið taldi sig hafa bætt úr göllum sem voru á fyrri ákærunni. Nýja ákæran var mun ítarlegri en fyrri ákæra og þar farið nánar yfir samskipti mannanna. Sveinn Andri gagnrýndi ónákvæmni í ákærunni. „Þrátt fyrir gríðarlega umfangsmikla rannsókn ríkislögreglustjóra var ekki snefill af vísbendingu um undirbúningsathafnir.“ Hann segir lögreglu og ákæruvald hafa brotið gegn því sem geti kallast sanngjörn málsmeðferð. Þau færi „narratívið“ með rangfærslum og tilfærslum, þannig sé verið að reyna að færa „narratívið“ að tilraun til hryðjuverka. Föndrað með samtöl þeirra og bein sönnunargögn Gagnapakki hafi verið settur saman fyrir þingfestingu málsins í héraðsdómi en þar hafi ákæruvaldið verið búið að klippa út hlátrarsköll og grín til að taka hlutina úr samhengi. „Það er föndrað með samtöl ákærðu og það er föndrað með bein sönnunargögn.“ Sveinn Andri bendir einnig á að samskipti tvímenninganna á Signal hafi ekki verið dulkóðuð. Hægt sé að stilla forritið þannig að númer eða kóða þurfi til að komast inn á þau og hægt er að stilla þannig að skilaboðin hverfi eftir sólarhring. „Þannig var það ekki hjá sakborningunum, það er villandi að samskipti þeirra hafi farið fram á dulkóðaða samskiptaforritinu Signal.“ Hann segir samskipti þeirra hafa verið spjall og gaspur, tveggja manna tal. Meta þurfi ummælin án þess að klippa þau út og meta þau í ljósi annarra ummæla og í ljósi þess að þau stóðu stutt og samtöl þeirra fóru fljótt yfir í annað. Hann gagnrýnir að ákæruvaldið túlki samskiptin sem svo að þeir hafi verið tilbúnir að fremja hryðjuverk eða undirbúa þau. Ekki sé hægt að ráða af þeim að þeir hafi ætlað að fremja hryðjuverk. Sindri er þiggja barna faðir. Sveinn Andri segir að hann sé fullur eftirsjá og að hvatvísi eða biturleiki hafi komið að framleiðslu á skotvopnum og óvarkáru tali hans. „Ég þekki Sindra og hann er enginn hryðjuverkamaður“ Dágóður tími hjá Sveini Andra fór í að fara yfir alla 64 ákæruliðina og útskýra af hverju þar væri ekki neitt saknæmt á ferð. Hann benti aftur á, eins og kom fram hjá honum í bæði í Landsrétti og héraðsdómi, að hugsanir fólks hafi breyst. Áður fyrr hafi fólk hugsað og kannski flett up í bókum, en nú gúggli fólk og fari í símann og því sé það orðin framlenging á hugsunum fólks. „Það er mikilvægt að þetta grúsk náði aldrei lengra. Sindri pantaði aldrei íhluti í dróna eða lögreglubúninga eða annað.“ Hann hafnar því að um tilraun til að fremja hryðjuverk hafi verið að ræða. Í lokin segir Sveinn Andri að allar götur frá því í september 2022, þegar hann var handtekinn, hafi líf Sindra Snæs verið tekið úr sambandi. Nú sé komið árið 2026 og hann hafi hvergi getað fengið vinnu. Mikið hefur gengið á í lífi hans síðan málið kom upp, hann eignaðist barn en missti einnig litlu systur sína úr krabbameini. „Það er mitt mat að ákæruvaldið hafi farið fullkomlega offæri. Ég hef verið í verjendastörfum í 30 ár og tel mig þekkja þetta vel. Ég þekki ákærða Sindra og hann er enginn hryðjuverkamaður.“ Ekkert í máli ákæruvaldsins sem eigi að hnekkja dómi Landsréttar Eftir að Sveinn Andri lauk sér af var gert 40 mínútna hádegishlé. Ásgeir Þór Árnason, verjandi Ísidórs, fékk klukkutíma til að flytja sitt mál. Einar Oddur Sigurðsson, sem var verjandi Ísidórs, á hinum tveimur dómstigunum, fylgdist með. Ásgeir Þór segir að Ísidór hafi verið ákærður fyrir hlutdeild í glæp sem hafi blessnarlega aldrei verið framinn og aldrei hafi staðið til að fremja hann. „Ég fæ ekki séð að nokkuð hafi komið fram í máli ákæruvaldsins sem eigi að hnekkja dómi Landsréttar.“ Ásgeir Þór segir Ísidór mótmæla sérstaklega að stigmögnun megi lesa út úr samskiptum þeirra Sindra Snæs. Þau séu sundurlaus. Skoða þurfi samskipti þeirra á breiðari grundvelli og í heild sinni. Hann mótmælir því einnig að Ísidór hafi verið „yfir og undir og allt um kring“ eins og ríkissaksóknari sagði í málflutningi sínum í morgun. „Það er ekki nokkuð sem bendir til þess í málinu.“ Ísidór hafi gengist við öllu sem hann telji sig þurfa í málinu og krefjist þess að sakarkostnaður sé greiddur úr ríkisstjóri. Hann var sýknaður af hlutdeild í tilraun Sindra Snæs til hryðjuverka í héraðsdómi og Landsrétti. Hann hlaut dóm fyrir vopnalagabrot. Hæstiréttur gefur sér fjórar vikur til að kveða upp dóm í málinu. Þegar Hæstiréttur ákvað að taka málið fyrir var tekið fram að það kynni að hafa verulega almenna þýðingu. Þetta er í fyrsta skipti sem mál sem tengist tilraun til hryðjuverka er tekið fyrir í Hæstarétti.
Fréttastofa RÚV 
Mbl 
Bæjarins Besta 
Vísir 
DV 
