„Við vorum svo dugleg að ræða þetta allt fyrir fram,“ segir Rannveig Rist forstjóri Rio Tinto álversins í Straumsvík og gefur okkur um leið innblástur fyrir það hvernig ungt fólk getur mætt þriðju vaktinni svokallaðri; með markvissum samskiptum um hver á að gera hvað, hverjum finnst skemmtilegast að gera hvað og hver er bestur í hverju.
„Við vorum svo dugleg að ræða þetta allt fyrir fram,“ segir Rannveig Rist forstjóri Rio Tinto álversins í Straumsvík og gefur okkur um leið innblástur fyrir það hvernig ungt fólk getur mætt þriðju vaktinni svokallaðri; með markvissum samskiptum um hver á að gera hvað, hverjum finnst skemmtilegast að gera hvað og hver er bestur í hverju.
Forseti Alþjóða skíða- og snjóbrettasambandsins er á því að ákvörðun um þátttöku á mótum eins og Vetrarólympíuleikunum, þegar meiðsli hafi gert vart um sig í aðdraganda móts, eigi að liggja hjá íþróttafólkinu sjálfu. Mikil umræða hefur sprottið upp eftir mál Lindsey Vonn sem einnig er hægt að tengja við mál skíðakonunnar Hólmfríðar Dóru Friðgeirsdóttur hér heima.
Ekki hugmynd er gamanleikur úr smiðju Gaflaraleikhússins sem fjallar um tilvistarkreppu þriggja einstaklinga á þrítugsaldri. Fjármál, íbúðarkaup, ástardrama og endalaus valkvíði er það sem er þremenningunum efst í huga. Þetta er ágætlega fyndið og skemmtilegt uppistand en aðeins miðlungsgott leikrit.
Mikil umræða hefur verið um símanotkun grunnskólabarna víða um heim. Umræðan snýst að einhverji leyti um samfélagsmiðla sem eru hannaðir þannig að flestir verða mjög háðir þeim.
Nýliðinn janúar andaði heldur kaldar í andlit Evrópumanna en vanalegt er og reyndist kaldasti janúarmánuður frá því árið 2010, þegar upp var staðið, samkvæmt nýrri skýrslu Kóperníkusar, loftslagsstofnunar Evrópu. Í álfunni var að meðaltali 2,34 gráðu frost og 0,28 gráðum kaldara en í janúar í fyrra sem var sá heitasti frá upphafi mælinga. Stofnunin segir miklar veðuröfgar hafa einkennt mánuðinn; á meðan óvenjukalt var á norðurhveli jarðar geisaði hitabylgja í suðrinu. Þrátt fyrir þetta er nýliðinn janúar sá fimmti heitasti meðal bræðra sinna frá því mælingar hófust. Meðalhitastigið á jörðinni var 12,95 gráður eða 0,51 gráðu hærra en meðaltal áranna 1991 til 2000 og 1,47 gráðum hærra en á seinni hluta 19. aldar. Það er hársbreidd innan við markmið Parísarsáttmálans. Meðalhitinn á Íslandi í janúar var um eða yfir meðallagi síðustu ára í flestum landshlutum, nema á Norður- og Norðvesturlandi. Mánuðurinn var óvenjuþurr, hægviðrasamur og bjartur og snjór með minnsta móti.
María Heimisdóttir var skipuð landlæknir snemma á síðasta ári en í lok október greindist hún með brjóstakrabbamein. „Það er auðvitað aldrei óskastaðan að fá krabbamein en þetta var svolítið skrítið að vera svona nýbyrjuð í þessu starfi,“ segir María við Sigríði Halldórsdóttur í Kastljósi. Fyrir fáeinum dögum fór hún á klippistofu og lét raka af sér hárið. Þótt það reyni kannski svolítið á segir hún að það sé tollur sem hún greiði til þess að ná heilsu. Lítið atriði en skiptir samt máli að hafa einhverja stjórn María segist alltaf hafa hlýtt kallinu um krabbameinsskimun og brýnir fyrir öðrum að gera slíkt hið sama. „Þetta er auðvitað eitt það mikilvægasta sem fólk getur gert fyrir heilsuna, það er að fara í þá skimun sem er í boði og jafnframt að sinna sjálfsskoðun eftir því sem við á.“ „Það var þannig sem ég fann mitt krabbamein, við sjálfsskoðun á brjósti.“ Eftir það tók við greining hjá brjóstamiðstöðinni á Landspítalanum, þá skurðaðgerð og nú er hún í lyfjameðferð. Í þeim aðstæðum missa flestir hárið og Maríu var ekki sama hvernig það bæri að. „Mér fannst mikilvægt að hafa einhverja stjórn á því. Ekki að hárið væri að detta smátt og smátt heldur að ég gæti sjálf ákveðið að nú ætla ég ekki lengur að vera með sítt hár, nú ætla ég að vera með stutt hár.“ Hún segir að í því ferli að vera veikur sé svo margt sem maður hafi ekki stjórn á. Þá sé mikilvægt að reyna að hafa stjórn á því sem hægt er. „Eins og til dæmis að vera með sítt eða stutt hár.“ „Þó að það sé lítið atriði, þá er það samt eitthvað sem getur skipt máli. Þannig að já, ég lét bara snoða mig. Svo er þetta litla hár sem eftir er, það er að fara líka og það er bara hluti af ferlinu. Þetta er í rauninni tollurinn sem við greiðum til þess að ná betri heilsu og láta okkur batna, læknast.“ María segist einu sinni hafa verið með svo stutt hár áður. Það var þegar hún var 19 ára á reisu um Evrópu. Þá þótti henni sniðugt að geta þvegið hárið með þvottapoka. Lokkana ákvað hún að geyma og fara með til konu sem gerir úr þeim hárkollur fyrir þá sem á þurfa að halda. Upplifði öryggi í höndum heilbrigðisstarfsfólks María segir það fyrst og fremst hafa verið óskaplega lærdómsríkt að fara frá því að vera yfir kerfinu í að þurfa á því að halda og treysta á það. „Ég held að þessi reynsla eigi eftir að nýtast mér mjög vel í starfi.“ Hún segist hafa mætt hlýju og mennsku í heilbrigðiskerfinu og upplifað öryggi yfir fumlausum handbrögðum heilbrigðisstarfsfólks. „Það er ekkert fum og fát. Maður hugsar bara: Já, heyrðu. Þetta er bara ekkert mál.“ Mikilvægt að fylgjast vel með breytingum á eigin líkama „Mér er sagt að heildarferlið taki kannski níu mánuði sem myndi þá þýða að ég gæti komið aftur til vinnu í lok sumars, ef allt gengur samkvæmt áætlun.“ Hún leggur áherslu á mikilvægi þess að huga að heilsunni og trassa hvorki skimun né sjálfsskoðun. „Það er auðvitað mikilvægt almennt séð að fylgjast vel með breytingum á eigin heilsu, fylgjast vel með breytingum á eigin líkama og sækja sér upplýsingar og ráð, hvað ber að gera ef þú verður vör við eitthvað óvanalegt,“ segir hún. Það sé mikilvægt að geyma það ekki. „Ef þú tekur eftir einhverri breytingu sem þarf að skoða, að drífa þá í að gera það.“ Maríu Heimisdóttur finnst mikilvægt að hafa einhverja stjórn í baráttunni við krabbamein. Hún vildi ákveða sjálf hvenær hún missti hárið og hvernig. Hún hvetur fólk að fylgjast með eigin heilsu og trassa ekki skimanir. Rætt var við Maríu Heimisdóttur í Kastljósi. Viðtalið er í spilaranum hér fyrir ofan.
Úrskurðarnefnd í vátryggingamálum hefur komist að þeirri niðurstöðu að kona eigi ekki rétt á bótum úr sjúklingatryggingu læknis. Konan gekkst undir brjóstaminnkun hjá lækninum en í kjölfarið þurfti að fjarlægja aðra geirvörtu hennar. Fram kemur í úrskurði nefndarinnar að konan hafi farið í brjóstaminnkunaraðgerð hjá lækninum árið 2024. Eftir vöknun hafi brátt komið í ljós Lesa meira
Liverpool er sagt opið fyrir því að selja ítalska sóknarmanninn Federico Chiesa og hefur sett verðmiða á hann í kringum 25 til 30 milljónir evra. Chiesa, sem er 28 ára, hefur verið orðaður við brottför frá Anfield og nokkur ítölsk stórlið fylgjast með stöðu mála. Samkvæmt fréttum eru Juventus, Napoli og Roma meðal þeirra félaga Lesa meira
Norræna ráðherranefndin hefur birt skýrslu um hætturnar sem fylgja því fyrir Norðurlönd ef AMOC hafstraumurinn brotnar niður. Með skýrslunni fylgir smásaga sem ber titilinn „Vor á Íslandi 2087“ og er ætlað að vekja lesandann til umhugsunar um hvernig Ísland gæti litið út eftir rúma sex áratugi. Bent er þó á að áhrif niðurbrots AMOC séu líklegri til að koma fram...
Það blæs nokkuð af norðaustri í dag, mest á Vestfjörðum og við suðurströndina. Íbúar á norðan- og austanverðu landinu geta gert ráð fyrir éljum eða slydduéljum en suðvestanlands verður heldur bjartara um að litast. Veðurspáin er svohljóðandi: Norðaustan tíu til átján metrar á sekúndu, hvassast á Vestfjörðum og við suðausturströndina. Él fyrir norðan og austan, en léttir til á Suður- og Vesturlandi. Hiti frá frostmarki að sex stigum, mildast syðst. Kólnar smám saman og heldur hægari vindur í kvöld. Norðaustan átta til þrettán á morgun, en hægari norðaustantil. Dálítil él, en bjart að mestu sunnan heiða. Frost 1 til 6 stig yfir daginn.
Lögreglunni sem sinnir verkefnum í Hafnarfirði og Garðabæ var tilkynnt um mann í annarlegu ástandi. Þegar lögreglan kom á staðinn hljóp maðurinn í átt að lögreglu og kastaði farsíma í lögreglubifreiðina.
Ghislaine Maxwell, samverkakona Jeffrey Epstein, neitaði að svara spurningum þingnefndar fulltrúadeildar Bandaríkjaþings í gær.
Ghislaine Maxwell, samverkakona Jeffrey Epstein, neitaði að svara spurningum þingnefndar fulltrúadeildar Bandaríkjaþings í gær.
Enska söngkonan Sophie Ellis-Bextor rifjaði upp augnablikið þegar fæðingarlæknir lagði til að hún gengist undir ófrjósemisaðgerð að lokinni fæðingu fimmta barns hennar.
Tveir bandarískir þingmenn segja valdamiklum og nafntoguðum mönnum hlíft með yfirstrikunum í Epsteins-skjölunum. Þeir Thomas Massie og Ro Khanna fengu í gær að lesa skjölin óritskoðuð og segjast hafa séð nöfn minnst sex manna sem gætu verið bendlaðir við glæpsamlegt athæfi. Þingmennirnir segjast hafa þurft að grafa djúpt til að finna nöfn mannanna, enda gagnamagnið mikið, en þeir vilja ekki upplýsa hverjir þeir eru. Massie gaf í skyn að hann hefði hvergi séð nafni Donalds Trump bregða fyrir sem mögulegs samverkamanns Epsteins. Hið minnsta einn hinna sex sé bandarískur ríkisborgari, einn útlendingur og þrír eða fjórir af óskilgreindum uppruna. Massie sagði einn vera háttsettan í erlendri ríkisstjórn og Khanna sagði minnst einn hinna víðfrægan. Þeir vilja að dómsmálaráðuneytið afhjúpi nöfn sexmenninganna í skjölunum en útiloka ekki heldur að tilgreina þau sjálfir síðar fyrir þingnefnd eða í þinginu sjálfu. Þeir vilji gefa ráðuneytinu færi á að viðurkenna að strikað hafi verið yfir nöfn mannanna fyrir mistök og leiðrétta það. Þingmönnum var heimilað að lesa það sem eiga að vera óritskoðuð skjöl frá og með gærdeginum en Massie og Khanna segja yfirstrikanir enn að finna. Úr því yrði vonandi bætt. Þingmaðurinn Jamie Raskin sem líka hefur litið yfir efnið tekur undir það og minnir á að eingöngu átti að hylja nöfn fórnarlamba og upplýsingar sem gætu komið yfirstandandi sakamálarannsókn. Skjölin, sem telja milljónir, má skoða í lokuðu rými þar sem aðeins eru fjórar tölvur og þingmenn mega hvorki hafa með sér síma né njóta fulltingis starfsliðs síns. Raskin sagði víða að óþörfu strikað yfir nafn Trumps, til að mynda í tölvupóstsamskiptum lögmanna þeirra Epsteins varðandi heimsókn hans í Mar-a-Lago árið 2009. Raskin hefur reiknað út að lestur skjalanna geti tekið sjö og hálft ár sitji einhver við tölvu allan þann tíma sem ráðuneytið úthlutar dag hvern. Þingmaðurinn Jared Moskowitz segir það sem hann sá við lesturinn viðbjóðslegt. „Þarna er fullt af nöfnum, heilmargir samverkamenn Epsteins sem stunduðu mansal með stúlkur um allan heim.“ Moskowitz segir að valdafólk af öllu tagi verði að standa reikningsskil gerða sinna teljist það hafa hegðað sér ósiðlega.
Vísir 
Fréttastofa RÚV 
DV 
Heimildin 
Mbl