Í hádegisfréttum verður rætt við starfsmann á bráðamóttöku Landspítalans sem hafa boðað til fundar síðdegis til að krefjast úrbóta.

• Vísir
• 2 gün, 7 saat, 41 dakika

Varað er við því að fólk geti þurft að bíða í fjórar klukkustundir eða lengur á flugvöllum Schengen-ríkja í sumar.

• Mbl
• 2 gün, 7 saat, 42 dakika

Úrskurðarnefnd umhverfis- og auðlindamála hafnaði í gær kröfu íbúa í Rangárþingi ytra sem vildi að nefndin ógilti leyfisveitingu vegna breytinga á Miðgarði í Gunnarsholti. Breyta á húsinu til að koma þar upp meðferðarheimili fyrir fjórtán til átján ára drengi. Í húsinu voru áður höfuðstöðvar Landgræðslu Íslands og þarf að breyta því til að hægt sé að bjóða upp á langtímameðferð fyrir drengi sem lokið hafa greiningu og meðferð á Stuðlum í Reykjavík. Nágranni fyrirhugaðs meðferðarheimilis sagði að þarna yrði úrræði fyrir drengi sem glímdu við alvarlegan vanda á borð við vímuefnaneyslu, ofbeldi, afbrot, skóla- og námserfiðleika og sálfélagslegan vanda. Hann sagði að starfsemin félli ekki að þeirri stefnu sem sveitarfélagið hefði sjálft markað fyrir svæðið og að húsnæðið hentaði ekki undir starfsemina, meðal annars vegna brunavarna. Auk þess sagði maðurinn að ekki lægi fyrir sjálfstæð áhættugreining á því hvernig tryggja ætti öryggi vistmanna, starfsmanna og nágranna. Sveitarfélagið hafnaði þessu og sagði notkun hússins í samræmi við brunahönnun og skilgreinda notkunarflokka í byggingareglugerð. Þá stæði ekki til að þarna yrði neyðarvistunarúrræði heldur aðeins úrræði fyrir þá sem hefðu lokið greiningu og meðferð á Stuðlum. Fulltrúar Rangárþings ytra sögðu að ekki væri brotið gegn grenndarrétti, friðhelgi heimilis og eignarrétti kærandans. Úrskurðarnefnd sagði að þrátt fyrir að almenn stefnumið um notkun svæðisins væri að finna í aðalskipulagi væru þau ekki svo bindandi eða skilmálar þeirra svo tæmandi að það girti fyrir aðra starfsemi sem talin verði til samfélagsþjónustu. Nefndin hafnaði einnig rökum um að húsnæðið uppfyllti ekki skilyrði um brunavarnir og hönnun. Kröfu nágrannans var því hafnað.

• Fréttastofa RÚV
• 2 gün, 7 saat, 47 dakika

Norðmaðurinn Sturla Holm Lægreid er líklega umtalaðasti bronsverðlaunahafi sögunnar á Vetrarólympíuleikunum en hann hefur nú beðist afsökunar á ummælum sínum eftir keppnina í gær þegar hann rændi sviðsljósinu af gull- og silfurverðlaunahafanum og gerði framhjáhald og sambandsslit sín að heimsfrétt.

• Vísir
• 2 gün, 7 saat, 48 dakika

Lögreglan í Kanada hefur borið kennsl á manneskju sem er talin hafa framið tvær skotárásir í kanadíska smábænum Tumbler Ridge í gær. Sjö voru drepin í gagnfræðaskóla og tvennt í heimahúsi. Ekkert hefur verið gefið upp um gerandann en í SMS-skilaboðum sem voru send á íbúa eftir að tilkynnt var um skotárásina var honum lýst sem konu í kjól og með brúnt hár. Klukkan var 13.20 að staðartíma í gær þegar lögregla fékk tilkynningu um skotárás í Tumbler Ridge-gagnfræðaskólanum. Þegar lögreglan kom á vettvang voru sex einstaklingar látnir og sjöunda fórnarlambið lést á leið á spítala. Þá fundust tveir einstaklingar látnir í heimahúsum og talið er að sama manneskja hafi verið að verki. Gerandinn svipti sig lífi og fannst látinn í skólanum. Tumbler Ridge er um 2.400 manna smábær um 1.100 kílómetra norður af Vancouver. Atburðirnir í gær eru meðal mannskæðustu skotárása í sögu Kanada, en skotárásir eru sjaldgæfar í landinu.

• Fréttastofa RÚV
• 2 gün, 7 saat, 48 dakika

Manchester City hefur kynnt fyrirhugaðar eytingar á Etihad-leikvanginum samhliða stækkun Norðurstúkunnar, sem mun auka sætafjölda hans um 7 þúsund og fer heildarsætafjöldi þar með yfir 60 þúsund. Verkefnið kostar um 300 milljónir punda. Félagið greinir frá því að ný veitinga- og samkomusvæði verði opnuð sem eigi að bæta upplifun stuðningsmanna á leikdögum. Þar á meðal Lesa meira

• DV
• 2 gün, 7 saat, 49 dakika

Úrskurðarnefnd umhverfis- og auðlindamála hefur fellt úr gildi þá ákvörðun byggingarfulltrúa Hafnarfjarðarbæjar að afturkalla samþykki sitt fyrir breytingum á hluta af atvinnuhúsnæði í bænum. Snerust breytingarnar um að breyta umræddum hluta húsnæðisins í geymslu fyrir flugelda. Nefndin tekur ekki undir það með byggingarfulltrúanum að skilgreina beri geymslu flugelda sem mengandi starfsemi. Um er að ræða Lesa meira

• DV
• 2 gün, 7 saat, 49 dakika

„Skjálftavirkni er yfirleitt fyrsta merki um að eldstöðvakerfi sé að vakna. Þess vegna er nákvæm vöktun á landinu mikilvæg og hún er okkur enn betur möguleg með nýju kerfi,“ segir Kristín Jónsdóttir jarðeðlisfræðingur hjá Veðurstofu Íslands.

• Mbl
• 2 gün, 7 saat, 49 dakika

Bolludagurinn er orðinn ein helsta hátíð eftirrétta á Íslandi. Hann er ekki lengur aðeins dagur fyrir rjómabollur með sultu og súkkulaði, heldur vettvangur nýsköpunar og fjölbreytni.

• Mbl
• 2 gün, 7 saat, 49 dakika

Eitt stærsta atvik Vetrarólympíuleikanna sem nú standa yfir í Mílanó og Cortina átti sér stað fyrir framan hljóðnemann en ekki á keppnisbrautunum. Norðmaðurinn Sturla Holm Lægreid hafði nýlokið við að tryggja sér bronsverðlaun í skíðaskotfimi þegar hann steig fram í viðtali og lýsti því yfir að hann væri miður sín yfir því að hafa haldið Lesa meira

• DV
• 2 gün, 7 saat, 54 dakika

Karlmaður sem sætti rafrænu eftirliti lengur en hann hefði átt að gera vegna afplánunar dóms fær engar bætur úr hendi ríkisins. Hann fékk reynslulausn 34 dögum seinna en rétt hefði verið og fór fram á 3,4 milljónir króna í miskabætur en héraðsdómur taldi skilyrðum bótaskyldu um stórfellt gáleysi eða ásetning ekki uppfyllt.

• Vísir
• 2 gün, 7 saat, 56 dakika

San Antonio Spurs fór illa með Los Angeles Lakers, 136:108, á útivelli í NBA-deildinni í körfubolta í Bandaríkjunum í nótt.

• Mbl
• 2 gün, 7 saat, 59 dakika

„Ég rankaði við mér fyrsta árið okkar saman og áttaði mig á því að ég hafði aldrei áður verið á föstu á Valentínusardaginn,“ segir popp-prinsinn Páll Óskar sem ætlar að eiga rómantískan dag á laugardag með hans heittelskaða Antonio en fyrst kemur hann fram á tónleikunum Allskonar ást í Laugarneskirkju.

• Vísir
• 2 gün, 8 saat

Búast má við auknum umsvifum hersveita Atlantshafsbandalagsins, NATO, á norðurslóðum á næstunni en gert er ráð fyrir að svokölluð árvekniaðgerð, Arctic Sentry , verði tilkynnt á fundi varnarmálaráðherra NATO-ríkjanna í dag. Aðgerðin, sem kalla mætti „Varðstöðu á norðurslóðum“, á einkum að efla vöktun og eftirlit á svæðinu. Hún byggir á fyrirmynd úr Eystrasaltinu, Baltic Sentry , en þar eru herskip NATO sem vakta mikilvæga innviði með áherslu á sæstrengi, fylgjast með ferðum grunsamlegra skipa o.s.frv. Hvorugt verkefnið er tímabundið og Arctic Sentry er meðal annars talin viðbragð við ásælni Donalds Trumps í Grænland. Samkvæmt upplýsingum fréttastofu felur aðgerðin í sér aukna viðveru herskipa og eftirlitsflugvéla þótt ekki sé gert ráð fyrir að fjölga mannskap eða búnaði, frekar að nýta það betur sem fyrir er. Þýska fréttaritið Spiegel hefur heimildir fyrir því að aðgerðir felist meðan annar í: reglulegri æfingum og eftirliti NATO-herskipa, auknu loftrýmiseftirliti með orrustuþotum, aukinni notkun eftirlitsflugvéla, dróna og skynjara, og mögulega tímabundinni viðveru fámennra herhópa á Grænlandi, til æfinga. Að líkindum verður þó miðja þessara aðgerða í GIUK-hliðinu, á milli Grænlands, Íslands og Bretlandseyja. Norðurfloti Rússa verður að fara um það svæði til að komast út á Atlantshaf frá heimahöfn í Múrmansk. Aukið eftirlit á þessum slóðum er meðal þess sem þrýst hefur verið á um skeið. Sænsku Gripen-herþoturnar, sem eru nú við loftrýmiseftirlit á Íslandi, gætu tekið þátt í þessum aðgerðum. Rússar hafa samkvæmt samantekt New York Times staðið fyrir 33 heræfingum innan norðurheimskautsins frá því í janúar 2025. Gert er ráð fyrir að þunginn í Arctic Sentry lendi á Norðurlandaþjóðum, Bretlandi og Hollandi, sem mynda JEF, sem er samstarfsvettvangur líkt þenkjandi Norður-Evrópuríkja um öryggis- og varnarmál með áherslu á norðurslóðir, Norður-Atlantshafið og Eystrasaltið. Ísland er eitt aðildarríkjanna. Varnarmálaráðherra Bandaríkjanna fjarverandi Pete Hegseth varnarmálaráðherra Bandaríkjanna ætlar ekki að mæta á fundinn. Í hans stað verður aðstoðarráðherrann Elbridge Colby og hefur Euronews eftir heimildum að skilaboð hans á fundinum verði þau að þorri hersveita Bandaríkjanna í Evrópu verði þar áfram um hríð. Sem stendur eru á milli 80.000 og 90.000 bandarískir hermenn í Evrópu. Starfsbræður Colby í Evrópu voru undir það búnir að Bandaríkin lýstu því yfir að fækkað yrði í herliðinu, enda er Colby meðal þeirra sem þrýst hafa á slíka fækkun og aukna áherslu á Asíu. Bretar bæta í á norðurslóðum Bresk stjórnvöld tilkynntu í morgun að fjölga ætti í bresku herliði í Noregi um helming á næstu þremur árum til að mæta vaxandi ógn á norðurslóðum. Breska varnarmálaráðuneytið tilkynnti um þetta eftir miðnætti og er varnarmálaráðherra Bretlands, John Healey, væntanlegur í heimsókn til Norður-Noregs í dag. Bretar segja að hermönnum í Noregi verði fjölgað úr 1.000 í 2.000 auk þess sem aukin áhersla verði lögð á JEF. Í tilkynningunni frá breskum yfirvöldum er þess jafnframt getið að umfangsmiklar heræfingar fari fram á Norðurslóðum í ár, á vegum JEF og NATO. Stærst þeirra verður Lion Protector sem fer fram á Íslandi, Litlabelti og Stórabelti við Danmörku og á hafi undan Noregi, þar sem sýna á fælingarmátt hernaðarbandalagsins. Allt er þetta sagt viðbragð við auknum og ógnandi tilburðum Rússa við Norðurheimskautið og á norðurslóðum sem hafi náð umfangi sem hafi ekki sést síðan á dögum kalda stríðsins.

• Fréttastofa RÚV
• 2 gün, 8 saat, 1 dakika

Búast má við auknum umsvifum hersveita Atlantshafsbandalagsins, NATO, á norðurslóðum á næstunni en gert er ráð fyrir að svokölluð árvekniaðgerð, Arctic Sentry , verði tilkynnt á fundi varnarmálaráðherra NATO-ríkjanna í dag. Aðgerðin, sem kalla mætti „Varðstöðu á norðurslóðum“, á einkum að efla vöktun og eftirlit á svæðinu. Hún byggir á fyrirmynd úr Eystrasaltinu, Baltic Sentry , en þar eru herskip NATO sem vakta mikilvæga innviði með áherslu á sæstrengi, fylgjast með ferðum grunsamlegra skipa o.s.frv. Hvorugt verkefnið er tímabundið og Arctic Sentry er meðal annars talin viðbragð við ásælni Donalds Trumps í Grænland. Samkvæmt upplýsingum fréttastofu felur aðgerðin í sér aukna viðveru herskipa og eftirlitsflugvéla þótt ekki sé gert ráð fyrir að fjölga mannskap eða búnaði, frekar að nýta það betur sem fyrir er. Þýska fréttaritið Spiegel hefur heimildir fyrir því að aðgerðir felist meðan annar í: reglulegri æfingum og eftirliti NATO-herskipa, auknu loftrýmiseftirliti með orrustuþotum, aukinni notkun eftirlitsflugvéla, dróna og skynjara, og mögulega tímabundinni viðveru fámennra herhópa á Grænlandi, til æfinga. GIUK-hliðið í brennidepli Að líkindum verður þó miðja þessara aðgerða í GIUK-hliðinu, á milli Grænlands, Íslands og Bretlandseyja. Norðurfloti Rússa verður að fara um það svæði til að komast út á Atlantshaf frá heimahöfn í Múrmansk. Aukið eftirlit á þessum slóðum er meðal þess sem þrýst hefur verið á um skeið. Sænsku Gripen-herþoturnar, sem eru nú við loftrýmiseftirlit á Íslandi, gætu tekið þátt í þessum aðgerðum. Rússar hafa samkvæmt samantekt New York Times staðið fyrir 33 heræfingum innan norðurheimskautsins frá því í janúar 2025. Gert er ráð fyrir að þunginn í Arctic Sentry lendi á Norðurlandaþjóðum, Bretlandi og Hollandi, sem mynda JEF, sem er samstarfsvettvangur líkt þenkjandi Norður-Evrópuríkja um öryggis- og varnarmál með áherslu á norðurslóðir, Norður-Atlantshafið og Eystrasaltið. Ísland er eitt aðildarríkjanna. Varnarmálaráðherra Bandaríkjanna fjarverandi Pete Hegseth varnarmálaráðherra Bandaríkjanna ætlar ekki að mæta á fundinn. Í hans stað verður aðstoðarráðherrann Elbridge Colby og hefur Euronews eftir heimildum að skilaboð hans á fundinum verði þau að þorri hersveita Bandaríkjanna í Evrópu verði þar áfram um hríð. Sem stendur eru á milli 80.000 og 90.000 bandarískir hermenn í Evrópu. Starfsbræður Colby í Evrópu voru undir það búnir að Bandaríkin lýstu því yfir að fækkað yrði í herliðinu, enda er Colby meðal þeirra sem þrýst hafa á slíka fækkun og aukna áherslu á Asíu. Bretar bæta í á norðurslóðum Bresk stjórnvöld tilkynntu í morgun að fjölga ætti í bresku herliði í Noregi um helming á næstu þremur árum til að mæta vaxandi ógn á norðurslóðum. Breska varnarmálaráðuneytið tilkynnti um þetta eftir miðnætti og er varnarmálaráðherra Bretlands, John Healey, væntanlegur í heimsókn til Norður-Noregs í dag. Bretar segja að hermönnum í Noregi verði fjölgað úr 1.000 í 2.000 auk þess sem aukin áhersla verði lögð á JEF. Í tilkynningunni frá breskum yfirvöldum er þess jafnframt getið að umfangsmiklar heræfingar fari fram á Norðurslóðum í ár, á vegum JEF og NATO. Stærst þeirra verður Lion Protector sem fer fram á Íslandi, Litlabelti og Stórabelti við Danmörku og á hafi undan Noregi, þar sem sýna á fælingarmátt hernaðarbandalagsins. Allt er þetta sagt viðbragð við auknum og ógnandi tilburðum Rússa við Norðurheimskautið og á norðurslóðum sem hafi náð umfangi sem hafi ekki sést síðan á dögum kalda stríðsins. Fréttin var uppfærð með nýrri mynd.

• Fréttastofa RÚV
• 2 gün, 8 saat, 1 dakika

Hvernig líst þér vel á?

• Mbl
• 2 gün, 8 saat, 4 dakika