Tryggingafélagið Sjóvá hagnaðist um rúma 2 milljarða króna árið 2025, þar af um 1,4 milljarða á síðasta ársfjórðungi. Það er meira en helmingi minni hagnaður en árið 2024. Þá var hagnaður 4,2 milljarðar króna yfir árið og 2,8 milljarðar síðasta ársfjórðunginn. Í ársuppgjöri Sjóvár kemur fram að hagnaður af vátryggingarsamningum fyrir skatta á síðasta ári hafi verið tæpir 2,6 milljarðar króna, samanborið við 1,3 milljarða árið 2024. Þá hafi hagnaður af fjárfestingarstarfsemi fyrir skatta árið 2025 verið 448 milljónir króna. „Tjónaþróun var hagfelld á árinu, sér í lagi í ljósi stórtjónaþróunar en eitt stórtjón féll til á árinu samanborið við sex stærri brunatjón á árinu 2024 og útskýrir stórbætta afkomu vátryggingasamninga á milli ára,“ er haft eftir Hermanni Björnssyni, forstjóra Sjóvár, í ársuppgjörinu. Minni tekjuvöxtur skýrist meðal annars af aukinni samkeppni Minni hagnaður á síðasta ári en 2024 skýrist að miklu leyti af minni hagnaði af fjárfestingarstarfsemi. Hagnaður af fjárfestingarstarfsemi var fyrir skatt, árið 2024, 3,4 milljarðar króna, eða um 3 milljörðum meiri en 2025. Ávöxtun fjárfestingareigna var 9,4% árið 2024 en aðeins 3,7% á síðasta ári – sem er verulega undir væntingum til lengri tíma litið. „Rekstrarniðurstaða ársins 2025 endurspeglar afar sterkan grunnrekstur félagsins í breyttu landslagi á vátryggingamarkaði. Tekjuvöxtur er ekki jafn mikill og síðustu ár sem skýrist bæði af aukinni samkeppni á vátryggingamarkaði og minni aukningu í umsvifum viðskiptavina á fyrirtækjamarkaði á milli ára í takt við þróunina í hagkerfinu,“ er haft eftir Hermanni. Árið 2026 er gert ráð fyrir að afkoma Sjóvár af vátryggingarsamningum verði um 1,8-2,5 milljarðar króna. Ekki eru birtar spár fyrir afkomu af fjárfestingarstarfsemi félagsins. Áætlanir gera þó ráð fyrir að ávöxtun fjárfestingaeigna í stýringu nemi 8,5% á ári til lengri tíma.

• Fréttastofa RÚV
• 1 gün, 6 saat, 5 dakika

Frida Karlsson rústaði samkeppninni og vann gullverðlaun fyrir hönd Svíþjóðar í 10 kílómetra skíðagöngu í dag, eftir að hafa fengið góð ráð frá þeim besta í bransanum, norska skíðagöngumanninum Johannes HøsflotKlæbo.

• Vísir
• 1 gün, 6 saat, 9 dakika

Hollendingurinn Virgil van Dijk, fyrirliði Englandsmeistara Liverpool, náði stórum áfanga með sigurmarki sínu gegn Sunderland, 1:0, í ensku úrvalsdeildinni í fótbolta í gærkvöldi.

• Mbl
• 1 gün, 6 saat, 12 dakika

Landsréttur staðfesti í dag dóm yfir sexmenningum sem ákærð voru fyrir að flytja til landsins 5,8 kíló af metamfetamínkristöllum. Í héraði voru fimm dæmd sek en einn sýknaður. Sigurður Kristinsson hlaut þyngsta dóminn, átta ára fangelsi. Agurim Xixa hlaut fimm og hálfs árs dóm, Baldur Þór Sigurðsson fjögurra ára fangelsi og Sigfús Bergmann Svavarsson þriggja og hálfs árs dóm. Elsa Ruth Róbertsdóttir fékk tíu mánaða dóm en fullnustu hans er frestað haldi hún almennt skilorð í þrjú ár. Fluttu efnin frá Rotterdam til Þorlákshafnar Hin dæmdu fluttu efnin inn í bifreið með flutningaskipinu Mykinesi frá Rotterdam í Hollandi til Þorlákshafnar 11. október 2024. Lögregla lagði hald á fíkniefnin og skipti þeim út fyrir gerviefni áður en bifreiðin var flutt til Reykjavíkur. Í Reykjavík reyndi einn sakborninganna, Agurim, að fjarlægja efnin úr bifreiðinni en tókst það ekki. Daginn eftir fór hann með bifreiðina, ásamt Sigurði Kristinssyni, í hesthúsahverfi í Víðidal þar sem Sigurður fjarlægði efnin. Agurim og Elsa Ruth Róbertsdóttir báru efnin inn í nærliggjandi hesthús. Fyrir héraðsdómi kom fram að lögreglu hefðu borist upplýsingar í september 2024 um að til stæði að flytja fíkniefnin til landsins í bifreið. Sigurður og Baldur Þór Sigurðsson voru nafngreindir og sagðir standa að innflutningnum. Baldur Þór hafði farið utan ásamt Sigfúsi Bergmann Svavarssyni nokkrum dögum áður. Þeir fóru meðal annars til Amsterdam í Hollandi. Í bifreiðinni sem þeir fluttu til landsins skömmu síðar fundu tollverðir pakkningar í olíupönnum. Nokkrum pakkningum hafði auk þess verið troðið í vélbúnað bifreiðarinnar.

• Fréttastofa RÚV
• 1 gün, 6 saat, 16 dakika

Það er aldrei of seint að huga að líkamsrækt. Þegar Björn Pétursson hætti að vinna 66 ára gamall árið 2014 byrjaði hann að ganga sér til heilsubótar reglulega tvisvar á dag og hefur ekki misst úr dag.

• Mbl
• 1 gün, 6 saat, 21 dakika

Fjöruga dagskrá má finna á íþróttarásum Sýnar þennan föstudaginn. Körfuboltinn er í aðalhlutverki en fótboltinn rúllar í elstu og virtustu bikarkeppni heims.

• Vísir
• 1 gün, 6 saat, 23 dakika

Á ríkið að vera með einokun á áfengissölu í forvarnarskyni? Ógnar tilkoma áfengisnetverslana þessu hlutverki ríkisins? Þessi umræða er ekki ný af nálinni en hún hefur verið fyrirferðarmikil undanfarna daga. Elías Blöndal Guðjónsson, annar eiganda áfengisverslunarinnar Santé, og Lára G. Sigurðardóttir, læknir og doktor í lýðheilsuvísindum, voru gestir í Kastljósinu í kvöld. Þau hafa skipst á skoðunum um áfengismálin með greinaskrifum undanfarið. Lýðheilsa og áfengisneysla Lára segir deilur þeirra snúast um það hvað sé lýðheilsa. „Lýðheilsa er í raun fræðigrein og starfsemi sem miðar að því að bæta og vernda heilsu samfélags, ekki bara sjúklinga. Þess vegna þurfum við alltaf að horfa á stóra samhengið,“ segir Lára. Hún segir áfengisforvarnir einn mikilvægasta forvarnarhluta lýðheilsu. Elíasi virðist umræðan á villigötum. „Lýðheilsufræðingar og aðrir talsmenn ÁTVR eru einfaldlega að blanda saman tveimur ólíkum hlutum: annars vegar því að óhófleg áfengisneysla geti valdið skaða, sem er algjörlega óumdeilt í málinu, og hins vegar hver á að selja áfengið og hver á að hafa það hlutverk,“ segir Elías. Hann segir langflesta eiga í heilbrigðu sambandi við áfengi þó að sumir eigi í erfiðleikum með áfengisneyslu. Lára G. Sigurðardóttir og Elías Blöndal Guðjónsson hafa skipst á skoðunum um áfengi og lýðheilsu undanfarna daga. Þau voru gestir í Kastljósi í kvöld og ræddu aðgengi að áfengi og áhrif þess á samfélagið. Vísa í rannsóknir með ólíkar niðurstöður Elías og Lára tókust meðal annars á um hvort rannsóknir sýni fram á að aðgengi að verslunum sem selji áfengi auki áfengisneyslu og önnur vandamál í samfélögum. Elías bendir á að hann hafi í greinum sínum vísað í fjölmargar ritrýndar fræðigreinar og rannsóknir sem hafa verið framkvæmdar á síðustu árum. Þær gefi til kynna að ekkert orsakasamhengi sé á milli fjölda áfengisútsölustaða og heildarneyslu. „Þú skalt spyrja alla lýðheilsufræðinga, lækna, faraldsfræðinga, hagfræðinga. Þetta er ekki rétt,“ segir Lára. Hún bendir á að í Alberta í Kanada á tíunda áratugnum hafi sjúkrahúsinnlagnir, krabbameinstilfelli, ofbeldi og dánartíðni aukist þegar einokun á áfengissölu var afnumin. „Þetta er það sem er kallað í fræðunum berjatínsla,“ segir Elías. „Hér er verið að velja verstu dæmin. Ég hef teflt fram öðrum dæmum, til dæmis frá Bandaríkjunum, Washington og Pennsylvaniu, þar sem áfengissala var gefin frjáls, vínbúðum fjölgaði gífurlega, fjöldinn margfaldaðist. Hver var niðurstaðan? Jú, hún var sú að neyslan jókst ekki.“

• Fréttastofa RÚV
• 1 gün, 6 saat, 30 dakika

Atlético Madrid er komið hálfa leið áfram í úrslit spænska konungsbikarsins eftir 4-0 stórsigur gegn Barcelona í fyrri undanúrslitaleik liðanna. Öll fjögur mörk leiksins voru skoruð í fyrri hálfleik.

• Vísir
• 1 gün, 6 saat, 35 dakika

„Þetta lítur allt í lagi út. Hins vegar deilum við þeim áhyggjum A4E og IATA sem þau hafa lýst yfir, að tímasetning fullrar innleiðingar er ekki sú heppilegasta fyrir reksturinn,“ segir framkvæmdastjóri flugrekstrarsviðs Icelandir um fulla innleiðingu nýja Schengen-komukerfisins í vor,

• Mbl
• 1 gün, 6 saat, 35 dakika

Jakob Örn Sigurðarson, þjálfari KR, var að vonum sáttur með frækinn sigur sinna manna í kvöld gegn Álftanesi. Leikurinn var jafn og spennandi frá upphafi en úrslitin réðust á lokamínútu leiksins.

• Vísir
• 1 gün, 6 saat, 37 dakika

Aðstandendur fórnarlamba létu eigendur svissnesks bars þar sem mannskæður eldur kviknaði á nýársnótt finna fyrir reiði sinni þegar þeir mættu til yfirheyrslu vegna málsins.

• Mbl
• 1 gün, 6 saat, 37 dakika

Björn Halldórsson, Íslendingur sem lengi var búsettur á Kúbu, segir verð á nauðsynjavörum hafa hækkað og rafmagnsleysi aukist verulega sökum eldsneytisskorts. Fólk hafi haft orð á því að staðan sé verri en eftir fall Sovétríkjanna.

• Mbl
• 1 gün, 6 saat, 40 dakika

Getur næsti formaður Framsóknarflokksins verið utan þings? Um þetta var deilt í Pallborðsþætti í dag þegar formannsefnin Lilja Dögg Alfreðsdóttir varaformaður Framsóknar og Ingibjörg Isaksen þingflokksformaður Framsóknar mættust í kappræðum.

• Vísir
• 1 gün, 6 saat, 41 dakika

Getur næsti formaður Framsóknarflokksins verið utan þings? Um þetta var deilt í Pallborðsþætti í dag þegar formannsefnin Lilja Dögg Alfreðsdóttir varaformaður Framsóknar og Ingibjörg Isaksen þingflokksformaður Framsóknar mættust í kappræðum.

• Vísir
• 1 gün, 6 saat, 41 dakika

Valur vann sautján stiga sigur gegn ÍA 102-85. Finnur Freyr Stefánsson, þjálfari Vals, var ánægður eftir sigur kvöldsins.

• Vísir
• 1 gün, 6 saat, 42 dakika

Brentford tók á móti toppliði Arsenal og gerði 1-1 jafntefli eftir að hafa lent undir. Noni Madueke skoraði skallamark fyrir Arsenal en Keane Lewis-Potter svaraði með skallamarki fyrir Brentford.

• Vísir
• 1 gün, 6 saat, 42 dakika