Þaulreyndi knattspyrnumaðurinn Arnór Ingvi Traustason skrifaði nýverið undir þriggja ára samning við KR og með því lauk löngum atvinnumannaferli hans.

• Mbl
• 6 saat, 19 dakika

Fréttamaðurinn Óðinn Svan Óðinsson mun leiða L-listann í komandi bæjarstjórnarkosningum á Akureyri.

• Vísir
• 6 saat, 25 dakika

Tíu lið komast áfram í frumkvöðlakeppninni um Gulleggið 2026 og keppast þau um tíu milljónir.

• Vísir
• 6 saat, 32 dakika

„Við eigum von á að f yrirtæki hafi hraðað verðhækkunum og gengið á lagið eins og þau gátu í skjóli verðhækkana sem leiddu af opinberum gjaldabreytingum, en reyni í kjölfarið að halda aftur af frekari hækkun.“ Þetta segir Hafsteinn Hauksson, aðalhagfræðingur Kviku, í verðbólguspá markaðsviðskipta Kviku sem hann sendi viðskiptavinum bankans í dag. Þar er spáð 5,0 prósenta verðbólgu í febrúar. Það er 0,2 prósentustigum minna en í janúar. Bráðabirgðaspá Kviku hljómar upp á að janúar hafi markað tímabundið hágildi verðbólgunnar og að hún fari hjaðnandi næstu mánuði. Það gæti gerst á sama tíma og þungar mælingar á fyrri hluta síðasta árs detti út úr tólf mánaða samanburði. Gangi það eftir þokast verðbólga í átt að 4,6 prósentum í maí. „Nokkur óvissa ríkir um verðbólguþrýsting í hagkerfinu eftir þunga janúarmælingu. Við göngum út frá því að víðtækar verðhækkanir í janúar hafi mátt rekja til þess að fyrirtæki reyndu að verja framlegð í kjölfar kjarasamningsbundinna launahækkana og gengu á lagið í skjóli gjaldahækkana hins opinbera.“ Verðhliðrunin ætti því að vera komin fram að mestu auk þess sem vaxandi líkur séu á því að neytendur haldi að sér höndum andspænis verðhækkunum á sama tíma og hægt hefur á launahækkunum, atvinnuleysi eykst hröðum skrefum og raunverð fasteigna lækkar. „Heilt yfir eigum við því von á að verðhækkanir verði umfangsminni en ella næstu mánuði , en merki um áframhaldandi verðþrýsting myndu valda okkur verulegum áhyggjum,“ segir Hafsteinn og lýsir þeirri von að hækkanir ýmissa verðflokka hafi færst fram í tímann og því „verði febrúarmælingin til friðs“. Næsti vaxtaákvörðunardagur Seðlabankans er 18. mars. Hafsteinn á ekki von á vaxtalækkun þá. „Við teljum þó að sú hjöðnun sem hér er spáð komist ekki nálægt því að sefa áhyggjur nefndarinnar nægilega til að hún treysti sér í vaxtalækkun í mars.“

• Fréttastofa RÚV
• 6 saat, 33 dakika

Aðalheiður Erlendsdóttir, sérfræðingur í aðföngum hjá Þjóðarbókhlöðunni, og Andri Freyr Viðarsson, fjölmiðlamaður á RÚV, hafa sett íbúð sína við Samtún á sölu.  Íbúðin er 125,7 fm á tveimur hæðum í húsi sem var byggt árið 1942. Á neðri hæð er anddyri, þrjú svefnherbergi og baðherbergi. Á efri hæð er stofa, borðstofa og eldhús í einu Lesa meira

• DV
• 6 saat, 35 dakika

Tvær konur tókust á fyrir Héraðsdómi Reykjaness um reiðhestinn Grút. Önnur hafði keypt hestinn af hinni en taldi Grút vera haldinn galla og vildi rifta kaupunum. Grútur er 13 vetra en seljandi hans hafði sjálf keypt hann haustið 2024. Af því tilefni lét hún framkvæma á honum læknisskoðun og gerði dýralæknir engar athugasemdir við hestinn Lesa meira

• DV
• 6 saat, 35 dakika

Bláfæða, eða fæða úr vötnum og höfum, getur stutt verulega við markmið í loftslagsmálum og fæðuöryggi. Að mati sérfræðings er of lítið rætt um bláfæðu á alþjóðavettvangi.

• Mbl
• 6 saat, 35 dakika

Robert F. Kennedy yngri, heilbrigðisráðherra Bandaríkjanna, kveðst ekki vera sýklahræddur enda hafi hann „tekið kókaín í nefið af klósettsetum“ á árum áður. Þetta sagði Robert sjálfuir í viðtali við hlaðvarpsstjórnandann Theo Von í þætti hans, This Past Weekend. Í viðtalinu lýsti Kennedy áratugalangri glímu sinni við áfengis- og vímuefnafíkn og sagði fíkn vera sjúkdóm sem Lesa meira

• DV
• 6 saat, 35 dakika

Sigurður Ingi Jóhannsson segir Framsóknarflokkinn eiga lítið sameiginlegt með Miðflokknum sem hann skilgreinir sem hægri öfgaflokk. Hann útilokar ekki að úrslitin í formannskjörinu á sunnudag hafi áhrif á það hvort hann haldi áfram sem þingmaður eða ekki. Undir það búinn að láta formennsku Sigurður Ingi Jóhannsson lætur af formennsku í Framsóknarflokknum á sunnudag eftir að hafa gegnt embættinu í tíu ár. „Mér líður bara vel,“ segir Sigurður Ingi í Speglinum. Nokkuð sé síðan að hann tók þessa ákvörðun og síðustu dagar hafi ekkert verið skrýtnir. „Það getur vel verið að ég vakni á sunnudaginn og skilji ekkert í þessu en sú tilfinning hefur ekkert verið að hellast yfir mig og ég er alveg undir þetta búinn.“ Framsóknarflokkurinn mælist með lítið fylgi skoðanakönnunum og fékk aðeins fimm menn kjörna í síðustu kosningum og Sigurður segist einfaldlega reiðubúinn að hleypa nýju og fersku fólki að til að byggja upp. Hann bendir á að hann hafi sest á þing 2009, tekið sæti í ríkisstjórn 2013 og á þessum 15 árum hafi Framsóknarflokkurinn verið ellefu ár í ríkisstjórn. „Sem er mikill tími og það er eðlileg krafa í samfélaginu sem ég hef fundið fyrir að þurfi endurnýjun.“ Loðinn í svörum um áframhaldandi setu á Alþingi Engu máli skipti þótt hann brenni áfram fyrir pólitík og telji sig geta gert ýmislegt fyrir land, þjóð og flokkinn. „Þegar maður í forystu á maður alltaf að líta á sjálfan sig öðru hvoru og velta því fyrir sér hvort maður sé á réttum stað og hvort það sé gagn. Það er nokkuð síðan að ég áttaði mig á því að þessi tími væri að koma.“ Tími hinna þaulsetnu stjórnmálaforingja sé liðinn. „Ég held að hraðinn í samfélaginu, að þetta sé með öðrum hætti og breytingarnar sem samfélagið kallar á á hverjum tíma. Og tíu ár er líka bara drjúgur tími.“ Lilja Alfreðsdóttir og Ingibjörg Isaksen sækjast eftir formannsembættinu og það hefur verið áberandi í kosningabaráttunni hvort það skipti máli að formaður eigi sæti á þingi eða ekki. Lilja er núverandi varaformaður en náði ekki kjöri í síðustu þingkosningum, Ingibjörg er þingmaður Norðausturkjördæmis og þingflokksformaður. Vinni Lilja getur hún til dæmis ekki ráðið sér aðstoðarmann á vegum Alþingis, verði Ingibjörg fyrir valinu getur hún það. „Þingseta er skilyrði,“ segir í svari Alþingis við fyrirspurn Spegilsins. Sigurður Ingi hefur ekki gefið út hvort hann ætli að sitja áfram á þingi þegar nýr formaður hefur verið kjörinn. „Þetta er fyrst og fremst ákvörðun að hætta sem formaður og það yrði alveg ný ákvörðun að hætta á þingi og hana ég hef ekki tekið.“ Hann brenni enn fyrir stjórnmálum og að hafa áhrif og bæta samfélagið. Þegar gengið er á hann vill Sigurður ekki svara því beint hvort ákvörðun um áframhaldandi setu á Alþingi velti á því hver vinni formannskosningarnar á sunnudag. „Auðvitað skiptir máli hvernig hlutirnir þróast í framhaldinu. Það er kannski klisja en vika er langur tími í pólitík og ég er opinn fyrir því að leggja mína þekkingu og reynslu til að hjálpa við uppbyggingu á Framsókn en líka meta það hvort það sé gagn af því en það yrði þá ný ákvörðun og hana hef ég ekki tekið.“ Sigurður viðurkennir að það hafi ekki alltaf reynst flokkum vel að vera með aftursætisbílstjóra. „En það er öðrum sem hefur tekist það og ég ætla bara sjá til. Eftir flokksþingið, þegar kosningarnar eru búnar og ný forysta hefur verið valin þarf Framsóknarflokkurinn að standa saman og við tekur venjulegur mánudagur.“ Willum Þór Þórsson, fyrrverandi ráðherra, var lengi orðaður við formannsframboð og það voru margir Framsóknarmenn sem skoruðu á hann. Willum lét bíða eftir sér og þegar hann tók ákvörðun um að bjóða sig ekki fram var það niðurstaða sem Sigurður Ingi bjóst ekki við. „Ég gerði mér alveg grein fyrir því að þetta væri erfitt þar sem hann var nýbúinn að taka við ÍSÍ og ég vissi alveg af vangaveltum um hvort þetta væri samrýmanlegt. En svo ég svari spurningunni; já, það kom mér á óvart.“ Honum kom líka á óvart að Willum skyldi við sama tækifæri lýsa yfir afdráttarlausum stuðningi við Lilju Alfreðsdóttur. „Já, það gerði það.“ Átti ekkert endilega von á því að vinna Sigmund Davíð Átökin í Framsóknarflokknum fyrir tíu árum eru mjög eftirminnileg. Þeir sem sátu flokksþingið í Háskólabíói gleyma seint þeirri spennunni sem var yfir og allt um kring, nánast áþreifanleg. Sigmundur Davíð Gunnlaugsson fór með flokkinn í hæstu hæðir, hann varð forsætisráðherra í ríkisstjórn Sjálfstæðisflokks og Framsóknar eftir kosningarnar 2013 en sagði af sér eftir umfjöllun um Panamaskjölin þremur árum seinna. Sigurður Ingi skoraði hann á hólm í sögulegri formannskosningu og hafði þar sigur sem varð til þess að Sigmundur gekk úr flokknum ári seinna og stofnaði Miðflokkinn. Miðflokkurinn er nú stærri en Framsóknarflokkurinn og fer með himinskautum í skoðanakönnunum. Sigurður Ingi rifjar upp tímann eftir afsögn Sigmundar. Hann hafi verið mjög erfiður og mikil áskorun; að halda þinginu starfandi en líka samtalið við þjóðina, sannfæra hana um um að rétt væri að halda ríkisstjórnarsamstarfinu áfram gangandi og það hafi tekist að einhverju leyti því um tíma hafi 25 þúsund manns mótmælt á Austurvelli. „Ég fékk mikið af áskorunum frá flokknum sem ég hlustaði ekki á þar til um haustið þegar mér verður ljóst að þáverandi formaður hugðist breyta áherslum Framsóknar í þá veru sem við þekkjum Miðflokkinn í dag.“ Honum hafi fundist mikilvægt að grasrótin fengi rödd og gæti sagt sína skoðun og átti ekkert endilega von á því að sigra í flokki sem yfirleitt styðji formenn sína. „En grasrótin mætti og vildi ekki fara í það að breyta grunngildum Framsóknarflokksins.“ Kallar Miðflokkinn hægri öfgaflokk Hann er ekki feiminn við að viðurkenna að Miðflokkurinn sé öflugur í dag og hafi vaxið að undanförnu en það hafi verið á „stefnumálum sem er fráleitt að hugsa að Framsóknarflokkurinn gæti starfað eftir.“ Hann sjái ekki í stöðunni að þessir tveir flokkar sameinist í eitt á ný. „Það er svo langt á milli þessara flokka þótt það sé til fólk sem hafi verið í Framsókn og geti jafnvel kosið Framsókn þegar því finnst Miðflokkurinn ganga of langt, stefnur þessara flokka eru gjörólíkar. Annar er hægri öfgaflokkur en hinn miðjuflokkur sem byggir á umburðarlyndi, samvinna og félagshyggja. Ég sé ekkert sameiginlegt með þessum tveimur flokkum í dag.“ Sigurði Inga finnst eðlilegt að spurt sé hvort Framsóknarflokkurinn eigi enn þá erindi; sjálfum finnst honum hljómgrunnurinn ekkert hafa breyst. Verkefnin hafi verið ærin 2016 en tekist hafi að leysa þau með samvinnu. Sama eigi við um ríkisstjórnina sem mynduð var eftir kosningarnar 2017, hún hafi verið mynduð á breiðum grunni samvinnu ólíkra aðila og lægt hið pólitíska rót sem hafði verið allt frá bankahruni. „Ég held því fram að það sé verulegt ákall og þörf fyrir miklu frekari samvinnu í dag, að gera hlutina í breiðari samstöðu og samvinnu fleiri aðila.“ Hann velti því meðal annars fyrir sér hvernig ríkisstjórnin ætli sér að ná niður verðbólgu ef hún ætli ekki að taka þetta breiða samtal. Hann hefur trú á aðlögunarhæfni Framsóknarflokksins, flokkurinn hafi aðlagað sig að breyttum heimi þar sem borgarleg stefna hafi orðið fyrirferðarmeiri. Það sé þó ekki þannig að flokkurinn hafi sagt skilið við landsbyggðina, síður en svo. „Menn mega ekki gleyma því að Ísland er mjög stórt og borgríkið sem hefur þróast hér er ógn við það að hér geti búið ein samheldin þjóð. Það þurfi að horfa til landsbyggðarinnar og verðmætasköpunarinnar sem útflutningsgreinar á landsbyggðinni búi til fyrir samfélagið. „Af því að þá vegnar öllum Íslendingum vel, líka þeim sem búa á Suðvesturhorninu. Þessu er ríkisstjórnin að gleyma og hunsa og hefur ekki skilning og þess vegna hefur samhljómur fyrir Framsóknarstefnuna aldrei verið meiri.“

• Fréttastofa RÚV
• 6 saat, 37 dakika

Alþjóðaíþrótta­dómstóllinn hefur vísað frá áfrýjun Úkraínu­mannsins Vla­dyslav Hera­skevych eftir að honum hafði verið vísað úr keppni á Vetrarólympíu­leikunum. Ákvörðun um brott­vísun hans af leikunum stendur því.

• Vísir
• 6 saat, 39 dakika

Í dag er föstudagurinn þrettándi og líklega hafa margir farið sérstaklega gætilega þess vegna. Margs konar hjátrú fylgir tölunni þrettán og ekki síður þegar svo ber til að föstudagur er 13. dagur mánaðar. Afþreyingariðnaður nútímans hefur nýtt dagsetninguna til að hræða fólk um áratugaskeið. Þekktastur er sennilega sagnabálkurinn um hinn grímuklædda Jason sem hrellt hefur unglingssálir síðan í kringum 1980. Allir dagar vikunnar eru jafnlíklegir til að verða þrettándi dagur mánaðar, það gerist á föstudegi að meðaltali 171 sinni á öld, samkvæmt færslu Þorsteins Vilhjálmssonar heitins, prófessor emeritus í eðlisfræði á Vísindavefnum. Það er upp undir tvisvar á ári að meðaltali. Svo vill til að 13. dagur mars ber einnig upp á föstudag. Meinta ógæfu þessarar dagsetningar má líkt og margt annað rekja til trúarbragða og munnmælasagna. Til dæmis var svikapostulinn Júdas sá þrettándi til að setjast niður með Jesúm við síðustu kvöldmáltíðina og bragðarefurinn Loki var þrettándi gestur í kvöldveislu í Valhöll sem lyktaði með því að Höður hinn blindi banaði Baldri með mistilteini og reyndist æsum harmdauði hinn mesti. Fleiri skýringar eru til. Þá er einnig þekkt að Filippus IV. Frakkakonungur lét handtaka hundruð musterisriddara samtímis á föstudeginum 13. október 1307 og í kjölfarið lífláta þá. Margir láta óttann við töluna þrettán stjórna sér og triskaidekaphobia, eða óttinn við töluna 13, er viðurkenndur kvilli sem plagar fjölda fólks. Vitað er um hótel sem telja þrettándu hæðina ekki með og dæmi eru um að fólk mæti ekki í vinnu til öryggis, þótt stærðfræðingar og aðrir vísindamenn segi ekkert benda til að fleiri óhöpp verði þennan dag en aðra, en fólk taki mögulega betur eftir þeim.

• Fréttastofa RÚV
• 6 saat, 41 dakika

Lögregla vísaði manni út af veitingastað í dag þar sem hann hafði lagst þar til hvílu.

• Vísir
• 6 saat, 43 dakika

Steven Spielberg og eiginkona hans, leikkonan Kate Capshaw, gáfu 25.000 dali eða rúmar 3 milljónir króna til GoFundMe söfnunarinnar fyrir fjölskyldu leikarans James Van Der Beek. Hjónin gáfu upphæðina á fimmtudag, samkvæmt GoFundMe síðunni, þar sem Spielberg og Capshaw eru talin meðal helstu styrktaraðila söfnunarinnar. Spielberg tengist Van Der Beek, sem lést á miðvikudag eftir Lesa meira

• DV
• 6 saat, 47 dakika

Erlendir fangar með lítil eða engin tengsl við Ísland fá reynslulausn eftir að hafa afplánað þriðjung refsingar í stað helmings, nái frumvarp dómsmálaráðherra fram að ganga. Drög að frumvarpinu voru birt í samráðsgátt í dag . Þar er lagt til að tímabundin heimild verði veitt til styttingar á reynslulausn þegar fyrir liggur að erlendum föngum verði brottvísað í kjölfar afplánunar. Við reynslulausn yrði viðkomandi vísað úr landi þegar í stað. Einnig er lagt til að þeir sem hefur verið ákveðið að vísa úr landi geti ekki afplánað refsingu á áfangaheimili eða undir rafrænu eftirliti. Slík úrræði eigi aðeins við þegar viðkomandi ætli að aðlagast íslensku samfélagi. Í drögunum segir að álag í fangelsiskerfinu valdi því að sífellt fleiri dómar fyrnist. 75 óskilorðsbundnir dómar fyrndust í fyrra og 98 árið áður, samanborið við 22 árið 2020 og 16 árið 2019. Rúmlega helmingur þeirra sem sættu gæsluvarðhaldi í lok janúar voru erlendir ríkisborgarar. Ekki liggur fyrir hve stór hluti þeirra á yfir höfði sér brottvísun.

• Fréttastofa RÚV
• 6 saat, 48 dakika

Vitor Pereira er tekinn við Nottingham Forest út leiktíðina og verður þar með fjórði stjóri liðsins á leiktíðinni. Þessi 57 ára gamli Portúgali tekur við af Sean Dyche sem var rekinn í gærmorgun. Forest situr í 17. sæti ensku úrvalsdeildarinnar, þremur stigum fyrir ofan fallsæti og hefur aðeins unnið tvo af síðustu tíu. Pereira þekkir Lesa meira

• DV
• 6 saat, 49 dakika

Antonio Hernández, faðir spænska knattspyrnumannsins Rodri, var loðinn í svörum þegar spurður um framtíð leikmannsins í Manchester.

• Mbl
• 6 saat, 55 dakika