Add source Login
Vonar að framboð á fíkniefnamarkaði dragist saman

Vonar að framboð á fíkniefnamarkaði dragist saman

Alda Hrönn Jóhannsdóttir, yfirlögfræðingur og staðgengill lögreglustjóra á Suðurnesjum, vonar að framboð fíkniefna á íslenskum markaði hafi dregist saman. Í síðustu viku upprætti lögreglan fíkniefnahring sem smyglaði miklu magni kókaíns milli landa. 24 voru handteknir í aðgerðum lögreglu í síðustu viku, þar á meðal ellefu á Íslandi. Lögreglan á Suðurnesjum hefur unnið að rannsókn málsins í tæpt ár. Rannsóknin náði hámarki með handtökunum. Lögreglan hefur notið aðstoðar Europol og Eurojust, stofnunar Evrópusambandsins um samstarf við baráttu gegn glæpum. Fluttu inn nokkrar tegundir af fíkniefnum Alda Hrönn segir að efnin hafi borist til landsins með ýmsum leiðum. Með burðardýrum og pakkasendingum en líka vandlega falin í gámum og bílum sem voru flutt til landsins. Einn og sami hópurinn hafi staðið að innflutningnum sem fól í sér nokkrar tegundir fíkniefna, ekki einungis kókaín. Í fimm af níu fangaklefum sem leitað var í á Litla-Hrauni í sameiginlegum aðgerðum lögreglu á Íslandi og Europol fundust símtæki hjá sakborningum í málinu, sem annaðhvort sitja í gæsluvarðhaldi eða sitja af sér dóma vegna annarra mála. Alda Hrönn segir það vonbrigði. Sakborningar geti nýtt sér símtæki meðal annars til að sammælast um framburð í yfirheyrslum lögreglu. „Það eru náttúrulega þá meiri líkur á að starfsemin sem slík geti haldið áfram og líka að aðilar geti þá sammælst og borið sig saman um hvað þeir ætli að segja og hvernig þeir ætla að segja það.“

Jóhann Berg kallaður inn í landsliðshópinn

Jóhann Berg kallaður inn í landsliðshópinn

Jóhann Berg Guðmundsson hefur verið kallaður inn í íslenska landsliðshópinn fyrir leikinn gegn Mexíkó í lok mánaðar. Jóhann Berg kemur inn fyrir Aron Elís Þrándarson, sem dró sig úr hópnum í gær vegna meiðsla. Jóhann lék sinn hundraðasta landsleik á síðasta ári, en hann var í fréttum fyrr í vikunni eftir að hafa rift samningi Lesa meira

Tveir milljarðar í uppbyggingu á íþróttastarfi í ár

Tveir milljarðar í uppbyggingu á íþróttastarfi í ár

Inga Sæland, nýr ráðherra íþróttamála, undirritaði í dag fimm samninga fyrir alls tæpa tvo milljarða króna sem leggja eiga grunninn að uppbyggingu íþróttastarfs á árinu 2026. Samningarnir snúa meðal annars að frekari uppbyggingu afreksíþróttastarfs, svæðisstöðva íþróttahreyfingarinnar og jöfnun tækifæra til íþróttaiðkunar, auk verulegrar aukningar á framlagi til Ferðasjóðs. Samningarnir eru gerðir við Íþróttasamband Íslands, Ungmennafélag Íslands og Íþróttasamband fatlaðra.

Tveir milljarðar í uppbyggingu á íþróttastarfi í ár

Tveir milljarðar í uppbyggingu á íþróttastarfi í ár

Inga Sæland, nýr ráðherra íþróttamála, undirritaði í dag fimm samninga fyrir alls tæpa tvo milljarða króna sem leggja eiga grunninn að uppbyggingu íþróttastarfs á árinu 2026. Samningarnir snúa meðal annars að frekari uppbyggingu afreksíþróttastarfs, svæðisstöðva íþróttahreyfingarinnar og jöfnun tækifæra til íþróttaiðkunar, auk verulegrar aukningar á framlagi til Ferðasjóðs. Samningarnir eru gerðir við Íþróttasamband Íslands, Ungmennafélag Íslands og Íþróttasamband fatlaðra.

Ríkissaksóknari: Ljóst að þeir ætluðu að fremja hryðjuverk

Ríkissaksóknari: Ljóst að þeir ætluðu að fremja hryðjuverk

Ríkissaksóknari segir ljóst að þeir Sindri Snær Birgisson og Ísidór Nathansson hafi ætlað að fremja hryðjuverk og sýnt það í verki. Mál ríkisins gegn Sindra Snæ Birgissyni og Ísidór Nathanssyni var tekið fyrir í Hæstarétti í morgun. Þeir voru sýknaðir í héraðsdómi og Landsrétti af ákæru fyrir tilraun til hryðjuverka og hlutdeild í tilraun til hryðjuverka. Fyrsta skipti sem mál tengt hryðjuverkum er tekið fyrir í Hæstarétti Það var ekki laust við að fréttamaður greindi eftirvæntingu í loftinu í Hæstarétti í morgun. enda ekki á hverjum degi sem mál sem þetta er tekið fyrir þar. Reyndar er þetta í fyrsta skipti sem mál sem tengist tilraun til hryðjuverka er tekið fyrir í Hæstarétti. Það var nokkuð fjölmennt í dómsal í morgun. Um 25 manns voru mættir til að fylgjast með, flestir þeirra eru laganemar. Sigríður Friðjónsdóttir ríkissaksóknari og Sveinn Andri Sveinsson, verjandi Sindra Snæs, og Ásgeir Þór Árnason, verjandi Ísidórs voru mætt snemma. Nokkrar mínútur í níu mætti Sindri Snær og settist á fremsta bekk. Ísidór mætti ekki. Sindri ræddi við Svein Andra og fór vel á með þeim. Hann sat hliðina á Einari Oddi Sigurðssyni, sem hefur verið verjandi Ísidórs á hinum tveimur dómstigunum. Málið hófst á slaginu níu þegar dómararnir fimm gengu í salinn. Sigríður Friðjónsdóttir ríkissaksóknari var fyrst til flytja mál ákæruvaldsins fyrir dómi. Hún talaði í rétt rúmlega einn og hálfan klukkutíma. Sigríður krafðist þess í upphafi að refsing yfir tvímenningunum yrði þyngd en Sindri Snær var sýknaður fyrir tilraun til hryðjuverka og Ísidór fyrir hlutdeild í tilraun Sindra, bæði í héraðsdómi og Landsrétti. Þeir voru sakfelldir fyrir vopnalagabrot en báðir dómar mildaðir lítillega í Landsrétti. Sigríður vildi einnig að ákærðu yrði gert að greiða sakarkostnað. Tilgangur að valda almenningi verulegum ótta Það kom ekki margt nýtt fram í þessum málflutningi og var hann að mestu leyti endurtekning á þeim sem fluttur var í Landsrétti. Sigríður byrjaði á því að fara yfir vopnalagabrotið en sneri sér síðan að liðnum sem varðaði hryðjuverk. Vopnalagabrotið var ekki tekið til skoðunar í Hæstarétti. Hún sagði brot geta verið framið af hreinni mannvonnsku eða með reiði og andúð gagnvart sérstökum hópum, samkynhneigðum, eða lögreglu til dæmis. „Það virðist hafa verið raunin hér, það sem bjó að baki. Tilgangurinn með broti þeirra var að valda almenningi verulegum ótta.“ Sigríður fjallaði síðan um tilraunaákvæði í íslenskum hegningarlögum og muninn á íslenskum og dönskum lögum. Ákvæðið í íslenskum hegningarlögum sem lítur að tilraun til hryðjuverka er mikið til byggt sama ákvæði danskra laga. Hún sagði viðurkennt að undirbúningsathafnir geti leitt til refsingar þó að ekki sé um auðugan garð að gresja í íslenskri réttarsögu. Hún nefndi sömu dóma og vísað var í aðalmeðferð fyrir Landsrétti, meðal annars svokallaðan Akranesbrennudóm frá 1948. Sigríður sagði Ísidór hafa átt stóran þátt í þessu máli. „Hann er yfir og allt um kring. Sindri leitar ráða hjá honum og á sama tíma sendir Ísidór honum alls konar öfgaefni.“ Í gögnum sem lögregla náði að endurheimta út tölvum tvímenningana sást að í tölvu Ísidórs hafi fundist eigin manifesto. „Þar kemur berlega í ljós andúð Ísidórs á útendingum, gyðingum og samkynhneigðum.“ Þeir eru ekki börn Sigríður sagði það mat ákæruvaldsins þegar heildarmyndin sé skoðuð sé „ljóst að ákærðu hafi verið búnir að ákveða að fremja hryðjuverk og sýnt það í verki. “ Það hafi þeir meðal annars gert með því að vera með vopn sem þekktir hryðjuverkamenn hafi notað. Sindri hafi verið búinn að vera sér út um efni af þekktum hryðjuverkamönnum, ekki síst Breivik. Hann hafi verið búinn að leita að og finna á netinu lögreglubúnað og lýst því yfir að hann væri tilbúinn að fremja hryðjuverk í lögreglubúningi. Sigríður sagði þetta allt lýsa vel ásetningi. Við skoðun á tölvu Sindra Snæs hafi sést að hann hafi farið inn á heimasíðu hinsegin daga. Hann hafi játað að hafa skoðað síðuna í skýrslutöku. Samhliða því hafi hann sent mynd á Ísidór. „Þegar þessi atriði eru sett í samhengi má ætla að Sindri sé að skoða mögulega árásarstaði.“ Enginn geti stoppað svona verknað þegar hann sé kominn á framkvæmdastig. Sigríður sagði einnig að ekki væri hægt að afgreiða orðfæri þeirra sem saklaust hjal. Þetta hafi verið margra mánaða samtal milli sakborninga. „Þeir eru ekki börn, þetta eru tveir fullorðnir menn að tala saman. Annar er yfirlýstur kynþáttahatari. Sindri Snær er uppfullur af reiði í garð samkynhneigðra og lögreglu. Hann segist elska óreiðu.“ Sigríður benti einnig á skýrslu Europol um málið þar sem sagði að þetta væru ekki bara lyklaborðsstríðsmenn heldur raunverulegir gerendur. Eins og áður sagði krafðist Sigríður þungrar refsingar. Hún segir vopnalagabrot sem þeir voru sakfelldir fyrir bæði í héraðsdómi og Landsrétti hafa verið fordæmalaus. Þeir hafi meðal annars verið að framleiða stórhættuleg skotvopn sem fóru út í samfélagið. „Skotvopn sem var meðal annars notað í skotárás í miðborg Reykjavíkur.“ Refsiramminn við slíkum brotum sé sex ár. „Spurningin er: er þetta nóg sem liggur fyrir?“

Vala Matt færir sig um set

Vala Matt færir sig um set

Fjölmiðlakonan Valgerður Matthíasdóttir, best þekkt sem Vala Matt, hefur sett íbúð sína á Ásvallagötu 69 á sölu.  Íbúðin er 62,5 fermetrar á fyrstu hæð í fjórbýlishúsi sem byggt var árið 1938. Íbúðin er tekin í gegn og sérstaklega teiknuð og hönnuð af Völu sjálfri. Íbúðin skiptist í anddyri, eldhús, stofu, borðstofu, svefnherbergi og baðherbergi. Eldhúsinnréttingin Lesa meira

Það erfiða við listina að þurfa að halda í styrk og viðkvæmni í senn

Það erfiða við listina að þurfa að halda í styrk og viðkvæmni í senn

Það kom ýmsum á óvart þegar Gyrðir Elíasson tók sig til og opnaði myndlistarsýningu í Garði á Reykjanesi fyrir tæpum tveimur árum og sýndi þar hvorki meira né minna en 1200 myndverk. Gyrðir segir Reykjanesið hafa kynt undir myndlistarmanninum í sér, þótt hann hafi raunar lengi í sér blundað. Nýverið opnaði hann aðra einkasýningu sína, sem hann nefnir Í morgunbirtu, í Glerhúsinu við Vesturgötu í Reykjavík. Melkorka Ólafsdóttir ræddi við Gyrði um rit- og myndlistina í Víðsjá á Rás 1. Morgunbirtan tákn fyrir vonina Þegar listamaðurinn er spurður um titil sýningarinnar segir hann: Morgunbirtan. Ætli við getum ekki sagt að hún sé einhvers konar tákn fyrir vonina? Í mínum huga allavega. Hundrað myndir í litlu rými Myndirnar eru helst rauðar, gular og appelsínugular og nóg er af þeim á veggjunum. Gyrðir varð að velja verkin fyrir sýninguna því hann hefur verið afar iðinn með pensilinn. „Þegar mestur hamur er á mér geri ég margar myndir á dag,“ segir hann. „Ég held að flestar þessara mynda tilheyri slíkum tímabilum.“ Myndirnar urðu allar til eftir sýningu sem hann hélt á síðasta ári með 1200 verkum í Garði í Suðurnesjabæ. Nú er hann með glæný verk og staddur í Glerhúsinu við Vesturgötu í Reykjavík, litla sýningarrými Kristínar Ómarsdóttur rithöfundar. „Þetta er allt öðruvísi að hengja upp litla sýningu en stóra en mér finnst þetta húsnæði halda svo vel utan um þessar smámyndir mínar. Mér tókst að koma hér inn hundrað myndum sem er lítið miðað við hina sýninguna,“ segir hann. Ljóð án orða Landslagið sem birtist á myndunum má rekja um allt land en það á líka rætur í hugarfylgsnum skáldsins. „Ég held að það megi segja að þetta sé dregið frá öllum landsfjórðungum, bæði Vestfjarðaferðum mörgum sem ég hef farið og á Austfirði, þaðan sem ég er ættaður,“ segir hann. Margar myndirnar bera þess merki að hann var búsettur á Reykjanesinu og þekkir þar vel til. „Ég held að það sé ekki komist hjá því.“ Hann segir alls ekki langt á milli myndlistar sinnar og ljóðanna. „Þetta er sams konar vinna, ljóð án orða. Það er eiginlega meginmarkmiðið með þessum myndum,“ segir hann. Svipað og í skrifunum eru myndirnar í minimalískum stíl en viðfangsefnið stórt. Svipað og í skrifunum; þau eru að ýmsu leyti minimalísk þó að þau séu það ekki að öllu leyti. Það eru þessar tilhneigingar til að hafa þetta smátt í sniðum á ytra borðinu, en reyna að fanga það stóra um leið. Þreyttur á endalausum orðum Myndlistinni í lífi Gyrðis má lýsa sem hvíld frá orðunum. „Mér hefur fundist gott að setjast við teikniborðið eftir vinnudag við skrifborðið. Það er held ég dálítið oft þannig sem þetta verður til,“ segir hann kíminn. „Maður er pínulítið þreyttur á endalausum orðum.“ Eldsumbrot höfðu áhrif á sköpunina Á sýningunni má sjá athyglisverða mynd af Reykjanesi sem tengist viðveru Gyrðis þar á meðan eldgosahryna reið yfir. Myndin nefnist Eldsumbrot og sýnir upphaf gossins. „Það virkaði beint á mann að búa þarna, þetta er einkennilegt svæði, það er svo einfalt, grjót og gras og himinn og sjór, en svo kemur þetta elds-element inn. Ég er handviss um að þetta hafi áhrif á mig í þessa átt, ég veit ekki af hverju,“ segir hann. Þetta vakti einhvern veginn í mér myndlistarmanninn að vera þarna. Listamenn þurfa að halda kvikunni opinni Listin er nátengd tilfinningum. Gyrðir segir að það þurfi að vera í sambandi við tilfinningarnar til að skapa. Það getur borgað sig að komast nálægt kvikunni, líka þeirri sem býr innra með, í listsköpun. „Listamenn þurfa að halda henni opinni, það er hárrétt,“ segir Gyrðir. Það er það erfiða við listina að þurfa að halda í styrk og viðkvæmni í senn. Það er ekki alltaf hyglum hent að höndla það. Það hefur reynst mörgum manninum erfitt og mér líka. Andinn stjórnar því hvort hann taki upp pensil eða penna Lesendur Gyrðis eiga von á góðu á næstunni. Ég er að vinna að nokkrum bókum núna, bæði þýddum og frumsömdum. Það er það sem er fram undan og svo sér maður til. Myndlistin tekur líka pláss. Ég á ógrynni af myndum heima, ég hefði getað haldið aðra svona sýningu og vel það þannig að þetta verður að koma eftir því sem andinn blæs manni í brjóst hvort maður tekur upp spaðann eða pensilinn eða mundar pennann til að skrifa. Verkin hafa vakið mikla hrifningu. Það hefur gengið ótrúlega vel að selja þessi verk, ég er eiginlega steinhissa á því og það er ekki neitt sem maður átti von á fyrirfram. Maður gerir verkin, sýnir þau og er glaður ef einhverjum líkar þau. „Listamenn þurfa að halda henni opinni, það er hárrétt,“ segir Gyrðir Elíasson rithöfundur um kvikuna. Önnur myndlistarsýning skáldsins opnaði nýverið og er meðal annars innblásin af eldsumbrotum á Reykjanesinu þar sem hann bjó lengi.

Nýtt framboð í Grímsnes- og Grafningshreppi – Andrés Bertelsen í oddvitasætinu

Nýtt framboð í Grímsnes- og Grafningshreppi – Andrés Bertelsen í oddvitasætinu

Nýtt framboð, Betri sveit – fyrir okkur öll, býður fram lista í komandi sveitarstjórnarkosningum í Grímsnes- og Grafningshreppi. Greint er frá þessu á vef Dagskrárinnar. Betri sveit hefur það að markmiði að stjórnsýsla sveitarfélagsins verið opnari, stuðlað verði að sanngjörnum ákvörðunum sem byggja ætíð á hagsmunum samfélagsins í heild. Framboðið leggur áherslu á skýrt utanumhald um framvindu verkefna Lesa meira