Eitt stærsta flutningsfyrirtæki heims skipti út stjórnarformanni sínum í dag eftir að hann var ítrekaður nefndur í Epstein-skjölunum svonefndu. Hneykslismál formannsins settu viðskiptasamninga fyrirtækisins í uppnám.
Valdimar Víðisson, bæjarstjóri Hafnarfjarðar, ætlar ekki að gefa kost á sér í val á varaformanni Framsóknarflokksins. Hann greindi frá þessu í Facebook-færslu . Flokksþing Framsóknar verður um helgina. „Eftir vandlega ígrundun finn ég í hjarta mínu að mitt meginverkefni á þessum tímapunkti er að halda áfram að byggja upp starf flokksins okkar hér í Hafnarfirði. Sveitarstjórnarkosningar eru fram undan og hugur minn og einbeiting þurfa að vera þar,“ segir Valdimar. Valdimar Víðisson.RÚV / Ragnar Visage Stefán Vagn Stefánsson, þingmaður Framsóknarflokksins í Norðvesturkjördæmi, hefur gefið kost á sér til varaformanns.
Aðgerð C10 í byggðaáætlun fjallar um aðlögun sveitarfélaga að áhrifum loftslagsbreytinga. Verkefni sem Byggðastofnun leiðir í samstarfi við Veðurstofu Íslands, Skipulagsstofnun og umhverfis-, orku- og loftslagsráðuneytið. Eins og gefur að skilja er þar verið að undirbúa sveitarfélög í að takast á við nýjan veruleika sem breytt veðurfar hefur í för með sér. Leiðarvísir fyrir sveitarfélög til að móta aðgerðir og aðlagast áhrifum loftslagsbreytinga Ragnhildur Friðriksdóttir, sérfræðingur hjá Byggðastofnun og verkefnastjóri C10, segir að verkefnið hafi staðið frá 2003 í kjölfar upphafsráðstefnu þess. „Þá í rauninni buðum við öllum sveitarfélögum á landinu að óska eftir þátttöku í verkefninu frá þeim loftslagsáskorunum sem þau væru að takast á við. Það voru um 20% íslenskra sveitarfélaga sem óskuðu eftir því að taka þátt í verkefninu og við enduðum sem sagt á að velja fimm íslensk sveitarfélög.“ Þessi sveitarfélög eru: Akureyrarbær, Reykhólahreppur. Reykjanesbær, Hornafjörður og Fjallabyggð, sem öll hafa fundið fyrir afleiðingum loftslagsbreytinga. Stjórnvöld hafa gefið út leiðarvísi fyrir sveitarfélög til að móta aðgerðir og aðlaga sig áhrifum loftslagsbreytinga. Innviðir sveitarfélaga eru hannaðir fyrir núverandi veðurfar og áskoranir og ráða því illa við aukinn ákafa í veðri. Málþing sem haldið var á Akureyri er lokapunktur þessa verkefnis og þar var kynntur fyrsti leiðarvísirinn fyrir sveitarfélög til að átta sig á og meta hvar áhættan er mest, móta aðgerðir og aðlaga sig áhrifum loftslagsbreytinga. Sveitarfélög ráða illa við aukinn ákafa í veðurfari „Það sýndi sig svo sannarlega í þessu verkefni að sveitarfélög á Íslandi, mörg hver, eru farin að eiga við alvöru áskoranir sem snerta daglegt líf íbúa. Atvinnuþróun á svæðinu, byggðaþróun, skipulagsmál, ýmsa innviði og bara heilsu og öryggi fólks og ekki síður andlega heilsu í einhverjum tilfellum,“ segir Ragnhildur. „Við erum með sveitarfélög sem eiga við mikil vandamál að etja vegna þurrka, við erum með hættu á gróðureldum, ágang sjávar og sjávarflóð sem eru sannarlega farin að banka upp á hjá ýmsum sveitarfélögum. Svo eru vandamál eins og hopun jökla, en undan jöklinum koma hlíðar sem geta verið óstöðugar og hættulegar ferðamönnum, til dæmis tengt jöklaferðamennsku eða annað. Þegar jöklarnir hopa verður landris sem getur breytt allri ásýnd landsins og vatnasviði, til dæmis, innan sveitarfélaga sem getur haft áhrif á landbúnað eða aðrar atvinnugreinar á svæðinu.“ Sérfræðingur frá Veðurstofunni sem talaði á málþinginu sagði að innviðir sveitarfélaga væru hannaðir fyrir núverandi veðurfar og áskoranir. Þeir réðu hins vegar ekki við aukinn ákafa í veðurfari, hækkaða sjávarstöðu, lengri þurrkatímabil og fleira í þá áttina. Vatnsból Reykhólahrepps að þorna upp Og það er af nægu að taka þegar rifjaðar eru upp fréttir af hamförum í náttúrunni, sumt gerist með látum, en annað er hægfara. Ólafur Þór Ólafsson er sveitarstjóri í Reykhólahreppi þar sem vatn hefur skort síðustu ár og vatnsból sveitarfélagsins duga ekki lengur fyrir samfélagið. „Því fylgja alls konar áskoranir sem við höfum þurft að díla við síðustu ár. Það hafa komið upp e-coli-smit í vatninu, fólk hefur þurft að spara vatn, við höfum áhyggjur af því að hafa ekki nægar birgðir ef það kæmi til dæmis upp eldsvoði. Þannig að það má nánast ekki gleymast að skrúfa fyrir slöngu niðri á bryggju því þá tæmist af kerfinu.“ Í fréttum RÚV í síðustu viku kom fram að Náttúruhamfaratrygging Íslands hefði varað sveitarfélög og suma húseigendur við að mögulega yrði hætt að greiða bætur ítrekað vegna nýbygginga nærri fjöruborði. Því þyrftu sveitarfélög að huga betur að hættu vegna sjávarflóða og þeir sem skipulegðu og byggðu hús við fjöruborðið gætu ekki vænst þess að fá tjón bætt. Þarna lægi ábyrgðin hjá skipulagsyfirvöldum og sveitarfélögum. Lögbundið hlutverk slökkviliða óljóst þegar vatn flæðir inn í hús eða sjór gengur á land Slökkviliðin eru miklir bjargvættir þegar flæðir, hvort sem rigningarvatn fyllir kjallara eða sjór flæðir á land. Ragnhildur segir að þar birtist samt vandi sem fæstir þekki og þurfi að ráða bót á. „Hlutverk slökkviliða er ansi óskýrt í svona atburðum. Það flæðir inn í hús og þeir mæta með sinn dælubúnað og fara að dæla út úr húsunum. En í grunninn er samt hlutverk slökkviliða af bjarga lífi og limum fólks þannig að um leið og komið er á svæði sem þetta, þar sem er að flæða inn í hús en allir eru öryggir, þá er hlutverk slökkviliðanna orðið svolítið óljóst. En þeir fara til dæmis í þetta og eyðileggja kannski talsvert af búnaðinum sínum við að dæla upp úr þessum húsum og þá kemur spurningin; hver á að borga fyrir það? Eru það tryggingafélögin eða er það sveitarfélagið, lendir þetta slökkviliðinu, sem virðist vera það sem er svolítið að gerast.“ „Þetta eru bara verkefni sem eru komin í fangið á okkur“ Ólafur segir að alls konar áskoranir tengdar veðrinu séu nú að birtast sveitarstjórnum sem ekki hafi verið gert ráð fyrir í upphafi og hafi jafnvel ekki verið til fyrr en núna. „Já, það má eiginlega segja að það er ekkert val lengur og það verður einfaldlega að tækla ýmsa hluti sem ekki voru áður. Eins og að tryggja að það sé nægt og öruggt vatn, sem dæmi, annars staðar getur þurft að kljást við ofanflóð eða hvað sem er, brot á strandlengju. Og þetta eru bara verkefni sem eru komin í fangið á okkur og það verður bara að taka á þessu núna, ekki að fresta þessu fram á næsta áratug eða næstu fjárhagsáætlun.“
„Það er hlutverk siðanefndar að fá fram gögn um málsatvik og úrskurða um hvort tiltekin háttsemi gangi á svig við siðareglur. Athugun siðanefndar getur ekki ein og sér talist aðför að fræðimannsheiðri,“ segir í úrskurðum siðanefndar Háskólans á Bifröst í máli Hönnu Kristínar Skaftadóttur annars vegar og Ragnars Más Vilhjálmssonar og Haraldar Daða Ragnarssonar hins vegar. Eins og fjallað hefur...
Ofurhlauparinn Mari Järsk tilkynnti kyn ófædds barns síns og Njarðar Lúðvíkssonar með blöðrusprengingu úti í náttúrunni sem hún birti á Instagram í dag. Von er á barninu í sumar.
Yfir 50 manns eru með stöðu sakbornings í stóru fjársvikamáli, þar sem fimm eru grunaðir um að hafa komist yfir hundruð milljóna úr Landsbankanum vegna kerfisgalla hjá Reiknistofu bankana seint á síðasta ári. Ólafur Þór Hauksson héraðssaksóknari segir að þeim sem eigi eftir að fá stöðu sakbornings eigi eftir að fjölga. Lögregla handtók fimm manns í tengslum við rannsóknina en héraðssaksóknari tók yfir rannsókn þess. Embættinu er falið að rannsaka umfangsmikil fjársvikamál. Fjárglæframennirnir meintu eru grunaðir um að hafa nýtt sér kerfisgalla hjá Reiknistofu bankanna til að svíkja um 400 milljónir út úr Landsbankanum, auk þess sem þeir sviku um tíu milljónir króna út úr Arion banka. Ólafur Þór segir málið enn í rannsókn en það sé umfangsmikið. Fyrst og fremst sé verið að rekja fjárfærslur og halda áfram með skýrslutökur. „Peningarnir fóru víða, meðal annars erlendis.“ Hann segir ástæðu þess að fjöldi sakborninga sé svo mikill vera þá að til viðbótar við þá sjö sem höfðu stöðu sakbornings til að byrja með bættust við þeir sem tóku við greiðslum.
Yfir 50 manns eru með stöðu sakbornings í stóru fjársvikamáli, þar sem fimm eru grunaðir um að hafa komist yfir hundruð milljóna úr Landsbankanum vegna kerfisgalla hjá Reiknistofu bankana seint á síðasta ári. Ólafur Þór Hauksson héraðssaksóknari segir að þeim sem eigi eftir að fá stöðu sakbornings eigi eftir að fjölga. Lögregla handtók fimm manns í tengslum við rannsóknina en héraðssaksóknari tók yfir rannsókn þess. Embættinu er falið að rannsaka umfangsmikil fjársvikamál. Fjárglæframennirnir meintu eru grunaðir um að hafa nýtt sér kerfisgalla hjá Reiknistofu bankanna til að svíkja um 400 milljónir út úr Landsbankanum, auk þess sem þeir sviku um tíu milljónir króna út úr Arion banka. Ólafur Þór segir málið enn í rannsókn en það sé umfangsmikið. Fyrst og fremst sé verið að rekja fjárfærslur og halda áfram með skýrslutökur. „Peningarnir fóru víða, meðal annars erlendis.“ Hann segir ástæðu þess að fjöldi sakborninga sé svo mikill vera þá að til viðbótar við þá sjö sem höfðu stöðu sakbornings til að byrja með bættust við þeir sem tóku við greiðslum.
Þrír hafa farist í óveðri í Frakklandi og Spáni síðustu daga og nokkrir hafa slasast. Stormurinn Nils gekk yfir Suður-Evrópu í gær og fyrradag og honum fylgdi mikil úrkoma. Flóðaviðvaranir voru í gildi í Frakklandi í dag. Um 450.000 manns í Frakklandi voru án rafmagns í dag. Veðrið hefur einnig látið finna fyrir sér í Portúgal. Þar hefur flugferðum, lestarferðum og ferjusiglingum verið aflýst. Umflotin gata í Saint-Germain de Confolens í Frakklandi eftir storminn Nils.AP / Yohan Bonnet
Björgunarsveitirnar Berserkir í Stykkishólmi og Klakkur á Grundarfirði voru kallaðar út stuttu fyrir klukkan þrjú til að aðstoða við sjúkraflutninga á manni sem slasaðist á göngu um Vatnaleið. Jón Þór Víglundsson, upplýsingafulltrúi Landsbjargar, staðfestir þetta. Maðurinn féll 15 til 20 metra við foss nærri Selvallavatni, segir Ásmundur Kristinn Ásmundsson yfirlögregluþjónn hjá Lögreglunni á Vesturlandi. Maðurinn sé erlendur ferðamaður. Upplýsingar um líðan mannsins liggja ekki fyrir en Ásmundur segir að hann hafi verið með meðvitund og hefði hreyft útlimi þegar viðbragðsaðilar komu á staðinn. Þyrla Landhelgisgæslunnar var einnig kölluð út. Ásgeir Erlendsson, upplýsingafulltrúi Landhelgisgæslunnar, segir þyrluna hafa verið fljóta af stað þar sem hún hefði verið nýbúin á æfingu. Maðurinn var hífður upp í þyrlu og verður fluttur á sjúkrahús. Fréttin verður uppfærð.
Björgunarsveitirnar Berskerkir í Stykkishólmi og Klakkur á Grundarfirði voru kallaðar út stuttu fyrir klukkan þrjú til að aðstoða við sjúkraflutninga á manni sem slasaðist á göngu um Vatnaleið. Jón Þór Víglundsson, upplýsingafulltrúi Landsbjargar, staðfestir þetta. Hann gat ekki sagt til um hvort maðurinn væri mikið slasaður eða ekki. Þyrla Landhelgisgæslunnar hefur einnig verið kölluð út. Ásgeir Erlendsson, upplýsingafulltrúi Landhelgisgæslunnar, segir þyrluna hafa verið fljóta af stað þar sem hún hefði verið nýbúin á æfingu. Hún hafi lagt af stað 14:52. Fréttin verður uppfærð.
Enska knattspyrnufélagið Blackburn hefur gengið frá ráðningu á Michael O'Neill og mun hann stýra liðinu út leiktíðina.
Drögum að frumvarpi um fullnustu refsinga, sem varðar brottvísun og afplánun erlendra fanga hefur verið dreift í samráðsgátt stjórnvalda. Í drögunum er meðal annars gert ráð fyrir tímabundinni heimild til að veita erlendum föngum, sem ákveðið hefur verið að vísa úr landi að afplánun lokinni, reynslulausn þegar aðeins einn þriðji hluti refsitímans er liðinn. Samkvæmt gildandi lögum þarf helmingi afplánunar að vera lokið til að veita megi reynslulausn, en frumvarpsdrögin gera ráð fyrir að viðkomandi verði vísað úr landi þegar í stað við reynslulausn.
Gróft svifryk mælist í miklu magni víðs vegar á höfuðborgarsvæðinu og eru gildi á nokkrum stöðum óholl fyrir viðkvæma, samkvæmt upplýsingum á vef Umhverfis- og orkustofnunar, Loftgæði.is. Viðkvæmir einstaklingar og fólk með astma eða aðra undirliggjandi lungna- eða hjartasjúkdóma geta þá fundið fyrir einkennum vegna loftmengunar. Gildi í Breiðholti og við Háaleiti í Reykjavík eru rauð, sem merkir að þau séu óholl. Það þýðir að loftmengun sé mikil og er fólki ráðlagt að forðast að vinna erfiðisvinnu eða stunda líkamsrækt utandyra. Einstaklingar með alvarlega hjarta- eða lungnasjúkdóma að forðast að vera úti á þeim stöðum. Loftgæði mælast óholl fyrir viðkvæma og óholl víða á höfuðborgarsvæðinu.Skjáskot / Loftgæði.is
Björgunarsveitirnar Berserkir í Stykkishólmi og Klakkur í Grundarfirði hafa verið kallaðar út vegna slyss á Vatnaleið á Snæfellsnesi.
Alls voru 84.413 erlendir ríkisborgarar skráðir með búsetu hér á landi þann 1. febrúar sl. og fjölgaði þeim um 474 einstaklinga eða um 0,6% frá 1. desember 2025. Mest fjölgun hefur verið á ríkisborgurum frá Rúmeníu, þeim hefur fjölgað um 107 einstaklinga frá 1. des. sl. Þar á eftir koma ríkisborgarar frá Úkraínu og loks […]
Valdimar Víðisson bæjarstjóri í Hafnarfirði ætlar ekki að gefa kost á sér til varaformennsku í Framsóknarflokknum. Hann segist hafa tekið áskoranir um slíkt alvarlega en á þessum tímapunkti þurfi fókus hans að vera á starfi flokksins í Hafnarfirði.
Vísir 
Fréttastofa RÚV 
Heimildin 
Mbl 
Bæjarins Besta