Slökkvilið var fyrir skömmu kallað út að Sprengisandi í Reykjavík vegna bílslyss. Varðstjóri hjá slökkviliðinu á höfuðborgarsvæðinu segir slysið varða tvo bíla. Einn dælubíll og tveir sjúkrabílar voru sendir á vettvang. Varðstjóri segir þá nýkomna á staðinn. RÚV / Ragnar Visage
Tveir voru fluttir á slysadeild eftir árekstur tveggja bíla nærri Sprengisandi í Reykjavík. Þeir slösuðu voru í öðrum bílnum en ekki þótti ástæða til að flytja þá sem í hinum voru. Varðstjóri hjá Slökkviliðinu á höfuðborgarsvæðinu segir ekki vitað um áverka en telur mennina ekki mikið meidda. Einn dælubíll og tveir sjúkrabílar voru sendir á vettvang. RÚV / Ragnar Visage Fréttin var uppfærð.
Brynja Dan Gunnarsdóttir, bæjarfulltrúi Framsóknarflokksins í Garðabæ og eigandi Extraloppunnar, og Jóhann Sveinbjörnsson hafa sett parhús sitt í Garðabæ á sölu eftir framkvæmdir.
Eldur kviknaði í bifreið við fjölbýlishús í Bakkahverfinu í Breiðholti í kvöld. Slökkviliði barst tilkynning um eldinn um klukkan ellefu og þá voru tveir dælubílar sendir á vettvang. Eldurinn hafði borist í annan bíl að sögn varðstjóra sem segir slökkvistarfi nánast hafa lokið rétt fyrir miðnættið. Þá var annar dælubíllinn sendur til baka. Óttast var að eldurinn bærist í blokkina en svo fór ekki. Lögregla tekur við rannsókn brunans. RÚV / Ragnar Visage
Leikkonan Anna Chlumsky hefur verið ráðin til að leika á móti Leslie Bibb í glæpaþáttaröðinni Top of the Rock sem gerist hér á landi í kalda stríðinu.
Eldur kviknaði í bíl á bílastæði í neðra Breiðholti í kvöld.
Eitt mesta landrof í manna minnum hefur orðið í Reynisfjöru í Mýrdal. Landeigandi segir óvíst hvort ásýndin sé breytt til framtíðar. Gjörbreytt landslag blasir nú þar við ferðamönnum en í stað svörtu fjörunnar sem hefur dregið marga víða að blasa nú við steinar úti um allt. Þá hefur sjórinn náð að grafa sig inn í fjöruna og myndað nokkurra metra háan vegg.
Margir hafa síðustu daga beðið gervigreindina ChatGPT um að búa til skopmynd af sér byggða á öllu sem hún veit um viðkomandi. Þá grípur hún tækifærið og biður um fleiri upplýsingar, til dæmis ljósmyndir, með þeim rökum að skopmyndin verði nákvæmari. Þar lætur hún ekki staðar numið heldur vill hún líka vita við hvað fólk starfar og helstu áhugamál. Helga Þórisdóttir, forstjóri Persónuverndar, hvetur til árvekni og að fólk hugsi um hvað fyrirtækið sé að gera við þessar upplýsingar. „Það sem við höfum séð er að oft eru upplýsingar nýttar, í það sem fólk heldur að sé í einhverjum leik. En þessi fyrirtæki eru ekki að leika sér, þau eru í harðsvíruðum viðskiptum. Þau eru að nota þessar upplýsingar til einhvers,“ segir Helga.
/frimg/1/62/17/1621707.jpg)
Dómsmálaráðuneyti Bandaríkjanna opnaði í dag fyrir aðgang þingmanna að óyfirstrikuðum skjölum Jeffrey Epstein. Nokkrir þingmenn höfðu lýst yfir áhyggjum af því að sum nöfn hefðu verið fjarlægð úr þeim gögnum sem birt hafa verið almenningi.
Hlé var gert á réttarhöldunum yfir Mariusi Borg Høiby í dag svo lögregla gæti yfirheyrt hann vegna þeirra meintu brota sem hann er grunaður um að hafa framið á sunnudaginn fyrir rúmri viku þegar lögregla handtók hann og fékk hann daginn eftir úrskurðaðan í gæsluvarðhald.
Forráðamenn sádi-arabíska liðsins Al-Nassr eiga von á því að stjörnuleikmaðurinn Cristiano Ronaldo láti af verkfalli sínu og spili fyrir liðið um komandi helgi.
Fayza Lamari, móðir frönsku knattspyrnustjörnunnar Kylians Mbappé, þénar meira en 4,5 milljónir evra á ári fyrir störf sín sem umboðsmaður leikmannsins.
Bandaríska skíðadrottningin Lindsey Vonn hefur tjáð sig í fyrsta skipti eftir að hún slasaðist illa í keppni á Vetrarólympíuleikunum í gær. Vonn sér ekki eftir neinu þrátt fyrir óbærilegan sársauka og efasemdir um þátttöku hennar. Lífið sé of stutt til að taka ekki áhættur.
Mál afbrotamannsins Jeffreys Epsteins var til umræðu í Silfrinu í kvöld. Rætt var við þau Herdísi Sigurgrímsdóttur stjórnmálafræðing, Jón Trausta Reynisson blaðamann og Huldu Þórisdóttur stjórnmálafræðing sem heldur úti hlaðvarpinu Skuggavaldinu sem er um samsæriskenningar. Hægt er að horfa á þáttinn í heild sinni í spilara RÚV. Það er fjölmargt áhugavert við mál Jeffrey Epsteins og skjala um hann sem birt voru í síðasta mánuði. Herdís Sigurgrímsdóttir, Hulda Þórisdóttir og Jón Trausti Reynisson rýndu í málið í Silfrinu í kvöld. Telur fólkið í kringum Epstein „illa haldið af fávísi fjöldans“ Hulda Þórisdóttir segir margt áhugavert við mál Epsteins og erfitt að velja eitt tiltekið dæmi. „En auðvitað má byrja á að nefna það sem að stundum fer undarlega lágt. Það er auðvitað þessi gríðarlegi fjöldi fórnarlamba og hvað þetta viðgekkst lengi áður en þetta kom upp á yfirborðið,“ segir Hulda. Hún segir það að vísu ekki endilega hafa komið sér á óvart hve lengi Epstein stundaði athæfi sitt. Þá hafi mörgu fólki átt að vera kunnugt um glæpi auðkýfingsins. „Við eigum hugtak yfir þetta í sálfræðinni sem heitir fávísi fjöldans. Það er þegar þú hundsar eitthvað, þú mátt vita betur, það vita allir að eitthvað er í gangi en enginn segir það upphátt. Enginn nefnir það, setur fingur á það og þá er kannski auðvelt að hundsa það,“ segir Hulda. Hún telur fólkið sem var í kringum Jeffrey Epstein hafa verið illa haldið af fávísi fjöldans. „Það vissi betur en enginn sagði neitt og þá gastu talið þér trú um kannski – já, ég er þá kannski eitthvað að rugla. Ég er eitthvað paranoid . Mér finnst þetta eitthvað verra en þetta raunverulega er.“ Þá segir Hulda sömuleiðis áhugavert að sjá hvernig örvænting ríka og valdamikla fólksins birtist í Epstein-málinu. „Eru þetta alltaf svolítið lítil egó sem eru endalaust að reyna að stækka sig?“ spyr Hulda. Hún nefnir í því samhengi tölvupóstasamskipti þeirra Elon Musks og Epsteins. Musk hafi til að mynda sent Epstein tölvupóst klukkan 6 að morgni á jóladag, tíma sem flestir verja með fjölskyldunni, þar sem hann leitaðist eftir boði í teiti. Herdís Sigurgrímsdóttir tekur undir að samskipti í skjölunum á borð við þessi séu áhugaverð. „Það er eitt af því sem kemur mér á óvart – það er þessi persónulegi vinalegi tónn og þetta smjaður og næstum því daður sem er tónninn í þessum tölvupóstum,“ segir Herdís. Hún bætir því við að við séum að fá betri mynd af því hvernig tengslanet Epsteins virkar. „Orðstír fólksins í tengslanetinu er gagngert notaður til að byggja upp egó og ímynd höfuðpaursins,“ segir Herdís. Hvaðan koma Epstein-skjölin? Jón Trausti segir áhugavert að velta því fyrir sér hvaðan Epstein-skjölin koma. Hann bendir á að útgáfa þeirra sé ekki eins og í fyrri málum þar sem gögn hafa verið lögð á borðið. Í því skyni nefnir Jón Trausti Pentagon- og Panama-skjölin. Í þeim tilfellum hafi Wikileaks eða ICIH, alþjóðleg rannsóknarblaðamannasamtök, birt skjölin. Í tilfelli Epstein-skjalanna sé það hins vegar bandaríska alríkið. „Þetta alríki er undir mjög skýru og styrku valdi eins algengasta nafnsins í skjölunum þannig að hagsmunaáreksturinn er svo svakalega skýr,“ segir Jón Trausti. Hann bendir á að gögnin fari í gegnum FBI, alríkislögregluna, og dómsmálaráðuneyti Bandaríkjanna. „Yfir alríkislögreglunni er Kash Patel og af hverju er hann þar? Það er vegna þess að hann var einn sá sem mest smjaðraði fyrir Donald Trump. Hann skrifaði barnabók sem hét Plottið gegn konuningum og kápan er Trump. Það er verið að plotta gegn honum og börnin verða að læra að svoleiðis megi ekki gera.“ Jón Trausti segir skjölunum í rauninni ritstýrt af aðilum sem eru í hagsmunaárekstri í málinu. Þá megi velta fyrir sér hvert hlutverk áróðurstækni sé í birtingu þeirra. „Þeir eru með þessa áróðurstækni, Steve Bannon talaði um það á fyrra kjörtímabili Trumps, að drekkja svæðinu, flooding the zone . Með því að láta bara svaka mikið gerast allt í einu og það er í rauninni það sem þessi skjöl gera núna.“ Í því skyni megi benda á fyrirsagnir hérlendis síðustu daga þar sem dregin eru fram nöfn Íslendinga sem nafngreindir eru í nýútgefnum skjölunum. Þá hafi sömuleiðis gætt falsupplýsinga í tengslum við málið. Dæmi um slíkt sé fölsuð ljósmynd af Zohran Mahmdani, borgarstjóra New York, sem ungum dreng með móður sinni og Jeffrey Epstein. Jón Trausti segist hafa séð myndina hjá virðulegum álitsgjafa á Facebook. „Þá er fyrirsögnin Mahmdani neyðist til að svara fyrir Epstein-tengsl og það eru engin Epstein-tengsl.“ Þetta er svona stormur af upplýsingum sem er bara dálítið erfitt að henda reiður á? „Niðurstaðan er eiginlega bara hálfgert fókusleysi og tvístrun,“ segir Jón Trausti. Hunangsgildrur þekkt aðferð leyniþjónustna Í Silfrinu bendir Sigríður Hagalín Björnsdóttir fréttamaður á að margt hátt sett fólk um allan heim virðist hafa verið reiðubúið að deila hernaðarleyndarmálum með Epstein í skiptum fyrir sambönd eða jafnvel undir einhvers konar þrýstingi. Það hefur vakið upp spurningar og óstaðfestar kenningar um hvort Epstein hafi verið á mála hjá einhverjum leyniþjónustum og pólsk stjórnvöld hafa boðað rannsókn á tengslum hans við Rússa. Finnst ykkur líklegt að það hafi verið eitthvað svona stærra heimsplott á bakvið þetta annað en þessi valdafíkn hans? Jón Trausti bendir á að aðferðir sem þessar séu þekkt aðferð leyniþjónusta. „Það er talað um hunangsgildrur, honey-traps. Þú hefur eitthvað á hinn aðilann, þú getur jafnvel framselt það, einhver gögn. Þá hefurðu tak á honum, samningatæknilegt.“ Herdís bendir á að áhugavert sé að hátt sett fólk á borð við Mette-Marit krónprinsessu Noregs hafi fallið fyrir brögðum Epsteins. „Þetta er allt fólk sem ætti að vera þrautþjálfað í að falla ekki fyrir þessum brögðum vegna þess að þetta eru þekkt brögð. Þú átt ekki að falla fyrir því þegar einhver maður kemur og býður þér í eitthvað lúxusfrí.“
Rannsókn á bruna í iðnaðarhúsnæði Garðavíkur á Húsavík í lok síðasta mánaðar er ekki lokið en ekkert bendir til þess að eitthvað saknæmt hafi átt sér stað.
Búist er við því að portúgalska ofurstjarnan Cristiano Ronaldo verði með Al Nassr í næsta deildarleik liðsins gegn Al Fateh næstkomandi laugardag.
Fréttastofa RÚV 
Vísir 
Mbl