Fréttastofa RÚV Áfram nokkuð kalt en bætir í vind
Verulega kalt var á landinu í nótt og fór frost víða í tveggja stafa tölur bæði norðan- og sunnan heiða. Það bætir í vind í dag frá því sem var í gær og verður áttin austlæg. Vindhraði verður víða á bilinu 5 til 13 metrar á sekúndu. Syðst á landinu má þó búast við meiri vindhraða eða 13 til 18 metrum á sekúndu. Gera má ráð fyrir lítilsháttar éljum austantil. Þurrt annars staðar að mestu. Á morgun snýst vindátt í norður og norðaustanátt og verður vindhraði 5 til 13 metrar á sekúndu. Frost verður á bilinu 2 til 15 stig, kaldast í innsveitum fyrir norðan. Ljósavatn í Þingeyjarsveit í vetrarbúning.Rúv / Kristófer Óli Birkisson
Aldraðir fluttir af Landspítala á Suðurnesin
Á annan tug aldraðra hafa verið fluttir af Landspítala á Suðurnesin til að losa um legurými á spítalanum. Enn er til skoðunar að tvímenna í einstaklingsherbergi á hjúkrunarheimilum. Aldraðir eru færðir af Landspítala á sjúkrahúsið á Suðurnesjum til að rýmka á spítalanum. Heilbrigðisráðherra segir spítalann þurfa meira fé og skoðar að leigja húsnæði. Til greina kemur að flytja sjúklinga, sem hafa lokið meðferð á Landspítala og bíða eftir að komast á hjúkrunarheimili, á sjúkrahótel. Og því yrði svo fundinn annar staður í leiguhúsnæði. Ýmislegt á teikniborði ráðherra Þetta var rætt á ríkisstjórnarfundi í morgun þar sem staða bráðamóttöku var á dagskrá - en óvíst er hvaða húsnæði verður fyrir valinu. „Það er auðvitað ekki hægt að taka hvaða húsnæði sem er og reka þar heilbrigðisþjónustu,“ segir Alma Möller heilbrigðisráðherra. Aðrar tillögur sem ráðherra kynnti til lausnar vanda bráðamóttöku eru efling heimaþjónustu og að samþætta félagsþjónustu og heimahjúkrun. Áætlað er að 4-5 milljarða vanti í rekstur Landspítala í ár - en við gerð fjárlaga lá ekki fyrir hver fjárþörfin væri sem skýrist fyrst og fremst af kjarasamningi lækna sem tók ár að útfæra. „Þar var munur á því hvað fjármálaráðuneytið áætlaði og spítalinn sjálfur,“ segir Alma. Spurð hvort spítalinn fái meira fé í ár svarar Alma: „Hann fær fyrir matsdeildinni,“ og þar á ráðherra við 20 rúma deild sem opna á við bráðamóttökuna í sumar. „Og síðan finnst mér sem heilbrigðisráðherra engin spurning að bæta kjarasamninga. En það á enn eftir að ákveða hver sú upphæð er.“ 15 hafa verið fluttir á heilbrigðisstofnun Suðurnesja En það þarf að leysa vanda bráðamóttöku hér og nú - hvað er hægt að flytja marga af Landspítala í dag annað? „Það er kannski ekki í dag. En á næstu dögum eru allavegana 17.“ Hvað hefur ráðuneytið gert til að koma fólki af spítalanum núna í vikunni? „Það er verið að ræða við hjúkrunarheimilin og fjölga þar plássum. Síðan eru kragasjúkrahúsin að hjálpa til, ekki síst heilbrigðisstofnun Suðurnesja og þangað var fjöldi sjúklinga fluttur.“ Samkvæmt upplýsingum fréttastofu hafa samtals 15 sjúklingar, sem höfðu lokið meðferð á Landspítala, verið fluttir á Suðurnesin það sem af er þessu ári, þar af tveir í þessari viku. Runólfur Pálsson forstjóri Landspítala hefur sagt að flytja þurfi allt að 70 af spítalanum til að bráðamóttaka geti starfað eðlilega. Og það er enn til skoðunar að tvímennt verði í einstaklingsherbergi á hjúkrunarheimilum. „Það er vissulega ekki alveg búið að skjóta loku fyrir það.“
Rýnt í stöðuna í Úkraínu: Gífurlegt mannfall en litlar breytingar á víglínunni
Rétt tæp fjögur ár eru liðin frá því Rússar hófu allsherjarinnrásina í Úkraínu, eftir margra ára átök milli ríkjanna og tengdra sveita í austurhluta landsins. Harðir bardagar geysa víða í Úkraínu og er mannfall sagt mikið. Rússar hafa þó náð tiltölulega litlum árangri í landvinningum sínum og leggja mikla áherslu á árásir á borgaralega innviði.
Vísir 
Tveir handteknir fyrir stórfellda líkamsárás og vörslu fíkniefna
Lögregluþjónar á höfuðborgarsvæðinu handtóku í nótt tvo menn í Grafarvogi sem grunaðir eru um stórfellda líkamsárás og vörslu fíkniefna. Þá var einnig handtekinn maður í Breiðholti sem grunaður er um líkamsárás, eignaspjöll, hótanir og vopnalagabrot.
Við höldum áfram að gera Ísland öruggara
Ríkisstjórnin tekur hvert skrefið á fætur öðru til að stemma stigu við glæpum í landinu. Skrefin eru misstór en öll skipta þau máli. Nýlega lagði ég fram frumvarp um breytingar á lögum um Schengen-upplýsingakerfið.
Hélt á mynd af látnum foreldrum sínum á úrslitastundu
Bandaríkjamaðurinn Maxim Naumov átti tilfinningaþrungna stund þegar skor hans var tilkynnt á frjálsum æfingu karla á listskautum í gær. Foreldrar Naumov féllu báðir frá í flugslysi fyrir meira en ári síðan í Bandaríkjunum. Naumov hefur haft þann sið að halda uppi mynd úr barnæsku sinni þegar dómarar tilkynna skor hans. Á myndinni sést hann ungur með foreldrum sínum. Vadim Naumov og Evgenia Shishkova urðu heimsmeistarar sem par í listkautum fyrir Rússland árið 1994. Alls fórust 28 foreldrar, þjálfarar og íþróttamenn tengdir bandarískum listskautum í vélinni. Þetta var flugvélin sem klessti á þyrlu í Washington í janúar 2025. Naumov er sagður hafa tjáð foreldrum sínum að draumur hans væri að komast í bandaríska landsliðið áður en þau féllu frá. Hann náði því markmiði og keppti fyrir Bandaríkin á sínum fyrstu Vetrarólympíuleikum í ár. Hann var bronsverðlaunahafi á bandaríska meistaramótinu nýverið. Naumov endaði að lokum í 20. sæti í frjálsum æfingum en Mikhail Shaidorov frá Kasakstan stóð óvænt uppi sem sigurvegari.
Fundu greinileg tengsl – Fólk í blóðflokki B eldist hægar
Öldrunarferli líkamans snýst ekki bara um tíma heldur er þetta flókin blanda erfða, heilbrigðis, vana og umhverfis. Ný rannsókn hefur leitt í ljós að enn einn þáttur kemur við sögu en hefur þó ekki mikil áhrif. Í rannsókninni, sem hefur verið birt í Planet Today, er B blóðflokkurinn tengdur við hægara öldrunarferli af því að líkaminn virðist gera við Lesa meira
DV 
Daníel segir andrúmsloftið hafa verið eins og í jarðarför – „Þetta var bara ömurleg tilfinning, það var ekki reiði heldur bara þögn“
Daníel Hafsteinsson, lykilmaður Íslandsmeistara Víkings, var Gestur Helga Fannars Sigurðssonar í nýjasta þætti af Íþróttavikunni. Daníel var á sínu fyrsta tímabili með Víkingi í fyrra. Liðið var í smá brasi framan af móti en tók svo við sér og rústaði deildinni í raun að lokum. Það varð vendipunktur þegar liðið tapaði Evrópueinvígi við Bröndby úti Lesa meira
Áfram kalt í veðri
Í dag verður austlæg átt 5-13 m/s, en 13-18 m/s syðst á landinu í kvöld. Það verða lítilsháttar él austantil en þurrt að mestu annars staðar.
Mbl 
Grunaðir um stófellda líkamsárás
Tveir menn voru handteknir í Grafarholti í gærkvöld eða í nótt grunaðir um stófellda líkamsárás og vörslu fíkniefna.
Tveir handteknir grunaðir um stófellda líkamsárás
Tveir menn voru handteknir í Grafarholti í gærkvöld eða í nótt grunaðir um stófellda líkamsárás og vörslu fíkniefna.
Trump sendir annað herskip til Mið-Austurlanda
Donald Trump Bandaríkjaforseti hefur sent flugmóðurskipið Gerald R. Ford frá Karíbahafinu til Mið-Austurlanda til að auka enn frekar þrýsting á stjórnvöld í Íran til að skrifa undir nýja kjarnorkusamninga. Bandaríkin og Íran áttu óbeina samningafundi í Óman í síðustu viku. Sérstök sendinefnd Bandaríkjanna með Steve Witkoff og Jared Kushner í broddi fylkingar fundar með samninganefnd Íran í Genf á þriðjudaginn kemur. Fulltrúar frá Óman leiða viðræðurnar, samkvæmt Norska ríkisútvarpinu. Bandaríkjaforseti sagði í gær að stjórnarskipti í Íran væru það besta sem gæti gerst, í viðtali við fréttamenn þegar hann heimsótti herstöð í Norður-Karólínu í gær. Hann neitaði þó að segja hvern hann vildi sjá stjórna í landinu. Það tekur Gerald R. Ford flugmóðurskipið um þrjár vikur að sigla til Mið-Austurlanda. „Ef við náum ekki samningi, þá munum við þurfa að nota það“, sagði Trump.
Dreymir um að hræða íslenska þjóð upp úr skónum
Bragi Þór Hinriksson kvikmyndaleikstjóri stendur í ströngu. Hann er að ganga frá myndinni Röskun en nú lítur út fyrir að hún verði eina „fullorðinsmyndin“ af þessari stærðargráðu sem frumsýnd verður á árinu.
Eitrað bræðralag – hver tapar og hver græðir?
Verðbólga, verðtrygging og stýrivextir hafa myndað eitrað bræðralag í Íslensku efnahagslífi. Þetta er verðhækkunarmaskína sem malar stöðugt: verð hækkar, vextir hækka, verðtrygging hækkar, höfuðstólar verðtryggðra lána blása út og almenningur borgar.