Stórsigur KR á bikarmeisturunum
KR vann frábæran sigur á nýkrýndum bikarmeisturum Keflavíkur, 97:79, í 17. umferð úrvalsdeildar kvenna í körfubolta í kvöld.
Mbl 
Annar landsliðsmaður dregur sig úr hópnum
Aron Elís Þrándarson, leikmaður Víkings, hefur dregið sig úr landsliðshóp Íslands sem mætir Mexíkó í vináttuleik í lok mánaðar vegna meiðsla. Sölvi Geir Ottesen, þjálfari Íslandsmeistaranna, staðfestir þetta í samtali við Fótbolta.net. Aron er að snúa til baka eftir krossbandaslit en fékk bakslag og meiddist í kálfa. Aron Sigurðarson hjá KR hafði áður dregið sig Lesa meira
DV 
„Kerfisvilla“ tafði launagreiðslur
Ekki hefur fengist almennileg skýring á því af hverju hluti þeirra sem fengu úthlutað listamannalaunum þetta árið fékk ekki útborgað í byrjun mánaðarins.
„Kerfisvilla“ tafði launagreiðslur
Ekki hefur fengist almennileg skýring á því af hverju hluti þeirra sem fengu úthlutað listamannalaunum þetta árið fékk ekki útborgað í byrjun mánaðarins.
Réðst á fyrrverandi kærasta sinn eftir sambandsslit
Kona hefur verið dæmd í 30 daga skilorðsbundið fangelsi fyrir að ráðast á fyrrverandi sambýlismann sinn. Hún lýsti mikilli vanlíðan í kjölfar sambandslita þeirra tveggja.
Vísir Alþjóðlegt samstarf lykilatriði í baráttunni gegn skipulagðri brotastarfsemi
„Þegar við erum að berjast við skipulagða brotastarfsemi, þá verðum við að taka þátt í alþjóðlegu samstarfi. Annars náum við ekki árangri,“ segir Kolbrún Benediktsdóttir, fulltrúi Íslands hjá Eurojust. 24 voru handteknir í samræmdum aðgerðum Europol gegn skipulagðri glæpastarfsemi, þar af ellefu á Íslandi. Unnið hefur verið að rannsókninni í tæpt ár en hún teygir anga sína til Litháens og Spánar. Lögregla hefur notið aðstoðar Europol og Eurojust við rannsóknina. Kolbrún vonar að slík rannsóknarsamvinna hafi áhrif á fíkniefnaflutning til Íslands. „Við teljum okkur hérna vera að fara í þá sem standa á bak við og eru að skipuleggja innflutning fíkniefna til landsins. Vonandi hefur það, og ég hef trú á því að það hafi, einhver áhrif.“ Saksóknarar frá yfir 40 ríkjum vinna saman hjá Eurojust. Boðleiðir styttast með þessari samvinnu, segir Kolbrún. Auðveldara sé að deila rannsóknargögnum við rannsóknir sem mörg ríki koma að. Þetta er eitt af fyrstu málunum sem þar sem Ísland hefur aðkomu að sameiginlegum rannsóknarteymum Eurojust. „Við getum þá með miklu einfaldari hætti skipst á rannsóknargögnum og sönnunargögnum, í stað þess að þurfa að senda þau með flóknum ferlum eins og réttarbeiðnum. Þá getum við rannsakað málin samhliða í þessum löndum og unnið saman, skipst á rannsóknargögnum, sem auðvitað einfaldar framhald málsins.“ Gögnin nýtast þá síðar við málsmeðferð í viðkomandi ríkjum. Kolbrún segir fjölþjóðlega hópa sem stunda skipulagða glæpastarfsemi starfa þvert á landamæri. Þá þurfi yfirvöld að geta gert það líka. „Þegar við erum að berjast við skipulagða brotastarfsemi, þá verðum við að taka þátt í alþjóðlegu samstarfi. Annars náum við ekki árangri.“ Fjölþjóðlegir hópar stunda glæpastarfsemi þvert á landamæri og það kallar á samvinnu yfirvalda í mismunandi ríkjum, segir fulltrúi Íslands hjá Eurojust. 24 voru handteknir í samræmdum aðgerðum Europol, þar af 11 á Íslandi.
Fréttastofa RÚV 
Var að máta föt á Tene þegar hann frétti af vinningnum
Einn heppinn miðahafi Happdrættis Háskóla Íslands var að máta föt í verslun á Tenerife þegar starfsmaður happdrættisins hringdi og tilkynnti honum að hann hefði unnið eina milljón króna í útdrætti dagsins.
„Má ekkert segja um þessa dómara en þetta var hræðilegt“
Stjarnan tapaði gegn Haukum á heimavelli 71-74 eftir að hafa verið yfir nánast allan leikinn. Ólafur Jónas Sigurðsson, þjálfari Stjörnunnar, var afar ósáttur út í dómgæslu leiksins.
Börsungar með Viktor Gísla í rammanum völtuðu yfir Alicante
Íslenski landsliðsmarkvörðurinn Viktor Gísli Hallgrímsson og félagar hans í stórliði Barcelona áttu ekki í neinum vandræðum með lið Alicante í spænsku úrvalsdeildinni í handbolta í kvöld og unnu að lokum nítján marka sigur 51-32.
Elliði Snær markahæstur í mikilvægum sigri
Elliði Snær Viðarsson átti frábæran leik er lið hans Gummersbach, sem spilar undir stjórn Guðjóns Vals Sigurðssonar, gerði sér lítið fyrir og lagði Flensburg í stórleik kvöldsins í þýsku úrvalsdeildinni í handbolta.
Kynlífsmyndband vakti mikla athygli – Íslendingar þekkja tökustaðinn vel
Það er komið víða við í upprifjun The Upshot á hneykslismálum í frönskum fótbolta, en síðan sérhæfir sig í því sem gerist utan vallar í íþróttum. Það er byrjað í París, en lið Paris Saint-Germain innihélt nær eintómar stjörnur fyrir aðeins nokkrum árum. Hefur það breyst nokkuð síðan. Menn eins og Lionel Messi, Kylian Mbappe, Lesa meira
Gámar af fiski strand í Evrópu
Nýtt veiðivottunarkerfi ESB var tekið í notkun 10. janúar á þessu ári. Upp hafa komið ýmis vandamál í kerfinu sem orðið hafa til þess að fiskur hefur safnast upp í evrópskum höfnum
Listaverkið sent í viðgerð
Listaverkið Trúarbrögðin var sagað af stöpli sínum við Valhúsahæð á Seltjarnarnesi í morgun og flutt til Kópavogs í viðgerð.
Fiskúrgangi fargað á útivistarsvæði: „Þetta er náttúrulega bara viðbjóður“
Hundaeigendur hafa áhyggjur af dularfullum fiskúrgangi sem hefur verið fargað á útivistarsvæði í nágrenni við Sólheimakot í Mosfellsbæ, þar sem alls kyns sjávarfang, svo sem makríll og krabbar, hefur fundist í hrúgum. Einn hundur varð verulega veikur eftir að hafa komist í úldinn fisk á svæðinu.
Væntir þess að ICE hörfi á næstu dögum
Tim Walz, ríkisstjóri Minnesota, segist vonast til þess að fordæmalausri aðgerð alríkislögreglu Bandaríkjanna í innflytjendamálum, sem nú stendur yfir í ríkinu, muni ljúka innan fárra daga.
Dregur úr fordómum í garð geðsjúkdóma
Verulega hefur dregið úr fordómum í garð geðsjúkdóma á undanförnum áratugum. Þetta sýna niðurstöður rannsóknar á vegum Geðhjálpar sem kynnt var í dag. Í rannsókninni var meðal annars spurt út í viðhorf almennings til fólks með geðrænan vanda og þátttöku þeirra í samfélaginu. Árið 2006 töldu 29 prósent svarenda að fólk með þunglyndi ætti ekki að fá að gegna opinberum embættum. Hlutfallið var komið niður í 15 prósent fyrir fjórum árum og niður í 14 prósent í fyrra. Einnig var spurt um fólk með geðklofa. Þar er almennt meira um fordóma. Árið 2006 töldu 48 prósent að manneskja með geðklofa ætti ekki að fá að kenna börnum. Hlutfallið var komið niður í 36 prósent fyrir fjórum árum og 18 prósent í fyrra. Spurt var um fleiri atriði í rannsókninni og í öllum tilvikum dró úr fordómum í garð fólks með geðsjúkdóma. Sigrún Ólafsdóttir, prófessor í félagsfræði við Háskóla Íslands sem stýrði rannsókninni, segir aukna vitund um eðli geðsjúkdóma skýra þessa þróun að miklu leyti. „Við erum að sjá að frá 2022 til 2025 þá hefur dregið verulega úr fordómum gagnvart geðklofa og svo framarlega sem ég veit þá er það hreinlega í fyrsta skipti sem við sjáum það gerast á heimsvísu,“ segir Sigrún. „Og við erum líka að sjá að þær leiðir sem hafa verið notaðar í geðheilbrigðisumræðu á Íslandi undanfarna tvo áratugi og hafa orðið sterkari á síðustu árum eru að skila árangri varðandi fordóma,“ segir Sigrún. Grímur Atlason framkvæmdastjóri Geðhjálpar segir að þrátt fyrir að dregið hafi úr fordómum sé baráttunni ekki lokið. „Það kemur auðvitað fram í þessari könnun að það eru fordómar til staðar í samfélaginu. Það er mismunun til staðar. Hún kemur oft út frá vanþekkingu og óttanum við hið óþekkta og hið skrítna,“ segir Grímur.