Add source Login
Bæjarstjóri Bolungarvíkur hyggst hætta eftir kosningar

Bæjarstjóri Bolungarvíkur hyggst hætta eftir kosningar

Jón Páll Hreinsson, bæjarstjóri í Bolungarvík, ætlar ekki að sækjast eftir áframhaldandi ráðningu eftir sveitarstjórnarkosningar í vor. Þetta tilkynnti hann á samfélagsmiðlum í morgun. Jón Páll hefur verið bæjarstjóri Bolungarvíkurkaupstaðar í tíu ár í vor. Hann segir ákvörðunina hvorki byggða á vantrausti né ósætti heldur sé ákvörðunin um að leita á ný mið persónuleg. Í vor nær Jón Páll þeim áfanga að hafa starfað sem bæjarstjóri í Bolungarvík í tíu ár.RÚV / Jóhannes Jónsson

Alexandra Helga lokar Míu

Alexandra Helga lokar Míu

Alexandra Helga Ívarsdóttir hefur ákveðið að loka barnafataverslun sinni Míu. Verslunina opnaði hún árið 2022 með vinkonu sinni Móeiði Lárusdóttur, en síðar tók Alexandra Helga alfarið yfir reksturinn. Alexandra Helga tilkynnti um lokunina á samfélagsmiðlum. „Eftir þó nokkra yfirlegu og umhugsun hef ég ákveðið að komið sé að leiðarlokum í einu skemmtilegasta ferðalagi sem ég Lesa meira

Gömul saga og ný að stjórnmálamenn skipti um flokk

Gömul saga og ný að stjórnmálamenn skipti um flokk

Línur eru farnar að skýrast á framboðslistum fyrir sveitarstjórnarkosningarnar í vor og það er ljóst að töluverð endurnýjun verður í forystu flokkanna í borginni. Þar hafa átta flokkar kynnt oddvita sína. Í þessu samhengi var það sérstaklega rætt - og vakti töluverða athygli - í vikunni að staðan er nú þannig að fimm af þessum oddvitum hafa með einum eða öðrum hætti tekið þátt í starfi Sjálfstæðisflokksins - þótt verulegur munur sé á þátttökunni og hversu langt er liðið síðan. Í Þetta helst í dag er rætt um það þegar stjórnmálamenn skipta um flokk. Rætt er við Guðmund Heiðar Helgason, almannatengil, og Sigurð Pétursson, sagnfræðing. Nokkuð hefur verið rætt um fjölda oddvita í framboði í Reykjavíkurborg sem hafa með einum eða öðrum hætti tekið þátt í starfi Sjálfstæðisflokksins. Almannatengill segir margar breytur ráða því hvernig almenningur metur fortíð frambjóðenda. „Þetta er áhugaverð umræða og ég skil alveg að fólk sé að taka þetta saman. Þetta er fólk sem tengdist Sjálfstæðisflokknum á einhvern hátt áður,“ segir Guðmundur Heiðar. Erfitt sé þó að segja til um áhrif slíkrar fortíðar á viðhorf til frambjóðenda. „Það er háð ótrúlega mörgum breytum hvernig kjósendur upplifa viðkomandi. Það er ákveðin forsaga málsins, getur verið háð tímasetningu, hversu róttæk skiptin voru og svo einmitt þessi hughrif kjósenda, hvort þeir finni lykt af tækifærismennsku eða hvort þetta sé í raun og veru alvöru prinsip afstaða.“ „Það eru mörg tilfelli þar sem fólki kannski finnst að flokkurinn hafi yfirgefið sig, flokkurinn passi ekki við þeirra áherslur. Mínar áherslur eru þær sömu en það er flokkurinn sem fór í aðra átt. Það er til dæmis alveg gott dæmi um það að frambjóðandi sé að stilla sér upp sem ekta valkost, hugsjónarmanneskju, þó svo að undir niðri sé kannski einhver tækifærismennska.“ Sigurður Pétursson, sagnfræðingur, segir að það sé gömul saga og ný að stjórnmálamenn skipti um flokk eða slíti pólitískum barnsskónum í tilteknum flokki áður en haldið er í annan. Þá gæti slíkum tilfellum fjölgað. „Nú erum við komin með átta flokka að minnsta kosti í stað þess að vera áður með fjóra flokka og þá verður bilið milli flokkanna ansi lítið,“ segir Sigurður. „Sjónarmunurinn er kannski ekki svo mikill og þá er kannski bara hending hvar fólk velur að starfa, en pólitík er líka að grípa tækifærin þannig að þegar tækifæri opnast þá stökkva persónur fram á sjónarsviðið þar sem þeir telja sig geta náð einhverjum árangri.“ Nánar er farið yfir þessi mál og rætt við Sigurð og Guðmund í Þetta helst í dag.

Sprenging á Reyðarfirði mældist á jarðskjálftamælum

Sprenging á Reyðarfirði mældist á jarðskjálftamælum

Öflug sprenging skaut Reyðfirðingum skelk í bringu í gærkvöld. Hús nötruðu og skjálfti kom fram á mælum. Íbúi segir kurteisi að láta fólk vita áður en sprengt sé í efnisnámu nærri útivistarsvæði. „Klukkan var nákvæmlega 18.31 samkvæmt jarðskjálftamælum. Þá erum við á göngu þarna og heyrum greinilega sprengingu. Við upplifðum hana talsvert nálægt okkur. Jörðin hristist og mikill kraftur í henni,“ segir Anna Berg Samúelsdóttir náttúru- og landfræðingur sem býr á Reyðarfirði. Óttuðust að eitthvað hefði komið fyrir í álverinu Þau hafi ákveðið að haska sér í burtu eins og hún orðar það enda hafi gripið þau óhugur. „Hundurinn varð mjög hræddur. Fyrstu viðbrögð voru að það hefði eitthvað gerst úti í álveri og þá kom svona virkilega þungur óhugur í mann. Hvort það hefði orðið einhver sprenging þar því að það getur verið svo gríðarlega alvarlegt mál. En svo fórum við að finna svona sérkennilega lykt. Svolítið eins og af jarðvegi og þá fór okkur að gruna að þetta hefði nú kannski verið framkvæmd í námu eða á athafnasvæði,“ segir Anna Berg. Frekari sprengingar í dag og á morgun Fjarðabyggð segir að Nestak hafi sprengt í efnisnámu vestan við álverið með leyfi sveitarfélagsins. Fyrirtækið segir að það verði líka sprengt í dag og á morgun klukkan 17. Þarna hafi verið sprengt annað slagið síðan í sumar. Fjarðabyggð taldi ekki ástæðu til að setja upp hljóðmerkjakerfi eða vera með viðbúnað vegna fjarlægðar frá íbúabyggð. Lögreglan á Austurlandi fékk tilkynningu frá íbúum um sprenginguna og fer yfir leyfismál og framhald á verkinu. Ekki má sprengja nema með leyfi lögreglustjóra og uppfylla þarf önnur skilyrði í reglugerð. Kurteisi að vara íbúana við Anna Berg skrifaði um sprenginguna á Facebook og fékk viðbrögð frá öðrum Reyðfirðingum. „Það eru einhverjir sem hafa fundið fyrir þessu hér inni í bæ, fundið fyrir hristingi inni í húsi. Samkvæmt Veðurstofunni og jarðskjálftamælum þá er þetta 1,4 stig. Ef sprenginga er þörf vegna framkvæmda þá er eðlilegasti hlutur að láta íbúa vita svo að við getum valið okkur önnur svæði til að stunda útivist. Það er bara eðlileg kurteisi og mannasiðir ef það eru framkvæmdir sem geta hreyft við okkur íbúunum,“ segir Anna Berg. Hún hefur skoðað námuna á kortasjá og segir hana í um 500 metra fjarlægð frá gönguslóðanum þar sem þau voru. 230 metrar eru í þjóðveginn og 2,2 kílómetrar í ystu húsin í bænum.

Veruleg fjölgun í íslenskum málum hjá Eurojust

Veruleg fjölgun í íslenskum málum hjá Eurojust

24 voru handteknir, þar af 11 á Íslandi, í umfangsmikilli aðgerð þriggja Evrópuríkja í síðustu viku. Handtökurnar eru hluti af af rannsókn sem hefur staðið í meira en ár, meðal annars á vegum sameiginlegs rannsóknarteymis hjá Eurojust. Um er að ræða eitt fyrsta skiptið sem Ísland tekur þátt í slíku teymi.

Engin stig fást fyrir glæfralegt stökk sem var bannað í hálfa öld

Engin stig fást fyrir glæfralegt stökk sem var bannað í hálfa öld

Bandaríski listskautakappinn Ilia Malinin hefur vakið athygli fyrir afturábak heljarstökk á skautasvellinu á vetrarólympíuleikunum, stökk sem var bannað í 50 ár. Enn meiri athygli vekur að engin stig fást fyrir stökkið hættulega. Malinin er 21 árs bandarískur listskautari sem er að keppa á sínum fyrstu ólympíuleikum. Hann skaust upp á stjörnuhimininn fyrir þremur árum þegar hann varð fyrstu í sögunni til að lenda stökki sem nefnist fjórfaldur Axel. Stökkið var talið nær ógerlegt en nú hafa fleiri skautarar leikið það eftir. Malinin tryggði Bandaríkjamönnum gull í liðakeppni en mesta athygli vakti þegar hann framkvæmdi afturábak heljarstökk sem hefur verið bannað í 50 ár sökum þess hve hættulegt það er. Ásdís Rós Clark, íþróttastjóri listskautadeildar Skautafélags Reykjavíkur, segir ríkar ástæður fyrir því að stökkið var bannað á sínum tíma. „Fólk vill í rauninni bara ekki að börn séu að æfa þetta,“ sagði Ásdís í Morgunútvarpinu á Rás 2. Glæfralegt heljarstökk, sem var bannað í hálfa öld, hefur vakið athygli á skautasvellinu á Vetrarólympíuleikunum. Stökkið tryggir ekki verðlaun því engin stig fást fyrir framkvæmdina. Ásdís hefur sjálf keppt listskautum, þjálfað og dæmt á alþjóðlegum vettvangi. „Á skautum erum við að snúast í kringum okkur sjálf en að fara aftur á bak á skautasvelli sem er á steyptri plötu, það segir sig sjálft að það er stórhættulegt þegar kemur að höfuðmeiðslum. Við erum ekki með hjálma eða ekki neitt.“ Stökkið var leyft aftur í keppni fyrir tveimur árum til að auka vinsældir keppnisgreinarinnar. Engin stig fást fyrir að framkvæma stökkið. „Þeir hafa alveg nokkrir verið að gera þetta í sýningum í gegnum árin. Í rauninni hafa ekki margar konur gert þetta. Það var ein þekkt kona sem framkvæmdi þetta á Ólympíuleikunum, Surya Bonaly, 1998. Það var líka flex hjá henni, því að þá mátti þetta ekki. Hún var að senda skilaboð því hún var svört kona í mjög hvítu samfélagi,“ segir Ásdís. Þó að stökkið gefi ekki stig undirstrikar það hversu góður keppandinn er, og Malinin hikar ekki við að sýna snilli sína. Hann stígur næst út á ísinn á föstudag.