Add source Login
Söfnun hafin fyrir Kjartan sem berst fyrir lífi sínu í Suður-Afríku

Söfnun hafin fyrir Kjartan sem berst fyrir lífi sínu í Suður-Afríku

Hafin er söfnun fyrir Kjartan Guðmundsson, mann sem liggur þungt haldinn á spítala í Suður-Afríku eftir umferðaslys þar í landi. Hann er faðir drengs sem er í fíknimeðferð hjá stofnuninni Healing Wings í Suður-Afríku. Þrír íslenskir drengir hafa undanfarið verið í meðferð hjá stofnuninni. Mæður þeirra sendu þá þangað eftir að hafa mætt lokuðum dyrum á Íslandi. Fjölskylda eins þeirra hélt utan í síðustu viku til að vera með honum yfir hátíðirnar. Fjölskylda drengsins var nýkomin til Suður-Afríku þegar þau lentu í alvarlegu bílslysi. Það er Ómar Sigurðsson, vinur Kjartans, sem blés til söfnunarinnar í dag á Facebook-síðu sinni. Hann segir ljóst að ef Kjartan nær sér bíði hans löng og krefjandi endurhæfing. „Við viljum gera allt sem í okkar valdi stendur til að vera til staðar fyrir Kjartan og fjölskyldu hans,“ segir Ómar í færslu sinni og bendir öllum þeim sem vilja leggja Kjartani og fjölskyldu hans lið að þau geti lagt inn á reikning Sigurvalda, bróður Kjartans. Reikningsnúmer Sigurvalda er: 0123-15-238284 Kennitala: 260790-2939 Áður hefur verið blásið til söfnunar fyrir móður drengsins sem standa. Ingibjörg Einarsdóttir, vinkona hennar, blés til þeirrar söfnunar.

Tveir hafa látið lífið í óveðrinu í Svíþjóð

Tveir hafa látið lífið í óveðrinu í Svíþjóð

Tveir hafa látið lífið vegna óveðursins Jóhannesar, sem gekk yfir Svíþjóð í nótt og í morgun. Sænska ríkisútvarpið SVR greinir frá þessu . Sá fyrsti var karlmaður á fimmtugsaldri, sem varð fyrir tré þegar hann var úti á gangi rétt yfir utan Sandviken, norður af Stokkhólmi. Annar maður lést eftir að hann festist undir tré í bænum Härnösand sem er við austurströnd Svíþjóðar. Á vef SVT segir að talið sé að maðurinn hafi verið að störfum á svæðinu þegar Jóhannes gekk yfir. Þar kemur fram að vinnuveitandi mannsins hafi staðfest dauðsfallið en að lögregla hafi ekki gert það. Óveðrið Jóhannes hefur valdið miklum skaða í Svíþjóð og Noregi.EPA / Nisse Schmidt

Greindist með ristilkrabbamein 24 ára: Hunsaði einkennin og hvetur aðra til að gera ekki sömu mistök

Greindist með ristilkrabbamein 24 ára: Hunsaði einkennin og hvetur aðra til að gera ekki sömu mistök

Ung kona sem greindist með þriðja stigs ristilkrabbamein aðeins 24 ára gömul hvetur fólk til að hunsa ekki viðvörunarmerki líkamans, líkt og hún segist sjálf hafa gert. Konan, Paige Seifer, verkfræðingur í Denver í Colorado, segir að hún hafi lengi litið fram hjá einkennum sem síðar reyndust vera alvarleg. Mail Online greindi nýverið frá sögu Lesa meira

Sjáðu fyrsta mark Wirtz fyrir Liverpool

Sjáðu fyrsta mark Wirtz fyrir Liverpool

Florian Wirtz skoraði í dag sitt fyrsta mark fyrir Liverpool en hann kom til félagsins í sumar. Wirtz hefur verið að koma sér í gang síðustu mánuði en átti fínasta leik í 2-1 sigri gegn Wolves. Hann skoraði fínt mark eftir sendingu frá Hugo Ekitike og vonandi fyrir þá rauðklæddu er þetta aðeins eitt af Lesa meira

Auðvelt að svindla á kílómetragjaldinu

Auðvelt að svindla á kílómetragjaldinu

Auðvelt er að eiga við akstursmæla í bílum með einföldum búnaði. Mikið hefur verið leitað til Félags íslenskra bifreiðaeigenda vegna kílómetragjaldsins, því fólk vill fá að vita hvernig eigi að skrá réttar upplýsingar, og eins hefur borið á því að fólk velti fyrir sér hvernig hægt sé að svindla á kerfinu. FÍB varar þó við því að fólk grípi til slíkra aðgerða til að lækka möguleg útgjöld, slíkt flokkist undir skjalafals og skattalagabrot og við því eru ströng viðurlög. Björn Kristjánsson, tækniráðgjafi hjá FÍB, segir að til séu margar leiðir til að hafa áhrif á kílómetramæla í bílum. „Okkur hefur verið bent á að það er bæði hægt að frysta mælana, stöðva talningu á þeim með tiltölulega auðveldum búnaði, og síðan er líka hægt að skrúfa mæla til baka og jafnvel taka þá úr sambandi,“ segir Björn. „Þetta er auðvitað misjafnt á milli bílaframleiðenda og þetta verður erfiðara eftir því sem bílar eru nýrri.“ Auðvelt er að eiga við akstursmæla í bílum með einföldum búnaði. Félag íslenskra bifreiðaeigenda varar þó við því að fólk grípi til slíkra aðgerða til að lækka útgjöld vegna kílómetragjaldsins. Þarf að skrá kílómetrastöðu fyrir 20. janúar Kílómetragjaldið nær til allra ökutækja, er lægst 6,95 krónur fyrir hvern ekinn kílómetra og fer svo stighækkandi eftir þyngd bifreiða. Fjárhæðin byggist á áætlun um meðalakstur, sem unnin er út frá skráningum á kílómetrastöðu sem skila þarf inn í síðasta lagi 20. janúar á mínum síðum á vefsvæðinu island.is. Hægt er að skrá akstur mánaðarlega, en einnig dugar að reiða sig á árlega skráningu þegar farið er með bíl í skoðun og er gjaldið þá áætlað. Mjög erfitt er fyrir skoðunarstöðvar að sjá hvort átt hefur verið við kílómetramæla og starfsmönnum ber einungis skylda til að skrá þá tölu sem sést í mælaborði. „Ef þú ekur 20.000 km á ári, og þú setur mælinn í 5.000 km, þá er kannski engin leið fyrir skoðunarmann að átta sig á því hvað þú ert að aka mikið. En ef upp kemst þá verður það skráð í gögn bílsins og það er eitthvað sem enginn vill hafa á vottorði bílsins, að það sé búið að eiga við hraðamælinn í bílnum,“ segir Björn. Ströng viðurlög ef upp kemst um svindl Björn bendir á að kílómetrastaðan sé ekki skráð í eina tölvu í bílnum heldur í nokkrar, þannig að ef átt er við mælingu er líklegt að misræmið komist upp. Eins er kílómetrastaða skráð á fleiri stöðum en við árlega skoðun bíla, til að mynda þegar farið er með bifreiðir í þjónustuskoðun og við kaup og sölu, og þar gætu ummerki um aukabúnað og misvísandi skráningar vakið athygli. Tæpt ár er liðið síðan eigendum rafbíla var gert að skrá ekna kílómetra og greiða kílómetragjald, og FÍB hefur ekki fengið neinar ábendingar um að svindlað hafi verið á því kerfi. Björn bendir á að fólk sé ekki að spara sér stórar fjárhæðir með því að eiga við akstursmæla í bílum og ítrekar að viðurlög geti verið um 500 þúsund króna sekt, eða allt að tífaldur áætlaður akstur. „En ef fólk hefur mikinn áhuga á þessu, þá er þetta bara hreint og beint skjalafals og skattalagabrot, að eiga við mælinn. Við mælum ekki með því að fólk fari í þessar æfingar,“ segir Björn.