Ráðamenn og verktakar tóku í dag fyrstu skóflustungu að nýju uppbyggingarverkefni í Hafnarfirði þar sem reistar verða tæplega fjögur hundruð íbúðir, þar á meðal þriðjungur fyrir fyrstu kaupendur sem fá hlutdeildarlán.
Skóflustunga var tekin að nýju uppbyggingarverkefni við Hjallahraun í Hafnarfirði í dag sem felur í sér uppbyggingu 390 íbúða. Í fyrsta áfanga uppbyggingarinnar verða byggðar 177 íbúðir og þar af eru að minnsta kosti 60 íbúðir ætlaðar fyrstu kaupendum í gegnum hlutdeildarlán. Verkefnið hefur verið í bið en er nú farið af stað, í kjölfar fyrsta húsnæðispakka ríkisstjórnarinnar og breytingum á fyrirkomulagi hlutdeildarlána. „Breytingarnar sem við gerðum nýverið á hlutdeildarlánakerfinu gjörbreyta stöðunni. Með því að ríki, sveitarfélög og uppbyggingaraðilar gangi sameinuð til verks rjúfum við kyrrstöðuna og tryggjum framboð á íbúðum sem henta fyrstu kaupendum,“ er haft eftir Ragnari Þór Ingólfssyni, félags- og húsnæðismálaráðherra, í fréttatilkynningu um uppbygginguna. Ragnar Þór tók skóflustunguna ásamt Hermanni Jónassyni, forstjóra Húsnæðis- og mannvirkjastofnunar, Pálmari Harðarsyni, framkvæmdastjóra Þingavangs, Kristínu Hrönn Guðmundsdóttur, aðstoðarbankastjóra Íslandsbanka, og Valdimari Víðissyni, bæjarstjóra Hafnarfjarðar. „Við höfum lagt áherslu á það frá upphafi að hér verði fjölbreyttar íbúðir sem henta öllum í samfélaginu,“ segir Valdimar. „Það er gleðilegt að sjá gott samstarf á milli byggingarverktakanna og ríkisstjórnarinnar í þessu verkefni,“ er haft eftir Valdimari. Þá hafi bæjarfélagið átt í góðu samstarfi við Þingvang og sýnt sveigjanleika hvað varðar skipulagsmál, segir bæjarstjórinn. „Ekki hefur slegið slöku við í íbúðauppbyggingu hér í Hafnarfjarðarbæ síðustu ár og við ætlum að axla þá ábyrgð áfram.“ Verkefnið er það fyrsta sem stjórnvöld og byggingaraðilar ráðast sameiginlega í eftir að húsnæðispakki ríkisstjórnarinnar var kynntur. Um þriðjungur íbúðanna er ætlaður fyrstu kaupendum í gegnum hlutdeildarlán. Íbúðum fjölgað frá fyrri hönnun Byggingarfyrirtækið Þingvangur hafði undirbúning að uppbyggingu á íbúðum í Hjallahrauni en hætti við verkefnið um mitt ár 2024, vegna hárra vaxta og óvissu um sölu. „Nú hefur Þingvangur endurhannað fyrsta áfanga verkefnisins svo að a.m.k. 60 íbúðir passi inn í ramma hlutdeildarlána. Íbúðunum hefur því fjölgað og meðalstærð þeirra minnkuð frá fyrri hönnun,“ segir í fréttatilkynningunni. Samkvæmt viljayfirlýsingu sem var undirrituð í dag er samstarfið á milli stjórnvalda og uppbyggingaraðila grundvöllur þess að hægt sé að fara af stað með verkefnið. „Þingvangur hefur beðið lengi eftir að geta hafið þessa uppbyggingu og núna er það mögulegt þegar félags- og húsnæðismálaráðherra leggst á vogarskálarnar með okkur ásamt Hafnarfjarðarbæ, fjárfestum og Íslandsbanka,“ er haft eftir Pálmari Harðarsyni, framkvæmdastjóra Þingvangs, í fréttatilkynningunni. „Þetta er í fyrsta sinn sem komin er einhver mynd af forsölusamningi fyrir okkur uppbyggingaraðilana til að geta akkerað verkefnin í upphafi og hannað íbúðirnar sérstaklega fyrir hlutdeildarlánin og líka fyrir almenna markaðinn því við viljum gera allar gerðir íbúða fyrir öll.“
„Verðbólgan og vaxtastigið eru löngu farin að bíta illilega og þessi aukna skattheimta í boði ríkisstjórnarinnar kemur því illa við heimilin í landinu,“ sagði þingmaður Sjálfstæðisflokksins í sérstakri umræðu um stöðu barnafjölskyldna á þingfundi í dag.
Guðrún Johnsen, deildarforseti viðskiptadeildar Háskólans á Bifröst, segir það mikinn missi fyrir háskólann að Margrét Jónsdóttir Njarðvík, rektor skólans, hafi sagt af sér.
Stjarnan tekur á móti Íslandsmeisturum Hauka í Bónus-deild kvenna í körfubolta. Sigur kæmi Haukum á toppinn, að minnsta kosti tímabundið.
Lára G. Sigurðardóttir læknir og doktor í lýðheilsuvísindum, er kona að mínu skapi. Hún hefur skrifað nokkrar flottar greinar um afleiðingar óhóflegrar áfengisneyslu og áfengisstefnu Íslands upp á síðkastið hér í skoðanagreinum. Það hafa einnig Valgerður Rúnarsdóttir, fíknlæknir, Sigurdís Haraldsdóttir, krabbameinslæknir og Hjalti Már Björnsson, bráðalæknir, gert.
Fimmtán slammarar stigu á svið í Borgarbókasafninu í Grófinni.
Héraðssaksóknari hefur gefið út ákæru gegn fjórum karlmönnum sem hafa staðið að innflutningi og dreifingu kannabis hér á landi. Ákæran er í nokkrum liðum og eru sakir gegn mönnunum mismiklar eftir þætti þeirra í brotunum. Brotin eru talin liður í skipulagðri brotastarfsemi, en ákærður stóðu að innflutningi að miklu magni marijúana frá Bandaríkjunum sem greinilega Lesa meira
Arsenal er áfram spáð tittlinum í nýrri spá Ofurtölvunnar og Chelsea er komið inn í topp fjóra. Manchester United hefur stórbætt sig undir stjórn Michael Carrick en er þó spáð fimmta sætinu, sem dugir hins vegar að öllum líkindum til að komast inn í Meistaradeildina. Í fallsætum Ofurtölvunnar eru West Ham, Burnley og Wolves, en Lesa meira
Kona hefur verið sakfelld fyrir líkamsárás gegn fyrrverandi sambýlismanni sínum en fram kemur í dómi Héraðsdóms Reykjavíkur að konan hafi glímt við mikla vanlíðan eftir að slitnaði upp úr sambandinu. Árásin átti sér stað í ágúst 2024 innandyra á Seltjarnarnesi. Konan var ákærð fyrir líkamsárás með því að sparka ítrekað í fótlegg mannsins með þeim Lesa meira
Yfir 70% 9 ára barna eiga farsíma og 54% þeirra eiga leikjatölvu. Þetta er meðal þess sem kemur fram í niðurstöðum nýrrar rannsóknar á vegum Menntavísindasviðs Háskóla Íslands og Fjölmiðlanefndar. 75% stúlkna í framhaldsskóla segjast eyða miklum tíma á netmiðlum en hlutfallið er 66% hjá strákum. Könnunin var lögð fyrir nemendur í 59 grunnskólum og 24 framhaldsskólum í september. Yngstu þátttakendurnir voru nemendur í 4.bekk. Þetta er í þriðja sinn sem þessi rannsókn er framkvæmd. Yfir 40% barna frá 11 ára aldri segja foreldra sína hjálpa sér að stofna reikning á samfélagsmiðlum, jafnvel þótt miðlarnir séu bannaðir yngri en 13 ára. Þetta kemur fram í nýrri rannsókn. Hlutfall þeirra sem eiga farsíma hefur lækkað Málþing um samfélagsmiðla- og snjallsímanotkun barna og ungmenna var í Hátíðarsal Háskóla Íslands í dag. Þar kom fram að um og yfir 80% allra barna nota miðilinn Youtube reglulega. 6% barna í 4-7.bekk nota samfélagsmiðilinn Instagram en í framhaldsskóla er hlutfallið komið upp í 90%. Meirihluti svarenda segir að foreldrar sínir hafi kennt sér á samfélagsmiðla. Í september var í fyrsta sinn spurt út í notkun á gervigreind. Niðurstöður sýna að börn, allt niður í 9 ára, nota gervigreind meðal annars til að eiga við hana samskipti. Þóra Jónsdóttir og Ingibjörg Kjartansdóttir eru meðal þeirra sem stóðu að rannsókninni. Þær segja að samfélagsmiðlar séu almennt ekki fyrir börn yngri en 13 ára og hlutfall þeirra sem eru yngri en 13 ára hefur fækkað á samfélagsmiðlum, miðað við það sem var áður. Þó sýna niðurstöður rannsóknarinnar að stór hluti barna hefur fengið aðstoð foreldra við að stofna reikning á samfélagsmiðlum. Ingibjörg segir það þó ekki endilega vera neikvætt. Niðurstöðurnar geti einnig verið að sýna að forvarnir og fræðsla til foreldra sé að skila sér. „Fyrst fannst mér þetta ekki fallegar tölur. En svo var ég að velta fyrir mér, því við viljum að foreldrar eigi samtal við börnin sín um samfélagsmiðlanotkun. Hvort það gæti ekki verið að allavega hluti af þessum foreldrum séu góðu foreldrarnir sem eru að sýna börnum og lóðsa þau um hvernig þau eigi að nota þau.“ Yrði glöð ef snjallsímar og samfélagsmiðlar yrðu bannaðir á morgun Kamilla Inga Ellertsdóttir er ein þeirra sem var með erindi á málþinginu í dag. Hún segist sjálf aðallega nota samfélagsmiðilinn Snapchat. Hún vinnur með börnum og segist sjá aukningu í að ung börn, allt niður í 8 ára, séu með stóra snjallsíma og á samfélagsmiðlum. Að hennar mati þarf samfélagið að leysa þetta vandamál í heild. „Ekki bara klína því á ungmenni séu of mikið í símanum enda eru það fullorðna fólkið sem oftast kaupir þessi snjalltæki fyrir börnin sín og hjálpa þeim að búa til aðganga og svoleiðis.“ Hvað myndir þú gera ef snjallsímar væru bannaðir á morgun og allir samfélagsmiðlar. Hvernig myndu þín samskipti við félaga breytast? „Ég myndi persónulega ekki kvarta. Ég yrði virkilega, virkilega sátt held ég,“ segir Kamilla. Símabann í skólum og aldurstakmark á samfélagsmiðlum verður til umræðu í Torginu sem er á dagskrá RÚV í kvöld klukkan 19:45.
Hanna Katrín Friðriksson atvinnuvegaráðherra segir að breytingar í Reynisfjöru kalli á viðbrögð, en liður í því sé breytt forgangsröðun við úthlutun úr Framkvæmdasjóði ferðamannastaða, þar sem öryggið sé sett á oddinn.
Gæsluvarðhald hefur verið framlengt yfir grískum karlmanni sem grunaður er um að hafa ráðið portúgölskum manni bana á Skjólbraut í Kópavogi í nóvember.
Gæsluvarðhald hefur verið framlengt yfir grískum karlmanni sem grunaður er um að hafa ráðið portúgölskum manni bana á Skjólbraut í Kópavogi í nóvember.
/frimg/1/63/14/1631428.jpg)
Sænski knattspyrnumaðurinn Albin Mörfelt er genginn í raðir Vestra.
„Reynisfjara er eins og margir aðrir áfangastaðir í einkaeigu þannig að það þarf samstarf opinberra aðila og einkaaðila til að tryggja öryggi ferðamanna,“ segir Hanna Katrín Friðriksson atvinnuvegaráðherra þegar hún er beðin um viðbrögð við öryggismálum í fjörunni frægu. Ráðherrann segir frumvarp í undirbúningi sem lagt verður fram næsta haust og lýtur að öryggi á ferðamannastöðum. Hún segir það úrslitakost að hreinlega verði lokað fyrir aðgengi að Reynisfjöru þegar talið sé að hætta vofi yfir – en það verði að gera í samtali við landeigendur. „Ferðamenn þurfa náttúrulega líka að átta sig á því að náttúran okkar er óútreiknanleg og það er sú staðreynd sem gerir hana bæði svo dásamlega en hættulega. Þannig við verðum að halda áfram með upplýsingagjöf, búa til þennan styrka ramma og halda áfram að byggja upp Ísland sem eftirsóknarverðan og öruggan áfangastað.“ Atvinnuvegaráðherra boðar frumvarp í haust sem ætlað er að bæta öryggi á áfangastöðum ferðamanna. Hún segir ferðamenn taka upplýsingagjöf með mjög ólíkum hætti – sumir hlusti en aðrir hunsi. „Sumir taka þetta til sín og aðrir rekast í skiltin á leiðinni fram hjá“ Hanna Katrín bendir á að nýlegt landbrot í Reynisfjöru hafi verið nálægt upplýsingaskiltum sem þar eru. Hlutaðeigandi séu vitanlega að skoða þessi mál. „Við erum bara að vinna þetta eins og staðan er núna. Við erum að upplifa að það eru öll brögð á því hvernig ferðamenn taka svona upplýsingagjöf. Sumir taka þetta til sín og aðrir rekast í skiltin á leiðinni fram hjá.“ Það verði að halda áfram að finna leiðir til að koma upplýsingum til þeirra sem eigi leið um fjöruna. Mögulega sé hægt að nota tækni með nýjum hætti, til dæmis í formi skilaboða sem berist í síma. „Úrslitakosturinn er auðvitað bara að loka aðgenginu með harkalegri aðgerðum en nú er gert, þegar hætta er talin vofa yfir,“ segir Hanna Katrín. Það verður þó ekki gert nema í samvinnu við landeigendur.
Vísir 
Fréttastofa RÚV 
Mbl 
DV